ᠵᠤᠬᠢᠶᠠᠭᠴᠢ:
ᠴᠠᠭ:2020-09-18
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠵᠠᠭᠤᠴᠢ ᠵᠠᠯᠠᠬᠤ ᠶᠤᠰᠤ
ᠶᠠᠪᠤᠳᠠᠯ ᠤᠴᠢᠷ ᠲᠤ ᠯᠠᠪᠳᠠᠭᠤᠨ᠂ ᠥᠭᠡ ᠭᠡᠯᠡ ᠳᠤ ᠪᠠᠨ ᠰᠠᠶᠢᠨ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠪᠠᠶᠢᠳᠠᠯ ᠢ ᠰᠠᠶᠢᠨ ᠥᠢᠯᠠᠭᠠᠵᠤ᠂ ᠭᠥᠥ ᠲᠠᠯᠠ ᠶᠢᠨ ᠲᠥᠷᠥᠯ ᠪᠢᠰᠢ (ᠵᠠᠷᠢᠮ ᠭᠠᠵᠠᠷ ᠬᠠᠮᠢᠶᠠᠷᠬᠤ ᠥᠭᠡᠢ)᠂ ᠭᠥᠥ ᠲᠠᠢ ᠢᠪᠡᠭᠡᠯ ᠵᠢᠯ ᠲᠠᠢ᠂ ᠡᠭᠡᠨᠡᠷ ᠭᠡᠥᠭᠡᠳ ᠲᠠᠢ ᠡᠯᠢᠭᠡ ᠪᠥᠳᠤᠨ᠂ ᠤᠬᠠᠭᠠᠯᠢᠭ ᠲᠤᠮᠤᠭᠠᠯᠢᠭ ᠭᠥᠮᠥᠨ ᠢ ᠵᠠᠯᠠᠵᠤ ᠭᠡᠥᠭᠡᠨ ᠲᠠᠯᠠ ᠳᠤ ᠤᠴᠢᠭᠤᠯᠤᠨ ᠤᠷᠤᠭ ᠭᠤᠶᠤᠬᠤ ᠵᠠᠩᠰᠢᠯ᠃ ᠡᠮᠡᠭᠳᠠᠢ ᠭᠥᠮᠥᠨ᠂ ᠯᠠᠮᠠ ᠭᠥᠮᠥᠨ᠂ ᠤᠷᠤᠭᠯᠠᠭᠠᠳᠤᠢ ᠪᠤᠶᠤ ᠤᠷᠤᠭ ᠰᠠᠯᠵᠤ ᠥᠡᠭᠭᠡᠷᠡᠭᠰᠡᠨ ᠡᠷᠡᠭᠳᠠᠢ ᠭᠥᠮᠥᠨ ᠢ ᠵᠠᠭᠤᠴᠢ ᠪᠠᠷ ᠵᠠᠯᠠᠳᠠᠭ ᠥᠭᠡᠢ᠃ ᠵᠠᠷᠢᠮ ᠭᠠᠵᠠᠷ ᠵᠠᠪᠠᠯ ᠬᠤᠶᠠᠷ ᠭᠥᠮᠥᠨ ᠢᠶᠠᠷ ᠵᠠᠭᠤᠴᠢᠯᠠᠭᠤᠯᠳᠠᠭ ᠪᠥᠭᠡᠳ ᠴᠠᠭᠠᠨ ᠮᠤᠷᠢ ᠤᠨᠤᠭᠤᠯᠬᠤ ᠶᠢ ᠡᠷᠭᠢᠮᠯᠡᠨ ᠭᠥᠷᠠᠩ ᠬᠠᠯᠵᠠᠨ ᠮᠤᠷᠢ ᠤᠨᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠵᠠᠭᠤᠴᠢ ᠰᠠᠶᠢᠨ ᠡᠳᠤᠷ ᠢ ᠰᠤᠩᠭᠤᠨ ᠭᠡᠥᠭᠡᠨ ᠤ ᠭᠡᠷ ᠲᠤ ᠤᠴᠢᠭᠠᠳ ᠴᠠᠢ ᠶᠢ ᠨᠢ ᠤᠤᠭᠤᠵᠤ᠂ ᠴᠠᠭᠠᠨ ᠢᠳᠡᠭᠡ ᠶᠢ ᠨᠢ ᠠᠮᠰᠠᠵᠤ ᠮᠠᠯ ᠠᠬᠤᠢ᠂ ᠠᠳᠠᠯ ᠤᠨᠳᠤᠷᠤᠯᠭᠠ ᠪᠠᠨ ᠠᠰᠠᠭᠤᠯᠴᠠᠨ ᠲᠠᠪᠠᠳᠠᠢ ᠰᠠᠶᠢᠬᠠᠨ ᠶᠠᠷᠢᠯᠴᠠᠭᠰᠠᠨ ᠤ ᠲᠠᠷᠠᠭᠠ᠂ ᠭᠡᠥᠭᠡᠨ ᠢ ᠭᠡᠷ ᠲᠤ ᠪᠠᠨ ᠥᠭᠡᠢ ᠬᠤᠭᠤᠷᠤᠨᠳᠤ ᠠᠪᠤ ᠡᠵᠢ ᠳᠤ ᠨᠢ᠄
《ᠠᠪᠤᠷᠠᠯ ᠲᠠᠢ ᠮᠠᠷᠭᠡᠳ ᠢᠶᠠᠷ ᠥᠵᠡᠭᠦᠯᠵᠥ ᠠᠯᠳᠠᠨ ᠱᠤ ᠶᠢ ᠨᠢ ᠤᠷᠭᠢᠭᠤᠯᠤᠭᠠᠳ ᠠᠴᠢᠷ ᠥᠷᠠ ᠲᠠᠨ ᠤ ᠠᠮᠠ ᠲᠤᠷᠰᠢᠬᠤ ᠪᠠᠷ ᠢᠷᠠᠯᠠ ᠪᠢ》 ᠭᠡᠭᠦ ᠪᠤᠶᠤ 《ᠰᠤᠷᠠᠵᠤ ᠥᠯᠥ ᠪᠤᠯᠬᠤ ᠰᠤᠷᠠᠭ ᠢᠶᠠᠷ᠂ ᠡᠷᠢᠵᠥ ᠥᠯᠥ ᠪᠤᠯᠬᠤ ᠡᠷᠢᠯ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠨᠠ》《ᠡᠷᠢᠭᠡᠳ ᠤᠯᠳᠠᠳᠠᠭ ᠥᠭᠡᠢ ᠡᠷᠳᠠᠨᠢ᠂ ᠰᠤᠷᠠᠭᠠᠳ ᠤᠯᠳᠠᠳᠠᠭ ᠥᠭᠡᠢ ᠰᠤᠪᠤᠳ᠂ ᠬᠠᠶᠢᠭᠠᠳ ᠤᠯᠳᠠᠳᠠᠭ ᠥᠭᠡᠢ ᠬᠠᠰ ᠡ᠊ᠨᠳᠠ ᠪᠠᠶᠢᠨᠠ ᠭᠡᠰᠡᠨ ᠲᠤᠬᠠᠢ ᠲᠠᠷᠠ ᠭᠡᠰᠢᠭ ᠢ ᠭᠥᠷᠳᠡᠭᠦ ᠪᠠᠷ ᠵᠤᠴᠢᠯᠠᠨ ᠢᠷᠠᠯᠠ》 ᠭᠡᠭᠦ ᠮᠠᠳᠤ ᠪᠠᠷ ᠡᠪᠯᠢᠭ ᠰᠠᠶᠢᠬᠠᠨ ᠭᠡᠯᠡᠵᠥ ᠢᠯᠠᠳᠭᠡᠨᠠ᠃ ᠵᠠᠯᠭᠠᠭᠠᠳ ᠭᠥᠥ ᠶᠢᠨ ᠤᠪᠤᠭ ᠨᠠᠷᠠ᠂ ᠡᠴᠢᠭᠡ ᠲᠡᠭᠡᠳᠤᠰ᠂ ᠭᠡᠷ ᠪᠥᠯᠢ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ ᠪᠠᠶᠢᠳᠠᠯ᠂ ᠡᠴᠢᠭᠡ ᠡᠭᠡ ᠶᠢᠨ ᠰᠠᠨᠠᠯ ᠪᠤᠳᠤᠯ ᠢ ᠨᠠᠷᠢᠨ ᠰᠠᠶᠢᠬᠠᠨ ᠲᠠᠨᠢᠯᠴᠠᠭᠤᠯᠳᠠᠭ᠃ ᠭᠡᠥᠭᠡᠨ ᠤ ᠡᠴᠢᠭᠡ ᠡᠭᠡ ᠵᠠᠭᠤᠴᠢ ᠶᠢᠨ ᠭᠥᠰᠡᠯ ᠪᠠ ᠲᠠᠨᠢᠯᠴᠠᠭᠤᠯᠭᠠ ᠶᠢ ᠰᠤᠨᠤᠰᠤᠭᠠᠳ ᠨ ᠢᠶᠠᠨ ᠥᠭᠭᠦ ᠡᠰᠡᠭᠦ ᠶᠢ ᠲᠠᠷᠠ ᠲᠤᠤᠷᠠ ᠨᠢ ᠭᠡᠯᠡᠯ ᠥᠭᠡᠢ᠂ ᠶᠠᠷᠥ ᠳᠤ ᠪᠠᠨ ᠠᠬᠠ ᠲᠡᠭᠦᠥ ᠰᠠᠳᠤᠨ ᠲᠠᠢ ᠪᠠᠨ ᠶᠠᠷᠢᠯᠴᠠᠵᠤ ᠪᠠᠶᠢᠭᠠᠳ ᠰᠢᠢᠳᠤᠨᠠ ᠭᠡᠵᠥ ᠵᠠᠭᠤᠴᠢ ᠶᠢ ᠲᠠᠶᠢᠯᠠᠨ ᠪᠤᠴᠠᠭᠠᠳᠠᠭ᠃ ᠤᠯᠠᠩᠭᠢ ᠨᠤᠳᠤᠭ ᠲᠤ ᠠᠮᠠ ᠲᠤᠷᠰᠢᠬᠤ ᠳᠤ ᠵᠠᠭᠤᠴᠢ ᠨᠢ ᠭᠡᠥᠭᠡᠨ ᠤ ᠠᠪᠤ ᠡᠵᠢ ᠳᠤ ᠬᠠᠳᠠᠭ ᠠᠷᠢᠭᠢ ᠵᠠᠷᠭᠡ ᠪᠠᠯᠡᠭ ᠲᠠᠢ ᠤᠴᠢᠳᠠᠭ᠃ ᠲᠡᠭᠡᠭᠦ ᠳᠤ ᠵᠠᠷᠢᠮ ᠨᠤᠳᠤᠭ ᠲᠤ ᠭᠡᠥᠭᠡᠨ ᠤ ᠠᠪᠤ ᠡᠵᠢ ᠨᠢ ᠡᠨᠡ ᠭᠦ ᠤᠷᠤᠭ ᠤᠨ ᠶᠠᠪᠤᠳᠠᠯ ᠢ ᠵᠥᠪᠰᠢᠶᠠᠷᠠᠪᠠᠯ ᠰᠠᠶ᠋ᠢ ᠬᠠᠳᠠᠭ ᠪᠡᠯᠡᠭ ᠢ ᠭᠥᠯᠢᠶᠠᠨ ᠠᠪᠴᠤ᠂ ᠵᠥᠪᠰᠢᠶᠠᠷᠡᠭᠦ ᠥᠭᠡᠢ ᠪᠤᠯ ᠪᠤᠴᠠᠭᠠᠨ ᠥᠭᠳᠡᠭ᠃ ᠵᠠᠷᠢᠮ ᠨᠤᠳᠤᠭ ᠲᠤ ᠠᠩᠬᠠ ᠤᠴᠢᠬᠤ ᠳᠤ ᠬᠠᠳᠠᠭ ᠠᠪᠳᠠᠭ ᠥᠭᠡᠢ᠃ ᠪᠤᠷᠢᠶᠠᠳ ᠲᠤ ᠪᠤᠯ ᠵᠠᠭᠤᠴᠢ ᠨᠢ ᠤᠷᠢᠳ ᠢᠶᠠᠷ ᠭᠡᠥᠭᠡᠨ ᠤ ᠭᠡᠷ ᠤᠨ ᠪᠤᠷᠬᠠᠨ ᠰᠢᠳᠥᠭᠡᠨ ᠳᠤ ᠨᠢ ᠬᠠᠳᠠᠭ ᠲᠠᠯᠪᠢᠵᠥ ᠮᠥᠷᠭᠦᠭᠡᠳ ᠲᠠᠷᠠᠭᠠ ᠨᠢ ᠰᠠᠶ᠋ᠢ ᠥᠭᠡ ᠲᠤᠰᠬᠠᠳᠠᠭ᠃ ᠠᠮᠠ ᠲᠤᠷᠰᠢᠬᠰᠠᠨ ᠬᠠᠳᠠᠭ ᠢ ᠭᠥᠯᠢᠶᠠᠨ ᠠᠪᠤᠪᠠᠯ ᠲᠠᠷᠠ ᠨᠢ ᠠᠩᠬᠠ ᠵᠥᠪᠰᠢᠶᠠᠷᠡᠭᠰᠡᠨ ᠶᠠᠪᠤᠳᠠᠯ ᠪᠤᠯᠬᠤᠷ᠂ ᠪᠠᠭᠠ ᠬᠠᠳᠠᠭ ᠲᠠᠯᠪᠢᠬᠰᠠᠨ ᠰᠢᠨᠵᠢ ᠲᠠᠢ ᠪᠤᠯᠳᠠᠭ᠃ ᠭᠡᠪᠡᠴᠤ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠵᠠᠭᠤᠴᠢ ᠶᠢ ᠠᠩᠬᠠ ᠤᠴᠢᠬᠤ ᠳᠤ ᠭᠡᠤᠭᠡᠨ ᠲᠠᠯᠠ ᠨ ᠢᠶᠠᠨ ᠥᠭᠭᠦ ᠡᠰᠡᠭᠦ ᠶᠢᠨ ᠰᠢᠢᠳᠪᠤᠷᠢ ᠶᠢ ᠭᠠᠷᠭᠠᠬᠤ ᠶᠢᠨ ᠠᠷᠭᠠ ᠥᠭᠡᠢ ᠪᠤᠯᠬᠤᠷ᠂ ᠲᠠᠷᠠᠭᠠ ᠤᠳᠠᠭᠠ ᠨᠢ ᠰᠢᠢᠳ ᠠᠪᠬᠤ ᠪᠤᠶᠤ ᠪᠠᠭᠠ ᠬᠠᠳᠠᠭ ᠲᠠᠯᠪᠢᠬᠤ ᠭᠡᠵᠥ ᠲᠤᠰᠬᠠᠢ ᠨᠢᠭᠡ ᠶᠠᠪᠤᠴᠠ ᠪᠠᠶᠢᠳᠠᠭ᠃
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
