ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠪᠤᠯᠤᠨ ᠨᠠᠶᠢᠭᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠲᠤᠮᠳᠠ ᠠᠵᠤ ᠠᠮᠢᠳᠤᠷᠠᠯ ᠤᠨ  ᠢᠶᠠᠨ ᠵᠤᠯ ᠵᠢᠷᠭᠠᠯ᠂ ᠠᠯᠢᠪᠠ ᠵᠥᠢᠯᠠᠰ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠭᠥᠰᠡᠨ ᠵᠥᠡᠭᠨᠡᠭᠰᠡᠨ ᠰᠠᠳᠭᠢᠯᠭᠡ ᠪᠠᠨ ᠥᠭᠡ  ᠶᠢᠨ ᠰᠢᠳᠢ ᠳᠤ ᠲᠥᠰᠢᠭᠯᠡᠨ ᠭᠡᠯᠡᠨ ᠤ ᠪᠠᠶᠠᠯᠢᠭ ᠢᠶᠠᠷ ᠤᠶᠠᠩᠭᠠᠯᠠᠨ ᠢᠯᠠᠳᠭᠡᠳᠡᠭ ᠵᠠᠩᠰᠢᠯ᠃ ᠮᠤᠩᠭᠤᠯᠴᠤᠳ 《 ᠠᠮᠠᠨ ᠪᠡᠯᠭᠡ ᠬᠠᠮᠢᠭᠠᠰᠢ ᠪᠠᠨ ᠪᠤᠯ ᠠᠰᠢᠳᠠ ᠶᠢᠨ ᠪᠡᠯᠭᠡ ᠲᠠᠰᠢ ᠪᠠᠨ》 ᠭᠡᠵᠥ ᠪᠡᠯᠭᠡᠳᠠᠯ ᠵᠥᠡᠭᠨᠡᠯ ᠢ ᠲᠥᠢᠯ ᠢᠶᠠᠷ  ᠭᠥᠨᠳᠤᠳᠭᠡᠨ ᠡᠷᠭᠢᠮᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠢᠢᠮᠥ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ  ᠪᠤᠯᠤᠨ ᠨᠠᠶᠢᠭᠡᠮ ᠤᠨ ᠠᠵᠢᠯᠯᠠᠭᠠᠨ ᠤ ᠶᠠᠪᠤᠴᠠ ᠳᠤ ᠢᠷᠥᠭᠡᠯ ᠪᠡᠯᠭᠡᠳᠠᠯ ᠢ ᠲᠥᠭᠡᠮᠡᠯ ᠭᠡᠷᠡᠭᠯᠡᠳᠡᠭ ᠪᠥᠭᠡᠳ ᠤᠯᠠᠨ  ᠲᠠᠯ᠎ᠠ ᠶᠢᠨ ᠠᠭᠤᠯᠭ᠎ᠠ ᠶᠢ ᠬᠠᠮᠤᠷᠳᠠᠭ ᠶᠤᠮ᠃ ᠲᠤᠬᠠᠢᠢᠯᠠᠪᠠᠯ᠂ ᠬᠤᠷᠢᠮ ᠤᠨ ᠢᠷᠥᠭᠡᠯ᠂ ᠴᠠᠭᠠᠨ ᠰᠠᠷ᠎ᠠ ᠶᠢᠨ  ᠢᠷᠥᠭᠡᠯ᠂ ᠭᠡᠷ ᠤᠨ ᠢᠷᠥᠭᠡᠯ᠂ ᠢᠰᠡᠭᠡᠢ ᠶᠢᠨ ᠢᠷᠤᠭᠡᠯ᠂ ᠭᠡᠥᠭᠡᠳ ᠤᠨ ᠲᠠᠬᠢ ᠠᠪᠬᠤ ᠢᠷᠥᠭᠡᠯ᠂ ᠰᠠᠷᠬᠤᠳ ᠤᠨ  ᠢᠷᠥᠭᠡᠯ ᠭᠡᠭᠦ ᠮᠠᠳᠤ ᠥᠪᠡᠷᠮᠢᠴᠠ ᠤᠨᠴᠠᠯᠢᠭ ᠲᠠᠢ ᠪᠠᠶ᠎ᠠ ᠪᠠᠨ ᠲᠠᠭᠠᠭᠠᠭᠰᠠᠨ ᠢᠷᠥᠭᠡᠯ ᠤᠳ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠨᠢ  ᠵᠤᠭᠢᠬᠤ ᠨᠢᠭᠡᠨ ᠶᠤᠰᠤᠯᠠᠯ ᠲᠡᠭᠡᠷ᠎ᠠ ᠲᠤᠬᠠᠢ ᠶᠢᠨ ᠥᠢᠯᠠ ᠶᠢᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠵᠥᠡᠭᠨᠡᠨ ᠪᠡᠯᠭᠡᠳᠡᠭᠰᠡᠨ  ᠰᠠᠳᠭᠢᠯᠭᠡ ᠪᠠᠨ ᠤᠷᠠᠨ ᠭᠤᠶᠢᠳᠠ ᠥᠭᠡᠰ ᠢᠶᠠᠷ ᠤᠶᠠᠩᠭᠠᠯᠠᠨ ᠢᠯᠠᠳᠭᠡᠭᠦ ᠶᠢᠨ ᠬᠠᠮᠳᠤ᠂   ᠰᠠᠭᠠᠯᠢ᠂ ᠠᠷᠢᠭᠢ  ᠰᠠᠷᠬᠤᠳ᠂ ᠥᠭᠡᠭᠦ ᠲᠤᠰᠤ ᠵᠠᠷᠭᠡ ᠢᠳᠡᠭᠡᠨ ᠤ ᠲᠡᠭᠡᠵᠢ ᠪᠠᠨ ᠡᠷᠭᠦᠨ ᠮᠢᠯᠢᠶᠠᠬᠤ ᠵᠠᠩ ᠥᠢᠯᠠ ᠲᠠᠢ ᠬᠠᠮᠳᠤ  ᠶᠠᠪᠤᠭᠳᠠᠳᠠᠭ᠃ ᠢᠢᠮᠥᠷᠭᠦᠥ ᠢᠷᠥᠭᠡᠯ ᠢ ᠭᠡᠯᠡᠭᠦ ᠳᠤ ᠲᠤᠰᠬᠠᠢ ᠢᠷᠥᠭᠡᠯᠴᠢ ᠪᠠᠶᠢᠳᠠᠭ ᠪᠤᠶᠤ ᠡᠰᠡᠭᠦᠯ᠎ᠠ ᠠᠬᠠᠮᠠᠳ  ᠲᠤᠮᠤᠭᠠᠳᠠᠨ ᠠᠴᠠ ᠢᠷᠥᠭᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠢᠷᠥᠭᠡᠯ ᠭᠡᠯᠡᠭᠴᠢ ᠲᠠᠪᠠᠯ ᠮᠠᠯᠠᠭᠠᠢ ᠪᠠᠨ ᠲᠡᠭᠰᠢᠯᠡᠨ ᠠᠬᠠᠮᠠᠳ  ᠨᠠᠰᠤᠳᠠᠢ ᠢᠷᠥᠭᠡᠯᠴᠢᠨ ᠪᠤᠯ ᠰᠠᠭᠤᠳᠠᠯ ᠢᠶᠠᠨ ᠵᠠᠰᠠᠵᠤ ᠰᠠᠭᠤᠭᠠᠳ ᠢᠷᠥᠭᠡᠯ ᠭᠡᠯᠡᠵᠤ᠂ ᠵᠠᠯᠠᠭᠤ ᠢᠳᠡᠷ ᠢᠷᠥᠭᠡᠯᠴᠢᠨ  ᠪᠤᠯ ᠪᠤᠰᠴᠤ ᠵᠤᠭᠰᠤᠭᠠᠳ᠂ ᠰᠠᠷᠬᠤᠳ ᠭᠡᠮᠨᠡᠨ ᠬᠠᠳᠠᠭ ᠤᠨ ᠬᠠᠮᠳᠤ ᠪᠠᠷᠠᠭᠤᠨ ᠭᠠᠷ ᠲᠤ ᠪᠠᠨ ᠪᠠᠷᠢᠵᠥ ᠢᠷᠥᠭᠡᠯ  ᠢᠶᠠᠨ ᠭᠡᠯᠡᠳᠡᠭ᠃ ᠰᠤᠨᠤᠰᠤᠭᠴᠢᠳ ᠨᠠᠮ ᠲᠥᠪᠯᠡᠭᠦᠨ ᠰᠠᠭᠤᠵᠤ᠂ ᠠᠩᠬᠠᠷᠤᠯ ᠲᠠᠯᠪᠢᠨ ᠰᠤᠨᠤᠰᠳᠠᠭ ᠪᠥᠭᠡᠳ  ᠢᠷᠥᠭᠡᠯ ᠭᠡᠯᠡᠵᠥ ᠪᠠᠷᠠᠬ ᠳᠤ ᠨᠢ ᠤᠯᠠᠨ ᠢᠶᠠᠷ ᠢᠶᠠᠨ ᠨᠢᠭᠡᠨ ᠲᠠᠭᠤᠨ ᠢᠶᠠᠷ 《ᠢᠷᠥᠭᠡᠯ ᠰᠢᠩᠭᠡᠭᠦ ᠪᠤᠯᠳᠤᠭᠠᠢ︕》  ᠂ 《ᠢᠷᠥᠭᠡᠯ ᠲᠤᠭᠳᠠᠬᠤ ᠪᠤᠯᠳᠤᠭᠠᠢ︕》 ᠭᠡᠵᠥ ᠭᠡᠯᠡᠳᠡᠭ᠃ ᠲᠤᠰᠬᠠᠢ ᠶᠤᠰᠤᠯᠠᠯ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠢᠷᠥᠭᠡᠯ  ᠠᠴᠠ ᠭᠠᠳᠠᠨ᠎ᠠ᠂ ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠠᠶᠠᠨ ᠵᠢᠩ ᠳᠤ ᠶᠠᠪᠤᠬᠤ᠂ ᠡᠷᠢᠯ ᠰᠤᠷᠠᠭ ᠲᠤ  ᠮᠤᠷᠳᠠᠬᠤ᠂ ᠠᠪᠠ ᠳᠤ ᠭᠠᠷᠬᠤ᠂ ᠭᠡᠥᠭᠡᠳ ᠠᠩᠬ᠎ᠠ ᠮᠤᠷᠢ ᠤᠨᠤᠬᠤ᠂ ᠰᠢᠨ᠎ᠠ ᠬᠤᠪᠴᠠᠰᠤ ᠡᠮᠥᠰᠭᠦ ᠪᠤᠶᠤ ᠵᠤᠴᠢᠨ  ᠲᠠᠶᠢᠯᠠᠵᠤ ᠰᠢᠭᠦᠰᠤ ᠲᠠᠪᠰᠢᠭᠦᠯᠭᠦ ᠵᠡᠷᠭᠡ ᠳᠤ ᠴᠤ ᠪᠡᠯᠭᠡ ᠲᠠᠢ ᠥᠭᠡ ᠪᠠᠷ ᠢᠷᠥᠭᠡᠨ ᠵᠥᠡᠭᠨᠡᠭᠦ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ  ᠃ ᠲᠤᠬᠠᠢᠢᠯᠠᠪᠠᠯ᠂ ᠠᠶᠠᠨ ᠵᠢᠩ ᠳᠤ ᠶᠠᠪᠤᠬᠤ ᠳᠤ 《ᠠᠶᠠᠨ ᠤ ᠤᠯᠵᠠ ᠨᠡᠮᠡᠭᠳᠡᠭ》᠂ 《ᠵᠠᠮ ᠴᠢᠨᠢ ᠴᠠᠭᠠᠨ  ᠪᠤᠯᠳᠤᠭᠠᠢ》᠂ 《ᠠᠶᠠᠨ ᠵᠠᠮ ᠳᠤ ᠪᠠᠨ ᠰᠠᠶᠢᠨ ᠶᠠᠪᠤᠭᠠᠷᠠᠢ》 ᠭᠡᠭᠦ︔ ᠡᠷᠢᠯ ᠤᠨ ᠭᠥᠮᠥᠨ ᠮᠤᠷᠳᠠᠬᠤ ᠳᠤ 《ᠡᠷᠢᠯ  ᠤᠨ ᠥᠵᠥᠭᠦᠷ ᠴᠢᠨᠢ ᠵᠥᠪ ᠪᠤᠯᠳᠤᠭᠠᠢ》 ᠭᠡᠭᠦ︔ ᠭᠡᠤᠭᠡᠳ ᠠᠩᠬ᠎ᠠ ᠮᠤᠷᠢ ᠤᠨᠤᠵᠤ ᠰᠤᠷᠬᠤ ᠳᠤ ᠨᠤᠮᠤᠬᠠᠨ ᠮᠤᠷᠢ  ᠤᠨᠤᠭᠤᠯᠤᠭᠠᠳ ᠡᠴᠢᠭᠡ ᠪᠤᠶᠤ ᠠᠬ᠎ᠠ ᠨᠢ ᠭᠥᠳᠥᠯᠥᠨ ᠶᠠᠪᠤᠵᠤ᠂ ᠥᠢᠷ᠎ᠠ ᠬᠠᠪᠢ ᠶᠢᠨ ᠠᠶᠢᠯ ᠤᠳ ᠢᠶᠠᠷ ᠤᠴᠢᠵᠤ  ᠢᠷᠥᠭᠡᠯ ᠭᠥᠷᠳᠡᠳᠡᠭ᠃ ᠠᠯᠢ ᠨᠢᠭᠡ ᠠᠶᠢᠯ ᠤᠨ ᠭᠠᠳᠠᠨ᠎ᠠ ᠭᠥᠷᠪᠠᠯ ᠲᠠᠷᠠ ᠠᠶᠢᠯ ᠤᠨ ᠨᠠᠰᠤᠳᠠᠨ ᠨᠢ ᠭᠠᠷᠴᠤ  ᠢᠷᠡᠭᠡᠳ ᠭᠡᠥᠭᠡᠳ ᠢ ᠮᠠᠩᠨᠠᠢ ᠲᠡᠭᠡᠷ᠎ᠠ ᠨᠢ ᠥᠨᠥᠰᠴᠤ 《ᠪᠠᠭᠠᠳᠤᠷ ᠡᠷ᠎ᠠ ᠪᠤᠯ》 ᠭᠡᠵᠥ ᠢᠷᠥᠭᠡᠭᠡᠳ ᠮᠤᠷᠢᠨ ᠤ  ᠮᠠᠩᠨᠠᠢ ᠶᠢ ᠨᠢ ᠥᠭᠡᠭᠦ ᠲᠤᠰᠤ ᠪᠠᠷ ᠮᠢᠯᠢᠶᠠᠳᠠᠭ᠃ ᠭᠡᠥᠭᠡᠳ ᠤᠳ ᠰᠢᠨ᠎ᠠ ᠬᠤᠪᠴᠠᠰᠤ ᠡᠮᠥᠰᠥᠭᠰᠡᠨ ᠤ ᠲᠠᠷᠠᠭ᠎ᠠ  ᠠᠪᠤ ᠡᠵᠢ᠂ ᠠᠬᠠᠮᠠᠳ ᠨᠠᠰᠤᠳᠠᠨ᠂ ᠠᠶᠢᠯ ᠬᠤᠳᠠᠨ ᠤ ᠬᠢᠨ ᠰᠢᠨ᠎ᠠ ᠬᠤᠪᠴᠠᠰᠤ ᠶᠢ ᠨᠢ ᠮᠠᠭᠳᠠᠵᠤ᠂ ᠭᠡᠥᠭᠡᠳ ᠲᠤ  ᠰᠢᠭᠢᠷ ᠪᠤᠭᠤᠷᠰᠤᠭ ᠥᠭᠴᠤ 《ᠤᠷᠢᠳᠠᠢ ᠬᠤᠷᠮᠤᠢ ᠶᠢ ᠨᠢ ᠤᠨᠠᠭ᠎ᠠ ᠲᠠᠭ᠎ᠠ ᠭᠢᠰᠭᠢᠭ᠂ ᠬᠤᠶᠢᠳᠠᠢ ᠬᠤᠷᠮᠥᠢ ᠶᠢ ᠨᠢ  ᠬᠤᠷᠠᠭ᠎ᠠ ᠲᠤᠭᠤᠯ ᠭᠢᠰᠭᠢᠭ᠂ ᠡᠳ᠋ ᠨᠢ ᠭᠡᠪᠡᠷᠡᠭ᠂ ᠡᠵᠠᠨ ᠨᠢ ᠮᠥᠡᠭᠭᠡ ᠪᠤᠯᠤᠭ》 ᠭᠡᠭᠦ ᠮᠠᠳᠤ ᠪᠠᠷ ᠢᠷᠥᠭᠡᠳᠡᠭ᠃  ᠠᠪᠠ ᠳᠤ ᠭᠠᠷᠬᠤ ᠥᠶᠠᠰ 《ᠠᠪᠠ ᠶᠢᠨ ᠭᠠᠨᠵᠤᠭ᠎ᠠ ᠲᠥᠭᠦᠷᠠᠩ ᠪᠤᠯᠳᠤᠭᠠᠢ》 ᠭᠡᠭᠦ ᠪᠠ ᠠᠩᠴᠢᠨ ᠭᠠᠨᠵᠤᠭ᠎ᠠ ᠲᠠᠢ  ᠪᠤᠴᠠᠵᠤ ᠢᠷᠠᠪᠠᠯ᠂ ᠠᠬᠠᠮᠠᠳ ᠨᠠᠰᠤᠳᠠᠨ ᠨᠢ ᠨᠤᠮᠤ ᠰᠤᠮᠤ᠂ ᠭᠠᠨᠵᠤᠭ᠎ᠠ ᠶᠢ ᠨᠢ ᠥᠭᠡᠭᠦ ᠲᠤᠰᠤ᠂ ᠠᠷᠢᠶᠠᠳᠠᠨ ᠤ  ᠴᠢᠰᠤ ᠪᠠᠷ ᠮᠢᠯᠢᠶᠠᠨ᠂ ᠮᠠᠷᠭᠡᠨ ᠬᠠᠷᠪᠤᠭᠠᠴᠢ᠂ ᠰᠠᠶᠢᠨ ᠠᠩᠴᠢᠨ ᠪᠤᠯᠬᠤ ᠶᠢ ᠨᠢ ᠪᠡᠯᠭᠡᠳᠠᠨ ᠢᠷᠥᠭᠡᠳᠡᠭ᠃ ᠡᠨᠡ  ᠮᠠᠳᠤ ᠪᠠᠷ ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠠᠭᠤᠯᠵᠠᠵᠤ ᠤᠴᠠᠷᠠᠬᠤ᠂ ᠶᠠᠪᠤᠵᠤ ᠰᠠᠭᠤᠬᠤ᠂ ᠤᠨᠳᠠᠵᠤ  ᠭᠡᠪᠳᠡᠭᠦ ᠳᠤ ᠪᠠᠨ ᠭᠥᠷᠳᠠᠯ᠎ᠠ   ᠪᠡᠯᠭᠡ ᠲᠠᠢ ᠥᠭᠡᠰ ᠢᠶᠠᠷ ᠢᠷᠥᠭᠡᠨ ᠵᠥᠡᠭᠨᠡᠳᠡᠭ ᠨᠢ ᠮᠤᠩᠭᠤᠯᠴᠤᠳ ᠤᠨ  ᠢᠷᠥᠭᠡᠯ ᠪᠡᠯᠭᠡᠳᠠᠯ ᠢ ᠡᠷᠭᠢᠮᠯᠡᠭᠦ ᠥᠵᠠᠯ ᠰᠠᠳᠭᠢᠯᠭᠡ ᠶᠢᠨ ᠪᠤᠳᠠᠳᠤ ᠢᠯᠠᠷᠠᠯ ᠪᠤᠯᠵᠤ᠂ ᠠᠷᠠᠳ ᠤᠨ ᠭᠡᠪ ᠶᠤᠰᠤᠨ ᠳᠤ  ᠤᠯᠠᠮᠵᠢᠯᠠᠯᠳᠤ ᠰᠠᠶᠢᠬᠠᠨ ᠵᠠᠩᠰᠢᠯ ᠪᠤᠯᠤᠨ ᠲᠤᠭᠳᠠᠪᠤᠷᠢᠵᠢᠭᠰᠠᠨ ᠶᠤᠮ᠃