ᠵᠤᠬᠢᠶᠠᠭᠴᠢ:
ᠴᠠᠭ:2019-08-08
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠬᠢᠮᠤᠰᠤ ᠠᠪᠬᠤ ᠶᠢᠨ ᠴᠡᠭᠡᠷ
ᠬᠢᠮᠤᠰᠤ ᠪᠣᠯ ᠬᠦᠮᠦᠨ ᠦ ᠪᠡᠶᠡ ᠶᠢᠨ ᠰᠢᠨᠡ ᠬᠠᠭᠤᠴᠢᠨ ᠤ ᠰᠣᠯᠢᠯᠴᠠᠭᠠ ᠪᠠᠷ ᠬᠠᠶᠠᠭᠳᠠᠬᠤ ᠶᠣᠰᠣᠲᠠᠢ ᠵᠦᠢᠯ ᠪᠣᠯᠬᠤ ᠪᠥᠭᠡᠳ ᠮᠠᠰᠢ ᠶᠠᠬᠡ ᠪᠤᠵᠠᠷ ᠴᠤᠭᠯᠠᠷᠠᠵᠤ᠂ ᠪᠠᠺᠲ᠋ᠧᠷᠢ ᠦᠷᠡᠵᠢᠳᠡᠭ ᠭᠡᠳᠡᠭ ᠢ ᠮᠣᠩᠭᠣᠯᠴᠤᠳ ᠠᠯᠢ ᠡᠷᠲᠡ ᠡᠴᠡ ᠮᠡᠳᠡᠵᠦ ᠨᠤᠲᠠᠯᠠᠭᠰᠠᠨ ᠪᠠᠢᠢᠳᠠᠭ᠃ ᠡᠢᠮᠦ ᠡᠴᠡ ᠬᠢᠮᠤᠰᠤ ᠠᠪᠬᠤ ᠳᠤ ᠮᠠᠰᠢ ᠶᠡᠬᠡ ᠶᠣᠰᠣ ᠵᠠᠶᠠᠭᠠ᠂ ᠰᠢᠪᠰᠢᠯᠭᠡ ᠦᠭᠡ ᠲᠠᠢ ᠪᠠᠢᠢᠳᠠᠭ᠃
ᠨᠢᠭᠡ᠂ ᠦᠳᠡᠰᠢ ᠣᠷᠣᠢ ᠬᠢᠮᠤᠰᠤ ᠠᠪᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠦᠳᠡᠰᠢ ᠣᠷᠣᠢ ᠬᠢᠮᠤᠰᠤ ᠠᠪᠤᠪᠠᠯ ᠲᠥᠭᠡᠷᠢᠨᠡ ᠭᠡᠬᠦ ᠪᠣᠶᠣ ᠵᠠᠶᠠᠭᠠ ᠲᠥᠭᠡᠷᠢᠨᠡ ᠭᠡᠳᠡᠭ᠃ ᠡᠨᠡ ᠨᠢ ᠬᠡᠣᠬᠡᠳ ᠪᠠᠭᠠᠴᠤᠳ ᠢ ᠬᠠᠷᠤᠢ ᠪᠦᠷᠦᠢ ᠪᠠᠷ ᠬᠢᠮᠤᠰᠤ ᠪᠠᠨ ᠠᠪᠬᠤ ᠳᠠᠭᠠᠨ ᠮᠢᠬᠠᠳᠤᠭᠤᠯᠬᠤ ᠪᠣᠶᠤ ᠭᠠᠷ ᠬᠤᠷᠤᠭᠤ ᠪᠠᠨ ᠡᠰᠭᠡᠵᠦ ᠰᠢᠷᠠᠭᠳᠤᠭᠤᠯᠬᠤ᠂ ᠠᠶᠠᠭᠠ ᠰᠠᠪᠠᠨ ᠳᠤ ᠦᠰᠦᠷᠭᠡᠵᠦ ᠣᠷᠣᠭᠤᠯᠬᠤ ᠠᠴᠠ ᠪᠣᠯᠭᠣᠮᠵᠢᠯᠠᠭᠰᠠᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃
ᠬᠣᠶᠠᠷ᠂ ᠬᠢᠮᠤᠰᠤ ᠪᠠᠨ ᠠᠪᠬᠤ ᠳᠠᠭᠠᠨ ᠦᠰᠦᠷᠬᠡᠵᠦ ᠬᠠᠢᠴᠢᠯᠠᠬᠤ ᠪᠤᠶᠤ ᠬᠠᠮᠢᠶᠠ ᠦᠭᠡᠢ ᠭᠠᠵᠠᠷ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠢᠮᠤᠰᠤ ᠶᠢ ᠬᠠᠮᠢᠶᠠ ᠦᠭᠡᠢ ᠬᠠᠶᠠᠭᠠᠳ ᠪᠣᠯᠵᠣᠮᠣᠷ ᠢᠳᠡᠵᠦ᠂ ᠬᠢᠮᠤᠰᠤ ᠢᠳᠡᠪᠡᠯ ᠭᠠᠯᠵᠠᠭᠤᠷᠠᠵᠤ ᠦᠬᠦᠳᠡᠭ᠃ ᠭᠠᠯᠵᠠᠭᠤᠷᠠᠵᠤ ᠦᠬᠦᠭᠰᠡᠨ ᠪᠣᠯᠵᠤᠮᠤᠷ ᠢ ᠨᠣᠬᠠᠢ ᠢᠳᠡᠭᠡᠳ ᠨᠣᠬᠠᠢ ᠶᠢᠨ ᠪᠠᠭᠠᠰᠤ ᠰᠢᠭᠡᠰᠦ ᠪᠡᠷ ᠮᠠᠭᠤ ᠵᠦᠢᠯ ( ᠪᠠᠺᠲ᠋ᠧᠷᠢ) ᠭᠠᠳᠠᠭᠰᠢᠯᠠᠨ᠂ ᠡᠪᠡᠰᠦ ᠨᠣᠭᠤᠭᠠ ᠪᠤᠵᠠᠷᠲᠤᠵᠤ᠂ ᠮᠠᠯ ᠳᠤ ᠡᠯᠳᠡᠪ ᠵᠦᠢᠯ ᠦᠨ ᠡᠪᠡᠳᠴᠢᠨ ᠪᠣᠶᠤ ᠭᠠᠯᠵᠠᠭᠤ ᠡᠪᠡᠳᠴᠢᠨ ᠭᠠᠷᠤᠨᠠ ᠭᠡᠳᠡᠭ᠃ ᠡᠢᠮᠦ ᠡᠴᠡ ᠬᠢᠮᠤᠰᠤ ᠶᠢ ᠬᠣᠷᠮᠣᠢ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠳᠡᠭᠡᠷᠡ ᠦᠰᠦᠷᠭᠡᠬᠦ ᠦᠭᠡᠢ ᠴᠡᠪᠡᠷᠬᠡᠨ ᠠᠪᠴᠤ᠂ ᠭᠠᠷ ᠢᠶᠠᠷ ᠢᠶᠠᠨ ᠭᠠᠵᠠᠷ ᠵᠢᠭᠠᠬᠠᠨ ᠬᠣᠩᠬᠣᠢᠯᠠᠭᠠᠳ ᠪᠤᠯᠠᠳᠠᠭ᠃ ᠪᠤᠯᠠᠬᠤ ᠳᠠᠭᠠᠨ ᠪᠠᠰᠠ᠄
《 ᠲᠡᠭᠡ ᠶᠢᠨ ᠡᠪᠡᠷ ᠲᠡᠭᠷᠢ ᠳᠦ ᠲᠤᠯᠵᠤ᠂ ᠲᠡᠮᠡᠭᠡᠨ ᠰᠡᠭᠦᠯ ᠭᠠᠵᠠᠷ ᠲᠤ ᠬᠦᠷᠦᠭᠰᠡᠨ ᠬᠣᠢᠨᠠ᠂ ᠮᠣᠷᠢᠨ ᠠᠴᠢᠶᠠ ᠲᠠᠢ᠂ ᠬᠣᠨᠢᠨ ᠬᠦᠨᠡᠰᠦ ᠲᠠᠢ ᠢᠷᠡᠵᠦ ᠴᠢᠮᠠᠶᠢ ᠠᠪᠤᠭᠤᠵᠢ》 ᠭᠡᠵᠦ ᠬᠡᠯᠡᠭᠡᠳ ᠪᠤᠯᠠᠳᠠᠭ᠃ ᠡᠨᠡ ᠬᠡᠯᠡᠯᠭᠡ ᠨᠢ ᠴᠤ ᠶᠠᠮᠠᠷ ᠨᠢᠭᠡᠨ ᠮᠠᠭᠤ ᠵᠦᠢᠯ ᠢ ᠡᠶᠡᠷᠡᠭᠦᠯᠵᠦ ᠠᠷᠭᠠᠳᠠᠭᠰᠠᠨ ᠪᠣᠶᠤ ᠡᠰᠡᠭᠦᠯᠡ ᠦᠨᠡᠬᠡᠷ ᠲᠡᠳᠡᠭᠡᠷ ᠴᠡᠭᠡᠷ ᠶᠣᠰᠣ᠂ ᠬᠡᠯᠡ ᠬᠡᠯᠡᠯᠭᠡ ᠳᠦ ᠶᠠᠮᠠᠷ ᠨᠢᠭᠡᠨ ᠭᠦᠨ ᠤᠬᠠᠭᠠᠨ ᠨᠢᠭᠤᠭᠳᠠᠵᠤ ᠪᠠᠢᠵᠤ ᠴᠤ ᠪᠣᠯᠵᠣᠰᠢ ᠦᠭᠡᠢ᠃ ᠶᠡᠷᠦᠨᠢ ᠮᠠᠨ ᠤ ᠳᠡᠭᠡᠳᠦᠰ ᠡᠷᠲᠡᠨ ᠡᠴᠡ ᠪᠡᠨ ᠶᠠᠭᠤᠮᠠ ᠶᠠᠭᠤᠮᠠᠨ ᠳᠤ ᠶᠡᠬᠡ ᠤᠯᠠ ᠰᠠᠭᠤᠷᠢ ᠲᠠᠢ ᠬᠠᠨᠳᠤᠳᠠᠭ ᠮᠠᠰᠢ ᠵᠦᠩᠴᠢ ᠮᠡᠷᠭᠡᠨ ᠬᠦᠮᠦᠰ ᠪᠠᠢᠵᠤ ᠶᠠᠮᠠᠷ ᠨᠢᠭᠡᠨ ᠬᠡᠯᠡᠭᠰᠡᠨ ᠬᠢᠭᠰᠡᠨ ᠵᠦᠢᠯ ᠨᠢ ᠶᠡᠬᠡ ᠭᠦᠨ ᠤᠬᠠᠭᠠᠨᠴᠢ ᠨᠣᠲᠠᠯᠠᠯᠲᠠ ᠪᠠᠲᠤᠯᠠᠭᠠ ᠲᠠᠢ ᠪᠠᠢᠳᠠᠭ ᠲᠤᠯᠠ《 ᠶᠡᠬᠡ ᠬᠦᠮᠦᠨ ᠦ ᠶᠠᠪᠤᠳᠠᠯ ᠢ ᠡᠭᠡᠯ ᠠᠷᠠᠳ ᠱᠦᠭᠦᠳᠡᠭ ᠦᠭᠡᠢ》 ᠭᠡᠳᠡᠭᠴᠢᠯᠡᠨ ᠳᠡᠭᠡᠳᠦᠰ ᠦᠨ ᠴᠡᠭᠡᠷ ᠶᠣᠰᠣᠨ ᠤ ᠲᠤᠬᠠᠢ ᠳᠦᠭᠦᠮ ᠢᠶᠡᠷ ᠲᠠᠢᠯᠪᠤᠷᠢᠯᠠᠬᠤ ᠨᠢ ᠠᠯᠲᠠᠰ ᠪᠣᠯᠬᠤ ᠪᠣᠯᠪᠠᠣ︕
ᠣᠢᠷᠠ ᠦᠶᠡ ᠳᠦ ᠬᠠᠯᠬᠠ ᠳᠤ ᠫᠦᠷᠫᠦ ᠭᠠᠷᠠᠭ ᠲᠤ ᠬᠢᠮᠤᠰᠤ ᠪᠠᠨ ᠠᠪᠤᠪᠠᠯ ᠰᠠᠢᠨ ᠭᠡᠬᠦ ᠪᠣᠶᠣ ᠪᠠᠶᠠᠵᠢᠨᠠ ᠭᠡᠳᠡᠭ ᠪᠣᠯᠣᠭᠰᠠᠨ ᠭᠡᠨᠡ᠃
