ᠵᠤᠬᠢᠶᠠᠭᠴᠢ:
ᠴᠠᠭ:2020-08-24
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠠᠵᠢᠨᠠᠢ ᠱᠠᠩᠨᠠᠯ ᠳᠤ ᠮᠠᠨ ᠤ ᠤᠷᠤᠨ ᠤ ᠭᠤᠷᠪᠠᠨ ᠵᠤᠬᠢᠶᠠᠯᠴᠢ
2020 8 ᠰᠠᠷᠠ ᠶᠢᠨ 23 ᠡᠳᠦᠷ᠂ ᠪᠦᠬᠦ ᠤᠯᠤᠰ ᠤᠨ ᠴᠦᠬᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠠᠵᠢᠨᠠᠢ ᠱᠠᠩᠨᠠᠯ ᠱᠠᠩᠨᠠᠯ ᠬᠦᠷᠳᠡᠭᠰᠡᠨ ᠪᠦᠲᠦᠭᠡᠯ ᠢ ᠨᠠᠶᠢᠳᠠᠯᠠᠬᠦ ᠳᠤ᠂ ᠮᠠᠨ ᠤ ᠤᠷᠤᠨ ᠤ ᠭᠤᠷᠪᠠᠨ ᠪᠦᠳᠦᠬᠡᠯ ᠱᠠᠩᠨᠠᠯ ᠬᠦᠷᠳᠡᠭᠰᠡᠨ ᠪᠠᠶᠢᠨᠠ᠃
ᠮᠠᠨ ᠤ ᠤᠷᠤᠨ ᠤ ᠵᠤᠬᠢᠶᠠᠯᠴᠢ ᠬᠠᠯᠢᠭᠤᠨ ᠤ ᠬᠦ᠋ᠬᠡ ᠮᠤᠩᠭᠤᠯ ᠪᠦᠳᠦᠬᠡᠯ ᠨᠢ ᠠᠵᠢᠨᠠᠢ ᠱᠠᠩᠨᠠᠯ ᠤᠨ ᠷᠤᠮᠠᠨ ᠤ ᠱᠠᠩᠨᠠᠯ ᠢ ᠬᠦᠷᠳᠡᠵᠦ᠂ ᠬᠢᠯᠭᠠᠨᠠ ᠶᠢᠨ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠬᠦᠷᠦᠰᠦᠳᠦ ᠲᠡᠯᠡᠬᠡᠢ ᠶᠢ ᠲᠤᠭᠤᠷᠢᠭᠰᠠᠨ ᠨᠢ ᠬᠡᠬᠦ ᠲᠡᠬᠦᠪᠦᠷᠢ ᠦᠬᠦᠯᠡᠯᠬᠡ ᠶᠢᠨ ᠱᠠᠩᠨᠠᠯ ᠢ ᠬᠦᠷᠳᠡᠵᠤ ᠂ ᠮᠠᠨ ᠴᠢᠦᠸᠠᠨ ᠤ ᠬᠠᠪᠤᠷ ᠤᠨ ᠰᠦᠨᠢ ᠂ ᠬᠡᠨ ᠨᠡᠮᠡ ᠶᠢ ᠲᠠᠭᠤᠳᠠᠨᠠᠮ ᠮᠤᠩᠭᠤᠯ ᠬᠡᠯᠡ ᠬᠡᠬᠦ ᠲᠡᠬᠦᠪᠦᠷᠢ ᠨᠢ ᠰᠢᠯᠦᠭ ᠤᠨ ᠱᠠᠩᠨᠠᠯ ᠢ ᠬᠦᠷᠳᠡᠵᠡᠢ᠃
ᠬᠠᠯᠢᠭᠤᠨ ᠤ ᠪᠦᠲᠦᠭᠡᠯ ᠬᠦᠬᠡ ᠮᠤᠩᠭᠤᠯ ᠪᠤᠯ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠲᠡᠦᠬᠡ ᠪᠠ ᠲᠡᠳᠡ ᠨᠡᠷ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ ᠶᠢᠷᠳᠢᠨᠴᠤ ᠶᠢ ᠲᠡᠯᠬᠡᠭᠰᠡᠨ ᠪᠦᠳᠦᠬᠡᠯ ᠪᠤᠯᠤᠨᠠ᠃ ᠲᠤᠰ ᠪᠦᠳᠦᠬᠡᠯ ᠨᠢ ᠬᠡᠳᠦᠨ ᠦᠶᠠ ᠶᠢᠨ ᠬᠦᠮᠦᠰ ᠤᠨ ᠠᠮᠢ ᠨᠠᠰᠤᠨ ᠤ ᠤᠯᠠ ᠮᠦᠷ ᠢ ᠮᠦᠷᠳᠡᠵᠤ᠂ ᠡᠬᠡᠯ ᠵᠢᠷ ᠤᠨ ᠠᠲᠠᠯᠠ ᠶᠡᠷᠦ ᠪᠤᠰᠤ ᠶᠢᠨ ᠤᠷᠳᠤ ᠤᠳᠠᠭᠠᠨ ᠡᠲᠦᠷ ᠬᠤᠨᠤᠭ ᠢ ᠪᠢᠴᠢᠭᠯᠡᠭᠰᠡᠨ ᠪᠠᠶᠢᠨᠠ᠃
ᠬᠢᠯᠭᠠᠨᠠ ᠶᠢᠨ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠬᠦᠷᠦᠰᠦᠳᠦ ᠲᠡᠯᠡᠬᠡᠢ ᠶᠢ ᠲᠤᠭᠤᠷᠢᠭᠰᠠᠨ ᠨᠢ ᠬᠡᠬᠦ ᠲᠡᠬᠦᠪᠦᠷᠢ ᠨᠢ 24 ᠦᠬᠦᠯᠡᠯᠬᠡ ᠶᠢ ᠪᠠᠭᠳᠠᠭᠠᠵᠤ᠂ ᠵᠤᠬᠢᠶᠠᠬᠴᠢ ᠶᠢᠨ ᠤᠢᠢᠷᠠ ᠶᠢᠨ ᠵᠢᠯ ᠤᠨ ᠲᠤᠷᠰᠢ ᠵᠤᠬᠢᠶᠠᠨ ᠪᠦᠳᠦᠬᠡᠭᠰᠡᠨ ᠦᠨᠳᠦᠰᠦᠳᠡᠨ ᠤ ᠰᠡᠳᠦᠪᠳᠤ ᠪᠦᠳᠦᠬᠡᠯ ᠤᠨ ᠰᠤᠩᠭᠤᠮᠠᠯ ᠪᠤᠯᠤᠨᠠ᠃ ᠬᠢᠯᠭᠠᠨᠠ ᠶᠢᠨ ᠲᠦᠯᠦᠬᠡᠯᠡᠬᠦ ᠵᠤᠬᠢᠶᠠᠯ ᠪᠦᠳᠦᠬᠡᠯ ᠤᠳ ᠬᠡᠪᠡᠯ᠂ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠵᠢᠩᠴᠢᠨ ᠂ ᠡᠴᠢᠬᠡ ᠮᠢᠨᠢ ᠵᠢᠭᠠᠰᠤ ᠰᠢᠭ᠋ ᠤᠮᠪᠠᠨ ᠤᠳᠪᠠᠢ ᠂ ᠪᠠᠭᠠᠨᠠ ᠶᠢ ᠡᠷᠢᠭᠰᠡᠨ ᠂ ᠮᠢᠨᠦ ᠠᠪᠠᠭᠠ ᠢᠯ ᠂ ᠴᠢᠨ᠋ᠸᠠ ᠴᠠᠭᠠᠨ ᠮᠤᠷᠢ ᠂ ᠵᠢᠷᠭᠤᠭᠠᠨ ᠡᠪᠡᠷᠳᠤ ᠲᠠᠶᠢᠷ ᠵᠡᠷᠬᠡ ᠪᠤᠢ᠃
ᠮᠠᠨ ᠴᠢᠦᠸᠠᠨ ᠤ ᠬᠠᠪᠤᠷ ᠤᠨ ᠰᠦᠨᠢ᠂ ᠬᠡᠨ ᠨᠠᠮᠠ ᠶᠢ ᠲᠠᠭᠤᠳᠠᠨᠠᠮ ᠬᠡᠬᠦ ᠰᠢᠯᠦᠭ ᠤᠨ ᠲᠡᠬᠦᠪᠦᠷᠢ ᠪᠤᠯ ᠲᠦᠪ ᠤᠨ ᠤᠬᠠᠭᠤᠯᠬᠤ ᠬᠡᠯᠳᠡᠰ ᠤᠨ ᠰᠤᠶᠤᠯ ᠤᠨ ᠨᠡᠷᠡᠳᠤ ᠬᠦᠮᠦᠰ ᠲᠠᠷᠤᠢ ᠲᠦᠷᠪᠡᠨ ᠨᠢᠬᠡ ᠪᠦᠯᠦᠭ ᠴᠢᠳᠡᠪᠦᠷᠢᠳᠡᠨ ᠤ ᠢᠨᠵᠧᠨᠧᠷᠢᠩ ᠤᠨ ᠲᠦᠷᠦᠯ ᠵᠦᠢᠯ ᠤᠨ ᠲᠡᠳᠬᠦᠮᠵᠢ ᠶᠢ ᠬᠦᠷᠳᠡᠭᠰᠡᠨ ᠬᠡᠪᠯᠡᠭᠳᠡᠬᠦᠨ ᠪᠠᠶᠢᠵᠤ᠂ ᠰᠢᠯᠦᠭᠴᠢ ᠶᠢᠨ ᠤᠢᠢᠷᠠ ᠶᠢᠨ ᠵᠢᠯ ᠳᠤ ᠵᠤᠬᠢᠶᠡᠨ ᠪᠦᠳᠦᠬᠡᠭᠰᠡᠨ ᠪᠦᠳᠦᠬᠡᠯ ᠤᠳ ᠢ ᠪᠠᠭᠲᠠᠭᠠᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠲᠡᠬᠦᠪᠦᠷᠢ ᠳᠤ ᠤᠷᠤᠬᠰᠠᠨ ᠤᠷᠠᠨ ᠪᠦᠳᠦᠬᠡᠯ ᠤᠳ ᠨᠢ ᠭᠤᠤᠯᠲᠠᠭᠤ ᠠᠷᠠᠳ ᠲᠦᠮᠡᠨ ᠢ ᠮᠠᠬᠳᠠᠨ ᠲᠠᠭᠤᠯᠠᠵᠤ᠂ ᠪᠠᠭᠠᠳᠤᠷ ᠢ ᠮᠠᠬᠳᠠᠨ ᠲᠠᠭᠤᠯᠠᠵᠤ᠂ ᠲᠠᠯᠠ ᠨᠤᠳᠤᠭ ᠢ ᠮᠠᠬᠳᠠᠨ ᠲᠠᠭᠤᠯᠠᠬᠰᠠᠨ ᠪᠠᠶᠢᠨᠠ᠃
