ᠵᠤᠬᠢᠶᠠᠭᠴᠢ:
ᠴᠠᠭ:2020-10-16
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠮᠠᠯ ᠤᠨ ᠲᠠᠮᠠᠭᠠ ᠨᠠᠷᠠᠯᠡᠭᠦ ᠶᠤᠰᠤ
ᠮᠠᠯ ᠤᠨ ᠲᠠᠮᠠᠭᠠ ᠳᠤ ᠤᠯᠠᠨ ᠵᠥᠢᠯ ᠪᠠᠶᠢᠳᠠᠭ᠃ ᠶᠠᠷᠥᠩᠭᠡᠢ ᠳᠤ ᠨᠢ ᠥᠵᠠᠪᠠᠯ᠂ ᠲᠠᠮᠠᠭᠠ ᠶᠢ ᠠᠮᠢᠳᠠᠨ ᠤᠷᠭᠤᠮᠠᠯ ᠢᠶᠠᠷ ᠵᠠᠭᠪᠤᠷᠴᠢᠯᠠᠭᠰᠠᠨ ᠲᠠᠮᠠᠭᠠ᠂ ᠪᠠᠭᠠᠵᠢ ᠵᠠᠪᠰᠡᠭ ᠢᠶᠠᠷ ᠵᠠᠭᠪᠤᠷᠴᠢᠯᠠᠭᠰᠠᠨ ᠲᠠᠮᠠᠭᠠ᠂ ᠤᠳᠤ ᠭᠠᠷᠠᠭ ᠢᠶᠠᠷ ᠵᠠᠭᠪᠤᠷᠴᠢᠯᠠᠭᠰᠠᠨ ᠲᠠᠮᠠᠭᠠ᠂ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠢᠶᠠᠷ ᠵᠠᠭᠪᠤᠷᠴᠢᠯᠠᠭᠰᠠᠨ ᠲᠠᠮᠠᠭᠠ᠂ ᠭᠧᠤᠮᠧᠲᠷᠢ ᠶᠢᠨ ᠲᠥᠷᠰᠤ ᠲᠠᠮᠠᠭᠠ᠂ ᠲᠤᠭᠠᠨ ᠤ ᠲᠠᠮᠠᠭᠠ᠂ ᠮᠤᠩᠭᠤᠯ᠂ ᠲᠠᠩᠭᠤᠳ᠂ ᠭᠢᠳᠠᠳ ᠥᠰᠥᠭ ᠤᠨ ᠲᠠᠮᠠᠭᠠ ᠵᠠᠷᠭᠡ ᠲᠥᠷᠥᠯ ᠵᠠᠭᠪᠤᠷ ᠲᠤ ᠬᠤᠪᠢᠶᠠᠵᠤ ᠪᠤᠯᠤᠨᠠ᠃ ᠠᠳᠤᠭᠤᠨ ᠲᠠᠮᠠᠭᠠ ᠶᠢᠨ ᠲᠥᠷᠰᠥ ᠵᠢᠷᠤᠭ ᠠᠴᠠ ᠥᠵᠠᠪᠠᠯ᠂ ᠨᠠᠷᠠᠨ ᠲᠠᠮᠠᠭᠠ᠂ ᠰᠠᠷᠠᠨ ᠲᠠᠮᠠᠭᠠ᠂ ᠭᠠᠯ ᠲᠠᠮᠠᠭᠠ᠂ ᠬᠠᠰ ᠲᠠᠮᠠᠭᠠ᠂ ᠵᠢᠭᠠᠰᠤᠨ ᠲᠠᠮᠠᠭᠠ᠂ ᠴᠢᠨᠳᠠᠮᠤᠨᠢ ᠲᠠᠮᠠᠭᠠ᠂ ᠪᠠᠯ ᠲᠠᠮᠠᠭᠠ᠂ ᠵᠤᠭᠤᠰᠤᠨ ᠲᠠᠮᠠᠭᠠ᠂ ᠨᠤᠮᠤ ᠰᠤᠮᠤ ᠲᠠᠮᠠᠭᠠ᠂ ᠭᠡᠳᠠ ᠲᠠᠮᠠᠭᠠ᠂ ᠠᠯᠤᠬᠠᠨ ᠲᠠᠮᠠᠭᠠ ᠭᠡᠭᠦ ᠮᠠᠳᠤ᠃ ᠥᠰᠥᠭ ᠤᠨ ᠲᠠᠮᠠᠭᠠ ᠳᠤ ᠰᠤᠶᠤᠩᠪᠤ ᠥᠰᠥᠭ᠂ ᠲᠥᠪᠡᠳ ᠥᠰᠥᠭ᠂ ᠮᠠᠨᠵᠤ ᠥᠰᠥᠭ᠂ ᠮᠤᠩᠭᠤᠯ ᠥᠰᠥᠭ᠂ ᠺᠢᠷᠢᠯ ᠥᠰᠥᠭ᠂ ᠭᠢᠳᠠᠳ ᠥᠰᠥᠭ ᠵᠠᠷᠭᠡ ᠪᠤᠢ᠃ ᠲᠤᠭᠠᠨ ᠤ ᠲᠠᠮᠠᠭᠠ ᠳᠤ ᠠᠷᠠᠪ ᠲᠤᠭᠠᠨ ᠤ ᠲᠠᠮᠠᠭᠠ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠤᠯᠠᠨ ᠵᠥᠢᠯ ᠤᠨ ᠲᠥᠷᠰᠥ ᠭᠡᠯᠪᠡᠷᠢ ᠪᠥᠭᠦᠢ ᠲᠠᠮᠠᠭᠠ ᠨᠤᠭᠤᠳ ᠨᠢ ᠲᠥᠷᠥᠯ ᠵᠥᠢᠯ ᠤᠨ ᠲᠤᠳᠤᠷᠠ ᠪᠠᠨ ᠴᠤ ᠶᠠᠩᠵᠤ ᠪᠥᠷᠢ ᠶᠢᠨ ᠭᠡᠯᠪᠡᠷᠢ ᠲᠥᠷᠰᠥ ᠲᠠᠢ ᠪᠠᠶᠢᠳᠠᠭ᠃ ᠲᠠᠷᠠᠴᠢᠯᠠᠨ ᠲᠠᠩ ᠲᠥᠷᠰᠤ ᠶᠢᠨ ᠲᠠᠮᠠᠭᠠ ᠠᠴᠠ ᠭᠠᠳᠠᠨᠠ᠂ ᠬᠤᠶᠠᠷ ᠪᠤᠶᠤ ᠭᠤᠷᠪᠠᠨ ᠶᠠᠭᠤᠮᠠ ᠥᠵᠡᠭᠳᠠᠯ ᠢ ᠶᠠᠮᠠᠷ ᠨᠢᠭᠡᠨ ᠭᠡᠯᠪᠡᠷᠢ ᠪᠠᠷ ᠨᠠᠶᠢᠯᠡᠭᠦᠯᠥᠨ ᠭᠢᠭᠰᠡᠨ ᠨᠠᠶᠢᠯᠠᠮᠠᠯ ᠲᠥᠷᠰᠤ ᠶᠢᠨ ᠲᠠᠮᠠᠭᠠ ᠴᠤ ᠪᠠᠶᠢᠳᠠᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠨᠠᠷᠠᠨ ᠰᠠᠷᠠᠨ ᠲᠠᠮᠠᠭᠠ᠂ ᠰᠢᠷᠡᠭᠡ ᠲᠠᠢ ᠠᠯᠤᠬᠠᠨ ᠲᠠᠮᠠᠭᠠ᠂ ᠭᠥᠪᠴᠢ ᠲᠠᠢ ᠰᠠᠷᠠ ᠲᠠᠢ ᠵᠢᠭᠠᠰᠤᠨ ᠲᠠᠮᠠᠭᠠ ᠭᠡᠭᠦ ᠮᠠᠳᠤ᠃
ᠮᠠᠯ ᠤᠨ ᠲᠠᠮᠠᠭᠠ ᠶᠢ ᠶᠠᠷᠥᠩᠭᠡᠢ ᠪᠥᠳᠥᠴᠠ ᠠᠴᠠ ᠨᠢ ᠲᠠᠩ ᠲᠥᠷᠰᠤ ᠶᠢᠨ ᠲᠠᠮᠠᠭᠠ ᠪᠠ ᠨᠠᠶᠢᠯᠠᠮᠠᠯ ᠲᠥᠷᠰᠤ ᠶᠢᠨ ᠲᠠᠮᠠᠭᠠ ᠭᠡᠵᠥ ᠬᠤᠶᠠᠷ ᠵᠥᠢᠯ ᠳᠤ ᠬᠤᠪᠢᠶᠠᠳᠠᠭ᠃ ᠮᠤᠩᠭᠤᠯᠴᠤᠳ ᠮᠠᠯ ᠤᠨ ᠲᠠᠮᠠᠭᠠ ᠶᠢ ᠨᠠᠷᠠᠯᠡᠭᠦ ᠳᠤ ᠪᠠᠨ ᠲᠤᠭᠳᠠᠭᠰᠠᠨ ᠶᠤᠰᠤ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠲᠠᠩ ᠲᠥᠷᠰᠤ ᠶᠢᠨ ᠲᠠᠮᠠᠭᠠ ᠶᠢ ᠰᠢᠭᠤᠳ ᠨᠡᠷᠠᠯᠡᠳᠡᠭ ᠪᠠ ᠨᠠᠶᠢᠯᠠᠮᠠᠯ ᠲᠥᠷᠰᠤ ᠲᠠᠢ ᠲᠠᠮᠠᠭᠠ ᠶᠢ ᠨᠠᠷᠡᠯᠡᠭᠦ ᠳᠤ ᠪᠠᠨ ᠲᠤᠭᠳᠠᠭᠰᠠᠨ ᠶᠤᠰᠤ ᠵᠢᠷᠤᠮ ᠲᠠᠢ ᠪᠠᠶᠢᠳᠠᠭ᠃ ᠲᠠᠮᠠᠭᠠᠨ ᠳᠤ ᠲᠤᠰᠠᠯᠠᠬᠤ ᠲᠠᠮᠳᠡᠭ ᠪᠤᠶᠤ ᠴᠢᠮᠡᠭᠯᠡᠯ ᠪᠤᠯᠵᠤ ᠪᠤᠢ ᠭᠡᠰᠡᠭ ᠢ ᠨᠢ ᠡᠭᠢᠯᠡᠨ ᠭᠡᠯᠡᠵᠤ᠂ ᠲᠠᠷᠠᠭᠠ ᠨᠢ ᠲᠠᠮᠠᠭᠠ ᠶᠢᠨ ᠭᠤᠤᠯ ᠲᠥᠷᠰᠤ ᠶᠢ ᠨᠢ ᠭᠡᠯᠡᠳᠡᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠨᠢᠳᠤ ᠲᠠᠢ ᠤᠡᠭᠭᠢᠨ ᠲᠠᠮᠠᠭᠠ ᠭᠡᠭᠦ ᠮᠠᠳᠤ᠃ ᠰᠠᠭᠤᠷᠢ ᠲᠠᠢ ᠪᠤᠶᠤ ᠲᠠᠪᠢᠰᠭᠡᠷ ᠲᠠᠢ ᠲᠠᠮᠠᠭᠠ ᠶᠢ ᠲᠤᠤᠷᠠ ᠠᠴᠠ ᠨᠢ ᠲᠡᠭᠡᠭᠰᠢ᠂ ᠲᠠᠷᠤᠢ ᠰᠠᠭᠤᠷᠢ ᠪᠤᠶᠤ ᠲᠠᠪᠢᠰᠭᠡᠷ ᠠᠴᠠ ᠨᠢ ᠡᠭᠢᠯᠡᠵᠤ᠂ ᠲᠠᠷᠠᠭᠠ ᠨᠢ ᠲᠠᠮᠠᠭᠠ ᠶᠢ ᠨᠢ ᠨᠠᠷᠠᠯᠡᠳᠡᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠰᠢᠷᠡᠭᠡ ᠲᠠᠢ ᠴᠢᠨᠳᠠᠮᠤᠨᠢ ᠲᠠᠮᠠᠭᠠ ᠂ ᠰᠠᠭᠤᠷᠢ ᠲᠠᠢ ᠤᠡᠭᠭᠢᠨ ᠲᠠᠮᠠᠭᠠ ᠭᠡᠭᠦ ᠮᠠᠳᠤ᠃ ᠭᠥᠷᠢᠶᠠ ᠲᠠᠢ ᠲᠠᠮᠠᠭᠠ ᠶᠢ ᠭᠠᠳᠠᠨᠠ ᠠᠴᠠ ᠨᠢ ᠲᠤᠳᠤᠭᠰᠢ ᠪᠤᠶᠤ ᠭᠥᠷᠢᠶᠠ ᠠᠴᠠ ᠨᠢ ᠡᠭᠢᠯᠡᠵᠤ᠂ ᠲᠠᠷᠠᠭᠠ ᠨᠢ ᠲᠠᠮᠠᠭᠠ ᠶᠢ ᠨᠢ ᠨᠠᠷᠠᠯᠡᠳᠡᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠲᠥᠷᠪᠡᠯᠵᠢᠨ ᠭᠥᠷᠢᠶᠠ ᠲᠠᠢ ᠤᠡᠭᠭᠢ ᠲᠠᠮᠠᠭᠠ᠂ ᠭᠥᠷᠢᠶᠠ ᠲᠠᠢ ᠬᠠᠰ ᠲᠠᠮᠠᠭᠠ ᠭᠡᠭᠦ ᠮᠠᠳᠤ᠃
