ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷ᠎ᠠ ᠬᠤᠷᠢᠨ ᠲᠠᠪᠤᠨ ᠤ ᠡᠳᠥᠷ ᠪᠤᠯ ᠽᠤᠩᠺᠡᠸ᠎ᠠ ᠪᠤᠷᠬᠠᠨ ᠤ ᠮᠠᠨᠳᠤᠯᠡᠭᠰᠡᠨ ᠪᠠ ᠨᠢᠷᠸᠠᠨ ᠲᠥᠷᠢ ᠥᠵᠡᠭᠦᠯᠥᠭᠰᠡᠨ ᠡᠳᠥᠷ ᠪᠤᠯᠬᠤᠷ᠂ ᠪᠤᠷᠬᠠᠨ ᠱᠠᠰᠢᠨ ᠤ ᠭᠤᠤᠯ ᠭᠡᠳᠤᠨ ᠲᠦᠢᠪᠴᠢᠩ ᠡᠳᠥᠷ (ᠲᠤᠷᠠᠰᠬᠠᠯᠳᠤ ᠡᠳᠥᠷ) ᠤᠨ ᠨᠢᠭᠡ ᠨᠢ ᠶᠤᠮ᠃ ᠡᠨᠡ ᠡᠳᠤᠷ ᠰᠥᠮ᠎ᠠ ᠭᠡᠶᠢᠳ ᠲᠤ ᠤᠳᠤ ᠲᠤᠳᠤᠷᠠᠬᠤ ᠥᠶ᠎ᠠ ᠳᠤ ᠮᠢᠩᠭᠠᠨ ᠵᠤᠯᠠ ᠠᠰᠠᠭᠠᠳᠠᠭ᠃ ᠢᠢᠮᠥ ᠠᠴᠠ ᠲᠤᠰ ᠡᠳᠤᠷ ᠢ ᠪᠠᠰᠠ ᠵᠤᠯᠠ ᠨᠠᠶᠢᠷ ᠭᠡᠳᠡᠭ᠃ ᠵᠤᠯᠠ ᠬᠤᠷᠢᠨ ᠲᠠᠪᠤᠨ ᠳᠤ ᠠᠶᠢᠯ ᠪᠤᠯᠭᠠᠨ ᠭᠥᠡᠭᠭᠠᠷᠠᠪᠠ ᠪᠠᠨ ᠨᠡᠭᠡᠭᠡᠵᠥ᠂ ᠲᠤᠭᠤᠰᠤ ᠶᠢ ᠨᠢ ᠠᠷᠴᠢᠨ ᠴᠡᠪᠡᠷᠯᠡᠭᠡᠳ ᠲᠠᠭᠢᠯ ᠴᠥᠭᠦᠴᠠ ᠪᠠᠨ ᠭᠠᠷᠭᠠᠨ᠂ ᠭᠥᠵᠢ ᠵᠤᠯᠠ ᠡᠷᠭᠦᠵᠤ᠂ ᠪᠥᠭᠦ ᠭᠡᠷ ᠢᠶᠠᠷ ᠢᠶᠠᠨ ᠮᠡᠭᠵᠡᠮ ᠤᠡᠭᠰᠢᠵᠥ ᠮᠥᠷᠭᠦᠳᠡᠭ ᠪᠥᠭᠡᠳ ᠯᠠᠮᠠ ᠵᠠᠯᠠᠵᠤ ᠨᠤᠮ ᠤᠡᠭᠰᠢᠭᠤᠯᠬᠤ᠂ ᠰᠥᠮ᠎ᠠ ᠭᠡᠶᠢᠳ ᠲᠤ ᠤᠴᠢᠵᠥ ᠡᠷᠭᠦᠯ ᠡᠷᠭᠦᠭᠦ ᠪᠤᠶᠤ ᠵᠤᠯᠠ ᠨᠠᠶᠢᠷ ᠤᠨ ᠬᠤᠪᠢ ᠭᠥᠷᠳᠡᠳᠡᠭ᠃ ᠮᠥᠨ ᠬᠤᠷᠢᠨ ᠲᠠᠪᠤᠨ ᠢ ᠲᠤᠭᠢᠶᠠᠯᠳᠤᠭᠤᠯᠤᠨ ᠥᠷ᠎ᠠ ᠭᠡᠥᠭᠡᠳ ᠲᠤ ᠪᠠᠨ ᠨᠠᠰᠤᠨ ᠬᠤᠳᠤᠭ ᠭᠤᠶᠤᠬᠤ᠂ ᠥᠷ᠎ᠠ ᠭᠡᠥᠭᠡᠳ ᠥᠭᠡᠢ ᠭᠥᠮᠥᠨ ᠥᠷ᠎ᠠ ᠬᠤᠳᠤᠭ ᠭᠤᠶᠤᠬᠤ᠂ ᠯᠠᠮᠠ ᠪᠤᠯᠭᠠᠬᠤ ᠭᠡᠥᠭᠡᠳ ᠢᠶᠠᠨ ᠰᠥᠮ᠎ᠠ ᠳᠤ ᠭᠥᠷᠭᠡᠵᠤ ᠱᠠᠪᠢ ᠪᠤᠯᠭᠠᠬᠤ ᠵᠠᠷᠭᠡ ᠠᠵᠢᠯᠯᠠᠭ᠎ᠠ ᠭᠢᠳᠡᠭ᠃ ᠮᠤᠩᠭᠤᠯᠴᠤᠳ ᠶᠠᠷᠥ ᠳᠤ ᠪᠠᠨ ᠡᠪᠤᠯ ᠤᠨ ᠢᠳᠡᠰᠢ ᠪᠠᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷ᠎ᠠ ᠰᠢᠨᠠᠳ ᠪᠤᠶᠤ ᠠᠷᠪᠠᠳ ᠢᠶᠠᠷ ᠪᠡᠯᠡᠳᠭᠡᠵᠥ᠂ ᠵᠤᠯᠠ ᠬᠤᠷᠢᠨ ᠲᠠᠪᠤᠨ ᠭᠥᠷᠭᠦ ᠳᠤ ᠠᠳᠤᠭᠤᠰᠤ ᠮᠠᠯ ᠨᠢᠳᠥᠯᠵᠤ᠂ ᠨᠢᠭᠦᠯ ᠭᠢᠯᠢᠨᠴᠠ ᠥᠢᠯᠠᠳᠭᠦ ᠥᠭᠡᠢ ᠮᠥᠷᠳᠡᠭᠡᠨ ᠡᠨᠡ ᠡᠳᠥᠷ ᠤᠯᠠᠭᠠᠨ ᠢᠳᠡᠭᠡ ᠢᠳᠡᠭᠦ ᠶᠢ ᠴᠡᠭᠡᠷᠯᠡᠨ᠂ ᠰᠢᠷ᠎ᠠ ᠲᠤᠰᠤ ᠲᠠᠢ ᠠᠭᠰᠢᠭᠠᠭᠰᠠᠨ ᠪᠤᠳᠠᠭ᠎ᠠ ᠶᠢ ᠪᠤᠷᠠᠮ    ᠲᠠᠢ ᠬᠤᠳᠬᠤᠵᠤ ᠢᠳᠡᠳᠡᠭ᠃ ᠰᠥᠮ᠎ᠠ ᠭᠡᠶᠢᠳ ᠲᠤ ᠤᠳᠤ ᠲᠤᠳᠤᠷᠠᠬᠤ ᠥᠶ᠎ᠠ ᠪᠠᠷ ᠵᠠᠭᠤᠨ ᠲᠠᠭᠢᠯ᠂ ᠵᠠᠭᠤᠨ ᠵᠤᠯᠠ  ᠮᠢᠩᠭᠠᠨ ᠲᠠᠭᠢᠯ᠂ ᠮᠢᠩᠭᠠᠨ ᠵᠤᠯᠠ ᠠᠰᠠᠭᠠᠵᠤ ᠬᠤᠷᠠᠯ ᠬᠤᠷᠠᠳᠠᠭ ᠪᠥᠭᠡᠳ ᠤᠯᠠᠨ ᠯᠠᠮᠠ ᠨᠠᠷ ᠪᠥᠳᠥᠨ ᠥᠳᠡᠰᠢ ᠮᠠᠨᠢ ᠮᠡᠭᠵᠡᠮ ᠤᠡᠭᠰᠢᠳᠠᠭ᠃