ᠫᠠᠢ ᠶᠢ ᠬᠠᠳᠠᠭᠤ ᠮᠤᠳᠤ᠂ ᠬᠤᠯᠤᠰᠤ᠂ ᠵᠠᠰ᠂ ᠭᠠᠤᠯᠢ᠂ ᠶᠠᠰᠤ ᠵᠠᠷᠭᠡ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠨᠢᠭᠡ ᠰᠠᠨᠲ᠋ᠢᠮᠧᠲᠷ ᠵᠤᠵᠠᠭᠠᠨ᠂ ᠬᠤᠶᠠᠷ ᠰᠠᠨᠲ᠋ᠢᠮᠧᠲᠷ ᠥᠷᠭᠡᠨ᠂ ᠲᠥᠷᠪᠡᠨ ᠰᠠᠨᠲ᠋ᠢᠮᠧᠲᠷ ᠤᠷᠳᠤ ᠭᠡᠮᠵᠢᠶ᠎ᠠ ᠲᠠᠢ ᠵᠠᠰᠠᠵᠤ᠂ ᠨᠢᠭᠤᠷ ᠲᠠᠯ᠎ᠠ ᠳᠤ ᠨᠢ ᠨᠥᠭᠡᠯᠡᠨ ᠤᠷᠤ ᠭᠠᠷᠭᠠᠭᠠᠳ᠂ ᠤᠯᠠᠭᠠᠨ᠂ ᠴᠠᠭᠠᠨ ᠥᠡᠭᠭᠡ ᠢᠯᠭᠠᠷᠠᠭᠤᠯᠤᠨ ᠪᠤᠳᠤᠵᠤ  ᠃

ᠫᠠᠢ  ᠨᠠᠶᠢᠳᠠ ᠵᠢᠷᠠᠨ ᠲᠥᠷᠪᠡ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠪᠠᠰᠠ ᠵᠢᠷᠠᠨ ᠲᠥᠷᠪᠡᠨ ᠮᠤᠳᠤ ᠭᠡᠨ᠎ᠠ᠃ ᠵᠢᠷᠠᠨ ᠲᠥᠷᠪᠡᠨ ᠮᠤᠳᠤ ᠪᠠᠨ ᠠᠳᠠᠯᠢ ᠪᠤᠰᠤ ᠲᠤᠭ᠎ᠠ ᠲᠠᠢ᠂ ᠶᠠᠩᠵᠤ ᠪᠥᠷᠢ ᠶᠢᠨ ᠭᠡᠯᠪᠡᠷᠢ ᠪᠠᠶᠢᠳᠠᠯ ᠲᠠᠢ ᠨᠥᠭᠡ ᠪᠠᠷ ᠨᠢ ᠢᠯᠭᠠᠳᠠᠭ᠃ ᠫᠠᠢ ᠶᠢᠨ ᠨᠥᠭᠡᠨ ᠤ ᠲᠤᠭ᠎ᠠ ᠬᠤᠶᠠᠷ ᠠᠴᠠ ᠠᠷᠪᠠᠨ ᠬᠤᠶᠠᠷ ᠭᠥᠷᠳᠠᠯ᠎ᠠ ᠪᠠᠶᠢᠳᠠᠭ᠃ 

ᠫᠠᠢ ᠶᠢᠨ ᠮᠤᠳᠤ ᠶᠢ ᠨᠥᠭᠡᠨ ᠤ ᠭᠢᠨᠢ ᠲᠤᠭ᠎ᠠ ᠪᠤᠶᠤ ᠭᠡᠯᠪᠡᠷᠢ ᠲᠥᠷᠰᠤ ᠪᠠᠷ ᠨᠢ ᠢᠯᠭᠠᠵᠤ᠂    ᠨᠠᠷᠠᠯᠡᠳᠡᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠨᠥᠭᠡᠨ ᠤ ᠭᠢᠨᠢ ᠲᠤᠭ᠎ᠠ ᠪᠠᠷ ᠠᠷᠪᠠᠨ ᠬᠤᠶᠠᠷ᠂ ᠠᠷᠪᠠᠨ ᠨᠢᠭᠡ᠂ ᠠᠷᠪᠡ  ᠭᠡᠭᠦ ᠮᠠᠳᠤᠴᠢᠯᠠᠨ ᠨᠠᠷᠠᠯᠠᠭᠦ ᠪᠠ ᠨᠥᠭᠡᠨ ᠤ ᠭᠢᠨᠢ ᠭᠡᠯᠪᠡᠷᠢ ᠪᠠᠶᠢᠳᠠᠯ ᠢ ᠥᠨᠳᠤᠰᠤᠯᠠᠨ ᠪᠠᠨᠳᠠᠩ ᠲᠥᠷᠪᠡ᠂ ᠤᠯᠠᠭᠠᠨ ᠲᠠᠪᠤ᠂ ᠴᠢᠳᠤᠷ ᠵᠢᠷᠭᠤᠭ᠎ᠠ  ᠪᠤᠶᠤ ᠴᠡᠴᠡᠭ ᠵᠢᠷᠭᠤᠭ᠎ᠠ ᠂ ᠤᠯᠠᠭᠠᠨ ᠨᠠᠢᠮᠠ  ᠪᠠᠰᠠ ᠴᠢᠪᠠᠭᠠᠨᠴᠠ ᠨᠠᠢᠮᠠ ᠂ ᠵᠢᠮᠴᠢᠭᠡᠷ ᠠᠷᠪᠠ᠂ ᠪᠠᠷᠵᠠᠩ ᠠᠷᠪᠠ ᠭᠡᠭᠦ ᠮᠠᠳᠤ ᠪᠠᠷ ᠲᠤᠰ ᠲᠤᠰ ᠤᠨ ᠪᠠᠶᠢᠳᠠᠯ ᠢᠶᠠᠷ ᠨᠢ ᠶᠠᠩᠵᠤ ᠪᠥᠷᠢ ᠪᠠᠷ ᠨᠠᠷᠠᠯᠡᠳᠡᠭ᠃ ᠵᠢᠷᠠᠨ ᠲᠥᠷᠪᠡᠨ ᠫᠠᠢ ᠶᠢᠨ ᠲᠤᠳᠤᠷ᠎ᠠ ᠲᠥᠷᠪᠡ᠂ ᠵᠢᠷᠭᠤᠭ᠎ᠠ᠂ ᠲᠤᠯᠤᠭ᠎ᠠ᠂ ᠨᠠᠢᠮᠠ᠂ ᠠᠷᠪᠠ ᠵᠠᠷᠭᠡ ᠶᠢᠨ ᠮᠤᠳᠤ ᠨᠢ ᠠᠳᠠᠯᠢ ᠪᠤᠰᠤ ᠭᠡᠯᠪᠡᠷᠢ ᠶᠢᠨ ᠨᠥᠭᠡ ᠲᠠᠢ ᠲᠤᠰᠪᠤᠷᠢ ᠨᠠᠢᠮᠠᠨ ᠮᠤᠳᠤ ᠪᠠᠶᠢᠬᠤ ᠪᠠ ᠪᠤᠰᠤᠳ ᠲᠤᠭᠠᠨ ᠤ ᠨᠥᠭᠡ ᠲᠠᠢ ᠮᠤᠳᠤ ᠨᠢ ᠲᠤᠰᠪᠤᠷᠢ ᠲᠥᠷᠪᠡ ᠪᠠᠶᠢᠳᠠᠭ᠃

ᠵᠢᠷᠠᠨ ᠲᠥᠷᠪᠡᠨ ᠮᠤᠳᠤ ᠪᠠᠨ ᠡᠶᠠᠷᠭᠦ᠂ ᠰᠥᠭᠡᠷᠭᠦ ᠭᠡᠭᠦ ᠬᠤᠶᠠᠷ ᠠᠩᠭᠢᠯᠠᠯ ᠢᠶᠠᠷ ᠬᠤᠪᠢᠶᠠᠨ᠂ ᠠᠳᠠᠯᠢ ᠪᠤᠰᠤ ᠠᠷᠭ᠎ᠠ ᠭᠡᠯᠪᠡᠷᠢ ᠪᠠᠷ ᠨᠠᠭᠠᠳᠬᠤ ᠳᠤ ᠪᠠᠨ ᠡᠶᠡᠷᠭᠦ ᠨᠢ ᠡᠶᠡᠷᠭᠦ ᠲᠤᠭᠠᠨ ᠤ ᠲᠠᠷᠠᠭᠠᠯᠠᠯ ᠢᠶᠠᠷ ᠠᠬᠠᠯᠠᠬᠤ ᠪᠠ ᠰᠥᠭᠡᠷᠭᠦ  ᠨᠢ ᠰᠥᠭᠡᠷᠭᠦ ᠲᠤᠭᠠᠨ ᠤ ᠲᠠᠷᠠᠭᠠᠯᠠᠯ ᠪᠠᠷ ᠠᠬᠠᠯᠠᠬᠤ ᠂ ᠡᠰᠡᠭᠦᠯ᠎ᠠ ᠡᠶᠡᠷᠭᠦ ᠰᠥᠭᠡᠷᠭᠦ ᠶᠢᠨ ᠠᠳᠠᠯᠢ ᠪᠤᠰᠤ ᠤᠶᠠᠯᠳᠤᠭ᠎ᠠ ᠪᠠᠷ ᠶᠠᠩᠵᠤ ᠪᠥᠷᠢ ᠶᠢᠨ ᠪᠠᠶᠢᠳᠠᠯ ᠲᠠᠢ ᠨᠠᠭᠠᠳᠳᠠᠭ ᠪᠠᠶᠢᠨ᠎ᠠ᠃ ᠡᠭᠦᠨ ᠢ ᠵᠠᠷᠢᠮ ᠨᠤᠳᠤᠭ ᠲᠤ ᠵᠢᠷᠠ ᠨᠠᠭᠠᠳᠬᠤ ᠭᠡᠳᠡᠭ᠃ ᠵᠢᠷᠠᠨ ᠲᠥᠷᠪᠡᠨ ᠫᠠᠢ ᠪᠠᠷ ᠬᠤᠶᠠᠷ ᠠᠴᠠ ᠲᠥᠷᠪᠡᠨ ᠭᠥᠮᠥᠨ ᠬᠤᠪᠢ ᠬᠤᠪᠢ ᠪᠠᠷ ᠢᠶᠠᠨ ᠪᠠᠶ᠎ᠠ ᠪᠠᠨ ᠲᠠᠭᠠᠭᠠᠬᠤ ᠪᠤᠶᠤ ᠬᠤᠶᠠᠷ ᠲᠠᠯ᠎ᠠ ᠬᠤᠪᠢᠶᠠᠵᠤ ᠭᠡᠷ ᠪᠠᠷᠢᠵᠥ ᠨᠠᠭᠠᠳᠳᠠᠭ᠃ ᠡᠨᠡ ᠨᠢ ᠪᠠᠷᠢᠬᠰᠠᠨ ᠭᠡᠷ ᠤᠨ ᠤᠯᠠᠨ ᠴᠥᠭᠡᠨ ᠢᠶᠠᠷ ᠱᠥᠭᠦᠯᠴᠡᠭᠡᠨ ᠢᠶᠠᠨ ᠢᠯᠭᠠᠷᠠᠭᠤᠯᠤᠨ᠎ᠠ᠃ ᠡᠭᠦᠨ ᠢ ᠵᠢᠷᠠ ᠨᠠᠭᠠᠳᠬᠤ᠂ ᠲᠠᠯᠤᠤ ᠨᠠᠭᠠᠳᠬᠤ᠂ ᠭᠡᠷ  ᠪᠠᠷᠢᠬᠤ ᠭᠡᠵᠥ ᠭᠡᠯᠡᠳᠡᠭ᠃ ᠵᠢᠷᠠᠨ ᠲᠥᠷᠪᠡᠨ ᠫᠠᠢ ᠠᠴᠠ ᠭᠤᠴᠢᠨ ᠬᠤᠶᠠᠷ ᠮᠤᠳᠤ ᠶᠢ ᠨᠢ ᠢᠯᠭᠠᠨ ᠠᠪᠴᠤ ᠪᠥᠷ ᠲᠤᠭᠳᠠᠭᠠᠯ ᠲᠠᠢ ᠮᠤᠳᠤ ᠪᠠᠶᠢᠳᠠᠭ   ᠲᠢᠶᠠᠨ ᠵᠢᠤ  ᠨᠠᠭᠠᠳᠬᠤ ᠳᠤ ᠪᠠᠨ ᠭᠡᠷ ᠤᠨ ᠲᠤᠭᠠᠨ ᠤ ᠤᠯᠠᠨ ᠴᠥᠭᠡᠨ ᠢ ᠥᠵᠡᠭᠦ ᠪᠢᠰᠢ᠂ ᠬᠠᠷᠢᠨ ᠡᠴᠤᠰ ᠤᠨ ᠭᠠᠷᠭᠠᠯᠭ᠎ᠠ ᠳᠤ ᠭᠡᠨ ᠤ ᠭᠢᠨᠢ ᠠᠳᠬᠤᠭᠰᠠᠨ ᠮᠤᠳᠤ ᠠᠬᠠᠯᠠᠪᠠᠯ ᠲᠠᠷᠠ ᠨᠢ ᠲᠠᠶᠢᠯᠥᠭᠰᠡᠨ ᠢᠶᠠᠷ ᠪᠤᠳᠤᠳᠠᠭ᠃

ᠵᠢᠷᠠᠨ ᠲᠥᠷᠪᠡᠨ ᠫᠠᠢ ᠠᠴᠠ ᠬᠤᠷᠢᠨ ᠲᠥᠷᠪᠡᠨ ᠮᠤᠳᠤ ᠰᠤᠩᠭᠤᠵᠤ  ᠮᠥᠨ ᠲᠤᠭᠳᠠᠭᠰᠠᠨ ᠮᠤᠳᠤ  ᠨᠥᠭᠡ ᠰᠢᠬᠠᠵᠤ ᠨᠠᠭᠠᠳᠳᠠᠭ᠃ ᠡᠭᠦᠨ ᠢ ᠪᠠᠰᠠ ᠨᠥᠭᠡ ᠲᠠᠭᠠᠷᠠᠭᠤᠯᠬᠤ ᠪᠤᠶᠤ  ᠲᠢᠩ ᠨᠢᠤ  ᠭᠡᠳᠡᠭ᠃ ᠨᠥᠭᠡ ᠰᠢᠬᠠᠬᠤ ᠳᠤ ᠭᠠᠷ ᠲᠠᠬᠢ ᠮᠤᠳᠤ ᠪᠠᠨ ᠪᠥᠭᠦᠨ ᠢ ᠲᠠᠯᠪᠢᠵᠥ ᠪᠠᠷᠠᠬᠤ ᠪᠠ ᠪᠤᠰᠤᠳ ᠢ ᠢᠯᠡᠭᠦᠥ ᠭᠥᠮᠥᠷᠢᠭᠦᠯᠭᠦ ᠶᠢ ᠪᠤᠳᠤᠳᠠᠭ᠃ ᠢᠢᠮᠥ ᠠᠴᠠ ᠫᠠᠢ ᠨᠠᠭᠠᠳᠬᠤ ᠭᠡᠳᠡᠭ ᠨᠢ ᠶᠠᠷᠥᠩᠭᠡᠶᠢᠯᠡᠭᠰᠡᠨ ᠴᠢᠨᠠᠷ ᠲᠠᠢ ᠨᠠᠷᠠᠶᠢᠳᠤᠯ ᠪᠤᠯᠵᠤ ᠂ ᠲᠤᠳᠤᠷ᠎ᠠ ᠨᠢ ᠤᠯᠠᠨ ᠵᠥᠢᠯ ᠤᠨ ᠨᠠᠭᠠᠳᠬᠤ ᠠᠷᠭ᠎ᠠ ᠪᠠᠶᠢᠬᠤ ᠶᠢᠨ ᠬᠠᠮᠳᠤ᠂ ᠭᠠᠵᠠᠷ ᠭᠠᠵᠠᠷ ᠲᠤ ᠨᠠᠭᠠᠳᠬᠤ ᠪᠠᠶᠢᠳᠠᠯ ᠪᠤᠯᠤᠨ ᠲᠤᠬᠠᠢ ᠶᠢᠨ ᠨᠠᠭᠠᠳᠤᠮ ᠤᠨ ᠨᠠᠷᠠᠶᠢᠳᠤᠯ ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠨᠠᠯᠢᠶᠠᠳ ᠵᠥᠷᠢᠶ᠎ᠠ ᠲᠠᠢ ᠪᠠᠶᠢᠳᠠᠭ᠃