ᠭᠡᠮ ᠲᠠᠢ ᠠᠷᠢᠭᠢ ᠶᠢ  ᠠᠪᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠪᠡᠯᠭᠡ  ᠲᠠᠢ ᠥᠭᠡ ᠭᠡᠯᠡᠭᠦ ᠬᠠᠮᠳᠤ᠂ ᠰᠠᠷᠵᠢᠮ ᠡᠷᠭᠦᠭᠦ ᠵᠠᠩᠰᠢᠯ ᠪᠤᠢ᠃ ᠢᠳᠡᠮ ᠬᠤᠷᠤᠭᠤ ᠪᠠᠨ ᠠᠷᠢᠭᠢᠨ ᠳᠤ ᠭᠥᠷᠥᠯᠴᠠᠭᠦ᠋ᠢᠴᠠ ᠪᠤᠯᠭᠠᠨ ᠬᠤᠷᠤᠭᠤᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠠᠷᠢᠭᠢ ᠪᠠᠨ ᠨᠢᠰᠠᠯᠤᠨ ᠡᠷᠭᠦᠭᠦ ᠶᠢ ᠰᠠᠷᠵᠢᠮ ᠡᠷᠭᠦᠭᠦ᠂ ᠰᠠᠷᠵᠢᠮᠯᠡᠭᠦ ᠭᠡᠳᠡᠭ᠃ ᠭᠡᠮ ᠤᠨ ᠢᠶᠠᠨ ᠢᠷᠮᠡᠭ ᠲᠤ ᠢᠳᠠᠮ ᠬᠤᠷᠤᠭᠤ ᠪᠠᠨ ᠭᠥᠷᠭᠡᠭᠦ᠋ᠢᠴᠠ ᠪᠤᠯᠭᠠᠭᠰᠠᠨ ᠴᠤ ᠃ ᠢᠳᠠᠮ ᠬᠤᠷᠤᠭᠤ ᠪᠠᠷ ᠰᠠᠷᠵᠢᠮ ᠡᠷᠭᠦᠳᠡᠭ ᠨᠢ ᠲᠠᠪᠤᠨ ᠬᠤᠷᠤᠭᠤᠨ ᠤ ᠲᠤᠳᠤᠷ᠎ᠠ ᠠᠴᠠ ᠪᠤᠯᠬᠤ᠂ ᠪᠤᠯᠬᠤ ᠥᠭᠡᠢ ᠶᠠᠭᠤᠮᠠᠨ ᠎ ᠳᠤ ᠲᠠᠳᠤᠢ ᠯᠠ ᠭᠥᠷᠥᠯᠴᠡᠳᠡᠭ ᠥᠭᠡᠢ ᠬᠠᠮᠤᠭ ᠤᠨ ᠴᠡᠪᠠᠷ ᠠᠷᠢᠭᠤᠨ᠂ ᠮᠠᠳᠠᠷᠠᠮᠡᠳᠡᠭᠡᠢ ᠭᠡᠵᠥ ᠥᠵᠡᠭᠰᠡᠨ ᠤᠴᠢᠷ ᠎ ᠲᠠᠢ᠃ ᠰᠠᠷᠵᠢᠮ ᠡᠷᠭᠦᠭᠦ ᠲᠤᠭ᠎ᠠ ᠤᠯᠠᠨ ᠭᠠᠵᠠᠷ ᠲᠤ ᠠᠳᠠᠯᠢ ᠥᠭᠡᠢ᠃ ᠥᠪᠤᠷ ᠮᠤᠩᠭᠤᠯ ᠤᠨ ᠴᠠᠬᠠᠷ᠂ ᠭᠡᠰᠢᠭᠳᠡᠨ ᠂ ᠰᠢᠯᠢ ᠭᠤᠤᠯ᠂ ᠤᠯᠠᠭᠠᠨᠴᠠᠪ᠂ ᠤᠷᠳᠤᠰ ᠪᠤᠯᠤᠨ ᠥᠢᠷᠠᠳ᠂ ᠭᠥᠭᠡᠨᠠᠭᠤᠷ᠂ ᠲᠥᠪ ᠬᠠᠯᠬ᠎ᠠ ᠤᠯᠠᠩᠭᠢ ᠭᠠᠵᠠᠷ ᠲᠤ ᠭᠤᠷᠪᠠ ᠪᠠᠷ ᠰᠠᠷᠵᠢᠮᠯᠡᠳᠡᠭ ᠪᠠᠶᠢᠳᠠᠯ᠎ᠠ᠂ ᠥᠪᠤᠷ ᠮᠤᠩᠭᠤᠯ ᠤᠨ ᠵᠢᠷᠢᠮ᠂ ᠭᠢᠨᠭ᠍ᠭᠠᠨ ᠵᠠᠷᠭᠡ ᠨᠤᠳᠤᠭ ᠲᠤ ᠬᠤᠶᠠᠷ ᠢᠶᠠᠷ ᠰᠠᠷᠵᠢᠮᠯᠡᠳᠡᠭ ᠵᠠᠩᠰᠢᠯ ᠪᠤᠢ᠃ ᠭᠤᠷᠪᠠ ᠪᠠᠷ ᠰᠠᠷᠵᠢᠮᠯᠡᠳᠡᠭ ᠨᠢ ᠶᠠᠷᠤ ᠳᠤ ᠪᠠᠨ ᠡᠴᠢᠭᠡ ᠲᠡᠭᠷᠢ᠂ ᠡᠭᠡ ᠡᠳᠥᠭᠡᠨ᠂ ᠡᠪᠦᠭᠡ ᠲᠠᠭᠡᠳᠤᠰ ᠲᠤ ᠪᠠᠨ ᠬᠠᠨᠳᠤᠵᠤ ᠡᠷᠭᠦᠨ ᠲᠡᠭᠡᠳᠥᠯᠡᠭᠰᠡᠨ ᠰᠠᠨᠠᠭ᠎ᠠ ᠶᠢ ᠢᠯᠡᠳᠭᠡᠵᠤ ᠪᠠᠶᠢᠬᠰᠠᠨ ᠎ ᠢᠶᠠᠨ ᠴᠠᠭ ᠥᠶ᠎ᠠ ᠤᠯᠠᠷᠢᠯ ᠬᠤᠪᠢᠷᠠᠯ ᠪᠤᠯᠤᠨ ᠭᠠᠵᠠᠷ ᠤᠷᠤᠨ ᠤ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ᠂ ᠲᠡᠭᠷᠢ᠂ ᠭᠠᠵᠠᠷ᠂ ᠭᠠᠯ᠂ ᠪᠤᠷᠬᠠᠨ᠂ ᠡᠪᠦᠭᠡ ᠲᠡᠭᠡᠳᠤᠰ ᠤᠨ ᠤᠡᠭᠭᠤᠨ ᠰᠠᠭᠢᠭᠤᠰᠤ᠂ ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠎ ᠲᠤ ᠡᠷᠭᠦᠨ ᠲᠡᠭᠡᠳᠥᠯᠡᠭᠦ ᠮᠠᠳᠤ ᠶᠠᠩᠵᠤ ᠪᠥᠷᠢ ᠠᠭᠤᠯᠭ᠎ᠠ ᠲᠠᠢ ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠶᠤᠮ᠃ ᠭᠤᠷᠪᠠᠨ ᠵᠥᠭ ᠲᠤ ᠰᠠᠷᠵᠢᠮ ᠡᠷᠭᠦᠳᠡᠭ ᠨᠢ ᠡᠷᠳᠠᠨ ᠤ ᠭᠥᠮᠥᠰ ᠤᠨ ᠭᠤᠷᠪᠠᠨ ᠶᠢᠷᠳᠢᠨᠴᠤ ᠥᠢᠯᠠᠭᠠᠯᠳᠠ ᠲᠠᠭᠠᠤ ᠲᠡᠭᠡᠳᠤ᠂ ᠲᠤᠮᠳᠠᠳᠤ᠂ ᠲᠤᠤᠷᠠᠳᠤ ᠶᠢᠷᠳᠢᠨᠴᠤ ᠪᠤᠯᠤᠨ ᠤᠷᠴᠢᠯᠠᠩ ᠤᠨ ᠠᠮᠢᠳᠠᠳ ᠲᠤ ᠬᠤᠪᠢ ᠭᠥᠷᠳᠡᠭᠡᠭᠦ ᠤᠳᠬ᠎ᠠ ᠲᠠᠢ ᠪᠠᠶᠢᠬᠰᠠᠨ ᠢᠶᠠᠨ 《ᠭᠥᠭᠡ ᠲᠡᠭᠷᠢ ᠠᠮᠤᠭᠤᠯᠠᠩ ᠪᠠᠶᠢᠬ᠂ ᠭᠥᠷᠥᠰᠥᠳᠤ ᠲᠠᠯᠠᠭᠡᠢ ᠠᠮᠤᠭᠤᠯᠠᠩ ᠪᠠᠶᠢᠬ᠂ ᠭᠥᠮᠥᠨ ᠵᠤᠨ ᠠᠮᠤᠭᠤᠯᠠᠩ ᠪᠠᠶᠢᠬ》 ᠭᠡᠰᠡᠨ ᠤ ᠪᠡᠯᠭᠡᠳᠠᠯ ᠪᠤᠯᠵᠠᠢ᠃ ᠡᠨᠡ ᠮᠠᠳᠤ ᠰᠠᠷᠵᠢᠮᠯᠡᠭᠦ ᠲᠤᠭ᠎ᠠ ᠪᠤᠯᠤᠨ ᠵᠥᠭ ᠴᠢᠭ ᠵᠢᠴᠢ ᠲᠡᠭᠡᠳᠥᠯᠡᠨ ᠡᠷᠭᠦᠭᠦ ᠠᠭᠤᠯᠭ᠎ᠠ ᠠᠳᠠᠯᠢ ᠪᠤᠰᠤ ᠪᠠᠶᠢᠭ᠎ᠠ ᠨᠢ ᠵᠠᠩ ᠥᠢᠯᠠ ᠬᠤᠪᠢᠷᠠᠯ ᠥᠭᠡᠷᠡᠳᠤᠯ ᠤᠨ ᠵᠢᠮ᠎ᠠ ᠬᠠᠤᠯᠢ ᠪᠤᠯᠤᠨ ᠴᠠᠭ ᠥᠶ᠎ᠠ ᠪᠠ ᠤᠷᠤᠨ ᠨᠤᠳᠤᠭ ᠤᠨ ᠤᠨᠴᠠᠯᠢᠭ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠭᠰᠠᠨ ᠵᠡᠷᠭᠡ ᠥᠷ᠎ᠠ ᠳ᠋ᠥᠩ ᠶᠤᠮ᠃ ᠤᠢᠢᠷ᠎ᠠ ᠤᠷᠴᠢᠨ ᠥᠶ᠎ᠠ ᠪᠤᠯᠵᠤ ᠢᠷᠡᠭᠡᠳ ᠨᠠᠶᠢᠷ ᠴᠤᠭᠯᠠᠭᠠᠨ ᠲᠡᠭᠡᠷ᠎ᠠ ᠠᠷᠢᠭᠢ ᠰᠠᠷᠵᠢᠮᠯᠡᠭᠦ ᠳᠤ ᠪᠠᠨ ᠡᠴᠢᠭᠡ ᠲᠡᠭᠷᠢ ᠭᠡᠵᠥ ᠲᠡᠭᠡᠭᠰᠢ ᠪᠠᠨ ᠡᠷᠭᠦᠵᠥ᠂ ᠡᠭᠡ ᠡᠳᠥᠭᠡᠨ ᠭᠡᠵᠥ ᠲᠤᠷᠤᠭᠰᠢ ᠪᠠᠨ ᠰᠠᠴᠤᠭᠠᠳ᠂ ᠭᠤᠷᠪᠠᠳᠡᠭᠢ ᠶᠢ ᠨᠢ ᠮᠠᠩᠨᠠᠢ ᠳᠤ ᠪᠠᠨ ᠲᠥᠷᠭᠢᠵᠥ᠂ ᠥᠪᠡᠷ ᠥᠪᠡᠷᠰᠠᠳ ᠤᠨ ᠰᠠᠨᠠᠭ᠎ᠠ ᠵᠤᠷᠢᠭ ᠢᠶᠠᠨ ᠢᠯᠡᠳᠭᠡᠵᠥ ᠪᠠᠶᠢᠬᠤ ᠬᠠᠮᠳᠤ᠂ ᠮᠠᠩᠨᠠᠢ ᠳᠤ ᠪᠠᠨ ᠲᠥᠷᠭᠢᠭᠦ ᠶᠢ ᠶᠠᠩᠵᠤ ᠪᠥᠷᠢ ᠪᠠᠷ ᠤᠬᠠᠭᠠᠷᠠᠨ ᠥᠢᠯᠠᠭᠠᠵᠤ᠂ ᠠᠳᠠᠯᠢ ᠪᠤᠰᠤ ᠪᠠᠷ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠳᠠᠭ᠃ ᠲᠤᠬᠠᠢᠢᠯᠠᠪᠠᠯ᠂ ᠡᠪᠦᠭᠡ ᠲᠡᠭᠡᠳᠤᠰ ᠲᠤ ᠎ ᠪᠠᠨ ᠡᠷᠭᠦᠭᠰᠡᠨ᠂ ᠥᠪᠡᠷ ᠤᠨ ᠪᠠᠶ᠎ᠠ ᠳᠤ ᠪᠠᠨ ᠵᠤᠷᠢᠭᠤᠯᠤᠭᠰᠠᠨ᠂ ᠡᠷᠭᠢᠮ ᠢᠳᠡᠭᠡᠨ ᠢ ᠨᠢ ᠭᠥᠨᠳᠥᠯᠡᠭᠰᠡᠨ᠂ ᠡᠵᠠᠨ ᠭᠥᠮᠥᠨ ᠳᠤ ᠨᠢ ᠬᠠᠨᠳᠤᠭᠰᠠᠨ ᠭᠡᠭᠦ ᠮᠠᠳᠤ᠃ ᠠᠷᠢᠭᠢᠨ ᠠᠴᠠ ᠲᠡᠭᠡᠳᠤᠯᠡᠨ ᠮᠠᠩᠨᠠᠢ ᠳᠤ ᠪᠠᠨ ᠲᠥᠷᠭᠢᠵᠥ ᠪᠠᠶᠢᠭ᠎ᠠ ᠨᠢ ᠤᠤᠯ ᠳᠤ ᠪᠠᠨ ᠢᠳᠡᠭᠡᠨ ᠢ ᠲᠡᠭᠡᠳᠤᠯᠡᠨ ᠭᠥᠷᠳᠡᠯ᠎ᠠ ᠭᠡᠵᠥ ᠢᠳᠡᠭᠡᠨ ᠢ ᠭᠥᠨᠳᠤᠯᠡᠭᠦ᠂ ᠡᠷᠭᠦᠨ ᠪᠠᠷᠢᠬᠰᠠᠨ ᠢᠳᠡᠭᠡᠨ ᠢ ᠴᠢᠨᠢ ᠲᠡᠭᠡᠳᠥᠯᠠᠨ ᠭᠥᠷᠳᠡᠯ᠎ᠠ ᠭᠡᠵᠥ ᠡᠵᠠᠨ ᠳᠤ ᠨᠢ ᠭᠥᠨᠳᠤᠳᠭᠡᠯ ᠢᠯᠠᠷᠭᠡᠶᠢᠯᠡᠭᠦ ᠪᠤᠶᠤ ᠵᠠᠷᠢᠮ ᠨᠤᠳᠤᠭ ᠲᠤ ᠠᠷᠢᠭᠢ ᠤᠤᠭᠤᠳᠠᠭ ᠥᠭᠡᠢ ᠪᠠᠨ ᠮᠡᠳᠡᠭᠳᠠᠵᠤ᠂ ᠢᠳᠡᠭᠡᠨ ᠤ ᠲᠡᠭᠡᠵᠢ ᠠᠴᠠ ᠭᠥᠷᠳᠡᠭᠰᠡᠨ ᠭᠡᠭᠦ ᠰᠠᠨᠠᠭ᠎ᠠ ᠪᠠᠨ ᠢᠯᠠᠷᠭᠡᠶᠢᠯᠡᠵᠥ ᠪᠠᠶᠢᠬᠰᠠᠨ ᠪᠠᠶᠢᠳᠠᠯ ᠲᠠᠢ᠃ ᠢᠢᠮᠥᠷᠭᠦᠥ ᠵᠠᠩᠰᠢᠯ ᠤᠳᠤ ᠴᠤ ᠭᠡᠰᠡᠨ ᠵᠠᠷᠢᠮ ᠭᠠᠵᠠᠷ ᠮᠥᠨ ᠤᠤᠯ ᠤᠳᠬ᠎ᠠ ᠪᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠶᠢᠨ᠎ᠠ᠃