ᠵᠤᠬᠢᠶᠠᠭᠴᠢ:
ᠴᠠᠭ:2019-04-26
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠱᠠᠭᠠ ᠲᠤᠭᠯᠠᠭᠠᠮ ᠤᠨ ᠶᠤᠰᠤ ᠵᠠᠩᠰᠢᠯ
ᠱᠠᠭᠠ ᠲᠤᠭᠯᠠᠭᠠᠮ ᠨᠢ ᠲᠤᠭᠳᠠᠭᠰᠠᠨ ᠲᠥᠷᠢᠮ ᠭᠤᠷᠢᠮ ᠢᠶᠠᠷ ᠶᠠᠪᠤᠭᠳᠠᠵᠤ᠂ ᠨᠠᠭᠠᠳᠴᠤ ᠲᠤᠭᠯᠠᠬᠤ ᠠᠯᠬᠤᠮ ᠲᠠᠷᠠᠭᠠ ᠲᠠᠢ᠂ ᠰᠢᠭᠦᠯᠴᠡᠭᠡᠨ ᠤ ᠶᠤᠰᠤ ᠲᠥᠷᠢᠮ ᠲᠠᠢ ᠪᠥᠭᠡᠳ ᠲᠤᠭᠯᠠᠭᠠᠮ ᠤᠨ ᠶᠠᠪᠤᠴᠠ ᠳᠠᠬᠢ ᠴᠡᠭᠡᠷ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃
ᠱᠠᠭᠠ ᠲᠤᠭᠯᠠᠭᠠᠮ ᠤᠨ ᠠᠩᠬᠠᠨ ᠤ ᠠᠯᠬᠤᠮ ᠢ ᠭᠡᠨ ᠡᠭᠢᠯᠡᠵᠥ ᠶᠠᠪᠤᠬᠤ ᠶᠢ ᠨᠢᠭᠡ ᠱᠠᠭᠠ ᠤᠷᠭᠢᠵᠥ᠂ ᠭᠡᠨ ᠤ ᠭᠢᠨᠢ ᠮᠤᠷᠢ ᠂ ᠲᠠᠷᠠ ᠭᠥᠮᠥᠨ ᠡᠭᠢᠯᠡᠵᠥ ᠶᠠᠪᠤᠳᠠᠭ᠃ ᠭᠡᠷᠪᠠ ᠬᠠᠶᠢᠨᠴᠠᠭᠰᠠᠨ ᠪᠠᠶᠢᠳᠠᠯ ᠭᠠᠷᠪᠠᠯ᠂ ᠲᠠᠭᠢᠵᠥ ᠤᠷᠭᠢᠭᠠᠳ᠂ ᠮᠤᠷᠢ ᠨᠢ ᠶᠠᠪᠤᠳᠠᠭ᠃ ᠤᠯᠠᠨ ᠭᠥᠮᠥᠨ ᠲᠤᠭᠢᠶᠠᠯᠳᠤᠯ ᠳᠤ ᠨᠠᠰᠤ ᠪᠠᠷ ᠠᠬᠠᠮᠠᠳ ᠢᠶᠠᠨ ᠲᠥᠷᠥᠭᠦᠥ ᠶᠠᠪᠤᠭᠤᠯᠬᠤ ᠴᠤ ᠪᠤᠢ᠃ ᠨᠠᠭᠠᠳᠤᠮ ᠤᠨ ᠡᠭᠡᠯᠵᠢ ᠲᠠᠷᠠᠭᠠᠯᠠᠯ ᠳᠤ ᠵᠥᠪ ᠡᠷᠭᠢᠭᠦ ᠶᠢ ᠪᠠᠷᠢᠮᠳᠠᠯᠠᠳᠠᠭ ᠪᠠ ᠵᠠᠷᠢᠮ ᠨᠤᠳᠤᠭ ᠲᠤ ᠨᠠᠷᠠ ᠵᠥᠪ ᠡᠷᠭᠢᠵᠥ᠂ ᠨᠠᠭᠠᠳᠤᠮ ᠪᠤᠷᠤᠭᠤ ᠡᠷᠭᠢᠨᠠ ᠭᠡᠵᠥ ᠡᠭᠡᠯᠵᠢ ᠲᠠᠷᠠᠭᠠ ᠪᠠᠨ ᠲᠤᠭᠳᠠᠭᠠᠬᠤ ᠴᠤ ᠪᠠᠶᠢᠳᠠᠭ᠃ ᠱᠠᠭᠠ ᠲᠤᠭᠯᠠᠭᠠᠮ ᠳᠤ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠤᠷᠭᠢᠬᠤ᠂ ᠥᠷᠥᠭᠦ᠂ ᠨᠢᠰᠠᠯᠬᠤ᠂ ᠰᠢᠭᠦᠷᠭᠦ ᠶᠢ ᠡᠷᠭᠢᠮᠯᠡᠳᠡᠭ᠃ ᠭᠡᠭᠦ ᠳᠤ ᠪᠠᠨ ᠱᠠᠭᠠ ᠤᠷᠭᠢᠵᠤ᠂ ᠨᠢᠰᠠᠯᠤᠬᠰᠠᠨ ᠭᠠᠷ ᠢᠶᠠᠷ ᠢᠶᠠᠨ ᠬᠠᠷᠪᠤᠵᠤ ᠤᠨᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠴᠤ ᠪᠤᠯᠬᠤ ᠥᠭᠡᠢ᠃ ᠱᠠᠭᠠ ᠤᠷᠭᠢᠬᠤ ᠳᠤ ᠪᠠᠨ ᠭᠤᠭᠤᠵᠢᠭᠤᠯᠵᠤ ᠰᠠᠳᠡᠷᠡᠭᠤᠯᠬᠤ ᠪᠤᠶᠤ ᠲᠤᠭᠳᠠᠭᠰᠠᠨ ᠭᠡᠮᠵᠢᠶᠠ ᠭᠥᠷᠢᠶᠠ ᠠᠴᠠ ᠭᠠᠳᠠᠨᠠ ᠨᠢᠭᠡ ᠱᠠᠭᠠ ᠲᠤᠰᠤᠭᠰᠠᠨ ᠴᠤ ᠡᠭᠡᠯᠵᠢ ᠶᠢᠨ ᠡᠷᠭᠡ ᠶᠢ ᠬᠠᠰᠤᠳᠠᠭ᠃ ᠱᠠᠭᠠ ᠨᠢᠰᠠᠯᠬᠤ ᠪᠠ ᠬᠠᠷᠪᠤᠵᠤ ᠤᠨᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠬᠤ ᠥᠶᠠ ᠳᠤ ᠪᠤᠰᠤᠳ ᠱᠠᠭᠠ ᠶᠢ ᠭᠥᠨᠳᠡᠵᠥ ᠭᠥᠳᠡᠯᠭᠡᠵᠥ ᠪᠤᠯᠬᠤ ᠥᠭᠡᠢ ᠪᠥᠭᠡᠳ ᠵᠠᠩᠭᠠᠵᠤ ᠪᠤᠯᠬᠤ ᠥᠭᠡᠢ᠃ ᠠᠯᠢ ᠱᠠᠭᠠ ᠶᠢ ᠬᠠᠷᠪᠤᠬᠤ ᠪᠠᠨ ᠰᠠᠶᠢᠨ ᠪᠤᠳᠤᠵᠤ ᠨᠢᠰᠠᠯᠳᠠᠭ ᠪᠠ ᠠᠪᠬᠤ ᠭᠡᠰᠡᠨ ᠱᠠᠭᠠ ᠪᠠᠨ ᠰᠢᠭᠤᠳ ᠠᠪᠳᠠᠭ᠃
ᠱᠠᠭᠠ ᠲᠤᠭᠯᠠᠭᠠᠮ ᠤᠨ ᠶᠠᠪᠤᠴᠠ ᠳᠤ ᠡᠶᠡ ᠨᠠᠶᠢᠷᠰᠠᠭ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠢ ᠡᠷᠭᠢᠮᠯᠠᠵᠤ᠂ ᠲᠤᠭᠯᠠᠭᠠᠮ ᠤᠨ ᠲᠥᠷᠢᠮ ᠶᠤᠰᠤ ᠶᠢ ᠪᠠᠷᠢᠮᠳᠠᠯᠠᠨ ᠨᠠᠭᠠᠳᠳᠠᠭ᠃ ᠲᠤᠭᠯᠠᠭᠠᠮ ᠤᠨ ᠲᠤᠮᠳᠠ ᠥᠭᠡ ᠮᠠᠷᠭᠤᠯᠳᠤᠬᠤ᠂ ᠭᠥᠵᠢᠷᠯᠡᠵᠤ ᠠᠭᠠᠰᠢᠯᠠᠬᠤ ᠶᠢ ᠲᠥᠪ ᠪᠤᠰᠤ ᠰᠤᠷᠳᠠᠯ ᠢᠶᠠᠷ ᠥᠵᠠᠵᠤ᠂ ᠴᠢᠩᠭᠠ ᠴᠡᠭᠡᠷᠯᠡᠳᠡᠭ᠃
