ᠵᠤᠬᠢᠶᠠᠭᠴᠢ:
ᠴᠠᠭ:2020-11-19
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠦᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠶᠤᠰᠤ
ᠦᠮᠴᠢ ᠬᠦᠷᠦᠩᠭᠡ ᠪᠤᠯ ᠭᠡᠷ ᠪᠦᠯᠢ ᠶᠢᠨ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢ᠂ ᠬᠦᠭᠵᠢᠯ ᠪᠠᠳᠠᠷᠠᠯ ᠤᠨ ᠬᠢᠨᠢ ᠠᠮᠢᠨ ᠰᠤᠳᠠᠰᠤ ᠮᠦᠨ᠃ ᠡᠶᠢᠮᠦ ᠠᠴᠠ ᠭᠡᠷ ᠪᠦᠯᠢ ᠶᠢᠨ ᠦᠮᠴᠢ ᠬᠦᠷᠦᠩᠭᠡ ᠨᠢ ᠭᠡᠷ ᠪᠦᠯᠢ ᠶᠢᠨ ᠭᠡᠰᠢᠬᠦᠳ ᠤᠨ ᠠᠵᠤ ᠠᠮᠢᠳᠤᠷᠠᠯ᠂ ᠦᠢᠯᠡᠳᠪᠦᠷᠢᠯᠡᠯ ᠭᠡᠷᠡᠭᠴᠡᠭᠡᠨ ᠤ ᠬᠠᠷᠢᠴᠠᠭᠠ ᠶᠢ ᠪᠠᠳᠤᠯᠠᠵᠤ᠂ ᠭᠡᠷ ᠪᠦᠯᠢ ᠶᠢᠨ ᠴᠤᠭᠴᠠᠰ ᠤᠨ ᠨᠡᠶᠢᠯᠡᠯ ᠵᠠᠳᠠᠷᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠴᠢᠬᠤᠯᠠ ᠡᠯᠧᠮᠧᠨ᠋ᠲ ᠪᠤᠯᠳᠠᠭ᠃
ᠮᠤᠩᠭᠤᠯᠴᠤᠳ ᠤᠨ ᠦᠮᠴᠢ ᠵᠠᠯᠭᠠᠮᠵᠢᠯᠠᠬᠤ᠂ ᠦᠪ ᠬᠦᠷᠦᠩᠭᠡ ᠦᠪᠯᠡᠬᠦ ᠨᠢ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯ ᠲᠠᠢ ᠪᠦᠭᠡᠳ ᠲᠤᠭᠳᠠᠭᠰᠠᠨ ᠶᠤᠰᠤ ᠭᠤᠷᠢᠮ ᠲᠠᠢ ᠶᠠᠪᠤᠭᠳᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠡᠨᠡ ᠲᠤᠬᠠᠢ ᠴᠢᠩᠬᠢᠰ ᠤᠨ ᠶᠡᠭᠡ ᠵᠠᠰᠠᠭ ᠵᠡᠷᠭᠡ ᠮᠤᠩᠭᠤᠯ ᠬᠠᠤᠯᠢ ᠲᠦᠷᠢᠮ ᠤᠨ ᠪᠢᠴᠢᠭ ᠤᠳ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠶᠢᠨ ᠬᠠᠮᠳᠦ᠂ ᠲᠡᠦᠭᠡᠨ ᠬᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠠᠬᠢ ᠪᠤᠳᠠᠳᠦ ᠪᠠᠶᠢᠳᠠᠯ ᠢ ᠨᠢ ᠲᠤᠳᠤᠷᠬᠠᠢᠢᠯᠠᠭᠰᠠᠨ ᠰᠤᠷᠪᠤᠯᠵᠢ ᠰᠤᠳᠤᠯᠥᠯ ᠤᠨ ᠪᠦᠳᠦᠭᠡᠯ ᠤᠳ ᠲᠤ ᠴᠦ ᠠᠵᠢᠭᠯᠠᠭᠳᠠᠵᠤ ᠪᠠᠶᠢᠨᠠ᠃ ᠲᠤᠬᠠᠢᠢᠯᠠᠪᠠᠯ᠂ ᠭᠡᠷᠪᠡ ᠡᠴᠢᠭᠡ ᠶᠢᠨ ᠦᠮᠴᠢ ᠬᠦᠷᠦᠩᠭᠡ ᠶᠢ ᠠᠬᠠ ᠲᠡᠭᠦᠦ ᠵᠠᠭᠤᠷᠠ ᠪᠠᠨ ᠬᠤᠪᠢᠶᠠᠵᠤ ᠠᠪᠬᠤ ᠴᠠᠭ᠂ ᠠᠬᠠᠮᠠᠳ ᠭᠤᠤᠯ ᠬᠠᠭᠠᠰ ᠢ ᠠᠪᠤᠮᠤᠢ᠂ ᠪᠤᠰᠤ ᠪᠠᠶᠢᠬᠤ ᠲᠡᠬᠦᠦᠨᠡᠷ ᠬᠠᠭᠠᠰ ᠬᠦᠷᠦᠩᠭᠡ ᠶᠢ ᠠᠳᠠᠯᠢ ᠬᠤᠪᠢᠶᠠᠬᠤ ᠶᠤᠰᠤ ᠲᠠᠢ᠃ ᠭᠡᠷᠪᠡ ᠠᠬᠠ ᠲᠡᠭᠦᠦ ᠨᠡᠷ ᠤᠯᠠᠨ ᠪᠤᠯᠪᠠᠰᠤ ᠠᠬᠠᠮᠠᠳ᠂ ᠤᠳᠬᠤᠨ ᠬᠤᠶᠠᠭᠤᠯᠠ ᠭᠤᠤᠯ ᠬᠠᠭᠠᠰ ᠢ ᠠᠪᠴᠤ᠂ ᠦᠯᠡᠳᠡᠭᠰᠡᠨ ᠬᠦᠷᠦᠩᠭᠡ ᠶᠢ ᠪᠤᠰᠤ ᠲᠡᠭᠦᠦ ᠨᠡᠷ ᠠᠳᠠᠯᠢ ᠬᠤᠪᠢᠶᠠᠵᠤ ᠠᠪᠤᠮᠤᠢ᠃ ᠡᠰᠡ ᠪᠦᠭᠡᠰᠦ ᠠᠬᠠᠮᠠᠳ ᠪᠤᠶᠤ ᠤᠳᠬᠤᠨ ᠬᠤᠶᠠᠷ ᠶᠠᠭᠠᠬᠢᠪᠠᠴᠤ ᠭᠤᠤᠯ ᠨᠤᠳᠤᠭ ᠢ ᠡᠵᠡᠯᠡᠮᠦᠢ ᠭᠡᠵᠦ ᠯᠤᠪᠰᠠᠩᠴᠦ᠋ᠢᠳᠠᠨ ᠲᠡᠮᠳᠡᠭᠯᠡᠭᠰᠡᠨ ᠶᠤᠮ᠃
ᠬᠠᠯᠬᠠᠴᠤᠳ ᠤᠨ ᠲᠤᠮᠳᠠ ᠤᠯᠠᠮᠵᠢᠯᠠᠨ ᠢᠷᠡᠭᠰᠡᠨ ᠦᠮᠴᠢ ᠬᠦᠷᠦᠩᠭᠡ ᠦᠪᠯᠡᠬᠦ ᠶᠤᠰᠤ ᠵᠠᠩᠰᠢᠯ ᠨᠢ ᠨᠡᠩ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠵᠠᠢ᠃ ᠡᠷᠦᠭᠡ ᠭᠡᠷ ᠤᠨ ᠲᠡᠷᠢᠭᠦᠯᠡᠭᠴᠢ ᠡᠴᠢᠭᠡ ᠨᠢ ᠪᠦᠬᠦ ᠦᠪ ᠬᠦᠷᠦᠩᠭᠡ ᠶᠢᠨ ᠡᠵᠡᠨ ᠪᠤᠯᠬᠤ ᠪᠦᠭᠡᠳ ᠡᠴᠢᠭᠡ ᠪᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠤᠤᠭᠠᠨ ᠬᠦᠪᠡᠭᠦᠨ ᠲᠡᠷᠡ ᠡᠷᠦᠭᠡ ᠭᠡᠷ ᠤᠨ ᠦᠪ ᠬᠦᠷᠦᠩᠭᠡ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠡᠷᠭᠡ ᠲᠠᠢ ᠭᠤᠤᠯ ᠬᠦᠮᠦᠨ ᠪᠤᠯᠳᠠᠭ ᠶᠤᠰᠤ ᠲᠠᠢ ᠪᠠᠶᠢᠪᠠ᠃ ᠲᠡᠶᠢᠮᠦ ᠠᠴᠠ ᠡᠴᠢᠭᠡ ᠶᠢᠨ ᠦᠪ ᠬᠦᠷᠦᠩᠭᠡ ᠶᠢᠨ ᠲᠠᠩ ᠬᠠᠭᠠᠰ ᠨᠢ ᠤᠤᠭᠠᠨ ᠬᠦᠦ ᠳᠤ ᠢᠷᠡᠵᠦ᠂ ᠦᠯᠡᠳᠡᠭᠰᠡᠨ ᠬᠠᠭᠠᠰ ᠢ ᠪᠤᠰᠤᠳ ᠦᠷᠡ ᠭᠡᠦᠭᠡᠳ ᠤᠳ ᠬᠤᠪᠢᠶᠠᠵᠤ ᠠᠪᠳᠠᠭ ᠪᠠᠶᠢᠵᠠᠢ᠃
ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠦ ᠶᠤᠰᠤ ᠵᠠᠩᠰᠢᠯ ᠳᠤ ᠪᠠᠰᠠ ᠡᠴᠢᠭᠡ ᠡᠭᠡ ᠨᠢ ᠤᠳᠬᠤᠨ ᠬᠦᠦ ᠲᠠᠢ ᠪᠠᠨ ᠬᠠᠮᠳᠦ ᠠᠮᠢᠳᠤᠷᠠᠵᠤ᠂ ᠤᠳᠬᠤᠨ ᠬᠦᠦ ᠳᠤ ᠪᠠᠨ ᠦᠮᠴᠢ ᠬᠦᠷᠦᠩᠭᠡ ᠪᠠᠨ ᠢᠯᠡᠭᠦᠦ ᠦᠭᠳᠡᠭ ᠪᠠᠶᠢᠪᠠ᠃ ᠮᠤᠩᠭᠤᠯᠴᠤᠳ ᠤᠳᠬᠤᠨ ᠬᠦᠦ ᠪᠠᠨ ᠡᠵᠡᠨ ᠭᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠪᠠ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠲᠡᠷᠡ ᠨᠢ ᠭᠡᠷ ᠲᠤ ᠪᠠᠨ ᠦᠯᠡᠳᠡᠵᠦ᠂ ᠭᠡᠷ ᠤᠨ ᠦᠮᠴᠢ ᠬᠦᠷᠦᠩᠭᠡ ᠪᠡ ᠭᠡᠷ ᠤᠨ ᠠᠵᠢᠯ ᠡᠬᠦᠷᠭᠡ ᠪᠠᠨ ᠬᠠᠮᠢᠶᠠᠷᠳᠠᠭ ᠲᠤᠬᠠᠢ ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠤᠳᠬᠤᠨ ᠬᠦᠦ ᠨᠢ ᠡᠷᠦᠭᠡ ᠭᠡᠷ ᠤᠨ ᠭᠠᠯ ᠭᠤᠯᠤᠮᠳᠠ᠂ ᠪᠤᠷᠬᠠᠨ ᠰᠢᠳᠦᠭᠡᠨ ᠢ ᠤᠯᠠᠮᠵᠢᠯᠠᠳᠠᠭ ᠠᠴᠠ ᠭᠠᠳᠠᠨᠠ᠂ ᠦᠪ ᠬᠦᠷᠦᠩᠭᠡ ᠶᠢ ᠨᠢ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠬᠤ ᠶᠤᠰᠤ ᠲᠠᠢ ᠪᠠᠶᠢᠪᠠ᠃
ᠡᠳᠡᠭᠡᠷ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ᠂ ᠮᠤᠩᠭᠤᠯᠴᠤᠳ ᠤᠨ ᠦᠪ ᠬᠦᠷᠦᠩᠭᠡ ᠵᠠᠯᠭᠠᠮᠵᠢᠯᠠᠬᠤ ᠨᠢ ᠤᠤᠭᠠᠨ ᠬᠦᠦ᠂ ᠤᠳᠬᠤᠨ ᠬᠦᠦ ᠪᠠᠷ ᠭᠤᠤᠯᠯᠠᠵᠤ ᠡᠬᠦᠰᠴᠦ ᠬᠦᠭᠵᠢᠬᠦ ᠳᠤ ᠪᠠᠨ ᠤᠤᠭᠠᠨ ᠬᠦᠦ ᠦᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠨᠢ ᠨᠡᠯᠢᠶᠡᠳ ᠡᠷᠳᠡᠨ ᠤ ᠡᠴᠢᠭᠡ ᠶᠢᠨ ᠡᠷᠭᠡᠳᠦ ᠭᠡᠷ ᠪᠦᠯᠢ ᠶᠢᠨ ᠦᠮᠴᠢ ᠵᠠᠯᠭᠠᠮᠵᠢ ᠶᠢᠨ ᠭᠤᠤᠯ ᠭᠡᠯᠪᠡᠷᠢ ᠪᠠᠶᠢᠵᠤ᠂ ᠤᠳᠬᠤᠨ ᠬᠦᠦ ᠶᠢᠨ ᠦᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠨᠢ ᠭᠡᠷ ᠤᠨ ᠡᠵᠡᠨ ᠤ ᠲᠦᠷᠢᠮ ᠤᠨ ᠰᠤᠯᠠᠷᠠᠯ ᠤᠨ ᠦᠶᠡ ᠳᠤ ᠪᠤᠢ ᠪᠤᠯᠤᠭᠰᠠᠨ ᠭᠡᠯᠪᠡᠷᠢ ᠭᠡᠯᠳᠡᠢ᠃
ᠮᠤᠩᠭᠤᠯᠴᠤᠳ ᠤᠨ ᠭᠡᠷ ᠪᠦᠯᠢ ᠳᠤ ᠡᠷᠡᠭᠳᠡᠢ ᠬᠦᠮᠦᠨ ᠭᠤᠤᠯ ᠡᠵᠡᠨ ᠪᠤᠯᠬᠤᠷ᠂ ᠡᠴᠢᠭᠡ ᠶᠢᠨ ᠢᠶᠠᠨ ᠦᠪ ᠬᠦᠷᠦᠩᠭᠡ ᠶᠢ ᠬᠦᠦ ᠨᠢ ᠦᠪᠯᠡᠬᠦ ᠡᠷᠭᠡ ᠲᠠᠢ ᠪᠠᠶᠢᠳᠠᠭ᠃ ᠬᠠᠷᠢᠨ ᠡᠷᠡ ᠨᠦᠬᠦᠷ ᠨᠢ ᠨᠠᠰᠤ ᠪᠠᠷᠠᠭᠠᠳ᠂ ᠦᠪ ᠬᠦᠷᠦᠩᠭᠡ ᠦᠮᠴᠢᠯᠡᠬᠦ ᠦᠷᠡ ᠭᠡᠦᠭᠡᠳ ᠦᠭᠡᠢ ᠲᠤᠬᠢᠶᠠᠯᠳᠤᠯ ᠳᠤ ᠤᠭ ᠡᠷᠦᠭᠡ ᠶᠢᠨ ᠪᠦᠬᠦ ᠮᠠᠯ ᠬᠦᠷᠦᠩᠭᠡ ᠡᠭᠡᠨᠡᠷ ᠲᠤ ᠨᠢ ᠦᠯᠡᠳᠡᠳᠡᠭ ᠪᠠᠶᠢᠵᠠᠢ᠃ ᠦᠷᠡ ᠭᠡᠦᠭᠡᠳ ᠦᠭᠡᠢ ᠠᠶᠢᠯ᠂ ᠪᠤᠰᠤᠳ ᠠᠴᠠ ᠭᠡᠦᠭᠡᠳ ᠦᠷᠡᠴᠢᠯᠡᠨ ᠲᠡᠵᠢᠭᠡᠵᠦ᠂ ᠦᠪ ᠬᠦᠷᠦᠩᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠶᠠᠪᠤᠳᠠᠯ ᠲᠦᠭᠡᠮᠡᠯ ᠪᠠᠶᠢᠭᠰᠠᠨ ᠪᠠ ᠦᠪ ᠬᠦᠷᠦᠩᠭᠡ ᠪᠠᠨ ᠤᠢᠢᠷᠠ ᠲᠦᠷᠦᠯ ᠰᠠᠳᠤᠨ ᠳᠤ ᠪᠠᠨ ᠦᠭᠴᠦ ᠦᠪᠯᠡᠭᠦᠯᠳᠡᠭ᠃ ᠦᠪ ᠬᠦᠷᠦᠩᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠬᠦᠮᠦᠨ ᠦᠭᠡᠢ ᠪᠤᠯ ᠬᠠᠷᠢᠶᠠᠳᠦ ᠬᠤᠰᠢᠭᠤᠨ ᠠᠯᠪᠠᠨ ᠳᠤ ᠪᠠᠨ ᠪᠤᠶᠤ ᠰᠦᠮᠡ ᠭᠡᠶᠢᠳ ᠲᠤ ᠴᠦ ᠡᠷᠬᠦᠳᠡᠭ ᠪᠠᠶᠢᠵᠠᠢ᠃ ᠪᠠᠰᠠ ᠬᠦᠦ ᠦᠭᠡᠢ ᠬᠦᠮᠦᠨ ᠦᠬᠢᠨ ᠳᠤ ᠪᠠᠨ ᠬᠦᠴᠦᠨ ᠤ ᠬᠦᠷᠭᠡᠨ ᠠᠪᠴᠤ ᠬᠦᠷᠦᠩᠭᠡ ᠪᠠᠨ ᠦᠮᠴᠢᠯᠡᠭᠦᠯᠬᠦ᠂ ᠲᠡᠳᠠᠪᠤᠷᠢ ᠡᠭᠡᠨᠡᠷ ᠠᠴᠠ ᠲᠦᠷᠦᠭᠰᠨᠨ ᠭᠡᠦᠭᠡᠳ ᠬᠠᠤᠯᠢ ᠶᠤᠰᠤᠨ ᠳᠤ ᠲᠤᠭᠠᠴᠠᠭᠳᠠᠵᠤ ᠡᠴᠢᠭᠡ ᠶᠢᠨ ᠵᠢᠭᠠᠨ ᠲᠤᠭᠳᠠᠭᠠᠭᠰᠠᠨ ᠭᠡᠷ ᠬᠦᠷᠦᠩᠭᠡ ᠶᠢ ᠬᠤᠪᠢᠶᠠᠬᠤ ᠦᠶᠡ ᠳᠤ ᠬᠤᠪᠢ ᠠᠪᠬᠤ ᠡᠷᠭᠡ ᠲᠠᠢ᠃ ᠬᠦᠬᠦᠯᠳᠦ ᠡᠭᠡ ᠪᠤᠶᠤ ᠶᠠᠰᠤ ᠲᠦᠰᠢᠭᠰᠡᠨ ᠬᠦᠮᠦᠨ ᠳᠤ ᠦᠪ ᠬᠦᠷᠦᠩᠭᠡ ᠪᠠᠨ ᠬᠤᠪᠢᠶᠠᠬᠤ ᠳᠤ ᠪᠠᠨ ᠬᠤᠪᠢ ᠦᠭᠳᠡᠭ ᠵᠡᠷᠭᠡ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠦᠮᠴᠢ ᠬᠦᠷᠦᠩᠭᠡ ᠬᠤᠪᠢᠶᠠᠬᠤ ᠪᠤᠶᠤ ᠬᠤᠪᠢ ᠤᠯᠭᠤᠬᠤ ᠶᠢ ᠡᠴᠢᠭᠡ ᠨᠢ ᠠᠮᠢᠳᠦ ᠰᠡᠷᠡᠭᠦᠨ ᠳᠤ ᠪᠠᠨ ᠬᠦᠢᠴᠡᠳᠭᠡᠳᠡᠭ᠃ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠠᠮᠢᠳᠦ ᠶᠢᠨ ᠬᠡᠷᠢᠶᠡᠰᠦ ᠶᠢ ᠨᠢ ᠦᠨᠳᠦᠰᠦᠯᠡᠨ ᠬᠤᠪᠢᠶᠠᠳᠠᠭ ᠴᠦ ᠪᠤᠢ᠃
ᠮᠤᠩᠭᠤᠯᠴᠤᠳ ᠤᠨ ᠦᠮᠴᠢ ᠵᠠᠯᠭᠠᠮᠵᠢᠯᠠᠬᠤ ᠨᠢ ᠡᠨᠡ ᠮᠡᠳᠦ ᠪᠠᠷ ᠲᠡᠦᠭᠡᠨ ᠬᠦᠭᠵᠢᠯ ᠤᠨ ᠠᠳᠠᠯᠢ ᠪᠤᠰᠤ ᠳᠤ ᠶᠠᠩᠵᠤ ᠪᠦᠷᠢ ᠶᠢᠨ ᠠᠭᠤᠯᠭᠠ ᠭᠡᠯᠪᠡᠷᠢ ᠲᠠᠢ ᠶᠠᠪᠤᠭᠳᠠᠵᠤ᠂ ᠬᠤᠪᠢᠷᠠᠯ ᠦᠭᠡᠷᠡᠳᠤᠯ ᠤᠨ ᠵᠠᠮ ᠢ ᠲᠤᠭᠤᠯᠵᠤ ᠤᠯᠠᠮᠵᠢᠯᠠᠭᠳᠠᠬᠤ ᠳᠤ ᠪᠠᠨ ᠤᠤᠭᠠᠨ ᠬᠦᠦ ᠳᠤ ᠵᠠᠯᠭᠠᠮᠵᠢᠯᠠᠭᠤᠯᠬᠤ᠂ ᠤᠳᠬᠤᠨ ᠬᠦᠦ ᠳᠤ ᠵᠠᠯᠭᠠᠮᠵᠢᠯᠠᠭᠤᠯᠬᠤ᠂ ᠦᠷᠡᠴᠢᠯᠡᠭᠰᠡᠨ ᠬᠦᠦ ᠳᠤ ᠪᠠᠨ ᠵᠠᠯᠭᠠᠮᠵᠢᠯᠠᠭᠤᠯᠬᠤ᠂ ᠬᠦᠪᠡᠭᠦᠨ ᠳᠤ ᠪᠠᠨ ᠦᠮᠴᠢ ᠬᠤᠪᠢᠶᠠᠬᠤ ᠂ ᠦᠬᠢᠳ ᠲᠤ ᠬᠤᠪᠢ ᠤᠯᠭᠤᠬᠤ᠂ ᠠᠶᠢᠯ ᠭᠡᠷ ᠪᠤᠯᠵᠤ ᠠᠰᠳᠠᠭᠠᠨ ᠠᠮᠢᠳᠤᠷᠠᠭᠰᠠᠨ ᠬᠦᠦ ᠭᠡᠦᠭᠡᠨ ᠳᠤ ᠪᠠᠨ ᠦᠮᠴᠢ ᠦᠭᠬᠦ ᠭᠡᠬᠦ ᠮᠡᠳᠦ ᠪᠠᠷ ᠴᠠᠭ ᠦᠶᠡ ᠶᠢᠨ ᠬᠤᠪᠢᠷᠠᠯ᠂ ᠨᠡᠶᠢᠭᠡᠮ ᠤᠨ ᠦᠭᠡᠷᠡᠴᠢᠯᠡᠯᠳᠡ ᠲᠠᠢ ᠵᠤᠬᠢᠴᠠᠯᠳᠤᠨ ᠬᠦᠭᠵᠢᠭᠰᠡᠭᠡᠷ ᠢᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ ᠶᠤᠮ᠃ ᠡᠨᠡ ᠨᠢ ᠡᠴᠢᠭᠡ ᠶᠢᠨ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠦᠪ ᠬᠦᠷᠦᠩᠭᠡ ᠤᠤᠯ ᠡᠷᠦᠭᠡ ᠶᠢᠨ ᠭᠠᠯ ᠭᠤᠯᠤᠮᠳᠠ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠳᠤ ᠰᠠᠭᠤᠷᠢ ᠪᠤᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ᠂ ᠰᠢᠨᠡ ᠠᠶᠢᠯ ᠭᠡᠷ ᠴᠤᠭᠴᠠᠯᠠᠬᠤ ᠳᠤ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠤᠯᠤᠭᠰᠠᠨ ᠠᠵᠤ ᠠᠬᠤᠢ ᠶᠢᠨ ᠦᠨᠡ ᠦᠷᠳᠡᠭ ᠠᠴᠠ ᠭᠠᠳᠠᠨᠠ᠂ ᠦᠷᠡ ᠭᠡᠦᠭᠡᠳ ᠤᠨ ᠬᠢᠨᠢ ᠡᠪ ᠨᠠᠶᠢᠷ᠂ ᠡᠶᠡᠯᠰᠡᠭ ᠬᠠᠷᠢᠴᠠᠭᠠᠨ ᠤ ᠲᠠᠯᠠ ᠪᠠᠷ ᠢᠳᠡᠪᠬᠢᠳᠡᠢ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠨᠡᠶᠢᠭᠡᠮ ᠤᠨ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃
