ᠮᠤᠩᠭᠤᠯᠴᠤᠳ ᠨᠤᠬᠠᠢ ᠶᠢ ᠭᠡᠷᠰᠢᠭᠦᠯᠥᠨ ᠲᠡᠵᠢᠭᠡᠭᠦ ᠶᠠᠪᠤᠴᠠ ᠳᠤ ᠪᠠᠨ ᠬᠤᠳᠠᠴᠢ ᠨᠤᠬᠠᠢ ᠪᠠ ᠠᠪᠠ ᠶᠢᠨ ᠨᠤᠬᠠᠢ ᠭᠡᠭᠦ ᠬᠤᠶᠠᠷ ᠴᠢᠭᠯᠡᠯ ᠢᠶᠠᠷ ᠲᠠᠰᠬᠠᠵᠤ ᠪᠠᠶᠢᠵᠠᠢ᠃ ᠨᠤᠬᠠᠢ ᠶᠢ ᠠᠩ ᠭᠥᠷᠥᠭᠡ ᠭᠢᠭᠦ ᠭᠠᠷᠰᠢᠭᠤᠯᠤᠨ ᠲᠠᠰᠬᠠᠬᠤ ᠳᠤ ᠪᠠᠨ ᠭᠥᠯᠥᠭᠡ ᠥᠶ᠎ᠠ ᠠᠴᠠ ᠨᠢ ᠪᠤᠶᠢᠯᠠᠭᠤᠯᠵᠤ ᠪᠤᠯᠪᠠᠰᠤᠷᠠᠭᠤᠯᠤᠨ᠂ ᠲᠠᠤᠯᠠᠢ᠂ ᠲᠠᠷᠪᠠᠭ᠎ᠠ ᠪᠠᠷᠢᠭᠤᠯᠬᠤ᠂ ᠠᠩ ᠤᠨ ᠮᠥᠷ ᠮᠥᠷᠳᠡᠭᠦ ᠵᠠᠷᠭᠡ ᠳᠤ ᠰᠤᠷᠭᠠᠳᠠᠭ᠃ ᠠᠩᠬ᠎ᠠ ᠠᠩ ᠳᠤ ᠲᠠᠯᠪᠢᠬᠤ ᠨᠤᠬᠠᠢ ᠶᠢ ᠭᠢᠨᠵᠢ ᠎ᠪᠠᠷ ᠭᠥᠳᠥᠯᠵᠥ᠂ ᠠᠯᠢ ᠲᠤᠭᠢᠷᠠᠮᠵᠢᠳᠠᠢ ᠤᠢᠢᠷ᠎ᠠ ᠵᠠᠢ ᠠᠴᠠ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠳᠤ ᠲᠠᠯᠪᠢᠵᠥ ᠪᠠᠷᠢᠭᠤᠯᠪᠠᠯ᠂  ᠠᠩᠴᠢ ᠨᠤᠬᠠᠢ ᠶᠢᠨ ᠤᠷᠮ᠎ᠠ ᠶᠢ ᠬᠤᠭᠤᠯᠵᠤ᠂ ᠵᠤᠷᠢᠭ ᠢ ᠮᠤᠬᠤᠭᠠᠬᠤ ᠥᠭᠡᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠮᠥᠨ ᠬᠠᠰᠢᠷ ᠲᠤᠷᠰᠢᠯᠭ᠎ᠠ ᠲᠠᠢ ᠠᠪᠠ ᠶᠢᠨ ᠨᠤᠬᠠᠢ  ᠲᠠᠭᠠᠭᠤᠯᠵᠤ ᠲᠠᠳᠬᠠᠯᠵᠢᠭᠤᠯᠤᠨ ᠰᠤᠷᠭᠠᠵᠤ ᠪᠤᠯᠪᠠᠰᠤᠷᠠᠭᠤᠯᠳᠠᠭ᠃ ᠠᠪᠠ ᠎ ᠶᠢᠨ ᠨᠤᠬᠠᠢ ᠶᠢ ᠰᠤᠷᠭᠠᠬᠤ ᠳᠤ ᠪᠠᠨ ᠡᠪ ᠲᠠᠮ ᠲᠠᠢ ᠤᠷᠠᠨ ᠠᠷᠭ᠎ᠠ ᠠᠪᠴᠤ᠂ ᠵᠤᠷᠢᠭ ᠢ ᠨᠢ ᠮᠤᠬᠤᠭᠠᠬᠤ ᠥᠭᠡᠢ᠂ ᠤᠷᠮᠠᠰᠢᠭᠤᠯᠬᠤ ᠪᠠᠷ  ᠨᠢ ᠥᠪᠡᠷᠮᠢᠴᠠ ᠶᠤᠮ᠃ ᠨᠤᠬᠠᠢ ᠪᠠᠷ ᠠᠩᠨᠠᠬᠤ ᠳᠤ ᠭᠤᠤᠯᠳᠠᠭᠤ ᠥᠨᠡᠭᠡ᠂ ᠴᠢᠨ᠋ᠸ᠎ᠠ᠂ ᠵᠡᠭᠡᠷ᠎ᠠ᠂ ᠭᠢᠷᠰᠠ᠂ ᠲᠠᠷᠪᠠᠭ᠎ᠠ᠂ ᠲᠠᠤᠯᠠᠢ ᠪᠠᠷᠢᠭᠤᠯᠵᠤ ᠪᠠᠶᠢᠬᠰᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠪᠥᠭᠡᠳ ᠥᠨᠥ ᠴᠤ ᠮᠥᠨ ᠢᠢᠮᠥᠷᠭᠦᠥ ᠤᠯᠠᠮᠵᠢᠯᠠᠯ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨ᠎ᠠ᠃

ᠠᠪᠠ ᠳᠤ ᠰᠤᠷᠭᠠᠬᠤ ᠨᠤᠬᠠᠢ ᠰᠤᠩᠭᠤᠬᠤ ᠳᠤ ᠪᠠᠨ ᠴᠢᠭᠢ ᠪᠤᠰᠤᠭ᠎ᠠ᠂ ᠨᠢᠳᠤ ᠬᠤᠷᠴᠠ᠂ ᠲᠥᠭᠦᠰᠢ ᠶᠡᠭᠡ᠂  ᠰᠢᠳᠤ ᠰᠠᠶᠢᠨ᠂ ᠴᠡᠭᠡᠵᠢ ᠥᠨᠳᠤᠷ᠂ ᠰᠢᠯᠪᠢ ᠨᠠᠷᠢᠨ᠂ ᠪᠠᠶ᠎ᠠ ᠪᠥᠳᠥᠭᠦᠨ ᠪᠠᠶᠢᠬᠤ ᠶᠢ ᠠᠩᠬᠠᠷᠳᠠᠭ᠃ ᠲᠤᠮᠤ ᠨᠢᠳᠤ ᠎ᠲᠠᠢ᠂ ᠲᠤᠭᠳᠠᠭᠤᠨ ᠬᠠᠷᠠᠴᠠ ᠲᠠᠢ ᠨᠤᠬᠠᠢ ᠶᠢᠨ ᠵᠢᠷᠥᠭᠡᠨ ᠲᠠᠮᠢᠷ ᠰᠠᠶᠢᠨ ᠮᠥᠷᠳᠡᠭᠡᠨ ᠬᠤᠯᠠ ᠬᠠᠷᠠᠴᠠ ᠲᠠᠢ ᠪᠠᠶᠢᠳᠠᠭ᠃ ᠬᠠᠮᠠᠷ ᠤᠨ ᠨᠥᠭᠡ ᠨᠢ ᠠᠭᠤᠵᠢᠮ ᠪᠤᠯ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠢ ᠭᠥᠭᠡᠭᠡᠵᠥ ᠬᠤᠷᠳᠤᠨ ᠭᠥᠶᠥᠵᠥ᠂ ᠬᠤᠯᠠ ᠶᠠᠪᠤᠬᠤ ᠳᠤ ᠴᠡᠭᠡᠵᠢ ᠨᠢ ᠪᠥᠭᠯᠡᠷᠡᠭᠦ ᠥᠭᠡᠢ ᠰᠠᠶᠢᠨ ᠲᠠᠯ᠎ᠠ ᠲᠠᠢ ᠶᠤᠮ᠃

ᠠᠪᠠ ᠶᠢᠨ ᠨᠤᠬᠠᠢ ᠶᠢ ᠠᠷᠠᠴᠢᠯᠠᠵᠤ ᠲᠠᠵᠢᠭᠡᠭᠦ ᠲᠠᠯ᠎ᠠ ᠪᠠᠷ ᠨᠠᠷᠢᠨ ᠭᠢᠨᠠᠮᠠᠭᠠᠢ ᠬᠠᠨᠳᠤᠵᠤ᠂ ᠡᠩ ᠤᠨ ᠴᠠᠭ ᠲᠤ  ᠢᠳᠡᠰᠢ ᠬᠤᠭᠤᠯᠠ ᠶᠢ ᠨᠢ ᠲᠡᠩᠴᠡᠭᠦᠯᠭᠦ᠂ ᠭᠡᠪᠳᠡᠰᠢ ᠶᠢ ᠨᠢ ᠲᠤᠭᠢᠷᠠᠭᠤᠯᠬᠤ᠂       ᠪᠥᠭᠡᠳ ᠡᠭᠡᠨᠡᠭᠰᠢᠭᠦᠯᠥᠨ ᠲᠠᠰᠬᠠᠬᠤ ᠶᠢ ᠠᠩᠬᠠᠷᠳᠠᠭ ᠨᠢ ᠬᠠᠰᠢᠷ ᠲᠤᠭᠢ ᠠᠩᠴᠢᠨ ᠤ ᠤᠷ᠎ᠠ ᠤᠬᠠᠭᠠᠨ ᠤ ᠢᠯᠠᠷᠠᠯ ᠪᠤᠯᠤᠨ᠎ᠠ᠃ ᠲᠤᠬᠠᠢᠢᠯᠠᠪᠠᠯ᠂ ᠠᠪᠠ ᠶᠢᠨ ᠨᠤᠬᠠᠢ ᠳᠤ ᠬᠠᠯᠠᠭᠤᠨ ᠬᠤᠭᠤᠯᠠ᠂ ᠲᠤᠰᠤᠯᠢᠭ ᠬᠤᠭᠤᠯᠠ ᠢᠳᠡᠭᠦᠯᠭᠦ ᠥᠭᠡᠢ᠂ ᠥᠮᠠᠭᠡᠢ ᠪᠤᠵᠠᠷ ᠶᠠᠭᠤᠮ᠎ᠠ ᠢᠳᠡᠭᠦᠯᠭᠦ ᠥᠭᠡᠢ᠂ ᠠᠪᠠ ᠳᠤ ᠶᠠᠪᠤᠬᠤ ᠠᠴᠠ ᠡᠮᠥᠨ᠎ᠠ ᠶᠠᠰᠤ ᠢᠳᠡᠭᠦᠯᠭᠦ ᠥᠭᠡᠢ ᠪᠠᠶᠢᠳᠠᠭ᠃ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠠᠪᠠ ᠶᠢᠨ ᠨᠤᠬᠠᠢ ᠶᠢᠨ ᠲᠠᠪᠠᠭ ᠬᠠᠭᠠᠷᠠᠬᠤ ᠠᠴᠠ ᠰᠠᠷᠭᠡᠶᠢᠯᠡᠵᠤ᠂ ᠰᠠᠷᠢᠮᠰᠠᠭ ᠨᠢᠴᠠᠯᠵᠤ᠂ ᠲᠠᠪᠠᠭ ᠲᠤ ᠨᠢ ᠲᠥᠷᠭᠢᠭᠦ᠂ ᠮᠤᠷᠢᠨ ᠤ ᠭᠥᠯᠥᠰᠤ ᠲᠠᠢ ᠲᠤᠬᠤᠮ ᠲᠡᠭᠡᠷ᠎ᠠ  ᠤᠶᠠᠬᠤ ᠪᠤᠶᠤ ᠥᠨᠠᠰᠤᠨ ᠲᠡᠭᠡᠷ᠎ᠠ ᠤᠶᠠᠬᠤ ᠵᠠᠷᠭᠡ ᠠᠷᠭ᠎ᠠ ᠪᠠᠷ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠳᠠᠭ᠃

ᠠᠪᠠ ᠶᠢᠨ ᠨᠤᠬᠠᠢ ᠳᠤ ᠪᠠᠨ ᠲᠤᠭᠰᠢᠨ ᠠᠷᠢᠶᠠᠳᠠᠨ᠂ ᠵᠢᠭᠦᠷᠳᠡᠨ ᠰᠢᠪᠠᠭᠤᠨ ᠤ ᠨᠠᠷ᠎ᠠ ᠥᠭᠴᠥ᠂ ᠰᠥᠰᠥ  ᠵᠤᠷᠢᠭ᠂ ᠬᠤᠷᠳᠤᠨ ᠭᠥᠶᠥᠳᠠᠯ ᠢ ᠨᠢ ᠪᠡᠯᠭᠡᠰᠢᠶᠠᠳᠡᠭ ᠪᠥᠭᠡᠳ ᠠᠪᠠ ᠶᠢᠨ ᠨᠤᠬᠠᠢ ᠶᠢᠨ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠰᠥᠯᠳᠠ ᠶᠢ ᠨᠢ ᠨᠡᠮᠡᠭᠳᠡᠭᠦᠯᠭᠦ ᠵᠢᠴᠢ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠲᠠᠢ ᠨᠤᠴᠤᠯᠳᠤᠬᠤ ᠳᠤ ᠭᠡᠮᠳᠤᠯ ᠬᠤᠤᠷᠯᠠᠯ ᠠᠴᠠ ᠰᠠᠷᠭᠡᠶᠢᠯᠡᠭᠦ ᠵᠤᠷᠢᠯᠳᠠ ᠪᠠᠷ ᠶᠠᠩᠵᠤ ᠪᠥᠷᠢ ᠶᠢᠨ ᠭᠤᠶᠤᠯᠠᠯ ᠲᠠᠢ ᠵᠡᠯᠠᠭᠠᠳᠤ ᠭᠥᠵᠥᠭᠦᠪᠴᠢ ᠵᠡᠭᠦᠯᠭᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠡᠨᠡ ᠨᠢ ᠮᠥᠨ ᠴᠤ ᠪᠡᠯᠭᠡᠳᠠᠯ ᠤᠨ ᠰᠠᠨᠠᠭ᠎ᠠ ᠶᠢ ᠠᠬᠤᠭᠤᠯᠵᠤ᠂ ᠤᠷᠮᠠᠰᠢᠭᠤᠯᠤᠯ ᠤᠨ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠵᠠᠩ ᠥᠢᠯᠠ ᠪᠤᠯᠬᠤ ᠶᠤᠮ᠃