ᠰᠢᠨᠵᠢᠶᠠᠩ ᠤᠨ ᠪᠤᠷᠤᠳᠠᠯ᠎ᠠ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠦ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠧᠤ ᠶᠢᠨ ᠷᠠᠰᠢᠶᠠᠨ ᠰᠢᠶᠠᠨ ᠪᠤᠯ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠦᠯᠦᠬᠡᠢ ᠭᠡᠵᠤ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ ᠷᠠᠰᠢᠶᠠᠨ ᠨᠤᠲᠤᠭ ᠡᠴᠡ ᠤᠯᠠᠨ ᠰᠠᠶᠢᠬᠠᠨ ᠲᠠᠭᠤᠴᠢᠨ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠪᠢᠯᠡ᠂ ᠲᠡᠳᠡᠨ ᠦ ᠲᠤᠮᠳᠠ ᠪᠠᠨ  ᠠᠯᠳᠠᠨ ᠭᠤᠷᠭᠤᠤᠯᠳᠠᠢ  ᠭᠡᠵᠤ ᠠᠷᠠᠳ ᠤᠯᠠᠨ ᠤ ᠪᠠᠨ ᠬᠠᠶᠢᠷ᠎ᠠ  ᠬᠦᠨᠳᠦᠳᠬᠡᠯ ᠢ ᠬᠦᠷᠳᠡᠵᠤ ᠶᠠᠪᠤᠭᠰᠠᠨ ᠲᠠᠭᠤᠴᠢᠨ ᠵᠠᠩᠭᠤᠤ ᠶᠢ ᠲᠠ ᠪᠦᠬᠦᠨ ᠶᠠᠭᠤᠨ ᠠᠨᠳᠠᠬᠤ ᠪᠢᠯᠡ᠃

ᠵᠠᠩᠭᠤᠤ 1949 ᠣᠨ ᠳ᠋ᠥ ᠪᠤᠷᠤᠳᠠᠯ᠎ᠠ ᠵᠧᠤ ᠶᠢᠨ ᠷᠠᠰᠢᠶᠠᠨ ᠰᠢᠶᠠᠨ ᠤ ᠴᠠᠭᠠᠨᠳᠦ᠋ᠩᠭᠦ ᠰᠤᠮᠤᠨ ᠤ ᠮᠡᠯᠴᠡᠭ ᠦᠨ ᠲᠠᠯ᠎ᠠ ᠳ᠋ᠥ ᠮᠠᠯᠴᠢᠨ ᠬᠠᠸᠠ ᠶᠢᠨ ᠥᠬᠢᠨ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ 1965 ᠣᠨ ᠳ᠋ᠥ ᠠᠩᠬ᠎ᠠ  ᠲᠤᠮᠳᠠᠳᠣ   ᠪᠠᠨ ᠲᠡᠭᠦᠰᠦᠮᠡᠭᠴᠡ  ᠴᠠᠰᠤᠳᠤ ᠠᠭᠤᠯᠠ ᠶᠢᠨ ᠬᠦᠷᠦᠭᠡᠰᠦᠨ ᠂   ᠰᠠᠯᠬᠢᠨ ᠵᠢᠭᠦᠷᠳᠡᠢ ᠰᠢᠪᠠᠭᠤ  ᠵᠡᠷᠭᠡ ᠠᠷᠠᠳ ᠤᠨ ᠲᠠᠭᠤᠤ ᠪᠡᠨ ᠲᠠᠭᠤᠯᠠᠵᠤ ᠷᠠᠰᠢᠶᠠᠨ ᠰᠢᠶᠠᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠲᠠᠭᠤᠴᠢᠨ ᠢᠶᠠᠷ ᠡᠯᠰᠡᠭᠳᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠡᠷᠡ ᠠᠬᠠᠮᠠᠳ ᠤᠷᠠᠯᠢᠭᠴᠢᠳ ᠡᠴᠡ ᠲᠠᠭᠤᠤ ᠰᠤᠷᠬᠤ ᠶᠢᠨ ᠲᠠᠭᠠᠣ ᠷᠠᠳᠢᠣ᠋ ᠡᠴᠡ ᠠᠯᠳᠠᠷᠳᠣ ᠲᠠᠭᠤᠴᠢᠳ ᠤᠨ ᠲᠠᠭᠤᠯᠠᠬᠤ ᠠᠷᠭ᠎ᠠ ᠮᠠᠶ᠊ᠢᠭ ‍ᠢ ᠰᠤᠷᠤᠯᠴᠠᠨ ᠤᠷᠠᠯᠢᠭ ᠤᠨ  ᠠᠯᠬᠤᠨ ᠭᠠᠷᠤᠭᠰᠠᠨ ᠶᠤᠮ᠃

1970 ᠣᠨ ᠳ᠋ᠥ  ᠰᠤᠶᠤᠯ ᠤᠨ ᠶᠡᠬᠡ ᠬᠤᠪᠢᠰᠬᠠᠯ  ᠤᠨ ᠰᠢᠷᠦᠬᠦᠨ ᠰᠠᠯᠬᠢ ᠳ᠋ᠥ ᠴᠤᠬᠢᠭᠳᠠᠨ ᠮᠠᠯᠵᠢᠬᠤ ᠤᠷᠤᠨ ᠤ ᠲᠡᠵᠢᠭᠡᠪᠤᠷᠢ ᠶᠢᠨ ᠲᠤᠭᠤᠶᠢᠯᠠᠩ ᠳ᠋ᠥ ᠤᠴᠢᠵᠤ ᠬᠦᠳᠡᠯᠮᠤᠷᠢ ᠳ᠋ᠥ ᠤᠷᠤᠯᠴᠠᠪᠠ᠂ ᠡᠨᠡᠬᠦ ᠬᠡᠨᠡᠳᠳᠡ ᠶᠢᠨ ᠴᠤᠬᠢᠯᠳᠠ ᠨᠢ ᠲᠡᠭᠦᠨ ᠦ ᠠᠮᠢᠳᠤᠷᠠᠯ ᠳ᠋ᠥ ᠮᠠᠰᠢ ᠬᠦᠨᠳᠤ ᠲᠤᠰᠤᠭᠰᠠᠨ ᠪᠤᠯᠪᠠᠴᠤ ᠤᠶᠠᠩᠭ᠎ᠠ ᠲᠠᠭᠤᠤ ᠭᠡᠰᠡᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠢ ᠨᠢ ᠬᠦᠷᠦᠭᠡᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠲᠡᠷᠡ ᠮᠦᠨ ᠠᠷᠠᠳ ᠤᠨ ᠢᠶᠠᠨ ᠲᠤᠮᠳᠠ ᠲᠦᠷᠦᠯᠬᠢ ᠶᠢᠨ ᠰᠠᠶᠢᠬᠠᠨ ᠬᠤᠭᠤᠯᠠᠢ ᠪᠠᠨ ᠬᠠᠩᠭᠢᠨᠠᠭᠤᠯᠵᠤ᠂ ᠲᠠᠭᠠᠤ ᠳ᠋ᠥ ᠨᠢ ᠤᠯᠠᠨ ᠰᠠᠶᠢᠬᠠᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠡᠮᠬᠢᠯᠡᠨ ᠴᠤᠭᠯᠠᠭᠤᠯᠵᠠᠢ᠃

1974 ᠣᠨ ᠳ᠋ᠥ ᠵᠠᠩᠭᠤᠤ ᠶᠢᠨ ᠠᠵᠢᠯ ᠢ ᠰᠡᠷᠭᠦᠭᠡᠵᠤ ᠴᠠᠭᠠᠨᠳᠦ᠋ᠩᠭᠦ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠳ᠋ᠥ ᠲᠠᠭᠤᠤ ᠢᠢᠨ ᠪᠠᠭᠰᠢ ᠪᠤᠯᠭᠠᠪᠠ᠃ 1984 ᠣᠨ ᠳ᠋ᠥ ᠷᠠᠰᠢᠶᠠᠨ ᠰᠢᠶᠠᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠡᠭᠡᠨ ᠪᠤᠴᠠᠵᠤ ᠤᠷᠠᠯᠢᠭ ᠤᠨ ᠲᠠᠶᠢᠰᠠᠨ ᠳ᠋ᠠᠭᠠᠨ ᠲᠠᠬᠢᠨ ᠭᠠᠷᠴᠠᠢ᠃ ᠰᠢᠷᠭᠠᠭᠤ ᠴᠢᠷᠮᠡᠶᠢᠯᠳᠡ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠳᠠᠭ ᠦᠭᠡᠢ᠂ ᠲᠡᠭᠦᠨ ᠦ ᠬᠦᠳᠡᠭᠡ ᠪᠠᠭᠤᠵᠤ᠂ ᠬᠦᠯᠦᠰᠤ ᠪᠠᠨ ᠤᠷᠤᠰᠬᠠᠵᠤ ᠶᠠᠪᠤᠭᠰᠠᠨ ᠦᠩᠭᠡᠷᠡᠯᠳᠡ ᠨᠢ ᠬᠤᠵᠢᠮ ᠤᠨ ᠦᠢᠯᠡᠰ ᠲᠤ ᠨᠢ ᠪᠠᠳᠤ ᠪᠡᠬᠢ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ ᠦᠭᠴᠠᠢ᠃ ᠲᠡᠭᠦᠨ ᠦ ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠰᠢᠬ ᠬᠤᠭᠤᠯᠠᠢ ᠨᠢ  ᠬᠠᠩᠭᠢᠨᠠᠵᠤ᠂ ᠷᠠᠳᠢᠣ᠋ ᠪᠠᠷ ᠴᠤᠤᠷᠢᠶᠠᠳᠤᠵᠤ᠂  ᠢᠶᠠᠷ ᠲᠠᠭᠤᠷᠢᠰᠤᠨ ᠵᠠᠩᠭᠤᠤ ᠨᠡᠷ᠎ᠡ ᠲᠠᠢ ᠪᠠᠨ ᠨᠤᠲᠤᠭ ᠤᠷᠤᠨ ᠳ᠋ᠥ ᠪᠡᠨ ᠲᠠᠨᠢᠭᠳᠠᠪᠠ᠃ ᠰᠢᠶᠠᠨ ᠡᠴᠡ ᠵᠧᠤ᠂ ᠵᠧᠤ ᠡᠴᠡ ᠤᠷᠤᠨ᠂ ᠤᠷᠤᠨ ᠡᠴᠡ ᠲᠦᠪ ᠬᠦᠷᠳᠡᠯ᠎ᠡ ᠲᠡᠷᠡ ᠤᠯᠠᠨ ᠲᠠᠭᠤᠤ ᠲᠠᠭᠤᠯᠠᠨ ᠱᠠᠩᠨᠠᠯ ᠢᠶᠠᠷ ᠮᠢᠯᠢᠶᠠᠯᠭᠠᠪᠠ᠃ 1989 ᠣᠨ ᠳ᠋ᠥ ᠪᠡᠭᠡᠵᠢᠩ ᠳ᠋ᠥ ᠨᠡᠭᠡᠭᠡᠭᠳᠡᠭᠰᠡᠨ  ᠵᠠᠩᠭᠠᠷ ᠬᠠᠶᠢᠯᠠᠬᠤ ᠬᠤᠷᠠᠯ  ᠳ᠋ᠥ ᠤᠷᠤᠯᠴᠠᠨ ᠲᠠᠭᠤᠤ ᠶᠢᠨ ᠬᠤᠶᠠᠳᠤᠭᠠᠷ ᠲᠡᠰ ᠦᠨ ᠱᠠᠩᠨᠠᠯ ᠬᠦᠷᠳᠡᠪᠡ᠃ 1993 ᠣᠨ ᠤ 3  ᠰᠠᠷ᠎ᠠ ᠳ᠋ᠥ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠᠨ᠎ᠠ ᠪᠤᠯᠤᠭᠰᠠᠨ  ᠮᠤᠩᠭᠤᠯ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠢᠢᠨ  ᠤᠯᠠᠨ ᠤᠯᠤᠰ ᠤᠨ ᠨᠠᠭᠠᠳᠤᠮ ᠤᠨ ᠶᠡᠬᠡ ᠬᠤᠷᠠᠯ  ᠳ᠋ᠥ ᠤᠷᠤᠯᠴᠠᠨ᠂ ᠤᠷᠳᠤ ᠶᠢᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠤ ᠮᠦᠩᠭᠦᠨ ᠮᠧᠳᠠᠯ ᠭᠠᠷᠳᠠᠵᠤ᠂ ᠲᠡᠯᠡᠬᠡᠢ ᠶᠢᠨ ᠮᠤᠩᠭᠤᠯᠴᠤᠳ ᠲᠤ ᠲᠠᠨᠢᠭᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠵᠠᠩᠭᠤᠤ ᠶᠢᠨ ᠨᠡᠷ᠎ᠡ ᠲᠠᠢ ᠬᠠᠮᠳᠤ ᠪᠠᠷ ᠷᠠᠰᠢᠶᠠᠨ ᠰᠢᠶᠠᠨ ᠤ ᠴᠠᠬᠠᠷᠴᠤᠳ ᠤᠨ ᠤᠷᠳᠤ ᠤᠬᠤᠷ ᠲᠠᠭᠤᠤ ᠴᠦ ᠲᠡᠯᠡᠬᠡᠢ ᠳ᠋ᠠᠬᠢᠨ ᠳ᠋ᠥ ᠲᠠᠭᠤᠷᠢᠰᠤᠭᠳᠠᠨ ᠬᠠᠩᠭᠢᠨᠠᠵᠠᠢ᠃ ᠲᠡᠷᠡᠪᠡᠷ ᠮᠠᠰᠢ ᠤᠯᠠᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠬᠦ ᠠᠵᠢᠯ ᠬᠢᠵᠤ ᠪᠤᠷᠤᠳᠠᠯ᠎ᠠ ᠰᠢᠶᠠᠨ ᠡᠴᠡ ᠬᠡᠪᠯᠡᠭᠰᠡᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠲᠡᠭᠦᠪᠤᠷᠢ ᠳ᠋ᠥ ᠨᠡᠶᠢᠳᠡᠯᠡᠭᠦᠯᠵᠠᠢ᠃ ᠮᠦᠨ ᠵᠠᠭᠤ ᠭᠠᠷᠤᠢ ᠲᠠᠭᠤᠤ ᠶᠢ ᠲᠠᠭᠤᠯᠠᠨ ᠰᠢᠩᠭᠡᠭᠡᠵᠤ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠷᠠᠳᠢᠣ᠋ ᠪᠠᠷ ᠨᠡᠪᠳᠡᠷᠡᠭᠦᠯᠪᠡ᠃   ᠲᠦᠷᠦᠭᠰᠡᠨ ᠨᠤᠲᠤᠭ ᠮᠢᠨᠢ ᠮᠡᠯᠴᠡᠭ   ᠂   ᠮᠦᠩᠭᠦᠨ ᠪᠤᠭᠤᠷᠤᠯ ᠡᠵᠢ  ᠂   ᠲᠠᠭᠤᠤ ᠲᠠᠢ ᠮᠦᠩᠭᠡᠷᠡᠬᠦ ᠬᠤᠷᠸ᠎ᠠ  ᠬᠡᠬᠦ ᠮᠡᠳᠣ ᠬᠡᠳᠦᠨ ᠠᠷᠪᠠᠨ ᠲᠠᠭᠤᠤ ᠶᠢᠨ ᠦᠭᠡ ᠠᠶ᠎ᠠ ᠶᠢ ᠵᠤᠬᠢᠶᠠᠨ ᠲᠠᠭᠤᠯᠠᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃

ᠲᠡᠷᠡ ᠲᠤᠮᠳᠠᠳᠣ ᠣᠯᠣᠰ ᠤᠨ ᠠᠷᠠᠳ ᠤᠨ ᠤᠳᠬ᠎ᠠ ᠤᠷᠠᠯᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠪᠤᠯᠤᠨ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠤᠳᠬ᠎ᠠ ᠤᠷᠠᠯᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠦᠨ ᠬᠡᠰᠢᠬᠦᠨ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠨᠡᠶᠢᠭᠡᠮᠯᠢᠭ ᠦᠨ ᠬᠡᠰᠢᠬᠦᠨ᠂ ᠪᠤᠷᠤᠳᠠᠯ᠎ᠠ ᠵᠧᠤ ᠶᠢᠨ ᠤᠳᠬ᠎ᠠ ᠤᠷᠠᠯᠢᠭ ᠤᠨ ᠬᠢᠨ ᠦ ᠬᠤᠯᠪᠤᠭᠠᠨ ᠤ ᠬᠡᠰᠢᠬᠦᠨ ᠵᠡᠷᠭᠡ ᠨᠡᠶᠢᠭᠡᠮ ᠦᠨ ᠲᠤᠰᠢᠶᠠᠯ ᠲᠠᠢ ᠪᠦᠭᠡᠳ ᠵᠧᠤ᠂ ᠰᠢᠶᠠᠨ ᠤ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠬᠡᠨ ᠦ ᠬᠡᠰᠢᠬᠦᠨ ᠵᠡᠷᠭᠡ ᠡᠭᠦᠷᠭᠡ ᠲᠤᠰᠢᠶᠠᠯ ᠤᠳ ᠢ ᠬᠠᠷᠢᠭᠤᠴᠠᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃ ᠵᠠᠩᠭᠤᠤ ᠵᠠᠯᠠᠭᠤᠴᠤᠳ ᠲᠤ ᠲᠠᠭᠤᠤ ᠵᠢᠭᠠᠬᠤ ᠳ᠋ᠥ ᠪᠡᠨ ᠲᠡᠦᠬᠡ ᠶᠢ ᠨᠢ ᠪᠠᠰᠠ ᠪᠢᠴᠢᠵᠤ ᠦᠭᠳᠡᠭ ᠪᠠᠶᠢᠨ᠎ᠠ᠂ ᠲᠡᠶᠢᠨᠬᠦ ᠲᠠᠭᠤᠤ ᠤᠶᠢᠯᠠᠭᠠᠵᠤ ᠲᠠᠭᠤᠯᠠᠭᠰᠠᠨ ᠢᠶᠠᠷ ᠦᠨᠦᠷ ᠠᠮᠳᠠ ᠨᠢ ᠬᠦᠢᠴᠡᠳ ᠭᠠᠷᠤᠨ᠎ᠠ ᠭᠡᠵᠤ ᠦᠷᠭᠦᠯᠵᠢ ᠵᠠᠬᠢᠳᠠᠭ ᠪᠢᠯᠡ᠃ ᠲᠡᠭᠦᠨ ᠦ ᠬᠦᠮᠦᠵᠢᠭᠦᠯᠦᠭᠰᠡᠨ ᠤᠯᠠᠨ ᠱᠠᠪᠢ ᠨᠠᠷ ᠤᠨ ᠲᠤᠮᠳᠠ ᠡᠴᠡ ᠲᠤᠷᠠᠳᠪᠠᠯ ᠲᠤᠮᠤᠭᠠᠢ᠂ ᠴᠡᠴᠡᠭ᠂ ᠭᠤᠸ᠎ᠠ ᠵᠡᠷᠭᠡ ᠰᠢᠨᠵᠢᠶᠠᠩ ᠨᠤᠲᠤᠭ ᠲᠤ ᠪᠠᠨ ᠨᠡᠷ᠎ᠡ ᠨᠦᠯᠦᠭᠡ ᠲᠠᠢ ᠲᠠᠭᠤᠴᠢᠳ ᠪᠤᠢ᠃ ᠲᠡᠷᠡᠪᠡᠷ ᠤᠳᠤ ᠴᠦ ᠨᠠᠰᠤᠳᠠᠶᠢᠴᠤᠳ ᠤᠨ ᠰᠤᠷᠭᠠᠭᠤᠯᠢ ᠳ᠋ᠥ ᠲᠠᠭᠤᠤ ᠵᠢᠭᠠᠵᠤ ᠪᠠᠶᠢᠭ᠎ᠠ ᠶᠤᠮ᠃

2012 ᠣᠨ ᠳᠤ ᠴᠠᠬᠠᠷᠴᠤᠳ ᠤᠨ   ᠪᠠᠷᠠᠭᠤᠨᠰᠢ  250 ᠵᠢᠯ ᠦᠨ ᠤᠢ ᠳᠤᠬᠢᠶᠠᠪᠠ᠃ ᠲᠠᠰᠢᠷᠠᠮ ᠢᠶᠡᠷ ᠴᠠᠬᠠᠷ ᠤᠭᠰᠠᠭᠠᠳᠠᠨ ᠪᠤᠯᠬᠤ ᠵᠠᠩᠭᠤᠤ ᠪᠠᠭᠰᠢ ᠤᠯᠠᠨ ᠵᠢᠯ ᠦᠨ ᠲᠤᠷᠰᠢ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠤᠭᠰᠠᠨ ᠴᠠᠬᠠᠷ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯᠤᠨ ᠦᠪᠡᠷ ᠦᠨ ᠵᠤᠬᠢᠶᠠᠵᠤ ᠲᠠᠭᠤᠯᠠᠭᠰᠠᠨ ᠲᠠᠭᠤᠤ ᠨᠤᠭᠤᠳ ᠢᠶᠠᠨ ᠡᠮᠬᠢᠳᠬᠡᠨ ᠨᠢᠭᠡ ᠲᠡᠪᠳᠡᠷ ᠨᠤᠮ ᠪᠤᠯᠭᠠᠨ᠂ ᠲᠠᠭᠤᠤ ᠢᠢᠨ ᠴᠤᠮᠤᠭ ᠶᠢᠡᠨ ᠪᠡᠯᠡᠭ ᠪᠤᠯᠭᠠᠨ ᠪᠠᠷᠢᠪᠠ᠃ ᠡᠳᠡᠭᠡᠷ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯᠤᠨ ᠵᠠᠩᠭᠤᠤ ᠶᠢᠨ ᠵᠤᠬᠢᠶᠠᠭᠰᠠᠨ ᠲᠠᠭᠤᠤ ᠨᠤᠭᠤᠳ ᠨᠢ ᠰᠢᠨᠵᠢᠶᠠᠩ ᠤᠨ ᠪᠤᠷᠤᠳᠠᠯ᠎ᠠ ᠵᠧᠤ ᠶᠢᠨ ᠷᠠᠰᠢᠶᠠᠨ ᠰᠢᠶᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ᠂ ᠵᠠᠩ ᠂ ᠬᠠᠶᠢᠷ᠎ᠠ ᠰᠡᠳᠬᠢᠯᠬᠡ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠢ ᠬᠦᠢᠴᠡᠳ ᠲᠤᠰᠬᠠᠵᠤ ᠪᠠᠶᠢᠳᠠᠭ ᠶᠤᠮ᠃