ᠵᠤᠬᠢᠶᠠᠭᠴᠢ:
ᠴᠠᠭ:2019-08-16
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
《 ᠬᠡᠶᠢᠮᠤᠷᠢᠲᠠᠢ ᠦᠨᠳᠤᠰᠦᠳᠡᠨ》ᠨᠤᠮ ᠬᠡᠪᠯᠡᠭᠳᠡᠪᠡ
ᠪᠠᠶᠠᠷ ᠭᠤᠸᠠᠢ ᠶᠢᠨ 2019 ᠤᠨ ᠤ ᠰᠢᠨᠡ ᠪᠦᠲᠦᠬᠡᠯ《 ᠬᠡᠶᠢᠮᠤᠷᠢᠲᠠᠢ ᠦᠨᠳᠤᠰᠦᠳᠡᠨ》 ᠬᠡᠮᠡᠬᠦ ᠵᠢᠷᠤᠭᠳᠤ ᠨᠤᠮ ᠢ ᠤᠶᠢᠷᠠ ᠳᠤ ᠦᠪᠦᠷ ᠮᠤᠩᠭ᠋ᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠣᠷᠢᠶᠠ ᠡᠴᠡ ᠬᠡᠪᠯᠡᠬᠦᠯᠦᠨ ᠲᠠᠷᠬᠠᠭᠠᠪᠠ᠃ ᠲᠤᠰ ᠨᠤᠮ ᠨᠢ ᠲᠡᠬᠦᠨ ᠤ ᠬᠤᠷᠢᠨ ᠨᠢᠬᠡᠳᠡᠬᠢ ᠲᠤᠰᠬᠠᠢ ᠪᠦᠲᠦᠬᠡᠯ ᠪᠤᠯᠤᠨᠠ᠃
ᠲᠤᠰ ᠨᠤᠮ ᠲᠦᠷᠪᠡᠨ ᠵᠠᠭᠤ ᠭᠠᠷᠤᠢ ᠵᠢᠷᠤᠭ᠂ ᠲᠦᠮᠡ ᠭᠠᠷᠤᠢ ᠦᠰᠦᠭ ᠬᠠᠪᠰᠤᠷᠭᠠᠵᠤ᠂ 《ᠲᠡᠭᠷᠢ ᠶᠢᠨ ᠠᠮᠢᠳᠠᠨ》《ᠨᠡᠬᠦᠳᠡᠯᠴᠢᠨ ᠤ ᠲᠠᠯᠠᠪᠴᠢ》《ᠨᠠᠭᠠᠳᠤᠮ ᠤᠨ ᠰᠦᠯᠳᠡ》《 ᠴᠡᠷᠢᠭ ᠤᠨ ᠬᠦᠯᠦᠭ》《 ᠤᠷᠠᠯᠢᠭ ᠤᠨ ᠰᠢᠯᠦᠭ》《 ᠬᠡᠶᠢᠮᠤᠷᠢ ᠰᠠᠬᠢᠭᠤᠰᠤ》 ᠵᠡᠷᠬᠡ ᠵᠢᠷᠭᠤᠭᠠᠨ ᠬᠡᠰᠡᠭ ᠲᠤ ᠪᠠᠭᠳᠠᠭᠠᠨ ᠮᠤᠩᠭ᠋ᠤᠯ ᠬᠦᠮᠦᠨ ᠪᠤᠯᠤᠨ ᠮᠤᠩᠭ᠋ᠤᠯ ᠮᠤᠷᠢᠨ ᠤ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠵᠢᠴᠢ ᠬᠠᠶᠢᠷᠠ ᠰᠡᠳᠬᠢᠯᠬᠡᠳᠤ ᠶᠢᠷᠳᠢᠨᠴᠤ ᠶᠢ ᠵᠢᠷᠤᠭᠯᠠᠬᠤ ᠪᠡᠷ ᠳᠠᠮᠵᠢᠭᠤᠯᠤᠨ ᠮᠤᠩᠭ᠋ᠤᠯ ᠨᠡᠬᠦᠳᠡᠯᠴᠢᠨ ᠦᠨᠳᠤᠰᠦᠳᠡᠨ ᠤ ᠪᠤᠯᠪᠠᠰᠤᠨ ᠰᠤᠶᠤᠯ ᠤᠨ ᠬᠦᠴᠦᠨ ᠢ ᠡᠷᠢᠯᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠲᠤᠰ ᠨᠤᠮ ᠮᠤᠩᠭ᠋ᠤᠯ ᠬᠦᠮᠦᠨ᠂ ᠮᠤᠩᠭ᠋ᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠲᠤᠪᠤᠢᠯᠭᠠᠨ ᠬᠦᠮᠦᠰ ᠲᠤ ᠭᠤᠤᠠ ᠰᠠᠢᠬᠠᠨ ᠤ ᠬᠦᠷᠳᠡᠭᠡᠯ ᠪᠤᠯᠤᠨ ᠭᠠᠶᠢᠬᠠᠮᠰᠢᠭ ᠢ ᠮᠡᠳᠡᠷᠡᠬᠦᠯᠬᠦ ᠶᠢᠨ ᠬᠠᠮᠳᠤ ᠬᠦᠮᠦᠨ ᠮᠤᠷᠢᠨ ᠤ ᠨᠢᠬᠳᠠ ᠬᠠᠷᠢᠴᠠᠭᠠ᠂ ᠴᠢᠨᠠᠭᠰᠢᠯᠠᠪᠠᠯ ᠤᠳᠤᠬᠢ ᠬᠦᠭ᠍ᠵᠢᠯᠳᠡ ᠶᠢᠨ ᠪᠠᠶᠢᠳᠠᠯ ᠤᠨ ᠲᠤᠬᠠᠢ ᠪᠤᠳᠤᠯᠬᠢᠯᠠᠯ ᠢ ᠲᠦᠷᠦᠭᠳᠡᠭᠦᠯᠦᠨᠠ᠃
ᠬᠦᠮᠦᠰ ᠨᠡᠬᠦᠳᠡᠯᠴᠢᠨ ᠰᠤᠶᠤᠯ ᠳᠤ ᠰᠢᠨᠡ ᠲᠠᠨᠢᠯᠲᠠ ᠲᠠᠢ ᠪᠣᠯᠣᠭᠰᠠᠨ ᠠᠳᠠᠯᠢ ᠪᠡᠷ ᠮᠤᠩᠭ᠋ᠤᠯ ᠮᠤᠷᠢᠨ ᠤ ᠡᠶᠡᠷᠭᠦ ᠡᠯᠧᠮᠧᠨ᠋ᠲ ᠲᠤ ᠰᠢᠨᠡ ᠲᠠᠨᠢᠯᠲᠠ ᠲᠠᠢ ᠪᠤᠯᠵᠤ᠂ ᠰᠢᠨᠡ ᠴᠠᠭ ᠦᠶᠠ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠠᠭᠳᠠᠭᠠᠮᠵᠢᠲᠠᠢ᠂ ᠲᠠᠭᠠᠭᠠᠮᠠᠭᠠᠢ᠂ ᠪᠠᠶᠠᠰᠤᠩᠭᠤᠢ᠂ ᠦᠬᠡᠳᠡᠯᠡᠬᠦ ᠵᠤᠷᠢᠭ ᠰᠠᠨᠠᠭᠠ ᠶᠢ ᠤᠯᠠᠮᠵᠢᠯᠠᠪᠠᠯ ᠵᠤᠬᠢᠨᠠ᠃
