ᠦᠪᠤᠷ ᠮᠤᠩᠭᠤᠯ  ᠦᠨ ᠦᠪᠡᠷᠳ᠋ᠡᠭᠡᠨ ᠵᠠᠰᠠᠬᠤ ᠤᠷᠤᠨ  ᠤ ᠲᠡᠤᠭᠡ ᠵᠢᠨ ᠲᠤᠷᠠᠰᠬᠠᠯᠳ᠋ᠤ ᠵᠦᠢᠯ ᠪᠠ ᠬᠠᠭᠤᠴᠢ ᠰᠤᠳ᠋ᠤᠯᠤᠯ  ᠦᠨ ᠭᠠᠵᠠᠷ ᠦᠢᠷ᠎ᠠ ᠳ᠋ᠥ ᠤᠯᠠᠭᠠᠨᠬᠠᠳ᠋ᠠ ᠬᠤᠳ᠋ᠠ ᠵᠢᠨ ᠠᠤᠬᠠᠨ ᠬᠤᠰᠢᠭᠤ  ᠴᠢᠨ ᠤᠯᠤᠰ ᠡᠴᠠ ᠡᠮᠤᠨᠡᠬᠢ ᠦᠶ᠎ᠠ ᠵᠢᠨ ᠨᠢᠭᠡᠨ ᠰᠠᠭᠤᠷᠢᠰᠢᠯ  ᠦᠨ ᠪᠠᠭᠤᠷᠢ ᠵᠢ ᠢᠯᠡᠷᠡᠬᠥᠯᠪᠡ ᠃ ᠲᠡᠤᠭᠡ ᠵᠢᠨ ᠲᠤᠷᠠᠰᠬᠠᠯᠳ᠋ᠤ ᠵᠦᠢᠯ  ᠦᠨ ᠡᠷᠳ᠋ᠡᠮᠳ᠋ᠡᠨ ᠢᠯᠡᠷᠭᠡᠶᠢᠯᠡᠬᠦ ᠳ᠋ᠡᠭᠡᠨ ᠂  ᠲᠤᠰ ᠤᠳ᠋ᠠᠭ᠎ᠠ ᠵᠢᠨ ᠢᠯᠡᠷᠡᠬᠥᠯᠤᠯᠳ᠋ᠡ ᠨᠢ ᠦᠪᠤᠷ ᠮᠤᠩᠭᠤᠯ  ᠦᠨ ᠵᠡᠬᠥᠨ ᠡᠮᠤᠨᠡᠳ᠋ᠤ ᠬᠡᠰᠡᠭ  ᠦᠨ ᠭᠠᠵᠠᠷ ᠤᠷᠤᠨ  ᠤ ᠬᠦᠷᠡᠯ  ᠦᠶ᠎ᠠ ᠵᠢᠨ ᠬᠠᠭᠤᠴᠢ ᠰᠤᠳ᠋ᠤᠯᠤᠯ  ᠦᠨ ᠰᠤᠶᠤᠯ  ᠦᠨ ᠰᠤᠳ᠋ᠤᠯᠭᠠᠨ ᠳ᠋ᠥ ᠰᠢᠨ᠎ᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠭᠰᠠᠨ ᠪᠠᠶᠢᠨ᠎ᠠ ᠭᠡᠵᠠᠢ ᠃  

ᠦᠪᠡᠷᠳ᠋ᠡᠭᠡᠨ ᠵᠠᠰᠠᠬᠤ ᠤᠷᠤᠨ  ᠤ ᠲᠡᠤᠭᠡ ᠵᠢᠨ ᠲᠤᠷᠠᠰᠬᠠᠯᠳ᠋ᠤ ᠵᠦᠢᠯ ᠪᠠ ᠬᠠᠭᠤᠴᠢ ᠰᠤᠳ᠋ᠤᠯᠤᠯ  ᠦᠨ ᠭᠠᠵᠠᠷ  ᠦᠨ ᠬᠤᠯᠪᠤᠬᠳ᠋ᠠᠯ ᠪᠦᠬᠥᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠳ᠋ᠡᠨ ᠲᠠᠨᠢᠯᠴᠠᠭᠤᠯᠬᠤ ᠳ᠋ᠠᠭᠠᠨ ᠂  ᠲᠤᠰ ᠪᠠᠭᠤᠷᠢ ᠨᠢ ᠠᠤᠬᠠᠨ ᠬᠤᠰᠢᠭᠤᠨ  ᠤ ᠯᠢᠨ ᠵᠢᠶᠠ ᠳ᠋ᠢ ᠰᠢᠶᠠᠩ  ᠦᠨ ᠷᠧ ᠱᠦᠢ ᠲᠠᠩ ᠲᠤᠰᠬᠤᠨ  ᠤ ᠪᠠᠷᠠᠭᠤᠨᠳ᠋ᠡᠬᠢ ᠨᠠᠯᠠᠤ ᠪᠠᠯ ᠳ᠋ᠥ ᠤᠷᠤᠰᠢᠵᠤ ᠪᠠᠶᠢᠨ᠎ᠠ ᠂  ᠪᠠᠭᠤᠷᠢ ᠵᠢᠨ ᠪᠠᠶᠢᠭ᠎ᠠ ᠭᠠᠵᠠᠷ ᠨᠢ ᠲᠡᠯᠠᠢ ᠵᠢᠨ ᠲᠦᠪᠰᠢᠨ ᠡᠴᠠ 712 ᠮᠧᠲ᠋ᠷ ᠡᠷᠬᠥᠭᠳ᠋ᠡᠵᠤ ᠂  ᠡᠮᠤᠨ᠎ᠠ ᠪᠡᠶ᠎ᠠ ᠨᠢ ᠦᠨᠳ᠋ᠤᠷ ᠤᠮᠠᠷ᠎ᠠ ᠪᠡᠶ᠎ᠠ ᠨᠢ ᠲᠤᠤᠷ᠎ᠠ ᠪᠠᠶᠢᠵᠤ ᠂ ᠵᠡᠬᠥᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯ᠎ᠠ ᠪᠡᠷ ᠵᠢᠡᠨ ᠴᠦᠮ ᠤᠰᠤᠨ ᠳ᠋ᠥ ᠢᠳ᠋ᠡᠭᠳ᠋ᠡᠭᠰᠡᠨ ᠭᠤᠤ ᠲᠠᠢ ᠪᠠᠶᠢᠳ᠋ᠠᠭ ᠃ ᠪᠠᠭᠤᠷᠢ ᠨᠢ ᠡᠮᠤᠨ᠎ᠠ   150 ᠮᠧᠲ᠋ᠷ ᠤᠷᠳ᠋ᠤ ᠂  ᠵᠡᠬᠥᠨ   100 ᠮᠧᠲ᠋ᠷ ᠦᠷᠭᠡᠨ ᠂  ᠶᠡᠷᠤᠩᠭᠡᠢ ᠲᠠᠯᠠᠪᠠᠢ ᠨᠢ ᠪᠠᠷᠤᠭ 1.5 ᠲᠦᠮᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲ᠋ᠷ ᠪᠠᠶᠢᠨ᠎ᠠ ᠭᠡᠵᠠᠢ ᠃ 

ᠲᠡᠤᠭᠡ ᠵᠢᠨ ᠲᠤᠷᠠᠰᠬᠠᠯᠳ᠋ᠤ ᠵᠦᠢᠯ ᠪᠠ ᠬᠠᠭᠤᠴᠢ ᠰᠤᠳ᠋ᠤᠯᠤᠯ  ᠦᠨ ᠠᠵᠢᠯᠳ᠋ᠠᠨ ᠨᠡᠶᠢᠳ᠋ᠡ 3 ᠤᠩᠭᠤᠨ ᠢᠯᠡᠷᠡᠬᠥᠯᠦᠭᠰᠡᠨ ᠪᠦᠭᠡᠳ ᠡᠳ᠋ᠡᠭᠡᠷ ᠨᠢ ᠴᠦᠮ ᠤᠷᠳ᠋ᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳ᠋ᠠᠢ ᠪᠤᠰᠤᠭ᠎ᠠ ᠨᠦᠭᠡᠳ᠋ᠤ ᠤᠩᠭᠤᠨ ᠪᠤᠯᠤᠨ᠎ᠠ ᠂  ᠡᠬᠥᠨ ᠳ᠋ᠥ ᠨᠢᠭᠡ ᠨᠢ ᠬᠤᠶᠠᠷ ᠬᠦᠮᠤᠨ ‍ᠢ ᠬᠠᠮᠳ᠋ᠤ ᠤᠷᠤᠰᠢᠭᠤᠯᠤᠭᠰᠠᠨ ᠤᠩᠭᠤᠨ ᠪᠤᠯᠤᠨ᠎ᠠ ᠂  ᠨᠦᠬᠥᠭᠡ ᠨᠢᠭᠡ ᠵᠢ ᠨᠢ ᠨᠢᠭᠡ ᠲᠠᠰᠤᠯᠭ᠎ᠠ ᠪᠠᠶᠢᠰᠢᠩ  ᠦᠨ ᠰᠠᠭᠤᠷᠢ ᠵᠢᠨ ᠲᠤᠤᠷ᠎ᠠ ᠲᠠᠯ᠎ᠠ ᠡᠴᠠ ᠢᠯᠡᠷᠡᠬᠥᠯᠵᠠᠢ ᠂  ᠲᠤᠰ 3 ᠤᠩᠭᠤᠨ ᠨᠢ ᠴᠦᠮ ᠲᠡᠭᠡᠭᠰᠢ ᠬᠠᠨᠳ᠋ᠤᠭᠤᠯᠵᠤ ᠬᠡᠪᠳ᠋ᠡᠬᠥᠯᠦᠭᠰᠡᠨ ᠮᠠᠶ᠋ᠢᠭ  ᠦᠨ ᠤᠷᠤᠰᠢᠭᠤᠯᠭ᠎ᠠ ᠪᠤᠯᠤᠨ᠎ᠠ ᠂  ᠬᠤᠶᠢᠯᠭ᠎ᠠ ᠵᠢᠨ ᠡᠳ᠋ ᠡᠴᠠ ᠵᠦᠪᠭᠡᠨ ᠨᠢᠭᠡᠨ ᠡᠮᠳ᠋ᠡᠷᠭᠡᠢ ᠸᠠᠭᠠᠷ ᠬᠤᠨᠳ᠋ᠠᠭ᠎ᠠ ᠤᠯᠳ᠋ᠠᠵᠠᠢ ᠃  

ᠲᠤᠰᠬᠠᠢ ᠮᠡᠷᠭᠡᠵᠢᠯᠳ᠋ᠡᠨ ᠢᠯᠡᠷᠭᠡᠶᠢᠯᠡᠬᠦ ᠳ᠋ᠡᠭᠡᠨ ᠂ ᠮᠠᠯᠳ᠋ᠠᠵᠤ ᠭᠠᠷᠭᠠᠭᠰᠠᠨ ᠸᠠᠭᠠᠷ ᠰᠠᠪᠠ ᠵᠢᠨ ᠬᠡᠯᠪᠡᠷᠢ ᠂  ᠭᠡ ᠤᠭᠠᠯᠵᠠ ᠂  ᠸᠠᠭᠠᠷ  ᠦᠨ ᠴᠢᠨᠠᠷ ᠵᠡᠷᠭᠡ ᠪᠠᠶᠢᠳ᠋ᠠᠯ ᠳ᠋ᠥ ᠵᠠᠳ᠋ᠠᠯᠤᠯᠳ᠋ᠡ ᠬᠢᠬᠦ ᠪᠡᠷ ᠲᠡᠮᠵᠢᠭᠤᠯᠤᠨ ᠂  ᠡᠨᠡ ᠬᠦ ᠪᠠᠭᠤᠷᠢ ᠨᠢ ᠸᠧᠢ ᠶᠢᠩ ᠽᠢ ᠪᠤᠯᠤᠨ ᠰᠢᠶᠠ ᠵᠢᠶᠠ ᠳ᠋ᠢᠶᠠᠨ  ᠤ ᠲᠡᠭᠡᠳ᠋ᠤ ᠲᠠᠪᠬᠤᠷᠭ᠎ᠠ ᠵᠢᠨ ᠰᠤᠶᠤᠯ  ᠦᠨ ᠬᠤᠶᠠᠷ ᠦᠶ᠎ᠠ ᠳ᠋ᠥ ᠲᠤᠭᠠᠴᠠᠭᠳ᠋ᠠᠨ ᠂  ᠸᠧᠢ ᠶᠢᠩ ᠽᠢ ᠰᠤᠶᠤᠯ ᠵᠢᠡᠷ ᠭᠤᠤᠯ ᠪᠤᠯᠭᠠᠨ᠎ᠠ ᠭᠡᠳ᠋ᠡᠭ ‍ᠢ ᠠᠩᠬ᠎ᠠ ᠠᠯᠬᠤᠮ ᠨᠤᠳ᠋ᠠᠯᠠᠭᠰᠠᠨ ᠪᠠᠶᠢᠨ᠎ᠠ ᠭᠡᠵᠠᠢ ᠃  

ᠸᠧᠢ ᠶᠢᠩ ᠽᠢ ᠰᠤᠶᠤᠯ ᠪᠤᠯ ᠭᠤᠤᠯᠳ᠋ᠠᠭᠤ ᠳ᠋ᠠ ᠯᠢᠩ ᠾᠧ ᠭᠤᠤᠯ ᠪᠠ ᠰᠢᠶᠤᠤ ᠯᠢᠩ ᠾᠧ ᠭᠤᠤᠯ  ᠦᠨ ᠰᠠᠪᠠ ᠭᠠᠵᠠᠷ ᠵᠢᠡᠷ ᠲᠠᠷᠬᠠᠵᠤ ᠪᠠᠶᠢᠭ᠎ᠠ ᠬᠦᠷᠡᠯ   ᠦᠶ᠎ᠠ ᠵᠢᠨ ᠬᠠᠭᠤᠴᠢ ᠰᠤᠳ᠋ᠤᠯᠤᠯ  ᠦᠨ ᠰᠤᠶᠤᠯ ᠪᠤᠯᠤᠨ᠎ᠠ ᠂  ᠤᠨ ᠵᠢᠯ ᠨᠢ ᠶᠡᠭᠡ ᠲᠦᠯᠤᠪ ᠱᠠᠩ ᠤᠯᠤᠰ  ᠦᠨ ᠰᠡᠬᠥᠯᠴᠢ ᠵᠢᠨ ᠦᠶ᠎ᠠ ᠪᠤᠯᠤᠨ᠎ᠠ ᠃