ᠵᠤᠬᠢᠶᠠᠭᠴᠢ:
ᠴᠠᠭ:2018-07-24
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠭᠠᠯ ᠮᠠᠨᠠᠬᠤ ᠵᠠᠩᠰᠢᠯ
ᠭᠠᠯ ᠮᠠᠨᠠᠬᠤ ᠵᠠᠩᠰᠢᠯ ᠨᠢ ᠡᠷᠲᠡ ᠤᠵᠣᠭᠣᠷ ᠡᠴᠠ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ ᠶᠣᠮ ᠃ ᠡᠷᠲᠡᠨ ᠦ ᠦᠶᠠ ᠳ᠋ᠦ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳ᠋ᠦᠰ ᠠᠶᠣᠩᠭᠠ ᠴᠠᠬᠢᠯᠭᠠᠨ ᠳ᠋ᠤ ᠨᠣᠴᠣᠬᠰᠠᠨ ᠪᠣᠶᠣ ᠡᠪᠡᠰᠦ ᠮᠣᠳ᠋ᠣᠨ ᠤ ᠲᠣᠰ ᠪᠡᠶᠠ ᠡᠴᠡ ᠨᠢ ᠡᠭᠦᠰᠦᠭᠰᠡᠨ ᠪᠠᠶᠢᠭᠠᠯᠢ ᠢᠢᠨ ᠭᠠᠯ ᠢ ᠦᠪᠡᠷ ᠦᠨ ᠠᠮᠢᠳ᠋ᠣᠷᠠᠯ ᠳ᠋ᠠᠭᠠᠨ ᠬᠡᠷᠡᠭᠯᠡᠬᠦ ᠢᠢᠨ ᠲᠦᠯᠦᠭᠡ ᠤᠯᠠᠨ ᠵᠦᠢᠯ ᠦᠨ ᠠᠷᠭᠠ ᠬᠡᠮᠵᠢᠶᠠ ᠠᠪᠴᠦ ᠬᠠᠳ᠋ᠠᠭᠠᠯᠠᠵᠦ ᠪᠠᠶᠢᠵᠠᠢ ᠃ ᠬᠡᠲᠡ ᠴᠣᠬᠢᠵᠦ ᠦᠷᠣᠯᠲᠠ ᠪᠠᠷ ᠭᠠᠯ ᠭᠠᠷᠭᠠᠵᠦ ᠪᠣᠯᠬᠤ ᠡᠴᠠ ᠡᠮᠦᠨᠠ ᠭᠠᠯ ᠳᠠᠰᠣᠷᠠᠬᠤ ᠶᠠᠪᠣᠳ᠋ᠠᠯ ᠨᠢ ᠠᠶᠢᠯ ᠠᠶᠢᠮᠠᠭ ᠦᠨ ᠠᠮᠢ ᠨᠠᠰᠣᠨ ᠳ᠋ᠤ ᠬᠣᠯᠪᠣᠬᠳ᠋ᠠᠬᠤ ᠶᠡᠬᠡ ᠶᠠᠪᠣᠳ᠋ᠠᠯ ᠪᠣᠯᠵᠦ ᠪᠠᠶᠢᠬᠰᠠᠨ ᠡᠴᠠ ᠭᠠᠯ ᠭᠣᠯᠣᠮᠲᠠ ᠪᠠᠨ ᠮᠠᠨᠠᠵᠦ ᠰᠠᠬᠢᠬᠤ ᠢᠢ ᠲᠣᠩ ᠴᠢᠬᠣᠯᠠ ᠵᠦᠢᠯ ᠢᠢᠡᠷ ᠦᠵᠡᠳ᠋ᠡᠭ ᠪᠠᠶᠢᠵᠠᠢ ᠃ ᠮᠣᠩᠭᠣᠯᠴᠣᠳ ᠠᠶᠢᠮᠠᠭ ᠪᠦᠯᠦᠭ ᠢᠢᠡᠷ ᠢᠢᠡᠨ ᠠᠩ ᠠᠩᠨᠠᠯ ᠳ᠋ᠤ ᠶᠠᠪᠣᠬᠤ ᠳ᠋ᠤ ᠵᠠᠪᠠᠯ ᠨᠢᠭᠡ ᠪᠣᠶᠣ ᠬᠡᠳ᠋ᠦᠨ ᠬᠦᠮᠦᠨ ᠦᠯᠡᠳ᠋ᠡᠵᠦ ᠭᠠᠯ ᠭᠣᠯᠣᠮᠲᠠ ᠪᠠᠨ ᠮᠠᠨᠠᠵᠦ ᠰᠠᠭᠣᠳ᠋ᠠᠭ ᠃
ᠨᠡᠶᠢᠭᠡᠮ ᠦᠨ ᠭᠦᠭᠵᠢᠯᠲᠡ ᠢᠢ ᠳᠠᠭᠠᠯᠳ᠋ᠣᠨ ᠮᠣᠩᠭᠣᠯᠴᠣᠳ ᠭᠠᠯ ᠢ ᠠᠰᠢᠬᠯᠠᠵᠦ ᠴᠢᠳ᠋ᠠᠬᠤ ᠪᠣᠯᠣᠬᠰᠠᠨ ᠴᠦ ᠮᠣᠩᠭᠣᠯ ᠭᠡᠷ ᠢᠢᠡᠷ ᠤᠲᠣᠷ ᠨᠡᠭᠦᠳ᠋ᠡᠯ ᠦᠨ ᠠᠮᠢᠳ᠋ᠣᠷᠠᠯ ᠬᠢᠬᠦ ᠳ᠋ᠦ ᠭᠠᠯ ᠦᠨ ᠬᠡᠷᠡᠭᠴᠡᠭᠡ ᠮᠦᠨ ᠴᠢᠬᠣᠯᠠ ᠱᠠᠭᠠᠷᠳ᠋ᠠᠭᠳ᠋ᠠᠬᠰᠠᠭᠠᠷ ᠪᠠᠶᠢᠵᠠᠢ ᠃ ᠲᠡᠳ᠋ᠡ ᠪᠠᠭᠣᠵᠦ ᠨᠡᠭᠦᠭᠦ ᠳ᠋ᠡᠭᠡᠨ ᠬᠣᠯᠠ ᠤᠶᠢᠷᠠ ᠭᠡᠰᠡᠨ ᠦᠭᠡᠢ ᠬᠣᠪᠣᠩ ᠲᠣᠯᠭᠠ ᠳ᠋ᠠᠭᠠᠨ ᠭᠠᠯ ᠢᠢᠠᠨ ᠮᠠᠨᠠᠵᠦ ᠠᠪᠴᠦ ᠶᠠᠪᠣᠳ᠋ᠠᠭ ᠃
ᠮᠠᠯᠴᠢᠨ ᠠᠷᠠᠳ ᠦᠨ ᠲᠣᠮᠳ᠋ᠠ ᠡᠶᠢᠮᠦ ᠨᠢᠭᠡᠨ ᠶᠠᠷᠢᠶᠠ ᠪᠠᠶᠢᠳ᠋ᠠᠭ ᠡᠷᠲᠡᠨ ᠦ ᠦᠶᠠ ᠳ᠋ᠦ ᠮᠣᠩᠭᠣᠯᠴᠣᠳ ᠦᠨ ᠲᠣᠳ᠋ᠣᠷᠠ ᠭᠣᠨᠠ ᠤᠪᠣᠬᠲᠠᠨ ᠭᠡᠵᠦ ᠪᠠᠶᠢᠵᠠᠢ ᠃ ᠭᠣᠨᠠ ᠤᠪᠣᠬᠲᠠᠨ ᠤ ᠳᠡᠭᠡᠳ᠋ᠦᠰ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠭᠠᠯᠴᠢ ᠪᠠᠶᠢᠬᠰᠠᠨ ᠭᠡᠨᠠ ᠃ ᠲᠡᠳ᠋ᠡ ᠴᠢᠩᠭᠢᠰ ᠬᠠᠭᠠᠨ ᠤ ᠲᠣᠯᠭᠠ ᠢᠢᠨ ᠭᠠᠯ ᠢ ᠭᠣᠷᠪᠠᠨ ᠵᠢᠯ ᠤᠨᠲᠠᠷᠠᠭᠠᠬᠰᠠᠨ ᠦᠭᠡᠢ ᠮᠠᠨᠠᠵᠦ ᠶᠠᠪᠣᠵᠠᠢ ᠃ ᠨᠡᠭᠦᠵᠦ ᠪᠠᠭᠣᠬᠤ ᠳ᠋ᠠᠭᠠᠨ ᠭᠠᠯ ᠢᠢᠠᠨ ᠮᠠᠨᠠᠵᠦ ᠭᠣᠨᠠᠨ ᠦᠬᠡᠷ ᠦᠨ ᠡᠪᠡᠷ ᠲᠦ ᠬᠢᠵᠦ ᠡᠯᠳ᠋ᠡᠪ ᠡᠰᠡᠨ ᠶᠠᠭᠣᠮᠠ ᠲᠠᠢ ᠬᠠᠮᠳ᠋ᠦ ᠲᠡᠭᠡᠭᠡᠬᠦ ᠦᠭᠡᠢ ᠢᠢ ᠬᠢᠴᠢᠶᠡᠨ ᠤᠷᠣᠢ ᠳᠡᠭᠡᠷᠠ ᠪᠡᠨ ᠵᠠᠯᠠᠵᠦ ᠶᠠᠪᠣᠬᠰᠠᠨ ᠡᠴᠠ ᠴᠢᠩᠭᠢᠰ ᠬᠠᠭᠠᠨ ᠭᠣᠨᠠ ᠤᠪᠣᠬᠲᠠᠨ ᠭᠡᠰᠡᠨ ᠨᠡᠷᠠ ᠬᠠᠶᠢᠷᠠᠯᠠᠬᠰᠠᠨ ᠭᠡᠨᠠ ᠃ ᠲᠡᠭᠦᠨ ᠡᠴᠡ ᠡᠬᠢᠯᠡᠭᠡᠳ ᠮᠣᠩᠭᠣᠯᠴᠣᠳ ᠦᠨ ᠲᠣᠮᠳ᠋ᠠ ᠭᠠᠯ ᠮᠠᠨᠠᠬᠤ ᠵᠠᠩᠰᠢᠯ ᠲᠠᠢ ᠪᠣᠯᠣᠬᠰᠠᠨ ᠭᠡᠳ᠋ᠡᠭ ᠃