ᠠᠶᠠᠨ ᠵᠠᠮ ᠤᠨ ᠭᠥᠮᠥᠨ ᠪᠤᠶᠤ ᠠᠶᠢᠯᠴᠢᠯᠠᠨ ᠢᠷᠡᠭᠰᠡᠨ ᠭᠡᠶᠢᠴᠢᠨ ᠵᠤᠴᠢᠨ ᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠷ  ᠭᠥᠨᠳᠤᠯᠡᠨ ᠵᠤᠴᠢᠯᠠᠬᠤ ᠳᠤ ᠬᠤᠯᠪᠤᠭᠳᠠᠬᠤ ᠵᠠᠩᠰᠢᠯ᠃ ᠮᠤᠩᠭᠤᠯᠴᠤᠳ ᠭᠡᠷ ᠲᠤ ᠨᠢ ᠢᠷᠡᠭᠰᠡᠨ ᠭᠥᠮᠥᠨ ᠪᠥᠭᠦᠨ ᠢ  《ᠵᠤᠴᠢᠨ》 ᠭᠡᠵᠥ ᠭᠥᠨᠳᠤᠳᠭᠡᠨ ᠬᠠᠯᠠᠭᠤᠮᠰᠤᠭ ᠲᠤᠳᠤᠨᠤ ᠬᠠᠨᠳᠤᠵᠤ᠂ ᠠᠮᠳᠠ ᠰᠢᠮᠳᠠ ᠲᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ   ᠢᠶᠠᠷ ᠵᠤᠴᠢᠯᠠᠨ ᠲᠠᠶᠢᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠵᠤᠴᠢᠨ ᠲᠠᠢ ᠠᠮᠤᠷ ᠮᠠᠨᠳᠤ ᠪᠠᠨ ᠠᠰᠠᠭᠤᠯᠴᠠᠭᠰᠠᠨ ᠤ ᠲᠠᠷᠠᠭ᠎ᠠ᠂  ᠰᠢᠨ᠎ᠠ ᠴᠠᠢ ᠴᠢᠨᠠᠵᠤ ᠭᠡᠷ ᠤᠨ ᠡᠵᠡᠭᠳᠠᠢ ᠴᠠᠢ ᠠᠶᠠᠭᠠᠯᠠᠨ ᠴᠠᠭᠠᠨ  ᠲᠠᠯᠪᠢᠵᠥ ᠥᠭᠳᠡᠭ᠃ ᠢᠷᠡᠭᠰᠡᠨ ᠵᠤᠴᠢᠨ   ᠨᠢ ᠠᠶᠠᠨ ᠵᠠᠮ ᠤᠨ ᠭᠥᠮᠥᠨ ᠪᠤᠯ ᠲᠥᠭᠦᠮ ᠲᠤᠭᠢᠳᠠᠢ ᠬᠤᠭᠤᠯᠠ ᠭᠢᠵᠥ ᠢᠳᠡᠭᠦᠯᠳᠡᠭ᠃ ᠠᠶᠢᠯᠴᠢᠯᠠᠨ ᠢᠷᠡᠭᠰᠡᠨ  ᠵᠤᠴᠢᠨ ᠪᠤᠶᠤ ᠲᠥᠷᠥᠯ ᠰᠠᠳᠤᠨ ᠳᠤ ᠪᠠᠨ ᠪᠤᠯ ᠲᠤᠬᠠᠢ ᠶᠢᠨ ᠪᠠᠶᠢᠳᠠᠯ ᠳᠤ ᠨᠢ ᠲᠤᠭᠢᠷᠠᠭᠤᠯᠤᠨ ᠬᠤᠭᠤᠯᠠ  ᠪᠡᠯᠡᠳᠭᠡᠵᠥ ᠵᠤᠴᠢᠯᠠᠨ ᠲᠠᠶᠢᠯᠠᠳᠠᠭ᠃ ᠭᠡᠷ ᠲᠤ ᠢᠷᠡᠭᠰᠡᠨ ᠵᠤᠴᠢᠨ ᠤ ᠥᠭᠡᠳᠠ ᠠᠴᠠ ᠰᠢᠭᠤᠳ ᠴᠠᠢ ᠤᠤᠭᠤᠨ᠎ᠠ  ᠦᠦ︖ ᠬᠤᠭᠤᠯᠠ ᠪᠠᠨ ᠢᠳᠡᠴᠢᠭᠡᠪᠡ ᠦᠦ︖ ᠭᠡᠵᠤ ᠠᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠢᠢᠮᠥ ᠠᠴᠠ ᠠᠷᠠᠳ ᠤᠨ  ᠥᠭᠡᠨ ᠳᠤ 《ᠠᠰᠠᠭᠤᠬᠤ ᠪᠠᠷ ᠢᠶᠠᠨ ᠠᠶᠠᠭᠠᠯᠠᠵᠤ ᠥᠭ》᠂ 《ᠠᠰᠠᠭᠤᠬᠤ ᠠᠴᠠ ᠠᠰᠬᠠᠬᠤ ᠨᠢ ᠲᠠᠭᠡᠷ᠎ᠠ》  ᠭᠡᠳᠡᠭ᠃ ᠵᠤᠴᠢᠨ ᠢ ᠬᠠᠮᠤᠭ ᠤᠨ ᠭᠥᠨᠳᠤᠳᠤ ᠶᠤᠰᠤ ᠪᠠᠷ ᠲᠠᠶᠢᠯᠠᠬᠤ ᠳᠤ ᠰᠢᠭᠦᠰᠥ ᠲᠠᠯᠪᠢᠳᠠᠭ᠃ ᠵᠤᠴᠢᠨ ᠳᠤ  ᠲᠠᠯᠪᠢᠬᠤ ᠰᠢᠭᠦᠰᠤ ᠭᠠᠵᠠᠷ ᠭᠠᠵᠠᠷ ᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠠᠳᠠᠯᠢ ᠥᠭᠡᠢ ᠪᠠᠶᠢᠳᠠᠭ᠃ ᠶᠠᠷᠥᠩᠭᠡᠢ ᠳᠤ ᠪᠠᠨ  ᠨᠠᠰᠤᠳᠠᠢ ᠭᠥᠮᠥᠨ ᠳᠤ ᠤᠭᠤᠴᠠ᠂ ᠲᠠᠯᠤ᠂ ᠲᠥᠷᠪᠡᠨ ᠥᠨᠳᠤᠷ᠂ ᠱᠠᠭᠠᠨᠳᠤ ᠴᠢᠮᠥᠭᠡ ᠲᠠᠷᠢᠭᠦᠳᠠᠨ ᠢ ᠴᠢᠨᠠᠵᠤ᠂  ᠡᠮᠡᠭᠳᠠᠢ ᠭᠥᠮᠥᠨ ᠳᠤ ᠪᠤᠯ ᠰᠡᠭᠡᠷ᠂ ᠰᠡᠭᠦᠵᠢ᠂ ᠡᠪᠴᠢᠭᠦᠥ ᠲᠠᠯᠪᠢᠳᠠᠭ᠃ ᠪᠥᠭᠦᠯᠢ ᠰᠢᠭᠦᠰᠥ ᠪᠠᠷ ᠵᠤᠴᠢᠨ ᠲᠠᠶᠢᠯᠠᠬᠤ   ᠳᠤ ᠪᠠᠨ ᠮᠠᠯ ᠤᠨ ᠮᠥᠴᠢ ᠶᠢ ᠵᠤᠭᠰᠤᠭ᠎ᠠ ᠥᠶ᠎ᠠ ᠶᠢᠨ ᠭᠢᠨᠢ ᠪᠠᠶᠢᠳᠠᠯ ᠢᠶᠠᠷ ᠵᠠᠰᠠᠵᠤ᠂ ᠵᠤᠴᠢᠨ ᠤ ᠥᠭᠡᠳᠠ  ᠬᠠᠷᠠᠭᠤᠯᠵᠤ ᠲᠠᠯᠪᠢᠳᠠᠭ ᠪᠠ ᠤᠭᠤᠴᠠ ᠵᠠᠰᠠᠵᠤ ᠲᠠᠯᠪᠢᠭᠰᠠᠨ ᠪᠤᠯ ᠤᠷᠳᠤ ᠲᠠᠯ᠎ᠠ ᠳᠤ ᠨᠢ ᠲᠤᠯᠤᠭᠠᠢ᠂ ᠪᠠᠷᠠᠭᠤᠨ  ᠲᠠᠯ᠎ᠠ ᠳᠤ ᠨᠢ ᠰᠡᠭᠡᠷ᠂ ᠬᠤᠶᠢᠨ᠎ᠠ ᠨᠢ ᠲᠥᠷᠪᠡᠨ ᠬᠠᠪᠢᠷᠭ᠎ᠠ ᠶᠢ ᠬᠤᠶᠠᠷ ᠬᠤᠶᠠᠷ ᠢᠶᠠᠷ ᠬᠠᠰᠢᠵᠤ ᠲᠠᠯᠪᠢᠳᠠᠭ᠃  ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠳᠤ ᠤᠭᠤᠴᠠ ᠶᠢᠨ ᠬᠠᠮᠳᠤ ᠡᠯᠢᠭᠡ᠂ ᠭᠡᠳᠡᠰᠤ ᠠᠴᠠ ᠤᠭᠳᠤᠯᠵᠤ ᠲᠠᠯᠪᠢᠬᠤ ᠴᠤ ᠪᠤᠢ᠃  ᠵᠤᠴᠢᠨ ᠲᠠᠶᠢᠯᠠᠬᠤ ᠳᠤ ᠪᠠᠨ ᠭᠡᠷ ᠤᠨ ᠡᠵᠠᠨ ᠪᠤᠯᠤᠨ ᠡᠵᠡᠭᠳᠠᠢ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠲᠡᠷᠢ ᠲᠡᠭᠰᠢ ᠡᠮᠥᠰᠳᠡᠭ  ᠶᠤᠰᠤ ᠲᠠᠢ᠃ ᠬᠠᠨᠴᠤᠢ ᠰᠢᠮᠠᠯᠠᠬᠤ᠂ ᠬᠤᠷᠮᠤᠢ ᠰᠢᠭᠤᠬᠤ᠂ ᠡᠩᠭᠡᠷ ᠵᠠᠭᠠᠮ᠎ᠠ ᠪᠠᠨ ᠰᠤᠯᠠ ᠵᠠᠳᠠᠭᠠᠢ ᠲᠠᠯᠪᠢᠬᠤ ᠪᠠ  ᠲᠤᠯᠤᠭᠠᠢ ᠨᠢᠴᠥᠭᠦᠨ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠲᠠᠪᠠᠭ ᠲᠠᠢ  ᠂ ᠴᠠᠢ᠂ ᠬᠤᠭᠤᠯᠠ᠂ ᠰᠠᠷᠬᠤᠳ ᠢ  ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠪᠠᠷᠢᠵᠥ᠂ ᠵᠡᠭᠦᠨ ᠭᠠᠷ ᠤᠨ ᠠᠯᠠᠭ᠎ᠠ ᠪᠠᠨ ᠲᠡᠯᠭᠡᠨ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠵᠤᠴᠢᠨ ᠤ  ᠥᠭᠡᠳᠠ ᠬᠠᠷᠠᠵᠤ ᠭᠠᠷᠳᠠᠭᠤᠯᠳᠠᠭ ᠨᠢ ᠭᠥᠨᠳᠤᠳᠭᠡᠯ ᠤᠨ ᠰᠠᠳᠭᠢᠯᠭᠡ ᠪᠠᠨ ᠢᠯᠠᠷᠡᠭᠦᠯᠵᠥ ᠪᠠᠶᠢᠭ᠎ᠠ ᠤᠴᠢᠷ ᠶᠤᠮ᠃  ᠴᠠᠢ᠂ ᠬᠤᠭᠤᠯᠠ ᠠᠶᠠᠭᠠᠯᠠᠬᠤ ᠳᠤ ᠪᠠᠨ ᠠᠰᠬᠠᠵᠤ ᠴᠢᠳᠬᠤᠬᠤ᠂ ᠭᠡᠳᠤᠷᠭᠡᠢ ᠲᠥᠭᠦᠷᠭᠡᠭᠦ ᠪᠤᠶᠤ ᠭᠡᠳᠤᠷᠭᠡᠢ  ᠲᠤᠠᠳᠠᠭᠤᠷ ᠭᠢᠵᠤ ᠪᠤᠯᠬᠤ ᠥᠭᠡᠢ᠃ ᠵᠤᠴᠢᠨ ᠳᠤ ᠡᠮᠳᠡᠷᠭᠡᠢ ᠠᠶᠠᠭ᠎ᠠ᠂ ᠬᠤᠨᠳᠠᠭ᠎ᠠ᠂ ᠫᠢᠯᠠ ᠲᠠᠪᠠᠭ᠂ ᠬᠤᠭᠤᠷᠬᠠᠢ  ᠪᠤᠶᠤ ᠥᠷᠥᠭᠡᠰᠤᠨ ᠰᠠᠪᠬ᠎ᠠ ᠲᠠᠯᠪᠢᠬᠤ ᠪᠠ ᠭᠢᠳᠤᠭᠠᠨ ᠤ ᠢᠷ ᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠬᠤ᠂ ᠭᠢᠳᠤᠭ᠎ᠠ ᠭᠥᠨᠳᠡᠯᠡᠨ  ᠲᠠᠯᠪᠢᠬᠤ ᠵᠠᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠶᠠᠭ᠎ᠠ ᠱᠠᠭᠠᠵᠠᠩ ᠳᠤ ᠴᠠᠢ ᠤᠮᠳᠠ ᠠᠶᠠᠭᠠᠯᠠᠨ ᠭᠥᠮᠥᠨ ᠳᠤ ᠪᠠᠷᠢᠬᠤ ᠳᠤ   ᠪᠠᠨ ᠠᠮᠠᠰᠠᠷ ᠢ ᠨᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠠᠷᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠵᠤᠴᠢᠨ ᠤ ᠡᠮᠥᠨ᠎ᠠ ᠠᠮᠢᠳᠠᠨ᠂ ᠤᠷᠭᠤᠮᠠᠯ   ᠤᠨ ᠲᠥᠷᠰᠤ ᠪᠤᠶᠤ ᠪᠢᠴᠢᠭ ᠨᠤᠮ᠂ ᠭᠡ ᠤᠭᠠᠯᠵᠠ ᠲᠠᠢ ᠰᠢᠷᠡᠭᠡ ᠲᠠᠯᠪᠢᠬᠤ ᠳᠤ ᠪᠠᠨ ᠲᠤᠬᠠᠢ ᠶᠢᠨ ᠵᠥᠢᠯᠠᠰ ᠤᠨ  ᠲᠤᠯᠤᠭᠠᠢ ᠶᠢ ᠨᠢ ᠵᠥᠪ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠳᠠᠭ᠃ ᠪᠤᠷᠤᠭᠤ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠪᠠᠯ ᠵᠤᠴᠢᠨ ᠢᠶᠠᠨ  ᠪᠠᠰᠤᠮᠵᠢᠯᠠᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠵᠤᠴᠢᠯᠠᠨ ᠲᠠᠶᠢᠯᠠᠬᠤ ᠳᠤ ᠪᠠᠨ ᠶᠤᠰᠤᠷᠬᠠᠭ ᠭᠢᠴᠢᠶᠠᠩᠭᠦᠢ᠂ ᠪᠤᠯᠪᠠᠰᠤᠨ  ᠪᠠᠶᠢᠬᠤ ᠶᠢ ᠠᠩᠬᠠᠷᠴᠤ᠂ ᠵᠤᠴᠢᠨ ᠤ ᠰᠠᠨᠠᠭᠠᠨ ᠳᠤ ᠲᠠᠭᠠᠯᠠᠮᠵᠢᠳᠠᠢ ᠪᠠᠶᠢᠯᠭᠠᠬᠤ ᠶᠢ ᠭᠢᠴᠢᠶᠠᠳᠡᠭ᠃ ᠪᠤᠰᠤᠳ ᠢ  ᠠᠷᠢᠭᠢ ᠪᠠᠷ ᠱᠠᠯᠠᠬᠤ᠂ ᠠᠯᠪᠠᠳᠠᠨ ᠤᠤᠭᠤᠯᠭᠠᠬᠤ᠂ ᠡᠯᠳᠡᠪ ᠢᠶᠠᠷ ᠰᠢᠬᠠᠮᠳᠠᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃