ᠵᠤᠬᠢᠶᠠᠭᠴᠢ:
ᠴᠠᠭ:2019-10-27
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠬᠦᠬᠡ ᠷᠤᠮᠠᠨ ᠪᠤᠯ ᠬᠤᠪᠢ ᠵᠠᠶᠠᠭᠠᠨ ᠦᠬᠡᠷᠡᠴᠢᠯᠡᠯᠳᠡ ᠠᠶᠠ ᠮᠦᠨ
ᠬᠦᠬᠡᠬᠤᠳᠠ 2019 10 ᠰᠠᠷᠠ 27 ᠡᠳᠤᠷ ᠴᠠᠬᠢᠯᠭᠠᠨ ᠮᠡᠳᠡᠬᠡ ᠲᠤᠰ ᠷᠤᠮᠠᠨ ᠪᠤᠯ ᠨᠢᠬᠡᠨ ᠤᠷᠳᠤ ᠮᠦᠷᠡᠨ᠂ ᠨᠢᠬᠡᠨ ᠬᠠᠭᠤᠳᠠᠰᠤ ᠵᠢᠷᠤᠭ᠂ ᠨᠢᠬᠡᠨ ᠬᠤᠪᠢ ᠵᠠᠶᠠᠭᠠᠨ ᠤ ᠦᠬᠡᠷᠡᠴᠢᠯᠡᠯᠳᠡ ᠠᠶᠠ ᠮᠦᠨ ᠬᠡᠵᠤ ᠮᠤᠤ ᠳ᠋ᠦᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠱᠠᠩᠨᠠᠯ ᠤᠨ ᠬᠢᠨᠠᠭᠴᠢ ᠪᠤᠤ ᠰᠡᠴᠡᠨ ᠬᠠᠯᠢᠭᠤᠨ ᠬᠦᠬᠡ ᠮᠤᠩᠭ᠋ᠤᠯ ᠷᠤᠮᠠᠨ ᠢ ᠢᠩᠬᠢᠵᠤ ᠦᠨᠡᠯᠡᠵᠡᠢ᠃
ᠲᠤᠰ ᠷᠤᠮᠠᠨ ᠳᠤ ᠤᠷᠴᠢᠨ ᠦᠶᠡ ᠶᠢᠨ ᠬᠤᠷᠴᠢᠨ ᠲᠠᠯᠠ ᠨᠤᠳᠤᠭ ᠲᠡᠭᠡᠷᠡ ᠤᠷᠤᠰᠢᠨ ᠠᠮᠢᠳᠤᠷᠵᠤ ᠪᠠᠶᠢᠭᠠ ᠮᠤᠷᠢᠨ ᠬᠤᠭᠤᠷᠴᠢᠨ ᠤᠳᠤᠮ ᠤᠨ ᠬᠤᠶᠠᠷ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠠᠮᠢᠳᠤᠷᠠᠯ ᠢ ᠲᠦᠷᠰᠦᠯᠡᠨ ᠪᠡᠷ ᠬᠤᠷᠴᠢᠨ ᠤ ᠲᠠᠯᠠ ᠨᠤᠳᠤᠭ ᠤᠨ ᠮᠤᠩᠭ᠋ᠤᠯ ᠦᠨᠳᠤᠰᠦᠳᠡᠨ ᠤ ᠨᠡᠬᠦᠳᠡᠯᠴᠢᠨ ᠠᠮᠢᠳᠤᠷᠠᠯ ᠡᠴᠡ ᠪᠡᠨ ᠰᠠᠯᠤᠩᠬᠢᠷᠠᠵᠤ ᠠᠭᠠᠵᠢᠮ ᠢᠶᠡᠷ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠬᠠᠭᠠᠰ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠲᠡᠦᠬᠡᠨ ᠬᠤᠪᠢᠷᠠᠯ ᠢ ᠲᠤᠰᠬᠠᠵᠤ᠂ ᠮᠤᠩᠭ᠋ᠤᠯᠴᠤᠳ ᠤᠨ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠵᠤᠬᠢᠴᠠᠨ ᠠᠮᠢᠳᠤᠷᠠᠬᠤ ᠦᠨᠳᠤᠰᠦᠳᠡᠨ ᠤ ᠰᠢᠨᠵᠢ ᠶᠢ ᠲᠠᠬᠢᠨᠳᠠ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃
ᠬᠦᠬᠡ ᠮᠤᠩᠭ᠋ᠤᠯ ᠪᠤᠯ ᠬᠠᠯᠢᠭᠤᠨ ᠤ ᠲᠦᠷᠪᠡᠳᠡᠬᠢ ᠷᠤᠮᠠᠨ ᠪᠤᠯᠤᠨᠠ᠂ 2017 ᠤᠨ ᠳᠤ ᠵᠤᠬᠢᠶᠠᠭᠴᠢ ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠬᠦᠯᠵᠦ᠂ 2018 ᠤᠨ ᠳᠤ ᠤᠩᠰᠢᠭᠴᠢᠳ ᠲᠠᠢ ᠵᠤᠯᠭᠠᠪᠠ᠃
ᠬᠠᠯᠢᠭᠤᠨ᠂ ᠤᠤᠯ ᠨᠡᠷᠡ ᠨᠢ ᠬᠠᠢ ᠳ᠋ᠧ ᠼᠠᠢ᠂ ᠮᠤᠩᠭ᠋ᠤᠯ ᠦᠨᠳᠤᠰᠦᠳᠡᠨ᠂ ᠨᠢᠬᠡᠳᠤᠬᠡᠷ ᠤᠨ ᠵᠤᠬᠢᠶᠠᠭᠴᠢ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠪᠡᠷ ᠨᠤᠳᠤᠭ ᠲᠠᠢ᠂ ᠤᠳᠤ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠡᠰᠢᠬᠦᠨ᠂ ᠦᠪᠦᠷ ᠮᠤᠩᠭ᠋ᠤᠯ ᠤᠨ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠲᠠᠢ᠃
