ᠮᠤᠩᠭᠤᠯ ᠴᠡᠭᠡᠷ ᠤᠨ ᠴᠢᠭᠤᠯᠭᠠᠨ   2006 ᠤᠨ  ᠨᠤᠮ ᠳᠤ᠂ 5 ᠠᠩᠭᠢᠯᠠᠯ᠂ 27 ᠵᠥᠢᠯ ᠳᠤ ᠬᠤᠪᠢᠶᠠᠵᠠᠢ᠃ ᠠᠩᠭᠢᠯᠠᠯ ᠪᠠ ᠵᠥᠢᠯ ᠳᠤ ᠬᠤᠪᠢᠶᠠᠭᠰᠠᠨ ᠪᠠᠶᠢᠳᠠᠯ ᠨᠢ ᠲᠤᠤᠷᠠᠭᠢ ᠮᠠᠳᠤ᠄  　

ᠡᠮᠥᠰᠭᠦ ᠢᠳᠡᠭᠦ   ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠄ ᠬᠤᠪᠴᠠᠰᠤ ᠬᠤᠨᠠᠷ᠂ ᠵᠠᠰᠠᠯ ᠵᠢᠮᠰᠡᠭ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠤᠷᠤᠨ ᠰᠠᠭᠤᠴᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠶᠠᠪᠤᠬᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ  　

ᠥᠢᠯᠠᠳᠪᠤᠷᠢᠯᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠄ ᠮᠠᠯᠵᠢᠯ ᠥᠢᠯᠠᠳᠪᠤᠷᠢᠯᠠᠯ ᠤᠨ ᠲᠤᠬᠠᠢ ᠴᠡᠭᠡᠷ᠂ ᠲᠠᠷᠢᠶᠠᠯᠠᠩ  ᠥᠢᠯᠠᠳᠪᠤᠷᠢᠯᠠᠯ ᠤᠨ ᠲᠤᠬᠠᠢ ᠴᠡᠭᠡᠷ᠂ ᠠᠩ ᠠᠪᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠥᠢᠯᠨ ᠤᠶᠤᠳᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ   　

ᠭᠥᠮᠥᠨ ᠤ ᠨᠢᠭᠡ ᠨᠠᠰᠤᠨ ᠤ ᠶᠠᠪᠤᠳᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠄ ᠵᠢᠷᠮᠤᠰᠤᠨ ᠬᠤᠭᠤᠴᠠᠭᠠᠨ ᠤ ᠴᠡᠭᠡᠷ᠂ ᠲᠥᠷᠥᠵᠥ ᠭᠥᠡᠭᠭᠡᠵᠢᠭᠦ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠭᠡᠥᠭᠡᠳ ᠪᠠᠭᠠᠴᠤᠳ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠤᠷᠤᠭ ᠬᠤᠷᠢᠮ᠂ ᠪᠠᠶᠠᠷ ᠨᠠᠶᠢᠷ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠭᠥᠨᠳᠤᠴᠢᠯᠠᠯ ᠮᠠᠨᠳᠤᠴᠢᠯᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠰᠢᠨᠠᠯᠠᠵᠤ ᠴᠠᠭᠠᠯᠠᠬᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠥᠰᠤ ᠭᠡᠵᠢᠭᠡ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠡᠪᠠᠳᠴᠢᠨ ᠵᠠᠰᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠵᠥᠩ ᠪᠡᠯᠭᠡᠳᠠᠯ ᠪᠠ ᠰᠡᠵᠢᠭ ᠨᠠᠮᠳᠠᠭ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ   　

ᠱᠠᠰᠢᠨ ᠰᠢᠳᠥᠯᠭᠡ᠂ ᠲᠠᠶᠢᠯᠭ᠎ᠠ ᠲᠠᠭᠢᠯᠭ᠎ᠠ ᠵᠠᠷᠭᠡ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠄ ᠤᠪᠤᠭ᠎ᠠ ᠱᠠᠩᠰᠢ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠤᠡᠭᠭᠤᠨ ᠰᠠᠳᠡᠷ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠪᠠᠶᠢᠭᠠᠯᠢ ᠶᠢᠨ ᠰᠢᠳᠥᠯᠭᠡ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠭᠡᠶᠢᠮᠥᠷᠢ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠭᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠪᠤᠷᠬᠠᠨ ᠱᠠᠰᠢᠨ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠲᠠᠯᠠᠯᠭ᠎ᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ᠂ ᠴᠢᠩᠭᠢᠰ ᠤᠨ ᠲᠠᠶᠢᠯᠭ᠎ᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠡᠭᠡᠷ  　

ᠪᠤᠰᠤᠳ ᠴᠡᠭᠡᠷ᠄ ᠪᠤᠳᠠᠳᠠᠢ ᠵᠥᠢᠯ ᠬᠤᠪᠢᠶᠠᠭᠰᠠᠨ ᠥᠭᠡᠢ᠃  　

ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠪᠥᠳᠥᠭᠡᠯ ᠤᠳ ᠲᠤ᠂ ᠮᠤᠩᠭᠤᠯ ᠴᠡᠭᠡᠷ ᠢ ᠠᠩᠭᠢᠯᠠᠯ ᠪᠠ ᠲᠥᠷᠥᠯ ᠵᠥᠢᠯ ᠳᠤ ᠬᠤᠪᠢᠶᠠᠭᠰᠠᠨ ᠪᠠᠶᠢᠳᠠᠯ ᠠᠴᠠ ᠥᠵᠡᠭᠦ ᠳᠤ᠂ ᠠᠩᠭᠢᠯᠠᠯ ᠤᠨ ᠬᠤᠪᠢᠶᠠᠷᠢᠯᠠᠯ ᠨᠢ ᠥᠨᠳᠤᠰᠤᠨ ᠳᠤ ᠪᠠᠨ ᠠᠳᠠᠯᠢᠪᠳᠤᠷ ᠪᠠᠶᠢᠭ᠎ᠠ ᠪᠤᠯᠪᠠᠴᠤ᠂ ᠡᠯ᠎ᠠ ᠠᠩᠭᠢᠯᠠᠯ ᠳᠠᠬᠢ ᠲᠥᠷᠥᠯ ᠵᠥᠢᠯ ᠤᠨ ᠬᠤᠪᠢᠶᠠᠷᠢᠯᠠᠯᠳᠠ ᠨᠢ ᠵᠥᠷᠢᠶ᠎ᠠ ᠲᠠᠢ ᠪᠠᠶᠢᠭ᠎ᠠ ᠨᠢ ᠢᠯᠠᠷᠭᠡᠢ᠃ ᠶᠠᠷᠥ ᠨᠢ ᠲᠡᠭᠡᠷᠡᠭᠢ ᠪᠥᠳᠥᠭᠡᠯ ᠲᠡᠳᠤᠢ ᠥᠭᠡᠢ᠂ ᠮᠤᠩᠭᠤᠯ ᠵᠠᠩ ᠥᠢᠯᠨ  ᠰᠤᠳᠤᠯᠤᠯ ᠳᠠᠬᠢ ᠴᠡᠭᠡᠷ ᠤᠨ ᠲᠤᠬᠠᠢ ᠡᠷᠳᠠᠮ ᠰᠢᠨᠵᠢᠯᠡᠭᠡᠨ ᠤ ᠥᠭᠦᠯᠡᠯ ᠵᠤᠭᠢᠶᠠᠯ ᠤᠳ ᠪᠤᠯᠤᠨ ᠪᠤᠰᠤᠳ ᠨᠤᠮ ᠤᠳ ᠲᠤ ᠴᠤ ᠢᠢᠮᠥᠷᠭᠦᠥ ᠪᠠᠶᠢᠳᠠᠯ ᠨᠠᠶᠢᠳᠠᠮ ᠠᠵᠢᠭᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠶᠤᠮ᠃ ᠶᠠᠷᠥᠩᠭᠡᠢ ᠳᠤ ᠨᠢ ᠭᠡᠯᠡᠭᠦ ᠳᠤ᠂ ᠮᠤᠩᠭᠤᠯ ᠴᠡᠭᠡᠷ ᠤᠨ ᠠᠩᠭᠢᠯᠠᠯ ᠤᠨ ᠠᠰᠠᠭᠤᠳᠠᠯ ᠲᠠᠳᠤᠢ ᠯᠡ ᠲᠤᠳᠤᠷᠬᠠᠢ ᠥᠷ᠎ᠠ ᠳ᠋ᠥᠩ ᠳᠤ ᠭᠥᠷᠴᠤ ᠴᠢᠳᠠᠭ᠎ᠠ ᠥᠭᠡᠢ ᠭᠡᠵᠥ ᠭᠡᠯᠡᠵᠤ ᠪᠤᠯᠤᠨ᠎ᠠ᠃ ᠡᠨᠡ ᠨᠢ ᠴᠡᠭᠡᠷ ᠤᠨ ᠲᠤᠰ ᠪᠠᠶ᠎ᠠ ᠨᠢ ᠨᠠᠯᠢᠶᠠᠳ ᠨᠠᠷᠢᠨ ᠪᠤᠳᠤᠯᠢᠶᠠᠨ ᠲᠠᠢ ᠪᠠᠶᠢᠳᠠᠭ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠭᠰᠠᠨ ᠠᠴᠠ ᠭᠠᠳᠠᠨ᠎ᠠ᠂ ᠡᠷᠳᠠᠮᠳᠠᠳ ᠤᠨ ᠠᠩᠭᠢᠯᠠᠯ ᠤᠨ ᠪᠠᠷᠢᠮᠵᠢᠶ᠎ᠠ  ᠨᠢᠭᠡᠳᠤᠯ ᠥᠭᠡᠢ᠂ ᠬᠤᠪᠢᠶᠠᠷᠢᠯᠠᠯ  ᠤᠨᠤᠪᠴᠢ ᠥᠭᠡᠢ ᠵᠠᠷᠭᠡ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠳᠠᠯ ᠲᠠᠢ᠃ ᠡᠨᠡ ᠨᠢ ᠬᠤᠶᠢᠰᠢᠳᠠ ᠶᠢᠨ ᠰᠤᠳᠤᠯᠭᠠᠨ  ᠳᠤ ᠨᠠᠷᠢᠪᠴᠢᠯᠠᠨ ᠰᠢᠨᠵᠢᠯᠡᠵᠥ᠂ ᠲᠤᠳᠤᠷᠬᠠᠢᠢᠯᠠᠨ ᠰᠢᠢᠳᠪᠤᠷᠢᠯᠡᠭᠦ ᠴᠢᠬᠤᠯᠠ ᠲᠠᠢ ᠠᠵᠢᠯ ᠤᠨ ᠨᠢᠭᠡ ᠪᠤᠯᠵᠤ ᠪᠠᠶᠢᠭ᠎ᠠ ᠶᠤᠮ᠃  　

ᠡ᠊ᠨᠳᠠ ᠪᠢᠳᠠ ᠨᠢᠭᠡ ᠲᠠᠯ᠎ᠠ ᠪᠠᠷ ᠵᠠᠩ ᠥᠢᠯᠨ ᠶᠢᠨ ᠶᠠᠷᠥᠩᠭᠡᠢ ᠰᠢᠰᠲ᠋ᠧᠮ ᠤᠨ ᠠᠩᠭᠢᠯᠠᠯ ᠢ ᠪᠠᠷᠢᠮᠳᠠᠯᠠᠵᠤ᠂ ᠨᠥᠭᠦᠭᠡ ᠲᠠᠯ᠎ᠠ ᠪᠠᠷ ᠮᠤᠩᠭᠤᠯ ᠴᠡᠭᠡᠷ ᠤᠨ ᠥᠪᠡᠷᠮᠢᠴᠠ ᠤᠨᠴᠠᠯᠢᠭ᠂ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠯᠵᠠᠨ ᠥᠵᠡᠭᠰᠡᠨ ᠰᠠᠭᠤᠷᠢᠨ ᠳᠤ᠂ ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠤᠨ ᠴᠡᠭᠡᠷ᠂ ᠪᠤᠳᠠᠰ ᠤᠨ ᠥᠢᠯᠠᠳᠪᠤᠷᠢᠯᠠᠯ ᠤᠨ ᠴᠡᠭᠡᠷ᠂ ᠨᠠᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠤᠨ ᠴᠡᠭᠡᠷ᠂ ᠰᠢᠳᠥᠯᠭᠡ ᠪᠢᠰᠢᠷᠠᠯ ᠤᠨ ᠴᠡᠭᠡᠷ᠂ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠴᠡᠭᠡᠷ ᠭᠡᠭᠦ 5 ᠠᠩᠭᠢᠯᠠᠯ ᠳᠤ ᠬᠤᠪᠢᠶᠠᠵᠤ᠂ ᠲᠡᠳᠡᠭᠡᠷ ᠲᠤ ᠬᠠᠷᠢᠶᠠᠯᠠᠭᠳᠠᠬᠤ ᠴᠡᠭᠡᠷ ᠤᠨ ᠪᠤᠳᠠᠳᠤ ᠠᠭᠤᠯᠭ᠎ᠠ ᠶᠢ ᠲᠤᠤᠷᠠᠭᠢ ᠮᠠᠳᠤ 19 ᠲᠥᠷᠥᠯ ᠵᠥᠢᠯ ᠳᠤ ᠬᠤᠪᠢᠶᠠᠷᠢᠯᠠᠵᠠᠢ᠃ ᠲᠤᠬᠠᠢᠢᠯᠠᠪᠠᠯ᠄  　 

ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠤᠨ ᠴᠡᠭᠡᠷ᠄ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠴᠡᠭᠡᠷ᠂ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠴᠡᠭᠡᠷ᠂ ᠥᠢᠯᠨ ᠤᠶᠤᠳᠠᠯ ᠤᠨ ᠴᠡᠭᠡᠷ᠂ ᠤᠷᠤᠨ ᠰᠠᠭᠤᠴᠠ ᠶᠢᠨ ᠴᠡᠭᠡᠷ᠂ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠤᠨ ᠴᠡᠭᠡᠷ︔  　

ᠪᠤᠳᠠᠰ ᠤᠨ ᠥᠢᠯᠠᠳᠪᠤᠷᠢᠯᠠᠯ ᠤᠨ ᠴᠠᠭᠡᠷ᠄ ᠠᠩ ᠠᠮᠢᠳᠠᠨ ᠤ ᠴᠡᠭᠡᠷ᠂ ᠮᠠᠯ ᠤᠨᠤᠭ᠎ᠠ ᠶᠢᠨ ᠴᠡᠭᠡᠷ᠂ ᠲᠠᠷᠢᠶᠠᠯᠠᠩ ᠤᠷᠭᠤᠮᠠᠯ ᠤᠨ ᠴᠡᠭᠡᠷ᠂ ᠠᠷᠠᠯᠵᠢᠶ᠎ᠠ ᠬᠤᠳᠠᠯᠳᠤᠭ᠎ᠠ ᠶᠢᠨ ᠴᠡᠭᠡᠷ᠂ ᠨᠡᠭᠦᠳᠠᠯ ᠪᠠᠭᠤᠳᠠᠯ ᠤᠨ ᠴᠡᠭᠡᠷ᠂ ᠠᠶᠠᠨ ᠵᠢᠩ ᠤᠨ ᠴᠡᠭᠡᠷ  　

ᠨᠠᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠤᠨ ᠴᠡᠭᠡᠷ᠄ ᠭᠡᠷ ᠪᠥᠯᠢ ᠶᠢᠨ ᠴᠡᠭᠡᠷ᠂ ᠤᠷᠤᠭ ᠤᠨ ᠶᠤᠰᠤ ᠶᠢᠨ ᠴᠡᠭᠡᠷ᠂ ᠨᠠᠰᠤᠨ ᠤ ᠥᠢᠯᠨ ᠶᠢᠨ ᠴᠡᠭᠡᠷ᠂ ᠭᠡᠪ ᠶᠤᠰᠤ ᠶᠢᠨ ᠴᠡᠭᠡᠷ   　

ᠰᠢᠳᠥᠯᠭᠡ ᠪᠢᠰᠢᠷᠠᠯ ᠤᠨ ᠴᠡᠭᠡᠷ᠄ ᠰᠢᠳᠥᠯᠭᠡ ᠲᠡᠭᠡᠳᠤᠯᠡᠯ ᠤᠨ ᠴᠡᠭᠡᠷ᠂ ᠲᠠᠭᠢᠯᠭ᠎ᠠ ᠲᠠᠶᠢᠯᠭ᠎ᠠ ᠶᠢᠨ ᠴᠡᠭᠡᠷ᠂ ᠪᠡᠯᠭᠡᠳᠠᠯ ᠵᠥᠡᠭᠨᠠᠯ ᠤᠨ ᠴᠡᠭᠡᠷ   　

ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠴᠡᠭᠡᠷ᠄ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠴᠡᠭᠡᠷ᠂ ᠨᠠᠶᠢᠷ ᠶᠤᠰᠤᠯᠠᠯ ᠤᠨ ᠴᠡᠭᠡᠷ᠂ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠤᠨ ᠴᠡᠭᠡᠷ ᠭᠡᠭᠦ ᠮᠠᠳᠤ ᠪᠤᠯᠤᠨ᠎ᠠ᠃  　

ᠮᠤᠩᠭᠤᠯ ᠴᠡᠭᠡᠷ ᠤᠨ ᠪᠤᠳᠠᠳᠤ ᠠᠭᠤᠯᠭ᠎ᠠ ᠨᠤᠭᠤᠳ ᠢ ᠲᠤᠬᠠᠢ ᠶᠢᠨ ᠬᠤᠯᠪᠤᠭᠳᠠᠯᠳᠤ ᠵᠠᠩ ᠥᠢᠯᠨ ᠶᠢᠨ ᠵᠤᠷᠪᠤᠰ ᠲᠤ ᠪᠠᠭᠳᠠᠭᠠᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠶᠤᠮ᠃ ᠭᠡᠭᠦ ᠳᠤ ᠪᠠᠨ ᠴᠡᠭᠡᠷ ᠶᠤᠰᠤ ᠨᠢ ᠵᠠᠩ ᠥᠢᠯᠨ ᠶᠢᠨ ᠪᠥᠭᠦ᠋ᠢᠯᠠ ᠰᠢᠰᠲ᠋ᠧᠮ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠥᠭᠡᠢ ᠠᠭᠤᠯᠭ᠎ᠠ ᠪᠤᠯᠬᠤᠷ᠂ ᠡᠨᠡ ᠭᠦ ᠪᠥᠭᠦᠯᠢ ᠰᠢᠰᠲ᠋ᠧᠮ ᠢ ᠲᠤᠰᠬᠠᠬᠤ ᠡᠭᠦᠳᠠᠨ ᠠᠴᠠ ᠪᠤᠳᠤᠯᠭᠢᠯᠠᠵᠤ᠂ ᠴᠡᠭᠡᠷ ᠶᠤᠰᠤ ᠶᠢᠨ ᠪᠠᠶ᠎ᠠ ᠲᠠᠭᠠᠭᠠᠭᠰᠠᠨ ᠵᠤᠷᠪᠤᠰ ᠲᠤ ᠲᠡᠭᠦᠨ ᠤ ᠠᠩᠭᠢᠯᠠᠯ᠂ ᠲᠥᠷᠥᠯ ᠵᠥᠢᠯ ᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠤ ᠬᠠᠮᠳᠤ᠂ ᠲᠡᠳᠡᠭᠡᠷ ᠲᠤ ᠬᠠᠮᠤᠷᠤᠭᠳᠠᠬᠤ ᠴᠡᠭᠡᠷ ᠢ ᠵᠢᠱᠢᠶ᠎ᠠ ᠪᠤᠯᠭᠠᠵᠤ ᠲᠠᠨᠢᠯᠴᠠᠭᠤᠯᠪᠠ᠃