ᠵᠤᠬᠢᠶᠠᠭᠴᠢ:
ᠴᠠᠭ:2020-08-31
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠪᠤᠯᠠᠭ ᠱᠠᠩᠳᠠ ᠲᠠᠭᠢᠬᠤ
ᠪᠤᠯᠠᠭ ᠱᠠᠩᠳᠠ ᠨᠢ ᠮᠤᠩᠭᠤᠯ ᠤᠷᠤᠨ ᠤ ᠪᠠᠶᠢᠭᠠᠯᠢ ᠶᠢᠨ ᠤᠨᠴᠠᠭᠠᠢ ᠲᠤᠭᠳᠠᠴᠠ ᠠᠴᠠ ᠪᠥᠷᠢᠯᠳᠥᠭᠰᠡᠨ ᠪᠥᠭᠡᠳ ᠤᠷᠤᠰᠬᠠᠯ ᠤᠰᠤᠨ ᠤ ᠡᠭᠢ ᠪᠤᠯᠬᠤ ᠶᠤᠮ᠃ ᠢᠢᠮᠥ ᠠᠴᠠ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ 《ᠤᠰᠤ ᠮᠥᠷᠠᠨ ᠪᠤᠯᠠᠭ ᠠᠴᠠ ᠡᠭᠢ ᠲᠠᠢ᠂ ᠤᠬᠠᠭᠠᠨ ᠡᠷᠳᠠᠮ ᠨᠤᠮ ᠠᠴᠠ ᠡᠭᠢ ᠲᠠᠢ》 ᠭᠡᠳᠡᠭ᠃ ᠪᠤᠯᠠᠭ ᠱᠠᠩᠳᠠ ᠨᠢ ᠤᠰᠤ ᠮᠥᠷᠠᠨ ᠤ ᠡᠭᠢ ᠪᠤᠯᠤᠭᠰᠠᠨ ᠪᠤᠯᠬᠤᠷ᠂ ᠲᠡᠭᠦᠨ ᠤ ᠶᠠᠨᠳᠠᠰᠢ ᠥᠭᠡᠢ ᠤᠨᠳᠤᠷᠤᠯ᠂ ᠭᠠᠨᠭ᠍ᠳᠠᠰᠢ ᠥᠭᠡᠢ ᠤᠷᠤᠰᠬᠠᠯ ᠢ ᠲᠡᠭᠡᠳᠤᠯᠡᠨ ᠭᠥᠨᠳᠤᠳᠭᠡᠳᠡᠭ ᠪᠥᠭᠡᠳ ᠷᠢᠳᠢ ᠰᠢᠳᠢᠴᠢᠯᠡᠨ ᠰᠢᠳᠥᠵᠥ ᠲᠠᠭᠢᠳᠠᠭ᠃ ᠮᠤᠩᠭᠤᠯᠴᠤᠳ 《ᠱᠠᠩᠳᠠ ᠶᠢᠨ ᠤᠰᠤ ᠶᠢ ᠲᠤᠩᠭᠠᠪᠠᠯ ᠰᠢᠪᠡᠷ ᠭᠠᠷᠬᠤ ᠥᠭᠡᠢ᠂ ᠰᠠᠨᠠᠭᠠ ᠰᠠᠳᠭᠢᠯ ᠢᠶᠠᠨ ᠨᠢᠭᠡᠳᠭᠡᠪᠠᠯ ᠰᠠᠪ ᠭᠠᠷᠬᠤ ᠥᠭᠡᠢ》 ᠭᠡᠵᠥ ᠥᠵᠡᠳᠡᠭ ᠪᠤᠯᠬᠤᠷ᠂ ᠪᠤᠯᠠᠭ ᠱᠠᠩᠳᠠ ᠲᠠᠭᠢᠬᠤ ᠶᠢ ᠡᠷᠭᠢᠮᠯᠡᠨ ᠭᠥᠨᠳᠤᠳᠭᠡᠳᠡᠭ᠃ ᠪᠤᠯᠠᠭ ᠱᠠᠩᠳᠠ ᠲᠠᠭᠢᠬᠤ ᠳᠤ ᠪᠠᠨ ᠪᠤᠯᠠᠭ ᠱᠠᠩᠳᠠ ᠶᠢᠨ ᠡᠭᠢ ᠠᠪᠤᠭᠰᠠᠨ ᠭᠠᠵᠠᠷ ᠲᠤ ᠤᠪᠤᠭᠠ ᠪᠤᠰᠬᠠᠵᠤ ᠲᠠᠭᠢᠯᠭᠠ ᠭᠢᠳᠡᠭ ᠵᠠᠩᠰᠢᠯ ᠲᠠᠢ᠃ ᠪᠤᠯᠠᠭ ᠱᠠᠩᠳᠠ ᠶᠢ ᠵᠢᠯ ᠪᠥᠷᠢ ᠶᠢᠨ ᠬᠠᠪᠤᠷ ᠤᠨ ᠰᠡᠭᠦᠯᠴᠢ᠂ ᠵᠤᠨ ᠤ ᠡᠭᠢ ᠪᠠᠷ ᠥᠯᠵᠠᠶᠢᠳᠤ ᠡᠳᠤᠷ ᠢ ᠰᠤᠩᠭᠤᠵᠤ᠂ ᠠᠶᠢᠯ ᠬᠤᠳᠠ ᠪᠠᠷ ᠢᠶᠠᠨ ᠴᠤᠭᠯᠠᠷᠠᠨ᠂ ᠰᠠᠩ ᠲᠠᠯᠪᠢᠵᠤ ᠠᠷᠢᠭᠤᠳᠬᠠᠨ᠂ ᠭᠥᠵᠢ ᠠᠰᠠᠭᠠᠵᠤ᠂ ᠰᠥᠨ ᠰᠠᠴᠤᠯᠢ ᠡᠷᠭᠦᠭᠡᠳ᠂ ᠨᠤᠳᠤᠭ ᠤᠰᠤᠨ ᠤ ᠠᠬᠠᠮᠠᠳ ᠨᠢ ᠲᠠᠭᠢᠯᠭᠠ ᠶᠢᠨ ᠢᠷᠥᠭᠡᠯ ᠭᠡᠯᠡᠳᠡᠭ᠃ ᠪᠤᠯᠠᠭ ᠱᠠᠩᠳᠠ ᠶᠢᠨ ᠲᠠᠭᠢᠯᠭᠠ ᠶᠢᠨ ᠢᠷᠥᠭᠡᠯ ᠤᠬᠤᠷ ᠠᠪᠰᠠᠷᠬᠠᠨ᠂ ᠢᠷᠥᠭᠡᠯ ᠪᠠᠯᠭᠡᠳᠠᠯ ᠤᠨ ᠰᠠᠳᠭᠢᠯᠭᠡ ᠪᠢᠯᠬᠠᠮᠠ ᠪᠠᠶᠢᠳᠠᠭ ᠤᠨᠴᠠᠯᠢᠭ ᠲᠠᠢ᠃ ᠵᠢᠱᠢᠶᠠᠯᠠᠪᠠᠯ᠄
《ᠨᠤᠳᠤᠭ ᠤᠰᠤᠨ ᠤ ᠮᠢᠨᠢ ᠡᠵᠠᠨ ᠪᠤᠯᠤᠭᠰᠠᠨ
ᠯᠤᠤᠰ ᠤᠨ ᠬᠠᠭᠠᠨ ᠮᠢᠨᠢ ᠪᠠᠶᠠᠷᠯᠠᠳᠤᠭᠠᠢ︕
ᠷᠠᠰᠢᠶᠠᠨ ᠪᠤᠯᠠᠭ ᠮᠢᠨᠢ ᠮᠥᠡᠭᠭᠡ ᠤᠨᠳᠤᠷᠴᠤ
ᠠᠳᠤᠭᠤ ᠮᠠᠯ ᠳᠤ ᠮᠢᠨᠢ ᠤᠮᠳᠠ ᠪᠤᠯᠳᠤᠭᠠᠢ︕
ᠤᠨᠳᠤᠷᠤᠯ ᠤᠰᠤ ᠮᠢᠨᠢ ᠮᠥᠡᠭᠭᠡ ᠤᠷᠭᠢᠯᠵᠤ
ᠠᠭᠤᠯᠠ ᠤᠰᠤ ᠮᠢᠨᠢ ᠥᠨᠢᠳᠠ ᠴᠡᠴᠡᠭᠯᠡᠳᠥᠭᠡᠢ︕
ᠥᠷᠠ ᠭᠡᠥᠭᠡᠳ ᠢ ᠮᠢᠨᠢ ᠥᠷᠥᠰᠢᠶᠠᠨ ᠰᠤᠶᠤᠷᠬᠠᠵᠤ
ᠤᠬᠠᠭᠠᠨ ᠪᠢᠯᠢᠭ ᠢ ᠨᠢ ᠭᠡᠶᠢᠭᠦᠯᠥᠨ ᠨᠡᠭᠡᠭᠡᠯᠭᠡᠳᠤᠭᠡᠢ︕》 ᠭᠡᠭᠦ ᠮᠠᠳᠤ ᠪᠠᠷ ᠢᠷᠥᠭᠡᠯ ᠵᠥᠡᠭᠨᠡᠯ᠂ ᠭᠥᠰᠡᠯ ᠮᠥᠷᠥᠭᠡᠳᠤᠯ ᠤᠨ ᠰᠠᠳᠭᠢᠯᠭᠡ ᠪᠠᠨ ᠢᠯᠡᠳᠭᠡᠵᠥ᠂ ᠪᠤᠯᠠᠭ ᠱᠠᠩᠳᠠ ᠶᠢᠨ ᠱᠠᠪᠳᠠᠭ ᠲᠤ ᠨᠠᠮᠠᠨᠴᠢᠯᠡᠨ ᠮᠥᠷᠭᠦᠳᠡᠭ᠃ ᠪᠤᠯᠠᠭ ᠱᠠᠩᠳᠠ ᠶᠢᠨ ᠲᠠᠭᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠳ ᠪᠤᠯᠠᠭ ᠤᠨ ᠤᠰᠤᠨ ᠠᠴᠠ ᠮᠠᠩᠨᠠᠢ ᠳᠤ ᠪᠠᠨ ᠲᠥᠷᠭᠢᠵᠥ᠂ ᠭᠡᠳᠤᠨ ᠤᠭᠤᠴᠢ ᠠᠮᠰᠠᠭᠠᠳ ᠮᠤᠷᠳᠠᠳᠠᠭ ᠵᠠᠩᠰᠢᠯ ᠲᠠᠢ᠃
