ᠵᠤᠬᠢᠶᠠᠭᠴᠢ:
ᠴᠠᠭ:2020-06-19
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠡᠷᠪᠡᠭᠡᠯᠵᠢ ᠤᠨᠤᠭᠤᠯᠬᠤ ᠶᠤᠰᠤ
ᠮᠤᠩᠭᠤᠯᠴᠤᠳ ᠭᠡᠥᠭᠡᠳ ᠢᠶᠠᠨ ᠭᠤᠷᠪᠠ ᠠᠴᠠ ᠲᠠᠪᠤᠨ ᠨᠠᠰᠤᠨ ᠳᠤ ᠨᠢ᠂ ᠡᠰᠡᠭᠦᠯᠠ ᠲᠤᠯᠤᠭᠠᠨ ᠨᠠᠰᠤᠨ ᠳᠤ ᠨᠢ ᠡᠷᠪᠡᠭᠡᠯᠵᠢ ᠤᠨᠤᠭᠤᠯᠬᠤ ᠶᠤᠰᠤᠯᠠᠯ ᠭᠢᠳᠡᠭ᠃ ᠡᠷᠪᠡᠭᠡᠯᠵᠢ ᠶᠢ ᠰᠢᠨᠠ ᠢᠰᠡᠭᠡᠢ ᠪᠠᠷ ᠨᠢᠭᠡ ᠲᠤᠬᠤᠢ ᠨᠠᠢᠮᠠᠨ ᠢᠮᠠᠬᠤ ᠶᠢᠨ ᠭᠢᠷᠢ ᠤᠷᠳᠤ᠂ ᠨᠢᠭᠡ ᠲᠤᠬᠤᠢ ᠭᠢᠷᠢ ᠲᠠᠢ ᠥᠷᠭᠡᠨ ᠡᠰᠭᠡᠵᠥ᠂ ᠬᠤᠶᠠᠷ ᠲᠠᠪᠬᠤᠷᠯᠠᠨ ᠲᠠᠮᠡᠭᠡᠨ ᠤᠳᠠᠰᠤ ᠪᠠᠷ ᠤᠶᠤᠳᠠᠭ᠃ ᠭᠠᠳᠠᠷ ᠢ ᠨᠢ ᠡᠷᠢᠶᠠᠨ᠂ ᠨᠤᠭᠤᠭᠠᠨ᠂ ᠴᠡᠩᠭᠡᠷ ᠵᠠᠷᠭᠡ ᠶᠢᠨ ᠪᠥᠰ᠂ ᠲᠤᠷᠭᠠ ᠪᠤᠶᠤ ᠲᠠᠩᠽᠢᠷᠦ᠋ᠩ᠂ ᠡᠰᠡᠭᠦᠯᠠ ᠭᠡᠪᠢᠰ ᠢᠶᠠᠷ ᠭᠢᠳᠡᠭ᠃ ᠡᠷᠪᠡᠭᠡᠯᠵᠢ ᠶᠢᠨ ᠡᠮᠥᠨᠠ ᠬᠤᠶᠢᠨᠠ ᠬᠤᠶᠠᠷ ᠲᠠᠯᠠ ᠳᠤ ᠥᠷᠭᠡᠨ ᠢᠶᠠᠷ ᠬᠤᠶᠠᠷ ᠬᠤᠷᠤᠭᠤ ᠢᠯᠡᠭᠦᠥ᠂ ᠤᠷᠳᠤ ᠪᠠᠷ ᠢᠶᠠᠨ ᠨᠢᠭᠡ ᠲᠤᠬᠤᠢ ᠢᠯᠠᠭᠦᠥ᠂ ᠥᠨᠳᠤᠷ ᠨᠢ ᠲᠥᠷᠪᠡᠨ ᠬᠤᠷᠤᠭᠤ ᠭᠢᠷᠢ ᠢᠰᠡᠭᠡᠢ ᠪᠠᠷ ᠪᠥᠭᠦᠷᠭᠡ ᠭᠠᠷᠭᠠᠵᠤ᠂ ᠴᠠᠩᠭᠡᠷ᠂ ᠨᠤᠭᠤᠭᠠᠨ ᠪᠥᠰ ᠢᠶᠠᠷ ᠭᠠᠳᠠᠷᠯᠠᠳᠠᠭ᠃ ᠡᠮᠥᠨᠠ ᠪᠥᠭᠦᠷᠭᠡᠨ ᠤ ᠪᠠᠨ ᠭᠤᠤᠯ ᠳᠤ ᠭᠥᠭᠡ ᠬᠠᠳᠠᠭ ᠢᠶᠠᠷ ᠮᠤᠨᠳᠠᠭᠠ ᠭᠠᠷᠭᠠᠳᠠᠭ᠃ ᠡᠷᠪᠡᠭᠡᠯᠵᠢ ᠶᠢᠨ ᠵᠥᠪ ᠪᠤᠷᠤᠭᠤ ᠲᠠᠯᠠ ᠶᠢᠨ ᠲᠤᠤᠷᠠᠳᠤ ᠢᠷᠮᠡᠭ ᠠᠴᠠ ᠲᠡᠭᠡᠭᠰᠢ ᠲᠥᠷᠪᠡᠨ ᠬᠤᠷᠤᠭᠤ ᠭᠠᠵᠠᠷ ᠲᠤ ᠮᠥᠡᠭᠭᠦ ᠪᠤᠶᠤ ᠭᠠᠤᠯᠢᠨ ᠲᠠᠷᠤᠯᠭᠠ ᠲᠠᠷᠤᠵᠤ᠂ ᠨᠠᠷᠢᠨ ᠰᠤᠷ ᠢᠶᠠᠷ ᠤᠭᠤᠰᠤᠷᠯᠠᠨ ᠬᠤᠶᠠᠷ ᠲᠠᠪᠬᠤᠷ ᠢᠰᠡᠭᠡᠢ ᠶᠢᠨ ᠢᠶᠠᠨ ᠵᠠᠪᠰᠠᠷ ᠭᠤᠭᠴᠤᠭᠠ ᠭᠠᠷᠭᠠᠵᠤ᠂ ᠵᠥᠪ ᠲᠠᠯᠠ ᠠᠴᠠ ᠨᠢ ᠵᠢᠷᠢᠮ ᠢ ᠨᠢ᠂ ᠪᠤᠷᠤᠭᠤ ᠲᠠᠯᠠ ᠠᠴᠠ ᠨᠢ ᠱᠠᠯᠠᠩ ᠢ ᠨᠢ ᠲᠤᠰ ᠲᠤᠰ ᠲᠤᠭᠳᠠᠭᠠᠳᠠᠭ᠃ ᠢᠡᠭᠭᠢᠪᠠᠯ ᠮᠤᠷᠢᠨ ᠤ ᠨᠢᠷᠤᠭᠤ ᠶᠢ ᠨᠤᠬᠤᠬᠤ ᠥᠭᠡᠢ ᠮᠥᠷᠳᠡᠭᠡᠨ ᠭᠡᠥᠭᠡᠳ ᠲᠤ ᠡᠪᠳᠠᠢ ᠪᠠᠶᠢᠳᠠᠭ᠃
ᠭᠡᠥᠭᠡᠳ ᠮᠤᠷᠢᠨ ᠲᠡᠭᠡᠷᠠ ᠥᠪᠡᠷ ᠢᠶᠠᠨ ᠰᠠᠭᠤᠵᠤ ᠴᠢᠳᠠᠬᠤ ᠴᠢᠳᠠᠯ ᠲᠠᠢ ᠪᠤᠯᠪᠠᠯ᠂ ᠥᠬᠢᠨ᠂ ᠭᠥᠪᠡᠭᠦᠨ ᠭᠡᠵᠥ ᠢᠯᠭᠠᠬᠤ ᠥᠭᠡᠢ ᠪᠠᠷ ᠡᠷᠪᠡᠭᠡᠯᠵᠢ ᠤᠨᠤᠭᠤᠯᠬᠤ ᠶᠤᠰᠤ ᠲᠠᠢ ᠪᠠᠶᠢᠵᠠᠢ᠃ ᠥᠢᠷᠠᠳ ᠮᠤᠩᠭᠤᠯᠴᠤᠳ ᠭᠡᠤᠭᠡᠳ ᠢᠶᠠᠨ ᠡᠷᠪᠡᠭᠡᠯᠵᠢ ᠤᠨᠤᠭᠤᠯᠬᠤ ᠳᠤ ᠪᠠᠨ ᠭᠤᠶᠤ ᠬᠤᠪᠴᠠᠰᠤ ᠡᠮᠥᠰᠥᠭᠦᠯᠥᠨ ᠡᠳᠤᠷ ᠤᠨ ᠰᠠᠶᠢᠨ ᠢ ᠰᠤᠩᠭᠤᠭᠠᠳ᠂ ᠭᠡᠥᠭᠡᠳ ᠤᠨ ᠪᠠᠶᠠ ᠳᠤ ᠢᠪᠡᠭᠡᠯ ᠵᠢᠰᠤᠮ ᠲᠠᠢ ᠨᠤᠮᠤᠬᠠᠨ ᠮᠤᠷᠢ ᠳᠤ ᠡᠷᠪᠡᠭᠡᠯᠵᠢ ᠲᠤᠬᠤᠵᠤ ᠤᠨᠤᠭᠤᠯᠳᠠᠭ᠃ ᠭᠡᠭᠦ ᠳᠤ ᠪᠠᠨ ᠡᠪᠦᠭᠡ ᠪᠤᠶᠤ ᠡᠴᠢᠭᠡ ᠡᠭᠡ ᠨᠢ ᠡᠰᠡᠭᠦᠯᠠ ᠠᠬᠠ ᠨᠢ ᠭᠡᠥᠭᠡᠳ ᠢ ᠡᠷᠭᠦᠨ ᠡᠷᠪᠡᠭᠡᠯᠵᠢ ᠳᠤ ᠭᠠᠷᠭᠠᠵᠤ᠂ ᠡᠪᠦᠭᠡ᠂ ᠡᠮᠡᠭᠡ᠂ ᠡᠭᠡ ᠪᠤᠶᠤ ᠡᠭᠡᠴᠢ ᠨᠠᠷ ᠨᠢ ᠡᠷᠪᠡᠭᠡᠯᠵᠢ ᠳᠤ ᠮᠤᠷᠳᠠᠭᠰᠠᠨ ᠭᠡᠥᠭᠡᠳ ᠤᠨ ᠬᠠᠴᠠᠷ ᠢ ᠥᠨᠥᠰᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠤ ᠢᠷᠥᠭᠡᠯ ᠭᠡᠯᠡᠵᠤ᠂ ᠡᠪᠤᠷ ᠲᠤ ᠨᠢ ᠰᠢᠭᠢᠷ ᠪᠤᠭᠤᠷᠰᠤᠭ ᠭᠢᠵᠥ ᠥᠭᠳᠡᠭ᠃ ᠢᠡᠭᠭᠢᠭᠡᠳ ᠤᠨᠤᠭᠰᠠᠨ ᠮᠤᠷᠢ ᠶᠢ ᠨᠢ ᠭᠥᠳᠥᠯᠥᠨ ᠵᠠᠷᠭᠡᠯᠡᠳᠡᠭᠡ ᠠᠶᠢᠯ᠂ ᠲᠥᠷᠥᠯ ᠰᠠᠳᠤᠨ ᠤ ᠭᠠᠳᠠᠨᠠ ᠭᠥᠷᠭᠦ ᠳᠤ᠂ ᠠᠬᠠᠮᠠᠳ ᠭᠥᠮᠥᠰ ᠤᠭᠳᠤᠨ ᠠᠪᠴᠤ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ ᠬᠠᠶᠢᠷᠠᠯᠠᠵᠤ᠂ ᠭᠡᠥᠭᠡᠳ ᠤᠨ ᠬᠠᠴᠠᠷ ᠢ ᠥᠨᠤᠰᠤᠨ ᠢᠷᠥᠭᠡᠯ ᠭᠡᠯᠡᠵᠤ᠂ ᠰᠢᠭᠢᠷ ᠪᠤᠭᠤᠷᠰᠤᠭ ᠥᠭᠳᠡᠭ᠃ ᠡᠨᠡ ᠨᠢ ᠭᠡᠥᠭᠡᠳ ᠥᠰᠴᠤ ᠮᠤᠷᠢ ᠤᠨᠤᠬᠤ ᠴᠢᠳᠠᠯ ᠲᠠᠢ ᠪᠤᠯᠤᠯᠠ ᠭᠡᠰᠡᠨ ᠶᠤᠰᠤᠯᠠᠯ ᠪᠤᠯᠤᠨᠠ᠃ ᠡᠭᠦᠨ ᠠᠴᠠ ᠡᠭᠢᠯᠡᠭᠡᠳ ᠭᠡᠥᠭᠡᠳ ᠵᠤᠷᠢᠭ ᠰᠥᠰᠥ ᠲᠠᠢ ᠪᠤᠯᠤᠨᠠ ᠭᠡᠳᠡᠭ᠃
