ᠵᠤᠬᠢᠶᠠᠭᠴᠢ:
ᠴᠠᠭ:2025-06-25
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠰᠢᠯᠢ ᠵᠢᠨ ᠭᠤᠤᠯ ᠳᠤ 《ᠰᠦᠨ ᠨᠠᠭᠤᠷ》 ᠤᠨ ᠬᠠᠴᠢᠨ ᠭᠠᠢ᠌ᠬᠠᠮᠰᠢᠭᠳᠣ ᠦᠵᠡᠮᠵᠢ ᠢᠯᠡᠷᠡᠯᠡ
ᠰᠢᠯᠢ ᠵᠢᠨ ᠭᠣᠣᠯ ᠠᠢᠮᠠᠭ ᠤᠨ ᠲᠠᠢᠫᠦᠰᠸ ᠬᠤᠰᠢᠭᠤᠨ ᠳᠤ 《ᠰᠦᠨ ᠨᠠᠭᠤᠷ》 ᠤᠨ ᠭᠣᠢ᠌ᠳᠠ ᠰᠠᠢ᠌ᠬᠠᠨ ᠦᠵᠡᠮᠵᠢ ᠢᠯᠡᠷᠡᠯᠡ ᠃ ᠣᠢ᠌ᠷᠠ ᠵᠢᠨ ᠡᠳᠦᠷ᠂ ᠪᠠᠶᠠᠨᠴᠠᠭᠠᠨ ᠨᠠᠭᠤᠷ ᠤᠨ ᠡᠨᠡ ᠬᠦ ᠬᠠᠴᠢᠨ ᠭᠠᠢ᠌ᠬᠠᠮᠰᠢᠭᠳᠣ ᠦᠵᠡᠮᠵᠢ ᠨᠢ ᠪᠦᠬᠦ ᠤᠯᠤᠰ ᠤᠨ ᠡᠯᠡ ᠭᠠᠵᠠᠷ ᠤᠨ ᠵᠤᠭᠠᠴᠠᠭᠰᠠᠳ ᠤᠨ ᠠᠩᠬᠠᠷᠣᠯ ᠢ ᠳᠠᠳᠠᠵᠣ᠂ ᠦᠵᠡᠭᠰᠡᠨ ᠪᠦᠬᠦᠨ ᠤ ᠬᠠᠷᠠᠭᠠ ᠵᠢ ᠪᠠᠶᠠᠰᠬᠠᠨ᠂ ᠰᠣᠨᠢᠭᠣᠴᠢ ᠰᠡᠳᠬᠢᠯ ᠢ ᠨᠢ ᠰᠡᠷᠭᠦᠭᠡᠨᠡ ᠃
ᠪᠠᠶᠠᠨᠴᠠᠭᠠᠨ ᠨᠠᠭᠣᠷ ᠨᠢ ᠲᠠᠢᠫᠦᠰᠸ ᠬᠤᠰᠢᠭᠤᠨ ᠤ ᠬᠦᠨᠪᠤᠯᠠᠭ ᠰᠤᠮᠤᠨ ᠤ ᠦᠴᠢ ᠤᠪᠤᠭᠠᠨ ᠤ ᠣᠢ᠌ᠷᠠᠯᠴᠠᠭᠠ ᠪᠠᠢ᠌ᠵᠣ᠂ ᠣᠰᠣ ᠨᠢ ᠰᠦᠨ ᠴᠠᠭᠠᠨ ᠦᠩᠭᠡ ᠲᠠᠢ᠂ ᠶᠠᠭ ᠯᠡ ᠦᠨᠢᠶᠡᠨ ᠰᠦ ᠰᠢᠭ ᠬᠠᠷᠠᠭᠳᠠᠨ᠂ ᠦᠷᠭᠡᠨ ᠠᠭᠣᠳᠠᠮ ᠬᠦᠨᠪᠤᠯᠠᠭ ᠤᠨ ᠲᠠᠯᠠ ᠨᠣᠳᠣᠭ ᠤᠨ ᠲᠣᠮᠳᠠ ᠪᠠᠰᠠ ᠨᠢᠭᠡᠨ ᠤᠨᠴᠠᠭᠠᠢ ᠦᠩᠭᠡ ᠦᠵᠡᠮᠵᠢ ᠨᠡᠮᠡᠷᠢᠯᠡᠨᠡ ᠃
ᠤᠢᠯᠠᠭᠠᠭᠰᠠᠨ ᠵᠶ᠋ᠠᠷ ᠲᠣᠰ ᠨᠠᠭᠣᠷ ᠨᠢ ᠬᠣᠵᠢᠷᠯᠢᠭ ᠨᠠᠭᠤᠷ ᠪᠠᠢ᠌ᠵᠣ᠂ ᠣᠯᠠᠨ ᠤᠳᠠᠭᠠᠨ ᠤ ᠭᠠᠯᠳᠣ ᠠᠭᠣᠯᠡ ᠵᠢᠨ ᠠᠵᠢᠯᠯᠠᠭᠠ ᠪᠠ ᠭᠠᠵᠠᠷ ᠤᠨ ᠭᠠᠳᠠᠷᠭᠣ ᠵᠢᠨ ᠬᠣᠪᠢᠷᠠᠯᠳᠠ ᠡᠴᠡ ᠪᠣᠯᠵᠣ᠂ ᠨᠠᠭᠤᠷ ᠤᠨ ᠢᠷᠤᠭᠠᠷ ᠲᠤ ᠨᠠᠭᠦᠷᠠᠰᠣᠬᠦ᠋ᠴᠢᠯ ᠤᠨ ᠺᠠᠯᠼ ᠪᠠ ᠡᠷᠦᠳᠡᠰᠣ ᠪᠣᠳᠠᠰ ᠲᠣᠨᠣᠵᠣ ᠨᠠᠭᠤᠷ ᠤᠨ ᠣᠰᠣ ᠲᠣᠯᠭᠢᠶᠠᠯᠠᠬᠣ ᠵᠢ ᠳᠠᠭᠠᠯᠳᠤᠨ ᠡᠳᠡᠭᠡᠷ ᠡᠷᠦᠳᠡᠰᠣ ᠪᠣᠳᠠᠰ ᠨᠢ ᠬᠦᠪᠦᠵᠣ᠂ ᠨᠠᠭᠤᠷ ᠤᠨ ᠣᠰᠣ ᠰᠦᠨ ᠴᠠᠭᠠᠨ ᠦᠩᠭᠡ ᠲᠠᠢ ᠬᠠᠷᠠᠭᠳᠠᠬᠣ ᠪᠣᠯᠣᠭᠰᠠᠨ ᠪᠠᠢ᠌ᠨᠠ ᠃
ᠬᠣᠳᠠ ᠵᠢᠨ ᠳᠡᠪᠵᠢᠶᠡᠨ ᠡᠴᠡ ᠵᠠᠢ᠌ᠯᠠᠵᠣ᠂ ᠡᠬᠡ ᠪᠠᠢᠭᠠᠯᠢ ᠵᠢᠨ ᠰᠣᠳᠣᠨ ᠰᠠᠢ᠌ᠬᠠᠨ ᠢ ᠪᠠᠬᠠᠳᠤᠨ ᠰᠣᠨᠢᠷᠬᠠᠬᠣ ᠪᠣᠶᠣ ᠨᠠᠢ᠌ᠵᠠ ᠵᠢᠨ ᠲᠣᠭᠣᠷᠢᠭ ᠲᠤ ᠪᠠᠨ ᠵᠢᠷᠣᠭ ᠠᠪᠴᠦ ᠲᠤᠷᠠᠰᠬᠠᠯ ᠦᠯᠡᠳᠡᠭᠡᠬᠦ ᠳᠤ ᠡᠨᠡ ᠬᠦ ᠦᠵᠡᠮᠵᠢ ᠨᠢ ᠮᠠᠰᠢ ᠳᠣᠬᠢᠷᠠᠬᠣ ᠶᠣᠮ᠃ 6 ᠳ᠋ᠤᠭᠠᠷ ᠰᠠᠷᠠ ᠡᠴᠡ 8 ᠳ᠋ᠤᠭᠠᠷ ᠰᠠᠷᠠ ᠵᠢᠨ ᠰᠡᠭᠦᠯᠴᠢ ᠪᠣᠯᠳᠠᠯᠠ ᠬᠠᠮᠣᠭ ᠰᠠᠢ᠌ᠬᠠᠨ ᠠᠶᠠᠯᠠᠨ ᠵᠤᠭᠠᠴᠠᠬᠤ ᠣᠯᠠᠷᠢᠯ ᠪᠠᠢ᠌ᠵᠣ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠦᠩ ᠰᠢᠮᠡᠯᠢᠭ ᠪᠦᠭᠡᠳ ᠨᠠᠭᠣᠷ ᠤᠨ ᠣᠰᠣ ᠨᠢ ᠪᠤᠷᠤᠭᠠᠨ ᠡᠯᠪᠡᠭᠰᠢᠬᠦ ᠪᠠ ᠣᠢ᠌ᠷᠠ ᠬᠠᠪᠢ ᠪᠠᠷ ᠨᠢ ᠮᠠᠯ ᠰᠦᠷᠦᠭ ᠪᠡᠯᠴᠢᠬᠦ ᠡᠴᠡ ᠪᠣᠯᠵᠣ᠂ ᠣᠯᠠᠮ ᠢᠯᠡᠭᠦᠣ ᠰᠦᠨ ᠴᠠᠭᠠᠨ ᠦᠩᠭᠡ ᠲᠠᠢ ᠬᠠᠷᠠᠭᠳᠠᠨᠠ᠃
