ᠨᠢᠯᠬ᠎ᠠ ᠬᠡᠦᠬᠡᠳ  ᠤᠨ ᠡᠮᠦᠰᠬᠡᠯ  ᠢ ᠪᠠᠷᠢᠨᠲᠠᠭ ᠭᠡᠨ᠎ᠡ᠃ ᠨᠢᠯᠬ᠎ᠠ ᠬᠡᠦᠬᠡᠳ   ᠳᠠᠷᠠᠭ᠎ᠠ ᠭᠤᠷᠪᠠ ᠪᠤᠶᠤ ᠳᠤᠯᠤᠭ᠎ᠠ ᠬᠤᠨᠤᠭ  ᠡᠰᠡᠭᠦᠯ᠎ᠡ ᠰᠠᠷ᠎ᠠ ᠳᠦᠭᠦᠷᠬᠦ  ᠳᠤᠨᠢ ᠪᠠᠷᠢᠨᠳᠠᠭ ᠡᠮᠤᠰᠤᠭᠦᠯᠳᠡᠭ᠃

ᠪᠠᠷᠢᠨᠲᠠᠭ  ᠤᠨ ᠡᠩᠭᠡᠷ ᠵᠠᠭᠠᠮ᠎ᠠ᠂ ᠬᠤᠷᠮᠤᠢ᠂ ᠤᠨᠤᠭᠤ ᠵᠡᠷᠭᠡ  ᠶᠢ ᠰᠤᠯᠨ ᠵᠠᠳᠠᠭᠠᠢ ᠬᠦᠰᠢᠵᠤ ᠤᠶᠤᠳᠠᠭ᠂ ᠲᠤᠮᠤ ᠬᠦᠮᠦᠨ ᠤ ᠬᠤᠪᠴᠠᠰᠤ ᠠᠳᠠᠯᠢ ᠨᠠᠷᠢᠯᠢᠭ ᠰᠠᠶᠢᠬᠠᠨ ᠤᠶᠤᠬᠤ ᠦᠭᠡᠢ ᠂ ᠪᠠᠷᠢᠨᠳᠠᠭ ᠤᠨ ᠡᠩᠭᠡᠷ ᠢ ᠪᠤᠷᠤᠭᠤ ᠬᠠᠨᠳᠤᠭᠤᠯᠤᠨ ᠤᠶᠤᠨ᠎ᠠ ᠂ ᠬᠠᠷᠢᠨ ᠲᠤᠮᠤ ᠬᠦᠮᠦᠨ ᠤ ᠬᠤᠪᠴᠠᠰᠤ ᠮᠡᠲᠤ ᠡᠩᠭᠡᠷ  ᠢ  ᠨᠢ ᠵᠦᠪ ᠬᠠᠨᠳᠤᠭᠤᠯᠤᠨ ᠤᠶᠤᠬᠤ ᠦᠭᠡᠢ ᠂ ᠪᠠᠷᠢᠨᠳᠠᠭ ᠲᠤ ᠲᠤᠪᠴᠢ  ᠦᠭᠡᠢ ᠂ ᠡᠩᠭᠡᠷ ᠪᠠ ᠬᠤᠶᠠᠷ ᠰᠤᠭᠤᠨ ᠳᠤᠨᠢ ᠪᠦᠴᠡ ᠬᠠᠳᠠᠭᠠᠳ ᠠᠷᠤ ᠳᠤᠨᠢ ᠠᠪᠠᠴᠢᠵᠤ ᠤᠶᠠᠳᠠᠭ ᠂ ᠪᠠᠷᠢᠨᠳᠠᠭ ᠢ ᠪᠠᠬᠢᠯᠢᠭ᠌ ᠰᠠᠶᠢᠬᠠᠨ ᠪᠠᠵᠠᠭᠠᠬᠤ ᠦᠭᠡᠢ ᠂ ᠬᠤᠷᠳᠤᠨ ᠡᠯᠡᠭᠳᠡᠨ ᠪᠠᠷᠠᠭᠳᠠᠬᠤ ᠶᠢ ᠰᠠᠶᠢᠨ ᠬᠡᠮᠡᠨ ᠪᠡᠯᠭᠡᠳᠡᠳᠡᠭ ᠂ ᠰᠢᠨ᠎ᠡ ᠪᠠᠷᠢᠨᠲᠠᠭ  ᠢ ᠤᠶᠤᠬᠤ  ᠳᠠᠭᠠᠨ ᠵᠠᠭᠠᠮ᠎ᠠ  ᠶᠢᠨ ᠤᠬᠤᠳᠠᠰᠤ  ᠶᠢ  ᠬᠠᠶᠢᠴᠢᠯᠠᠵᠤ ᠠᠪᠤᠭᠠᠳ ᠪᠠᠷᠢᠨᠳᠠᠭ  ᠤᠨ ᠨᠢᠷᠤᠭᠤᠨ ᠭᠤᠤᠯ  ᠳᠤᠨᠢ ᠬᠠᠳᠠᠵᠤ ᠂ ᠤᠬᠤᠳᠠᠰᠤ ᠶᠢᠨ ᠳᠡᠭᠡᠷ᠎ᠡ ᠨᠢ ᠲᠤᠮᠤ ᠭᠠᠤᠯᠢᠨ ᠵᠤᠭᠤᠰ ᠲᠠᠭᠠᠷᠠᠭᠤᠯᠤᠨ ᠤᠶᠤᠳᠠᠭ᠃

ᠪᠠᠷᠢᠨᠳᠠᠭ ᠲᠤ ᠬᠦᠦ᠂ ᠦᠬᠢᠨ ᠤ ᠡᠮᠦᠰᠬᠦ ᠭᠡᠵᠤ ᠢᠯᠭᠠᠭ᠎ᠠ ᠦᠭᠡᠢ ᠂ ᠬᠠᠭᠤᠴᠢᠨ ᠪᠠᠷᠢᠨᠳᠠᠭ  ᠢ  ᠰᠢᠨ᠎ᠡ ᠪᠠᠷᠢᠨᠳᠠᠭ  ᠠᠴᠠ ᠢᠯᠡᠭᠦᠦ ᠡᠷᠬᠢᠮᠯᠡᠳᠡᠭ᠂ ᠢᠯᠡᠩᠭᠤᠶ᠎ᠠ ᠬᠡᠦᠬᠡᠳ ᠤᠯᠠᠨᠲᠠᠢ ᠠᠶᠢᠯ ᠤᠨ ᠬᠡᠦᠬᠡᠳ ᠤᠨ ᠡᠮᠦᠰᠦᠭᠰᠡᠨ ᠬᠠᠭᠤᠴᠢᠨ ᠪᠠᠷᠢᠨᠳᠠᠭ ᠢ ᠮᠠᠰᠢ ᠡᠷᠬᠢᠮᠯᠡᠨ ᠭᠤᠶᠤᠵᠤ ᠠᠪᠤᠭᠠᠳ ᠨᠢᠯᠬ᠎ᠠ ᠬᠡᠦᠬᠡᠳ ᠲᠡᠭᠡᠨ ᠡᠮᠦᠰᠭᠡᠳᠡᠭ ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠬᠡᠦᠬᠡᠳ ᠦᠰᠦᠭᠰᠡᠨ ᠪᠠᠷᠢᠨᠳᠠᠭ ᠢ ᠬᠠᠭᠤᠴᠢᠨ ᠂ ᠴᠤᠭᠤᠷᠬᠠᠢ ᠂ ᠤᠷᠠᠩᠬᠠᠢ ᠭᠡᠵᠤ ᠤᠭᠲᠤ ᠭᠤᠯᠤᠬᠤ ᠦᠭᠡᠢ ᠂ ᠬᠠᠭᠤᠴᠢᠨ ᠪᠠᠷᠢᠨᠳᠠᠭ ᠡᠮᠦᠰᠦᠭᠰᠡᠨ ᠬᠡᠦᠬᠡᠳ ᠴᠢᠬᠢᠷᠠᠭ ᠲᠤᠷᠨᠢᠭᠤᠨ ᠦᠰᠦᠨ ᠪᠤᠶᠢᠵᠢᠨ᠎ᠡ ᠭᠡᠳᠡᠭ ᠂ ᠤᠯᠠᠨ ᠬᠡᠦᠬᠡᠳ   ᠠᠶᠢᠯ ᠨᠢ     ᠂ ᠤᠨᠴᠠ ᠵᠠᠷᠢᠮ ᠨᠢ ᠦᠶ᠎ᠡ ᠵᠠᠯᠭᠠᠮᠵᠢᠯᠡᠨ ᠡᠮᠦᠰᠭᠡᠳᠡᠭ ᠴᠤ ‍᠂ ᠵᠠᠷᠢᠮ ᠬᠡᠦᠬᠡᠳ ᠴᠦᠭᠡᠨ ᠠᠶᠢᠯ ᠨᠢ ᠲᠤᠰᠬᠠᠶᠢᠯᠠᠨ ᠰᠢᠨ᠎ᠡ ᠪᠠᠷᠢᠨᠳᠠᠭ ᠤᠶᠤᠭᠠᠳ ᠪᠤᠰᠤᠳ ᠠᠶᠢᠯ ᠤᠨ ᠴᠢᠬᠢᠷᠠᠭ ᠲᠤᠷᠨᠢᠭᠤᠨ ᠬᠡᠦᠬᠡᠳ ᠲᠤ ᠦᠭᠴᠤ ᠬᠠᠭᠤᠴᠢᠨ  ᠢ  ᠨᠢ ᠰᠤᠯᠢᠬᠤ ᠪᠤᠶᠤ ᠬᠡᠦᠬᠡᠳ ᠲᠤᠨᠢ ᠬᠡᠳᠦᠨ ᠡᠳᠦᠷ ᠡᠮᠦᠰᠭᠡᠭᠡᠳ ᠦᠪᠡᠷ ᠤᠨ ᠬᠡᠦᠬᠡᠳ ᠲᠡᠭᠡᠨ ᠡᠮᠦᠰᠭᠡᠬᠦ ᠴᠤ ᠪᠤᠢ ᠂  ᠬᠦᠮᠦᠨ ᠤ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠡᠳ᠋ᠯᠡᠵᠤ ᠡᠮᠦᠰᠬᠦ ᠲᠤᠭ᠎ᠠ ᠲᠠᠢ  ᠬᠡᠮᠡᠨ ᠬᠡᠦᠬᠡᠳ ᠤᠨ ᠪᠠᠭ᠎ᠠ ᠳᠤᠨᠢ ᠤᠯᠠᠨ ᠬᠤᠪᠴᠠᠰᠤ ᠡᠮᠦᠰᠭᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠂ ᠬᠡᠦᠬᠡᠳ ᠲᠤ ᠤᠯᠠᠨ ᠬᠤᠪᠴᠠᠰᠤ ᠡᠮᠦᠰᠭᠡᠪᠡᠯ ᠬᠦᠷᠦᠩᠭᠡ ᠨᠢ ᠨᠢᠮᠭᠡᠷᠡᠨ ᠬᠦᠨᠡᠰᠦ ᠨᠢ ᠪᠠᠷᠠᠭᠳᠠᠨ᠎ᠠ ᠭᠡᠵᠤ ᠦᠵᠡᠳᠡᠭ᠃

ᠪᠠᠷᠢᠨᠳᠠᠭ  ᠢ ᠴᠡᠪᠡᠷ ᠭᠠᠵᠠᠷ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠵᠤ ᠬᠠᠮᠢᠶ᠎ᠠ ᠨᠠᠮᠢᠶ᠎ᠠ ᠦᠭᠡᠢ ᠲᠠᠯᠪᠢᠬᠤ ᠶᠢ ᠬᠢᠴᠢᠶᠡᠨ᠎ᠡ᠂ ᠤᠭᠢᠶᠠᠵᠤ ᠴᠡᠪᠡᠷᠯᠡᠭᠡᠳ ᠭᠠᠳᠠᠨ᠎ᠠ ᠲᠠᠯᠪᠢᠭᠰᠠᠨ ᠪᠠᠷᠢᠨᠳᠠᠭ ᠢ ᠨᠠᠷᠨ ᠰᠢᠩᠭᠡᠬᠦ ᠠᠴᠠ ᠤᠷᠢᠳ ᠭᠡᠷ ᠲᠡᠭᠡᠨ ᠠᠪᠴᠤ ᠤᠷᠤᠨ᠎ᠠ ᠂ ᠭᠠᠳᠠᠨ᠎ᠠ   ᠶᠢ ᠲᠠᠰᠤ ᠴᠡᠭᠡᠷᠯᠡᠨ᠎ᠡ ᠃ ᠪᠠᠷᠢᠨᠳᠠᠭ ᠬᠢᠬᠦ ᠳᠤ ᠪᠦᠰ ᠤᠨ ᠦᠡᠭᠭᠡ ᠴᠢᠨᠡᠷ ᠢ ᠢᠯᠭᠠᠵᠤ ᠰᠢᠯᠢᠬᠦ ᠦᠭᠡᠢ ᠂ ᠰᠢᠨ᠎ᠡ ᠬᠠᠭᠤᠴᠢᠨ ᠶᠠᠮᠠᠷ ᠪᠦᠰ ᠴᠤ ᠪᠦᠷ ᠪᠤᠯᠤᠨ᠎ᠠ ᠂ ᠪᠠᠰᠨ ᠵᠠᠷᠢᠮ ᠨᠢ ᠲᠤᠰᠬᠠᠶᠢᠯᠠᠨ ᠠᠶᠢᠯ ᠠᠴᠠ ᠪᠦᠰ ᠤᠨ ᠦᠭᠡᠳᠡᠰᠦ ᠭᠤᠶᠤᠵᠤ ᠠᠪᠴᠢᠷᠠᠨ ᠵᠦᠢᠵᠤ ᠤᠶᠤᠭᠠᠳ ᠪᠠᠷᠢᠨᠳᠠᠭ ᠪᠤᠯᠭᠠᠬᠤ ᠴᠤ ᠪᠤᠢ ᠂ ᠡᠨ᠋ᠨ ᠨᠢ ᠬᠠᠳᠠᠭᠤ ᠴᠢᠬᠢᠷᠠᠭ ᠦᠰᠦᠨ ᠪᠤᠶᠢᠵᠢᠬᠤ ᠶᠢ ᠪᠡᠯᠭᠡᠳᠡᠵᠤ ᠪᠠᠶᠢᠳᠠᠭ ᠃ ᠡᠩᠭᠦᠷᠡᠢ ᠬᠡᠦᠬᠡᠳ ᠲᠤ ᠡᠮᠦᠰᠦᠭᠦᠯᠬᠦ ᠠᠴᠠ ᠤᠷᠢᠳ ᠨᠤᠬᠠᠢ  ᠳᠤ ᠡᠮᠦᠰᠦᠭᠦᠯᠳᠡᠭ ᠴᠤ ᠪᠤᠢ᠃