ᠵᠤᠬᠢᠶᠠᠭᠴᠢ:
ᠴᠠᠭ:2020-10-16
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠥᠰᠥ ᠬᠠᠭᠠᠯᠬᠤ ᠶᠤᠰᠤ
ᠭᠡᠥᠭᠡᠨ ᠭᠥᠷᠭᠡᠭᠴᠢᠳ ᠢ ᠤᠭᠳᠤᠬᠤ ᠶᠤᠰᠤᠯᠠᠯ ᠲᠠᠰ ᠲᠠᠷᠠᠭᠠᠯᠠᠨ ᠶᠠᠪᠤᠭᠳᠠᠵᠤ᠂ ᠰᠢᠨᠠ ᠪᠠᠷᠢ ᠶᠢ ᠲᠤᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠭᠡᠷ ᠲᠤ ᠤᠷᠤᠭᠤᠯᠵᠤ ᠴᠠᠢ ᠠᠶᠠᠭᠠᠯᠠᠭᠰᠠᠨ ᠤ ᠲᠠᠷᠠᠭᠠ᠂ ᠮᠥᠷᠭᠦᠭᠦᠯᠥᠭᠰᠡᠨ ᠡᠭᠡ ᠨᠢ ᠵᠠᠭᠠᠨ ᠤ ᠶᠠᠰᠤᠨ ᠰᠤᠶᠤᠭᠠ ᠪᠤᠶᠤ ᠮᠥᠡᠭᠭᠦᠨ ᠬᠠᠳᠬᠤᠭᠤᠷ ᠢᠶᠠᠷ ᠭᠡᠥᠭᠡᠨ ᠤ ᠥᠰᠤ ᠶᠢ ᠭᠥᠨᠳᠡᠳᠡᠭ ᠵᠠᠩᠰᠢᠯ᠃
ᠡᠭᠦᠨ ᠢ ᠵᠠᠷᠢᠮ ᠭᠠᠵᠠᠷ ᠰᠥᠨ ᠤ ᠥᠰᠤ ᠬᠠᠭᠠᠯᠬᠤ ᠪᠤᠶᠤ ᠥᠰᠤ ᠴᠤᠴᠠᠯᠬᠤ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠮᠥᠷᠭᠦᠭᠦᠯᠥᠭᠰᠡᠨ ᠡᠴᠢᠭᠡ ᠨᠢ ᠥᠪᠡᠷ ᠤᠨ ᠭᠢᠳᠤᠭᠠᠨ ᠤ ᠰᠠᠪᠬᠠ ᠪᠠᠷ᠂ ᠮᠥᠷᠭᠦᠭᠦᠯᠥᠭᠰᠡᠨ ᠡᠭᠡ ᠨᠢ ᠭᠥᠷᠭᠡᠨ ᠤ ᠬᠢᠳᠤᠭᠠᠨ ᠤ ᠰᠠᠪᠬᠠ ᠪᠠᠷ ᠥᠰᠥ ᠶᠢ ᠨᠢ ᠬᠠᠭᠠᠯᠳᠠᠭ ᠪᠤᠶᠤ 《ᠬᠠᠯᠠᠭᠤᠨ ᠭᠠᠯ ᠳᠤ ᠨᠢ ᠮᠥᠷᠭᠦᠭᠦᠯᠥᠭᠰᠡᠨ᠂ ᠬᠠᠷᠠ ᠥᠰᠤ ᠶᠢ ᠨᠢ ᠬᠠᠭᠠᠯᠤᠭᠰᠠᠨ》 ᠭᠡᠵᠥ ᠭᠡᠯᠡᠭᠡᠳ ᠰᠠᠪᠬᠠ ᠪᠠᠷ ᠰᠢᠨᠠ ᠪᠠᠷᠢ ᠶᠢᠨ ᠵᠠᠭᠠᠳᠠᠰᠤ ᠲᠡᠭᠡᠭᠦᠷ ᠵᠢᠷᠤᠵᠤ ᠶᠤᠰᠤ ᠭᠥᠢᠴᠡᠳᠭᠡᠪᠠᠯ ᠬᠤᠶᠠᠷ ᠲᠠᠯᠠ ᠶᠢᠨ ᠪᠡᠷᠭᠡᠨ ᠥᠰᠤ ᠶᠢ ᠨᠢ ᠭᠥᠷᠥᠵᠥ᠂ ᠰᠠᠭᠠᠯᠳᠤᠷᠭᠠ᠂ ᠰᠤᠭᠰᠤᠭᠠ᠂ ᠲᠠᠳᠠᠭᠤᠷ᠂ ᠰᠥᠢᠭᠡ᠂ ᠡᠷᠪᠡᠭᠡᠢ᠂ ᠰᠢᠪᠡᠷᠯᠡᠭᠡ᠂ ᠥᠰᠤᠨ ᠤ ᠲᠤᠤᠷ ᠵᠠᠷᠭᠡ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠢ ᠵᠡᠭᠦᠯᠭᠡᠨᠠ᠃ ᠰᠢᠨᠠ ᠪᠠᠷᠢ ᠶᠢᠨ ᠥᠰᠤ ᠬᠠᠭᠠᠯᠬᠤ ᠳᠤ ᠭᠥᠷᠭᠡᠨ ᠲᠠᠯᠠ ᠶᠢᠨ ᠭᠡᠯᠡᠮᠤᠷᠴᠢ ᠠᠴᠠ᠄
《ᠪᠤᠶᠠᠨ ᠴᠠᠭᠠᠨ ᠲᠡᠭᠷᠢ ᠶᠢᠨ ᠬᠤᠪᠢᠯᠭᠠᠨ
ᠪᠠᠭᠠᠳᠤᠷ ᠪᠤᠭᠳᠠ ᠡᠵᠠᠨ ᠴᠢᠩᠭᠢᠰ
ᠪᠥᠷᠳᠡᠭᠡᠯᠵᠢᠨ ᠵᠥᠰᠥᠨ ᠬᠠᠳᠤᠨ ᠢ
ᠪᠠᠭᠤᠯᠭᠠᠵᠤ ᠠᠪᠬᠤ ᠲᠠᠷᠠ ᠴᠠᠭ ᠠᠴᠠ
ᠪᠤᠶᠠᠨ ᠭᠡᠰᠢᠭ ᠲᠡᠭᠦᠰ ᠪᠥᠷᠢᠳᠥᠭᠰᠡᠨ
ᠠᠷᠪᠠᠨ ᠪᠤᠶᠠᠨᠳᠤ ᠡᠵᠠᠨ ᠤ ᠵᠠᠶᠠᠭᠠᠭᠰᠠᠨ
ᠠᠮᠠᠷᠠᠭ ᠰᠠᠶᠢᠬᠠᠨ ᠪᠠᠷᠢ ᠪᠠᠨ
ᠠᠯᠳᠠᠨ ᠪᠥᠯᠡᠵᠡᠭ ᠱᠢᠷᠥ ᠲᠠᠳᠠᠭᠤᠷ ᠢᠶᠠᠷ
ᠠᠷᠢᠭᠤᠳᠬᠠᠨ ᠰᠠᠶᠢᠬᠠᠨ ᠵᠠᠰᠠᠨ ᠴᠢᠮᠡᠵᠥ
ᠤᠯᠠᠨ ᠤ ᠮᠠᠩᠯᠠᠢ ᠪᠤᠯᠭᠠᠬᠤ ᠨᠢ
ᠮᠠᠨ ᠤ ᠲᠠᠥᠭᠡᠨ ᠵᠢᠷᠤᠮ ᠪᠢᠯᠠ》ᠭᠡᠵᠥ ᠢᠷᠥᠭᠡᠳᠡᠭ᠃ ᠮᠤᠷᠳᠠᠭᠤᠯᠵᠤ ᠢᠷᠡᠭᠰᠡᠨ ᠭᠡᠥᠭᠡᠨ ᠲᠡᠭᠡᠷᠡᠭᠢ ᠮᠠᠳᠤ ᠪᠠᠷ ᠥᠰᠤ ᠪᠠᠨ ᠬᠠᠭᠠᠯᠤᠭᠤᠯᠵᠤ ᠪᠤᠨᠳᠤᠤ ᠪᠤᠭᠤᠵᠤ ᠵᠠᠰᠠᠯ ᠵᠡᠭᠦᠪᠠᠯ ᠲᠠᠷᠤᠢ ᠪᠠᠷᠢ ᠪᠤᠯᠤᠭᠰᠠᠨ ᠳᠤ ᠲᠤᠭᠠᠴᠠᠭᠳᠠᠳᠠᠭ᠃ ᠠᠶᠢᠯ ᠤᠨ ᠪᠠᠷᠢ ᠪᠤᠯᠤᠭᠠᠳᠤᠢ ᠭᠡᠥᠭᠡᠨ ᠭᠥᠮᠥᠨ ᠥᠰᠤ ᠭᠡᠵᠢᠭᠡ ᠪᠠᠨ ᠬᠠᠭᠠᠯᠵᠤ ᠬᠤᠶᠠᠷ ᠰᠠᠯᠠᠭᠠᠯᠠᠨ ᠭᠥᠷᠥᠳᠡᠭ ᠥᠭᠡᠢ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠢᠢᠮᠥ ᠠᠴᠠ ᠥᠰᠤ ᠬᠠᠭᠠᠯᠬᠤ ᠨᠢ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠤᠨ ᠴᠢᠬᠤᠯᠠ ᠶᠠᠪᠤᠴᠠ ᠪᠤᠯᠬᠤ ᠪᠥᠭᠡᠳ ᠥᠰᠤ ᠪᠠᠨ ᠬᠠᠭᠠᠯᠵᠤ ᠪᠤᠨᠳᠤᠤ ᠪᠤᠭᠤᠨ ᠵᠠᠰᠠᠯ ᠵᠡᠭᠦᠭᠰᠡᠨ ᠢᠶᠠᠷ ᠪᠠᠷᠢ ᠪᠤᠯᠤᠭᠰᠠᠨ ᠤ ᠪᠡᠯᠭᠡ ᠲᠠᠮᠳᠡᠭ ᠪᠤᠯᠭᠠᠳᠠᠭ᠃ ᠰᠢᠨᠠ ᠪᠠᠷᠢ ᠶᠢᠨ ᠥᠰᠤ ᠶᠢ ᠬᠠᠭᠠᠯᠬᠤ ᠳᠤ ᠭᠥᠷᠭᠡᠨ ᠲᠠᠯᠠ ᠪᠠ ᠭᠡᠥᠭᠡᠨ ᠲᠠᠯᠠ ᠶᠢᠨ ᠪᠡᠷᠭᠡᠨ ᠤᠷᠤᠯᠴᠠᠳᠠᠭ᠃ ᠡᠭᠦᠨ ᠳᠤ᠂ ᠰᠢᠨᠠ ᠪᠠᠷᠢ ᠶᠢᠨ ᠥᠰᠤ ᠶᠢ ᠬᠤᠶᠠᠷ ᠰᠠᠯᠠᠭᠠᠯᠠᠨ ᠭᠥᠷᠥᠭᠦ ᠳᠤ ᠪᠠᠨ ᠭᠥᠷᠭᠡᠨ ᠲᠠᠯᠠ ᠶᠢᠨ ᠪᠠᠷᠭᠡᠨ ᠪᠠᠷᠠᠭᠤᠨ ᠰᠠᠯᠠᠭᠠ ᠶᠢ᠂ ᠭᠡᠥᠭᠡᠨ ᠲᠠᠯᠠ ᠶᠢᠨ ᠪᠠᠷᠭᠡᠨ ᠵᠡᠭᠦᠨ ᠰᠠᠯᠠᠭᠠ ᠶᠢ ᠨᠢ ᠭᠥᠷᠥᠳᠡᠭ᠃
