ᠮᠤᠩᠭᠤᠯᠴᠤᠳ ᠤᠨ ᠲᠥᠷᠪᠡᠨ ᠤᠯᠠᠷᠢᠯ ᠤᠨ ᠨᠡᠭᠦᠳᠠᠯ ᠪᠠ ᠤᠳᠤᠷ ᠲᠤᠳᠤᠷᠬᠠᠢ ᠵᠤᠷᠢᠯᠭ᠎ᠠ ᠲᠠᠢ᠂ ᠲᠤᠭᠳᠠᠭᠰᠠᠨ ᠵᠢᠮ᠎ᠠ ᠬᠠᠤᠯᠢ ᠪᠠ ᠶᠤᠰᠤ ᠭᠤᠷᠢᠮ ᠲᠠᠢ ᠪᠠᠷ ᠪᠥᠷᠢᠯᠳᠥᠨ ᠭᠥᠭᠵᠢᠭᠦ ᠶᠠᠪᠤᠴᠠ ᠳᠤ ᠪᠠᠨ ᠪᠠᠰᠠ ᠨᠡᠭᠦᠳᠠᠯ ᠤᠳᠤᠷ ᠲᠤ ᠬᠤᠯᠪᠤᠭᠳᠠᠭᠰᠠᠨ ᠠᠯᠢ ᠤᠯᠠᠨ ᠥᠪᠡᠷᠮᠢᠴᠡ ᠵᠠᠩ ᠥᠢᠯᠨ ᠶᠢ ᠪᠥᠷᠢᠯᠳᠥᠭᠦᠯᠵᠠᠢ᠃ ᠨᠡᠭᠦᠳᠠᠯ ᠤᠳᠤᠷ ᠭᠢᠭᠦ ᠵᠠᠩ ᠥᠢᠯᠨ ᠳᠤ ᠭᠤᠤᠯᠳᠠᠭᠤ ᠨᠤᠳᠤᠭ ᠰᠢᠨᠵᠢᠭᠦ᠂ ᠡᠳᠥᠷ ᠥᠵᠡᠭᠦ᠂ ᠵᠥᠭ ᠴᠢᠭ ᠰᠤᠩᠭᠤᠬᠤ ᠵᠡᠷᠭᠡ ᠲᠠᠢ ᠪᠠᠶᠢᠳᠠᠭ᠃

ᠮᠠᠯᠴᠢᠳ ᠬᠠᠪᠤᠷᠵᠢᠶ᠎ᠠ᠂ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶ᠎ᠠ᠂ ᠡᠪᠥᠯᠵᠢᠶ᠎ᠠ ᠶᠢᠨ ᠭᠠᠵᠠᠷ ᠢᠶᠠᠨ ᠶᠡᠭᠡ ᠲᠥᠯᠥᠪ ᠲᠤᠭᠳᠠᠭᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠭᠡᠷ ᠬᠤᠷᠢᠶ᠎ᠠ ᠪᠠᠨ ᠪᠠᠶᠢᠷᠢᠰᠢᠭᠤᠯᠬᠤ ᠲᠤᠭᠢᠳᠠᠢ ᠨᠤᠳᠤᠭ ᠰᠢᠨᠵᠢᠵᠤ ᠰᠤᠩᠭᠤᠭᠠᠳ ᠲᠡᠮᠳᠡᠭ ᠲᠡᠯᠪᠢᠬᠤ ᠵᠠᠩᠰᠢᠯ ᠲᠠᠢ᠃ ᠡᠭᠦᠨ ᠳᠤ᠂ ᠠᠭᠤᠯᠨ ᠶᠢᠨ ᠲᠥᠰᠢᠯᠭᠡ᠂ ᠬᠤᠯᠨ ᠶᠢᠨ ᠬᠠᠷᠠᠴᠠ ᠶᠢ ᠠᠩᠬᠠᠷᠬᠤ ᠭᠠᠳᠠᠨ᠎ᠠ᠂ ᠬᠤᠶᠠᠷ ᠵᠠᠮ ᠤᠨ ᠠᠭᠤᠯᠵᠠᠷ ᠪᠤᠶᠤ ᠴᠤᠪᠤᠭ᠎ᠠ ᠵᠠᠮ ᠲᠡᠭᠡᠷ᠎ᠠ ᠭᠡᠷ ᠪᠠᠷᠢᠬᠤ᠂ ᠬᠠᠭᠤᠴᠢᠨ ᠪᠠᠭᠤᠴᠠ ᠶᠢᠨ ᠤᠷᠤ ᠲᠡᠭᠡᠷ᠎ᠠ ᠭᠡᠷ ᠪᠠᠷᠢᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ᠃ ᠨᠡᠭᠦᠵᠥ ᠪᠠᠭᠤᠬᠤ᠂ ᠤᠳᠤᠷ ᠶᠠᠪᠤᠬᠤ ᠪᠠᠨ ᠡᠳᠤᠷ ᠥᠵᠡᠵᠥ᠂ ᠰᠠᠶᠢᠨ ᠡᠳᠥᠷ ᠢ ᠰᠤᠩᠭᠤᠬᠤ ᠶᠢ ᠡᠷᠭᠢᠮᠯᠡᠳᠡᠭ᠃ ᠶᠡᠷᠥᠩᠭᠡᠢ ᠳᠤ ᠪᠠᠨ ᠰᠠᠷ᠎ᠠ ᠪᠥᠷᠢ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ᠂ ᠲᠥᠷᠪᠡᠨ᠂ ᠲᠠᠪᠥᠨ᠂ ᠠᠷᠪᠠᠨ ᠬᠤᠶᠠᠷ᠂ ᠠᠷᠪᠠᠨ ᠭᠤᠷᠪᠠᠨ᠂ ᠠᠷᠪᠠᠨ ᠲᠥᠷᠪᠡᠨ᠂ ᠬᠤᠷᠢᠨ ᠬᠤᠶᠠᠷ᠂ ᠬᠤᠷᠢᠨ ᠭᠤᠷᠪᠠᠨ᠂ ᠬᠤᠷᠢᠨ ᠲᠥᠷᠪᠡᠨ ᠢ ᠭᠥᠮᠥᠨ᠂ ᠮᠠᠯ ᠳᠤ ᠰᠠᠶᠢᠨ᠂ ᠥᠯᠵᠠᠢ ᠪᠡᠯᠭᠡ ᠲᠠᠢ ᠡᠳᠥᠷ ᠭᠡᠵᠥ ᠥᠵᠠᠵᠤ᠂ ᠨᠡᠭᠦᠳᠠᠯ ᠪᠠᠭᠤᠳᠠᠯ ᠭᠢᠭᠦ ᠪᠥᠭᠡᠳ ᠡᠳᠡᠭᠡᠷ ᠤᠨ ᠠᠯᠢ ᠲᠤᠭᠢᠶᠠᠯᠳᠤᠬᠤ ᠴᠡᠯᠮᠡᠭ ᠲᠤᠩᠭᠠᠯᠠᠭ ᠡᠳᠥᠷ ᠢ ᠰᠤᠩᠭᠤᠳᠠᠭ᠃ ᠬᠠᠷᠢᠨ ᠰᠢᠨ᠎ᠠ ᠶᠢᠨ ᠨᠢᠭᠡᠨ᠂ ᠬᠤᠶᠠᠷ᠂ ᠶᠢᠰᠥᠨ᠂ ᠠᠷᠪᠠᠨ᠂ ᠠᠷᠪᠠᠨ ᠨᠢᠭᠡᠨ᠂ ᠠᠷᠪᠠ ᠶᠢᠰᠥᠨ᠂ ᠬᠤᠷᠢᠨ᠂ ᠬᠤᠷᠢᠨ ᠨᠢᠭᠡᠨ ᠤ ᠡᠳᠥᠷ ᠤᠳ ᠢ ᠭᠥᠮᠥᠨ᠂ ᠮᠠᠯ ᠳᠤ ᠬᠠᠷᠰᠢ ᠶᠡᠭᠡᠳᠠᠢ᠂ ᠡᠪᠠᠳᠴᠢᠨ ᠵᠤᠪᠠᠯᠠᠩ ᠤᠴᠠᠷᠠᠵᠥ᠂ ᠠᠯᠳᠠᠵᠤ ᠭᠡᠭᠡᠭᠦ ᠠᠶᠤᠯ ᠲᠤᠯᠭᠠᠷᠠᠬᠤ ᠪᠡᠯᠭᠡ ᠮᠠᠭᠤᠳᠠᠢ ᠡᠳᠥᠷ ᠭᠡᠵᠥ ᠨᠡᠭᠦᠳᠠᠯ ᠪᠠᠭᠤᠳᠠᠯ ᠭᠢᠭᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠤᠯᠨ ᠶᠢᠨ ᠤᠳᠤᠷ ᠪᠤᠶᠤ ᠥᠢᠷ᠎ᠠ ᠶᠢᠨ ᠤᠳᠤᠷ᠂ ᠢᠯᠡᠩᠭᠤᠶ᠎ᠠ ᠭᠥᠡᠭᠭᠡᠨ ᠭᠡᠯᠪᠠᠷᠢ ᠶᠢᠨ ᠤᠳᠤᠷ ᠬᠠᠶᠢᠳᠠᠭ ᠶᠠᠪᠤᠬᠤ ᠳᠤ ᠭᠥᠷᠪᠠᠯ᠂ ᠡᠭᠢᠨ ᠤ ᠨᠡᠭᠦᠳᠠᠯ ᠢ ᠵᠠᠪᠠᠯ ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠥᠯᠵᠠᠢ ᠪᠡᠯᠭᠡ ᠲᠠᠢ ᠡᠳᠥᠷ ᠤᠳ ᠠᠴᠠ ᠰᠤᠩᠭᠤᠳᠠᠭ ᠵᠠᠩᠰᠢᠯ ᠲᠠᠢ᠃

ᠮᠤᠩᠭᠤᠯᠴᠤᠳ᠂ ᠨᠡᠭᠦᠳᠠᠯ ᠪᠠᠭᠤᠳᠠᠯ ᠭᠢᠭᠦ ᠳᠤ ᠪᠠᠨ ᠵᠥᠭ ᠴᠢᠭ ᠢ ᠲᠥᠢᠯ ᠢᠶᠠᠷ ᠡᠷᠭᠢᠮᠯᠠᠨ ᠪᠠᠷᠢᠮᠳᠠᠯᠠᠳᠠᠭ᠃ ᠡᠭᠦᠨ ᠳᠤ᠂ ᠭᠡᠷ ᠢᠶᠠᠨ ᠪᠠᠭᠤᠯᠭᠠᠵᠥ ᠪᠠᠷᠢᠬᠤ ᠥᠶ᠎ᠠ ᠳᠤ ᠨᠠᠷᠨ ᠵᠥᠪ ᠵᠥᠭ ᠢ ᠡᠷᠭᠢᠮᠯᠠᠵᠥ᠂ ᠭᠡᠷ ᠬᠠᠭᠠᠯᠭᠠᠨ ᠤ ᠪᠠᠷᠠᠭᠤᠨ ᠬᠠᠪᠳᠠᠰᠤᠨ ᠲᠠᠯ᠎ᠠ ᠤᠭᠤᠰᠤᠷ ᠪᠥᠰᠡᠯᠡᠭᠦᠷ ᠢ ᠲᠠᠶᠢᠯᠵᠥ᠂ ᠲᠤᠭᠤᠷᠭ᠎ᠠ ᠶᠢ ᠠᠪᠳᠠᠭ᠃ ᠭᠡᠷ ᠤᠨ ᠲᠤᠭᠤᠨᠤ ᠶᠢ ᠨᠡᠭᠦᠭᠦ ᠵᠥᠭ ᠤᠷᠤᠭᠤ ᠠᠪᠳᠠᠭ ᠪᠠ ᠠᠴᠢᠶᠠᠯᠡᠵᠤ ᠲᠠᠭᠤᠰᠳᠠᠯ᠎ᠠ ᠲᠤᠭᠤᠨᠤ ᠶᠢ ᠭᠡᠷ ᠤᠨ ᠪᠠᠭᠤᠷᠢ  ᠭᠠᠳᠠᠭᠰᠢ ᠭᠠᠷᠭᠠᠳᠠᠭ ᠥᠭᠡᠢ᠃ ᠨᠡᠭᠦᠳᠠᠯ ᠤᠨ ᠠᠴᠢᠶ᠎ᠠ ᠶᠢ ᠭᠥᠳᠡᠯᠭᠡᠭᠦ ᠳᠤ ᠪᠠᠨ ᠭᠡᠷ ᠤᠨ ᠪᠠᠭᠤᠷᠢ ᠶᠢᠨ ᠵᠡᠭᠦᠨ ᠲᠠᠯ᠎ᠠ ᠪᠠᠷ ᠨᠠᠷᠨ ᠵᠥᠪ ᠡᠷᠭᠢᠭᠦᠯᠥᠨ ᠶᠠᠪᠠᠭᠠᠨ ᠭᠥᠳᠥᠯᠵᠥ ᠭᠥᠳᠡᠯᠭᠡᠳᠡᠭ᠃ ᠠᠴᠢᠶ᠎ᠠ ᠭᠥᠰᠭᠡ ᠰᠢᠨ᠎ᠠ ᠨᠤᠳᠤᠭ ᠲᠤ ᠭᠥᠷᠥᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠭᠡᠷ ᠪᠠᠷᠢᠬᠤ ᠲᠠᠮᠳᠡᠭ ᠲᠠᠯᠪᠢᠭᠰᠨᠨ ᠪᠠᠭᠤᠷᠢ ᠶᠢ ᠨᠠᠷᠨ ᠵᠥᠪ ᠢᠶᠠᠷ ᠡᠷᠭᠢᠵᠥ ᠵᠤᠭᠰᠤᠳᠠᠭ ᠪᠠ ᠭᠡᠷ ᠪᠠᠷᠢᠬᠤ ᠶᠤᠰᠤ ᠴᠤ ᠪᠠᠭᠤᠯᠭᠠᠬᠤ ᠥᠶ᠎ᠠ ᠶᠢᠨ ᠵᠥᠭ ᠴᠢᠭ ᠢ ᠶᠤᠰᠤᠴᠢᠯᠠᠨ ᠪᠠᠷᠢᠮᠳᠠᠯᠠᠳᠠᠭ᠃

ᠨᠡᠭᠦᠳᠠᠯᠯᠠᠵᠥ ᠤᠳᠤᠷᠯᠠᠬᠤ ᠳᠤ ᠪᠠᠨ ᠬᠠᠭᠤᠴᠢᠨ ᠪᠠᠭᠤᠷᠢ ᠪᠠᠨ ᠴᠡᠪᠠᠷᠯᠠᠵᠤ᠂ ᠲᠤᠯᠭ᠎ᠠ ᠶᠢᠨ ᠴᠢᠯᠠᠭᠤ ᠶᠢ ᠭᠥᠳᠡᠯᠭᠡᠵᠥ᠂ ᠲᠤᠯᠭ᠎ᠠ ᠶᠢᠨ ᠤᠷᠳᠥ ᠲᠤᠳᠤᠭᠤᠨ ᠤ ᠴᠢᠯᠠᠭᠤ ᠶᠢ ᠪᠤᠰᠤᠳ ᠴᠢᠯᠠᠭᠤ ‍ᠠᠴᠠ ᠵᠠᠶᠢᠯᠠᠭᠤᠯᠵᠥ ᠲᠠᠯᠪᠢᠳᠠᠭ᠃ ᠡᠨᠠ ᠨᠢ ᠮᠤᠩᠭᠤᠯᠴᠤᠳ᠂ ᠲᠤᠯᠭ᠎ᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠪᠤᠯ ᠭᠠᠯ ᠭᠤᠯᠤᠮᠳᠠ ᠶᠢᠨ ᠡᠭᠢᠯᠡᠯ ᠭᠡᠵᠥ ᠡᠷᠭᠢᠮᠯᠡᠳᠡᠭ ᠥᠵᠡᠯᠳᠠ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃ ᠢᠡᠭᠭᠢᠭᠡᠳ ᠭᠡᠷᠪᠠ ᠬᠠᠷᠢ ᠬᠤᠰᠢᠭᠤᠨ ᠳᠤ ᠨᠡᠭᠦᠭᠦ ᠳᠤ ᠭᠥᠷᠪᠡᠯ᠂  ᠲᠤᠯᠭ᠎ᠠ ᠶᠢᠨ ᠴᠢᠯᠠᠭᠤᠨ ᠨᠢᠭᠡ ᠶᠢ ᠠᠪᠴᠤ ᠶᠠᠪᠤᠳᠠᠭ ᠵᠠᠩᠰᠢᠯ ᠨᠠᠯᠢᠶᠠᠳ ᠲᠥᠭᠡᠮᠡᠯ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠶᠤᠮ᠃