ᠵᠤᠬᠢᠶᠠᠭᠴᠢ:
ᠴᠠᠭ:2024-08-30
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠣᠷᠣᠨ ᠨᠤᠲᠤᠭ ᠤᠨ ᠣᠶᠢᠯᠠᠯᠭᠠ
ᠯᠢᠦ ᠪᠥᠸ᠋ᠸ ᠴᠸᠩ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠶᠡᠬᠡ ᠴᠡᠷᠢᠭ ᠳ᠋ᠠ ᠪᠢᠶᠧ ᠱᠠᠨ ᠣᠷᠣᠨᠳ᠋ᠤ᠌
1947 ᠣᠨ 8 ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ 27 ᠤ ᠡᠳᠦᠷ ᠂ ᠯᠢᠦ ᠪᠥᠸ᠋ᠸ ᠴᠸᠩ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠬᠡᠭᠡᠷᠡᠯᠡᠨ ᠴᠡᠷᠢᠭ ᠪᠦᠬᠦᠨ ᠬᠤᠸᠠᠢ ᠾᠧ ᠭᠣᠣᠯ ᠭᠠᠲᠤᠯᠵᠤ ᠂ ᠪᠢᠶᠧ ᠱᠠᠨ ᠠᠭᠤᠯᠠᠨ ᠬᠣᠷᠮᠣᠢ ᠶ᠋ᠢᠨ ᠶᠠᠨ ᠴᠤᠸᠠᠨ ᠭᠦ᠋ ᠱᠢ ᠵᠡᠷᠭᠡ ᠭᠠᠵᠠᠷ ᠣᠷᠣᠵᠤ ᠮᠢᠩᠭᠠᠨ ᠭᠠᠵᠠᠷ ᠦᠰᠦᠷᠦᠩᠭᠦᠢ ᠳᠠᠪᠰᠢᠬᠤ ᠲᠥᠯᠥᠪᠯᠡᠭᠡ ᠪᠡᠨ ᠪᠡᠶᠡᠯᠡᠭᠦᠯᠵᠡᠢ ᠃ ᠰᠠᠷᠠ ᠶ᠋ᠢᠨ ᠡᠬᠢ ᠪᠡᠷ ᠵᠢᠶᠠᠩ ᠵᠢᠶᠧ ᠱᠢ ᠱᠠᠨᠳᠦ᠋ᠩ 18 ᠪᠠᠷᠢᠭᠠᠳᠠ ᠰᠢᠯᠵᠢᠭᠦᠯᠦᠨ ᠴᠤᠭᠯᠠᠭᠤᠯᠵᠤ ᠯᠢᠦ ᠪᠥᠸ᠋ᠸ ᠴᠸᠩ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠬᠡᠭᠡᠷᠡᠯᠡᠨ ᠢ ᠬᠠᠮᠲᠤᠷᠠᠨ ᠴᠣᠬᠢᠭᠰᠠᠨ ᠳᠤ ᠂ ᠯᠢᠦ ᠪᠦᠸᠧ ᠴᠧᠩ ᠂ ᠳ᠋ᠧᠩ ᠰᠢᠶᠣᠤ ᠫᠢᠩ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠤᠷᠢᠳᠴᠢᠯᠠᠨ ᠴᠡᠭᠴᠡᠯᠡᠵᠦ ᠂ ᠳᠠᠯᠳᠠᠭᠤᠷ ᠡᠮᠦᠨᠡᠰᠢ ᠣᠷᠣᠵᠠᠢ ᠃ 7 ᠡᠳᠦᠷ ᠰᠢᠷᠠ ᠪᠦᠷᠦᠢ ᠂ ᠯᠢᠦ ᠂ ᠳ᠋ᠧᠩ ᠰᠢᠶᠣᠤ ᠫᠢᠩ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠴᠤᠪᠤᠭᠠ ᠠᠩᠭᠢ ᠪᠠ ᠣᠷᠣᠨ ᠨᠤᠲᠤᠭ ᠵᠡᠪᠰᠡᠭᠲᠦ ᠬᠦᠴᠦᠨ ᠬᠠᠲᠤᠨ ᠭᠣᠣᠯ ᠭᠠᠷᠠᠮ ᠳᠠᠭᠠᠷᠢᠨ ᠬᠠᠭᠤᠷᠮᠠᠭ ᠡᠭᠦᠰᠬᠡᠵᠦ ᠂ ᠳᠠᠬᠢᠨ ᠳᠣᠷᠣᠨᠠᠲᠤ ᠣᠷᠣᠨ ᠬᠡᠭᠡᠷᠡᠯᠡᠨ ᠤᠨ 5 ᠴᠤᠪᠤᠭᠠ ᠠᠩᠭᠢ ᠪᠠᠷ ᠱᠠᠨᠳᠦ᠋ᠩ ᠤᠨ ᠳᠤᠮᠳᠠ ᠬᠡᠰᠡᠭ ᠡᠴᠡ ᠡᠭᠡᠵᠦ ᠲᠤᠰᠠᠯᠠᠭᠰᠠᠨ ᠭᠣᠮᠢᠨᠳᠠᠩ ᠴᠡᠭᠴᠡᠯᠡᠨ ᠯᠤᠭᠰᠠᠨ ᠲᠠᠪᠤᠳᠤᠭᠠᠷ ᠳ᠋ᠢᠸᠢᠽᠢ ᠵᠡᠷᠭᠡ ᠴᠡᠷᠢᠭ ᠠᠩᠭᠢ ᠶ᠋ᠢ ᠬᠣᠷᠢᠭᠯᠠᠭᠤᠯᠵᠦ ᠂ ᠯᠢᠦ ᠪᠥᠸ᠋ᠸ ᠴᠸᠩ ᠂ ᠳ᠋ᠧᠩ ᠰᠢᠶᠤᠤ ᠫᠢᠩ ᠭᠣᠣᠯ ᠬᠦᠴᠦᠨ ᠪᠣᠯᠬᠤ 4 ᠴᠤᠪᠤᠭᠠ ᠠᠩᠭᠢ ᠪᠠᠨ ᠳᠠᠭᠠᠭᠤᠯᠤᠨ ᠵᠢᠦᠢ ᠶᠧ ᠂ ᠲᠢᠩ ᠲᠤᠤ ᠶᠢᠨ ᠬᠣᠭᠣᠷᠣᠨᠳᠤᠭᠤᠷ ᠪᠦᠰᠡᠯᠡᠯᠲᠡᠶ᠋ᠢᠨ ᠬᠦᠷᠢᠶᠡᠨ ᠡᠴᠡ ᠤᠬᠤᠷᠢᠨ ᠭᠠᠷᠴᠤ ᠡᠮᠦᠨᠡᠰᠢ ᠣᠷᠣᠪᠠ ᠃ 11 ᠡᠳᠦᠷ ᠂ ᠯᠢᠦ ᠪᠥᠸ᠋ᠸ ᠴᠸᠩ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠬᠡᠭᠡᠷᠡᠯᠡᠨ ᠴᠡᠷᠢᠭ ᠢᠦᠢ ᠴᠧᠩ ᠬᠣᠲᠠ ᠯᠦᠩ ᠬᠠᠢ ᠵᠠᠮ ᠭᠠᠲᠤᠯᠤᠨ ᠪᠢᠶᠧ ᠱᠠᠨ ᠠᠭᠤᠯᠠ ᠶ᠋ᠢ ᠮᠢᠩᠭᠠᠨ ᠭᠠᠵᠠᠷ ᠳᠡᠪᠰᠢᠨ ᠣᠷᠣᠪᠠ ᠃ ᠵᠢᠶᠠᠩ ᠵᠢᠶᠧ ᠱᠢ 20 ᠪᠠᠷᠢᠭᠠᠳᠠ ᠶ᠋ᠢᠨ ᠬᠦᠴᠦᠨ ᠲᠦᠷᠭᠡᠨ ᠴᠤᠭᠯᠠᠭᠤᠯᠵᠤ ᠵᠠᠮ ᠬᠤᠪᠢᠶᠠᠨ ᠨᠡᠬᠡᠮᠵᠢᠯᠡᠨ ᠬᠥᠭᠡᠭᠡᠵᠦ ᠂ ᠯᠢᠦ ᠪᠥᠸ᠋ᠸ ᠴᠸᠩ᠂ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠬᠡᠭᠡᠷᠡᠯᠡᠨ ᠢ ᠬᠠᠲᠤᠨ ᠭᠣᠣᠯ ᠤᠨ ᠲᠡᠯᠡᠷᠡᠭᠰᠡᠨ ᠣᠷᠣᠨ ᠪᠦᠰᠡᠯᠡᠨ ᠰᠥᠨᠥᠭᠡᠬᠦ ᠃ ᠬᠠᠲᠤᠨ ᠭᠣᠣᠯ ᠤᠨ ᠲᠡᠯᠡᠷᠡᠭᠰᠡᠨ ᠣᠷᠣᠨ 20 ᠭᠠᠷᠤᠢ ᠺᠢᠯᠣᠮᠧᠲ᠋ᠷ ᠥᠷᠭᠡᠨ ᠂ ᠭᠠᠵᠠᠷ ᠪᠣᠯᠭᠠᠨ ᠰᠢᠪᠡᠷ ᠬᠤᠷᠠᠵᠤ ᠂ ᠬᠤᠷᠠᠭᠰᠠᠨ ᠤᠰᠤ ᠡᠪᠦᠳᠦᠭ ᠲᠤᠯᠵᠤ᠂ ᠭᠦᠨ ᠭᠠᠵᠠᠷ ᠤᠨ ᠬᠢᠨᠢ ᠬᠦᠢᠰᠦᠨ ᠳᠦ ᠬᠦᠷᠴᠦ ᠪᠠᠶᠢᠪᠠ ᠃
17 ᠡᠳᠦᠷ ᠂ ᠯᠢᠦ ᠪᠥᠸ᠋ᠸ ᠴᠸᠩ ᠳ᠋ᠧᠩ ᠰᠢᠶᠤᠤ ᠫᠢᠩ ᠦᠨ ᠬᠡᠭᠡᠷᠡᠯᠡᠨ ᠴᠡᠷᠢᠭ ᠬᠠᠲᠤᠨ ᠭᠣᠣᠯ ᠤᠨ ᠲᠡᠯᠡᠷᠡᠭᠰᠡᠨ ᠣᠷᠣᠨ ᠪᠡᠷᠬᠡ ᠬᠠᠲᠠᠭᠤᠵᠢᠯᠲᠠᠢ ᠪᠠᠷ ᠲᠤᠭᠤᠯᠪᠠ᠃ 18 ᠡᠳᠦᠷ ᠂ ᠪᠠᠰᠠ ᠱᠠ ᠾᠧ ᠭᠣᠣᠯ ᠭᠠᠲᠤᠯᠪᠠ᠃ 24 ᠰᠥᠨᠢ ᠂ ᠵᠢᠷᠭᠤᠳᠤᠭᠠᠷ ᠴᠤᠪᠤᠭᠠ ᠠᠩᠭᠢ ᠶ᠋ᠢᠨ ᠨᠢᠭᠡ ᠬᠡᠰᠡᠭ ᠨᠢ ᠫᠤᠤ ᠶ᠋ᠢᠨ ᠭᠠᠯ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠷᠦ ᠾᠧ ᠭᠣᠣᠯ ᠢ ᠭᠠᠲᠤᠯᠵᠤ᠂ ᠷᠦ ᠾᠧ ᠭᠣᠣᠯ ᠡᠮᠦᠨᠡᠲᠦ ᠡᠷᠭᠢ ᠶ᠋ᠢᠨ ᠪᠤᠲᠠ ᠴᠣᠬᠢᠵᠤ᠂ ᠴᠤᠪᠤᠭᠠ ᠠᠩᠭᠢ ᠶ᠋ᠢᠨ ᠭᠣᠣᠯ ᠬᠦᠴᠦᠨ ᠵᠢᠴᠢ ᠳᠤᠮᠳᠠᠳᠤ ᠣᠷᠣᠨ ᠲᠣᠪᠴᠢᠶᠠ ᠂ ᠬᠡᠭᠡᠷᠡᠯᠡᠨ ᠤᠨ ᠰᠢᠭᠤᠳ ᠬᠠᠷᠢᠶᠠ ᠠᠩᠭᠢ ᠶ᠋ᠢᠨ ᠭᠣᠣᠯ ᠭᠠᠲᠤᠯᠬᠤ ᠶᠢ ᠬᠠᠮᠠᠭᠠᠯᠠᠭᠰᠠᠨ ᠃
