ᠵᠤᠬᠢᠶᠠᠭᠴᠢ:
ᠴᠠᠭ:2018-02-02
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠦᠵᠦᠮᠦᠴᠢᠨ ᠤ ᠰᠢᠭᠦᠰᠦ ᠳᠠᠯᠪᠢᠬᠤ ᠶᠤᠰᠤᠨ
ᠦᠵᠦᠮᠦᠴᠢᠨ ᠤ ᠰᠢᠬᠦᠰᠦ ᠳᠠᠯᠪᠢᠬᠤ ᠶᠤᠰᠤᠨ ᠤ ᠥᠪᠡᠷᠮᠢᠴᠡ ᠤᠨᠴᠠᠯᠢᠬ ᠪᠠ ᠶᠤᠰᠤ ᠭᠤᠷᠢᠮ ᠠᠴᠠ ᠨᠢ ᠥᠪᠯᠡᠵᠦ ᠬᠡᠯᠡᠪᠡᠯ ᠂ ᠵᠤᠮᠠ ᠶᠢᠨ ᠰᠢᠬᠦᠰᠦ ᠂ ᠪᠥᠬᠦᠯᠢ ᠰᠢᠭᠦᠰᠦ ᠂ ᠳᠠᠷᠢᠬᠦᠨ ᠰᠢᠬᠦᠰᠦ ᠂ ᠪᠠᠭᠠ ᠰᠢᠬᠦᠰᠦ ᠂ ᠶᠠᠷᠦ ᠶᠢᠨ ᠰᠢᠭᠦᠰᠦ᠂ ᠵᠠᠳᠠᠭᠠᠢ ᠰᠢᠭᠦᠰᠦ ᠂ ᠳᠠᠬᠢᠯᠭᠠ ᠶᠢᠨ ᠰᠢᠭᠦᠰᠦ ᠂ ᠪᠡᠯᠡᠭ ᠤᠨ ᠰᠢᠭᠦᠰᠦ ᠭᠡᠵᠤ ᠨᠠᠢᠮᠠᠨ ᠶᠡᠭᠡ ᠲᠥᠷᠦᠯ ᠢᠶᠠᠷ ᠬᠤᠪᠢᠶᠠᠳᠠᠬ ᠃
ᠵᠤᠮᠠ ᠶᠢᠨ ᠰᠢᠭᠦᠰᠦ
ᠠᠷᠠᠰᠤᠨ ᠤ ᠬᠢᠨᠢ ᠦᠰᠦ ᠶᠢ ᠵᠤᠮᠠᠯᠠᠵᠤ᠂ ᠠᠭᠠᠷᠴᠠᠬ ᠬᠡᠪᠡᠯᠢ ᠶᠢ ᠨᠢ ᠴᠡᠪᠡᠷᠯᠡᠴᠢᠬᠡᠭᠡᠳ ᠪᠤᠰᠤᠭᠠ ᠬᠦᠯ ᠢ ᠨᠢ ᠰᠥᠬᠦᠳᠬᠡᠵᠦ ᠂ ᠪᠥᠬᠦᠯᠢ ᠪᠠᠷ ᠨᠢ ᠴᠢᠨᠠᠬᠰᠠᠨ ᠮᠢᠬᠠ ᠶᠢ ᠵᠣᠮᠠ ᠶᠢᠨ ᠰᠢᠬᠦᠰᠦ ᠭᠡᠵᠦ ᠬᠡᠯᠡᠳᠡᠭ ᠃ ᠵᠣᠮᠠ ᠶᠢᠨ ᠰᠢᠬᠦᠰᠦ ᠶᠢ ᠤᠪᠤᠭᠠ ᠪᠤᠯᠠᠬ ᠂ ᠤᠩᠭᠤᠳ ᠰᠢᠲᠦᠭᠡᠨ ᠂ ᠰᠥᠮᠡ ᠭᠡᠶᠢᠳ ᠤᠨ ᠳᠠᠬᠢᠯᠭᠠ ᠳ᠋ᠤ ᠡᠷᠬᠦᠨ ᠳᠡᠪᠰᠢᠬᠦᠯᠳᠡᠭ ᠪᠥᠬᠡᠳ ᠤᠵᠢᠭᠤᠷ ᠡᠷᠬᠢᠮᠰᠦᠭ ᠢᠵᠠᠭᠤᠷᠳᠠᠨ ᠠᠴᠠ ᠡᠵᠡᠨ ᠬᠠᠭᠠᠨ ᠲᠠᠢ ᠪᠠᠷᠠᠳᠠᠬᠤ ᠳᠤ ᠡᠷᠬᠦᠴᠡ ᠪᠠᠷᠢᠴᠡ ᠳᠤ ᠬᠡᠷᠡᠭᠯᠡᠳᠡᠭ᠃
ᠪᠥᠬᠦᠯᠢ ᠰᠢᠭᠦᠰᠦ
ᠠᠷᠠᠰᠤ ᠶᠢ ᠨᠢ ᠥᠪᠴᠢᠵᠦ ᠂ ᠠᠯᠠᠬ ᠳᠤᠳᠤᠷ ᠢ ᠨᠢ ᠠᠷᠢᠯᠭᠠᠴᠢᠬᠠᠭᠠᠳ ᠪᠥᠬᠦᠯᠢ ᠪᠠᠷ ᠨᠢ ᠬᠡᠪᠰᠢᠬᠦᠯᠵᠦ ᠴᠢᠨᠠᠬᠰᠠᠨ ᠮᠢᠬᠠ ᠶᠢ ᠪᠥᠬᠦᠯᠢ ᠰᠢᠬᠦᠰᠦ ᠬᠡᠵᠦ ᠬᠡᠯᠡᠳᠡᠭ᠃ ᠡᠷᠬᠦᠴᠡ ᠪᠠᠷᠢᠴᠡ ᠳᠤ ᠬᠡᠷᠡᠭᠯᠡᠬᠦ ᠬᠥᠷᠢᠶᠡ ᠬᠡᠪᠴᠢᠶᠡ ᠨᠢ ᠵᠤᠮᠠ ᠶᠢᠨ ᠰᠢᠬᠦᠰᠦ ᠲᠠᠢ ᠠᠳᠠᠯᠢ᠃
ᠲᠠᠷᠢᠬᠦᠨ ᠰᠢᠬᠦᠰᠦ
ᠠᠮᠠᠨ ᠬᠦᠵᠦᠭᠦᠦ ᠲᠠᠯᠠ ᠪᠠᠷ ᠨᠢ ᠠᠰ ᠴᠡᠭ ᠢ ᠨᠢ ᠵᠢᠭᠠᠵᠤ ᠂ ᠠᠷᠤ ᠬᠤᠶᠢᠨᠠ ᠠᠴᠠ ᠨᠢ ᠠᠮᠠ ᠰᠡᠭᠡᠷ ᠢ ᠨᠢ ᠵᠠᠯᠭᠠᠭᠤᠯᠵᠤ ᠂ ᠠᠩᠬᠢᠯᠠᠬᠰᠠᠨ ᠳᠥᠷᠪᠡᠨ ᠮᠥᠴᠢ ᠶᠢ ᠨᠢ ᠠᠮᠢᠳᠤ ᠶᠢᠨ ᠵᠦᠢ ᠪᠠᠷ ᠨᠢ ᠵᠤᠯᠭᠠᠭᠤᠯᠵᠤ ᠂ ᠬᠠᠰᠢᠭᠠ ᠦᠭᠡᠢ ᠤᠭᠤᠴᠠ ᠪᠠᠷ ᠨᠢ ᠬᠠᠮᠣᠷᠣᠭᠣᠯᠵᠦ ᠪᠥᠬᠦᠨ ᠢ ᠳᠠᠷᠤᠭᠠᠳ ᠬᠠᠮᠣᠭ ᠦᠨ ᠳᠡᠭᠡᠷᠡ ᠨᠢ ᠪᠢᠳᠡᠬᠦᠦ ᠳᠤᠯᠤᠭᠠᠢ ᠶᠢ ᠨᠢ ᠳᠠᠯᠪᠢᠵᠤ ᠂ ᠴᠠᠭᠠᠨ ᠢᠳᠡᠭᠡ ᠪᠠᠷ ᠴᠢᠮᠡᠵᠦ ᠵᠠᠰᠠᠬᠰᠠᠨ ᠢ ᠳᠠᠷᠢᠬᠦᠨ ᠰᠢᠬᠦᠰᠦ ᠬᠡᠳᠡᠭ ᠃ ᠲᠠᠷᠢᠬᠦᠨ ᠰᠢᠬᠦᠰᠦ ᠶᠢ ᠬᠦᠨᠳᠦᠳᠦ ᠵᠤᠴᠢᠳ ᠢᠶᠠᠨ ᠤᠬᠳᠤᠬᠤ ᠦᠪᠡᠳ᠋ᠡᠭᠰᠢ ᠳᠠᠶᠢᠯᠠᠯᠭᠠ ᠳᠤ ᠬᠡᠷᠡᠭᠯᠡᠳᠡᠭ ᠪᠥᠬᠡᠳ ᠪᠠᠰᠠ ᠨᠠᠰᠤᠨ ᠪᠠᠶᠠᠷ ᠤᠨ ᠨᠠᠶᠢᠷ ᠲᠤ ᠡᠷᠬᠦᠨ ᠳᠡᠪᠰᠢᠬᠦᠯᠳᠡᠭ᠃
ᠪᠠᠭᠠ ᠰᠢᠬᠦᠰᠦ
ᠳᠤᠤᠬᠠ ᠨᠢᠷᠤᠭᠤ᠂ ᠠᠰᠠᠭᠤᠬᠤ ᠨᠢᠷᠤᠭᠤ ᠳᠡᠭᠡᠷᠡ ᠨᠢ ᠳᠠᠭᠠᠯᠳᠠ ᠨᠢᠷᠤᠭᠤ ᠨᠡᠮᠡᠵᠦ᠂ ᠳᠤᠰᠤᠮ ᠰᠡᠬᠦᠯ ᠠᠴᠠ ᠨᠢ ᠳᠤᠭᠠᠯᠠᠵᠤ ᠲᠠᠪᠤᠨ ᠦᠶᠡ ᠰᠠᠭᠠᠭᠠᠳ ᠰᠡᠭᠡᠷ ᠢ ᠨᠢ ᠰᠠᠻᠢᠴᠡᠭᠡ ᠦᠭᠡᠢ ᠂ ᠱᠠᠭᠠᠨᠳᠦ ᠶᠢ ᠨᠢ ᠬᠥᠨᠳᠡᠭᠡ ᠦᠭᠡᠢ ᠪᠠᠷ ᠤᠭᠤᠴᠠᠨ ᠳᠤᠨᠢ ᠢᠪᠡᠯᠭᠡ ᠬᠢᠵᠦ ᠂ ᠰᠠᠭᠠᠯᠢ ᠶᠢᠨ ᠢᠳᠡᠭᠡᠨ ᠢᠶᠠᠷ ᠴᠢᠮᠡᠭᠰᠡᠨ ᠢ ᠪᠠᠭᠠ ᠰᠢᠬᠦᠰᠦ ᠬᠡᠳᠡᠭ᠃ ᠪᠠᠭᠠ ᠰᠢᠬᠦᠰᠦ ᠪᠠᠷ ᠭᠤᠤᠯᠳᠠᠭᠤ ᠠᠯᠤᠰ ᠠᠴᠠ ᠠᠶᠢᠯᠠᠴᠢᠯᠠᠵᠤ ᠢᠷᠡᠭᠰᠡᠨ ᠵᠤᠴᠢᠳ ᠢ ᠲᠠᠶᠢᠯᠠᠳᠠᠭ᠃
ᠶᠡᠷᠦ ᠶᠢᠨ ᠰᠢᠬᠦᠰᠦ
ᠳᠠᠯᠦ ᠳᠥᠷᠪᠡᠨ ᠦᠨᠳᠤᠷ ᠢ ᠨᠢ ᠠᠰ ᠲᠤᠨᠢ ᠳᠠᠪᠠᠭᠯᠠᠵᠤ ᠂ ᠰᠡᠭᠡᠷ ᠢ ᠨᠢ ᠨᠤᠭᠤᠯᠵᠤ ᠂ ᠬᠠ ᠶᠢ ᠨᠢ ᠰᠠᠯᠭᠠᠵᠤ᠂ ᠭᠤᠶᠡ ᠶᠢ ᠨᠢ ᠦᠶᠡᠯᠡᠭᠡᠳ ᠤᠭᠤᠴᠡ ᠶᠢ ᠨᠢ ᠢᠪᠡᠬᠡᠰᠦᠯᠡᠵᠦ ᠂ ᠬᠤᠤᠰᠯᠠᠵᠤ ᠵᠥᠰᠦᠭᠰᠡᠨ ᠬᠠᠪᠢᠰᠤ ᠪᠠᠷ ᠨᠢ ᠳᠡᠭᠡᠷᠠ ᠨᠢ ᠦᠩᠬᠡᠯᠡᠵᠦ ᠳᠠᠯᠪᠢᠬᠰᠠᠨ ᠢ ᠶᠠᠷᠦ ᠶᠢᠨ ᠰᠢᠬᠦᠰᠦ ᠬᠡᠳᠡᠭ᠃ ᠭᠡᠷᠡᠭᠯᠡᠬᠦ ᠬᠥᠷᠢᠶᠡ ᠬᠡᠪᠴᠢᠶᠡ ᠨᠢ ᠪᠠᠭᠠ ᠰᠢᠬᠦᠰᠦ ᠲᠠᠢ ᠠᠳᠠᠯᠢ᠃
ᠵᠠᠳᠠᠭᠠᠢ ᠰᠢᠬᠦᠰᠦ
ᠬᠠ ᠭᠤᠶᠠ ᠶᠢᠨ ᠬᠢᠨᠢ ᠶᠠᠰᠤ ᠶᠢ ᠬᠤᠭᠤᠯᠬᠤ ᠦᠭᠡᠢ ᠨᠤᠭᠤᠯᠵᠤ ᠂ ᠳᠠᠯᠤ ᠳᠥᠷᠪᠡᠨ ᠦᠨᠳᠦᠷ ᠢ ᠨᠢ ᠳᠠᠯᠳᠠᠯᠠᠯ ᠦᠭᠡᠢ ᠢᠯᠡ ᠭᠠᠷᠭᠠᠵᠤ ᠂ ᠬᠠᠪᠢᠷᠭᠠ ᠶᠢ ᠨᠢ ᠰᠠᠯᠭᠠᠵᠤ ᠬᠠᠵᠠᠭᠤ ᠲᠠᠯᠠ ᠪᠠᠷ ᠨᠢ ᠬᠢᠵᠦ ᠂ ᠰᠡᠭᠡᠷ ᠢ ᠨᠢ ᠦᠶᠡᠯᠡᠵᠦ ᠱᠠᠭᠠᠨᠲᠤ ᠶᠢ ᠨᠢ ᠬᠠᠯᠢᠮᠯᠠᠭᠠᠳ ᠳᠠᠪᠠᠭᠯᠠᠵᠤ ᠳᠠᠯᠪᠢᠬᠰᠠᠨ ᠮᠢᠬᠠ ᠶᠢ ᠵᠠᠳᠠᠭᠠᠢ ᠰᠢᠬᠦᠰᠦ ᠭᠡᠳᠡᠭ ᠃ ᠵᠠᠳᠠᠭᠠᠢ ᠰᠢᠬᠦᠰᠦ ᠶᠢ ᠡᠩ ᠤᠨ ᠵᠤᠴᠢᠨ ᠲᠠᠶᠢᠯᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃
ᠳᠠᠬᠢᠯᠭᠠ ᠶᠢᠨ ᠰᠢᠬᠦᠰᠦ
ᠰᠡᠮᠠᠵᠡᠨ ᠴᠠᠭᠠᠨ ᠦᠬᠡᠬᠦ ᠪᠠᠷ ᠱᠠᠭᠠᠨᠲᠤ ᠂ ᠴᠢᠮᠦᠬᠡ ᠂ ᠳᠥᠷᠪᠡᠨ ᠦᠨᠳᠦᠷ ᠬᠠᠪᠢᠷᠭᠠ ᠲᠠᠢ ᠨᠢ ᠴᠤᠬ ᠡᠪᠴᠢᠬᠦᠦ ᠶᠢ ᠨᠢ ᠤᠷᠢᠶᠠᠬᠰᠠᠨ ᠢ ᠳᠠᠬᠢᠯᠭᠠ ᠶᠢᠨ ᠰᠢᠬᠦᠰᠦ ᠭᠡᠳᠡᠭ᠃ ᠡᠬᠦᠨ ᠢ ᠡᠴᠢᠬᠡ ᠳᠡᠭᠷᠢ ᠂ ᠡᠬᠡ ᠭᠠᠵᠠᠷ ᠂ ᠡᠬᠦᠰᠬᠦ ᠭᠠᠯ ᠂ ᠤᠨᠳᠤᠷᠤᠬᠤ ᠤᠰᠤ ᠂ ᠠᠷᠢᠭᠤᠨ ᠰᠢᠲᠦᠭᠡᠨ ᠲᠠᠢ ᠤᠪᠤᠭᠠ ᠪᠤᠯᠠᠬ ᠢᠶᠠᠨ ᠳᠠᠬᠢᠬᠤ ᠳᠤ ᠡᠷᠬᠦᠨ ᠪᠠᠷᠢᠳᠠᠬ᠃
ᠪᠡᠯᠡᠭ ᠤᠨ ᠰᠢᠬᠦᠰᠦ
ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠬ᠂ ᠠᠶᠢᠷᠠᠭ ᠳᠠᠷᠠᠬ ᠤᠨ ᠳᠡᠬᠡᠵᠢ ᠂ ᠠᠮᠪᠠᠨ ᠴᠠᠭᠠᠨ ᠢᠷᠭᠡ ᠶᠢᠨ ᠰᠢᠬᠦᠰᠦ ᠪᠠᠷ ᠠᠰᠢᠳᠠ ᠶᠢᠨ ᠭᠤᠷᠪᠠᠨ ᠪᠡᠯᠡᠭ ᠪᠤᠯᠭᠠᠨ ᠵᠠᠰᠠᠵᠤ ᠳᠠᠯᠪᠢᠬᠰᠠᠨ ᠰᠢᠬᠦᠰᠦ ᠶᠢ ᠪᠡᠯᠡᠭ ᠤᠨ ᠰᠢᠬᠦᠰᠦ ᠭᠡᠳᠡᠭ ᠃ ᠪᠡᠯᠡᠭ ᠤᠨ ᠰᠢᠬᠦᠰᠦ ᠶᠢ ᠤᠷᠤᠬ ᠬᠤᠷᠢᠮ ᠤᠨ ᠪᠡᠯᠡᠭ ᠰᠡᠯᠳᠡ ᠳᠤ ᠵᠠᠰᠠᠵᠤ ᠳᠠᠯᠪᠢᠳᠠᠬ᠃
