ᠵᠤᠬᠢᠶᠠᠭᠴᠢ:
ᠴᠠᠭ:2021-05-03
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠢᠷᠡᠯᠲᠡ᠄︽ᠣᠷᠳᠣᠰ ᠨᠤᠲᠤᠭ ᠢᠳᠡᠭᠡᠨ ᠣᠮᠳᠠᠭᠠᠨ︾ ᠠᠴᠠ ᠪᠠᠭᠤᠯᠭᠠᠪᠠ
ᠴᠠᠭᠠᠨ ᠢᠳᠡᠭᠡᠨ — ᠴᠦᠴᠦᠭᠡᠢ ᠳᠠᠰᠢᠮᠠᠭ
ᠴᠦᠴᠦᠭᠡᠢ
ᠡᠷᠵᠢᠭᠡᠭᠰᠡᠨ ᠦᠷᠦᠮᠡ ᠶᠢ ᠲᠤᠭᠤᠭᠠᠨ ᠳᠤ ᠬᠢᠵᠤ ᠪᠤᠴᠠᠯᠭᠠᠭᠰᠠᠭᠠᠷ ᠲᠤᠰᠣ ᠭᠠᠷᠤᠨᠠ᠂ ᠰᠠᠶᠢᠨ ᠡᠷᠵᠢᠭᠡᠭᠰᠡᠨ ᠦᠷᠦᠮᠡᠨ ᠤ ᠪᠠᠷᠤᠭ ᠲᠦᠷᠪᠡᠨ ᠤ ᠭᠤᠷᠪᠠ ᠨᠢ ᠲᠤᠰᠣ ᠪᠤᠯᠵᠤ᠂ ᠲᠦᠷᠪᠡᠨ ᠤ ᠨᠢᠭᠡ ᠨᠢ ᠢᠷᠤᠭᠠᠷ ᠲᠤ ᠦᠯᠡᠳᠡᠨᠡ᠃ ᠡᠨᠡ ᠬᠦ ᠲᠤᠭᠤᠭᠠᠨ ᠢᠷᠤᠭᠠᠷ ᠲᠤ ᠲᠤᠨᠤᠭᠳᠠᠨ ᠦᠯᠡᠳᠡᠭᠰᠡᠨ ᠢ ᠨᠢ ᠳᠠᠷᠤᠢ《 ᠴᠦᠴᠦᠭᠡᠢ》 ᠭᠡᠳᠡᠭ᠃
ᠰᠢᠷᠠ ᠲᠤᠰᠣ ᠪᠠᠨ ᠠᠪᠬᠤ ᠳᠤ ᠨᠡᠶᠢᠯᠡᠭᠦᠯᠵᠤ ᠴᠢᠨᠠᠭᠰᠡᠨ ᠪᠤᠳᠠᠭᠠ ᠶᠢ ᠴᠦᠴᠦᠭᠡᠢ ᠭᠡᠳᠡᠭ᠃ ᠲᠤᠰᠣᠷᠬᠠᠭ ᠮᠦᠷᠳᠡᠭᠡᠨ ᠲᠤᠭᠰᠢᠪᠳᠣᠷ ᠰᠠᠶᠢᠬᠠᠨ ᠦᠨᠦᠷ ᠠᠮᠳᠠ ᠲᠠᠢ ᠪᠠᠶᠢᠳᠠᠭ᠃ ᠴᠦᠴᠦᠭᠡᠢ ᠶᠢ ᠲᠡᠷᠡ ᠬᠡᠪ ᠢᠶᠠᠷ ᠢᠳᠡᠬᠦ ᠪᠤᠶᠤ ᠴᠠᠢ ᠳᠤ ᠬᠢᠵᠤ ᠢᠳᠡᠬᠦ᠂ ᠡᠰᠡᠭᠦᠯᠡ ᠰᠦ ᠠᠭᠠᠷᠴᠠ ᠲᠠᠢ ᠬᠤᠯᠢᠵᠤ ᠨᠤᠮᠤᠬᠠᠷᠠᠭᠤᠯᠤᠨ᠂ ᠬᠠᠭᠤᠷᠤᠭᠰᠡᠨ ᠵᠢᠭᠤᠷᠠᠵᠤ ᠢᠳᠡᠪᠡᠯ ᠨᠡᠩ ᠰᠠᠶᠢᠬᠠᠨ ᠠᠮᠳᠠ ᠲᠠᠢ ᠪᠠᠶᠢᠳᠠᠭ᠃ ᠣᠳᠠᠭᠠᠨ ᠡᠳᠣᠷ ᠬᠦᠴᠢᠯᠯᠢᠭ ᠪᠤᠯᠤᠭᠰᠡᠨ ᠴᠦᠴᠦᠭᠡᠢ ᠶᠢ ᠢᠳᠡᠬᠦ ᠳᠤ ᠪᠡᠶᠡ ᠵᠠᠭᠵᠠᠭᠤᠷᠠᠮᠠ ᠬᠦᠴᠢᠯᠯᠢᠭ ᠪᠠᠶᠢᠳᠠᠭ ᠪᠢᠯᠡ᠃ ᠬᠡᠳᠦᠷᠭᠡᠢ ᠶᠡᠭᠡ ᠢᠳᠡᠪᠡᠯ ᠬᠤᠳᠣᠭᠤᠳᠣ ᠬᠡᠳᠡᠰᠣ ᠳᠤ ᠬᠠᠷᠰᠢ ᠪᠤᠯᠳᠠᠭ᠃
ᠴᠦᠴᠦᠭᠡᠢ ᠨᠢ ᠬᠤᠤᠷ ᠳᠠᠶᠢᠯᠬᠤ ᠴᠢᠳᠠᠯᠳᠠᠢ ᠲᠤᠯᠠ ᠢᠳᠡᠪᠡᠯ ᠠᠯᠢᠪᠠ ᠨᠤᠭᠤᠭᠠ ᠶᠢᠨ ᠬᠤᠤᠷ ᠪᠤᠶᠤ ᠣᠰᠣ ᠂ ᠭᠦᠢᠳᠡᠨ ᠵᠢᠩᠨᠡᠭᠰᠡᠨ᠂ ᠴᠢᠬᠢᠭᠳᠦᠵᠤ ᠴᠠᠩᠳᠣᠭᠰᠡᠨ ᠳᠤ ᠲᠤᠰᠠᠳᠠᠢ᠃
ᠳᠠᠰᠢᠮᠠᠭ
ᠠᠭᠰᠢᠷᠠᠭᠤᠯᠤᠨ ᠬᠠᠳᠠᠭᠠᠭᠰᠡᠨ ᠦᠳᠭᠡᠨ ᠰᠦ ᠶᠢ ᠳᠠᠰᠢᠮᠠᠭ ᠭᠡᠳᠡᠭ᠃ ᠳᠠᠰᠢᠮᠠᠭ ᠢ ᠣᠷᠳᠣᠰ ᠲᠤ ᠨᠠᠮᠣᠷ ᠤᠨ ᠰᠡᠷᠢᠭᠦᠨ ᠴᠠᠭ ᠲᠤ ᠶᠡᠭᠡ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠᠨ ᠤ ᠳᠠᠷᠠᠭᠠ ᠡᠪᠡᠰᠣ ᠪᠡᠯᠴᠢᠭᠡᠷ ᠰᠠᠶᠢᠨ ᠵᠢᠯ ᠳᠤ ᠰᠠᠭᠠᠯᠢ ᠶᠢᠨ ᠮᠠᠯ ᠤᠨ ᠰᠦ ᠨᠢ ᠲᠤᠯᠠ᠂ ᠬᠠᠶᠠ ᠰᠦ ᠲᠠᠢ ᠠᠳᠠᠯᠢ ᠮᠠᠯ ᠢᠶᠠᠨ ᠪᠠᠷᠢᠵᠤ ᠰᠠᠭᠠᠭᠠᠳ ᠴᠠᠢ ᠰᠦᠯᠡᠭᠡᠳ ᠰᠦ ᠪᠠᠨ ᠴᠡᠪᠡᠷ ᠠᠷᠢᠭᠤᠨ ᠨᠢᠭᠲᠠ ᠪᠦᠭᠡᠳ ᠰᠢᠩᠭᠡᠨ ᠰᠢᠷᠠ ᠣᠰᠣ ᠨᠢ ᠰᠢᠭᠦᠷᠠᠮᠠᠷ 40 — 50 ᠵᠢᠩ ᠤᠨ ᠪᠠᠭᠳᠠᠭᠠᠮᠵᠢ ᠲᠠᠢ ᠤᠭᠤᠳᠠᠨ ᠳᠤ ᠡᠳᠣᠷ ᠪᠤᠯᠭᠠᠨ ᠪᠤᠶᠤ ᠦᠨᠵᠢᠭᠦᠳᠡ ᠬᠤᠨᠤᠭᠤᠳᠠ 2 — 3 ᠵᠢᠩ ᠰᠦ ᠬᠢᠵᠤ᠂ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠲᠤᠭᠳᠠᠭᠰᠡᠨ ᠦᠷᠦᠭᠡ ᠳᠤ ᠳᠡᠭᠦᠵᠢᠯᠡᠵᠤ᠂ ᠳᠣᠣᠷᠠ ᠨᠢ ᠰᠢᠩᠭᠡᠨ ᠲᠤᠨᠤᠭᠰᠡᠨ ᠰᠢᠷᠠ ᠣᠰᠣ ᠶᠢ ᠲᠣᠰᠴᠣ ᠠᠪᠬᠤ ᠵᠠᠳᠠᠭᠠᠢ ᠰᠠᠪᠠ ᠳᠠᠯᠪᠢᠵᠤ᠂ ᠡᠳᠣᠷ ᠣᠳᠠᠭᠠᠨ ᠢᠶᠠᠷ ᠰᠦ ᠬᠢᠭᠰᠡᠭᠡᠷ ᠪᠠᠶᠢᠭᠠᠳ ᠡᠪᠤᠯ ᠬᠠᠪᠤᠷ ᠤᠨ ᠴᠠᠭ ᠪᠤᠶᠤ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠳᠤ 《ᠳᠡᠭᠡᠳᠣ ᠣᠷᠣᠭᠤᠯ ᠳᠤ ᠭᠦᠷᠭᠡᠰᠢ ᠦᠭᠡᠢ᠂ ᠳᠡᠷᠭᠡᠳᠡᠬᠢ ᠬᠦᠮᠦᠨ ᠳᠤ ᠪᠠᠨ ᠦᠭᠭᠦᠰᠢ ᠦᠭᠡᠢ》 ᠦᠳᠭᠡᠨ ᠴᠠᠭᠠᠨ ᠦᠩᠭᠡᠳᠡᠢ᠂ ᠲᠤᠰᠣᠯᠢᠭ ᠬᠦᠴᠢᠯᠯᠢᠭ ᠨᠢ ᠲᠡᠩᠴᠡᠭᠰᠡᠨ ᠰᠠᠶᠢᠬᠠᠨ ᠠᠮᠳᠠᠳᠣ ᠳᠠᠰᠢᠮᠠᠭ ᠪᠤᠯᠪᠠᠰᠣᠷᠠᠳᠠᠭ᠃
