ᠵᠤᠬᠢᠶᠠᠭᠴᠢ:
ᠴᠠᠭ:2021-09-24
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠥᠪᠥᠷ ᠮᠣᠩᠭᠣᠯ ᠤᠨ ᠣᠷᠣᠨ ᠨᠤᠲᠤᠭ ᠤᠨ ᠣᠢᠯᠠᠯᠭ ᠠ ᠶᠢᠨ ᠣᠯᠠᠨ ᠨᠡᠢᠲᠡ ᠶᠢᠨ ᠲᠠᠪᠴᠠᠩ
ᠬᠢᠯᠢ ᠪᠣᠭᠣᠮᠲᠠ ᠶᠢᠨ ᠨᠡᠷᠡᠲᠦ ᠬᠣᠲᠠ— ᠮᠠᠨᠵᠤᠤᠷ ᠬᠣᠶᠠᠷ
ᠮᠠᠨᠵᠤᠤᠷ ᠬᠣᠲᠠ ᠶᠢᠨ ᠳᠥᠷᠪᠡᠨ ᠤᠯᠠᠷᠢᠯ ᠲᠣᠳᠣᠷᠬᠠᠢ᠂ ᠥᠩᠭᠡ ᠦᠵᠡᠮᠵᠢ ᠨᠢ ᠲᠤᠰ ᠲᠤᠰ ᠲᠠᠭᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ᠃ ᠵᠤᠨ ᠤ ᠤᠯᠠᠷᠢᠯ ᠳ᠋ᠤ ᠡᠪᠡᠰᠦ ᠤᠷᠭᠤᠮᠠᠯ ᠨᠣᠭᠣᠭᠠᠷᠠᠨ ᠬᠠᠯᠢᠭᠤᠷᠠᠭᠠᠳ ᠬᠥᠬᠡ ᠣᠭᠲᠠᠷᠭᠤᠢ ᠬᠥᠬᠡᠮᠳᠦ᠋ᠭ ᠲᠠᠯ ᠠ ᠬᠠᠷᠠᠭᠳᠠᠵᠤ᠂ ᠠᠷᠠᠳ ᠤᠨ ᠵᠠᠩ ᠦᠢᠯᠡ ᠶᠢ ᠰᠣᠨᠢᠷᠬᠠᠨ᠂ ᠡᠪᠦᠯ ᠦ᠋ᠨ ᠤᠯᠠᠷᠢᠯ ᠳ᠋ᠤ ᠴᠠᠪ ᠴᠠᠭᠠᠨ ᠴᠠᠰᠤ ᠴᠠᠢᠷᠠᠨ᠂ ᠴᠠᠰᠤ ᠮᠥᠰᠥᠨ ᠱᠤᠭᠤᠮᠠᠯ ᠢ ᠦᠵᠡᠵᠦ᠂ ᠤᠮᠠᠷᠠᠲᠤ ᠣᠷᠣᠨ ᠤ ᠥᠩᠭᠡ ᠦᠵᠡᠮᠵᠢ ᠶᠢ ᠰᠣᠨᠢᠷᠬᠠᠵᠤ ᠪᠣᠯᠣᠨ ᠠ᠃
ᠡᠸ᠋ᠦᠷᠦ᠋ᠫᠡ ᠠᠽᠢᠶ ᠠ ᠬᠣᠶᠠᠷ ᠲᠢᠪ ᠢ ᠬᠣᠯᠪᠣᠭᠰᠠᠨ ᠲᠡᠮᠦ᠋ᠷ ᠵᠠᠮ ᠤᠨ ᠱᠤᠭᠤᠮ ᠨᠢ ᠬᠣᠲᠠ ᠶᠢ ᠡᠮᠦ᠋ᠨ ᠡ ᠤᠮᠠᠷ ᠠ ᠬᠣᠶᠠᠷ ᠬᠡᠰᠡᠭ ᠪᠣᠯᠭᠠᠨ ᠬᠤᠪᠢᠶᠠᠵᠤ᠂ ᠱᠠᠲᠤᠲᠤ ᠬᠥᠭᠥᠷᠭᠡ ᠨᠢ ᠬᠣᠶᠠᠷ ᠬᠡᠰᠡᠭ ᠢ ᠬᠣᠯᠪᠣᠵᠤ ᠪᠠᠢᠳᠠᠭ᠃ ᠲᠡᠷᠭᠡᠨ ᠥᠷᠲᠡᠭᠡ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠠᠶᠠᠨᠴᠢᠳ ᠤᠨ ᠲᠡᠷᠭᠡ ᠬᠦᠯᠢᠶᠡᠬᠦ ᠭᠡᠷ ᠢᠶᠡᠷ ᠵᠠᠭᠠᠭᠯᠠᠨ᠂ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠳ᠋ᠤ ᠬᠠᠨᠳᠤᠭᠤᠯᠤᠭᠰᠠᠨ ᠪᠠ ᠭᠠᠳᠠᠭᠠᠳᠤ ᠳ᠋ᠤ ᠬᠠᠨᠳᠤᠭᠤᠯᠤᠭᠰᠠᠨ ᠬᠣᠶᠠᠷ ᠲᠡᠷᠭᠡ ᠰᠣᠯᠢᠬᠤ ᠲᠠᠯᠠᠪᠠᠢ ᠲᠠᠢ᠃ ᠬᠣᠶᠠᠷ ᠠᠰ ᠲᠡᠮᠦ᠋ᠷ ᠵᠠᠮ ᠪᠠᠷᠠᠭᠤᠨᠰᠢ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠨᠥᠭᠥᠭᠡ ᠲᠠᠯ ᠠ ᠲᠡᠰᠢ ᠰᠤᠨᠤᠯᠵᠠᠵᠤ ᠪᠠᠢᠳᠠᠭ᠃
ᠶᠠᠪᠤᠭᠠᠨ ᠵᠠᠮ ᠤᠨ ᠬᠠᠵᠠᠭᠤ ᠶᠢᠨ ᠪᠠᠷᠢᠯᠭ ᠠ ᠨᠤᠭᠤᠳ ᠤᠨ ᠳᠤᠮᠳᠠ᠂ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠭᠣᠶᠣ ᠰᠠᠢᠬᠠᠨ᠂ ᠬᠡᠪ ᠮᠠᠶᠢᠭ ᠨᠢ ᠥᠪᠡᠷᠮᠢᠴᠡ᠂ ᠥᠨᠳᠥᠷ ᠰᠦᠷᠯᠢᠭ ᠠᠰᠠᠷ ᠪᠠᠷᠢᠯᠭ ᠠ ᠨᠤᠭᠤᠳ ᠪᠠᠢᠬᠤ ᠠᠴᠠ ᠭᠠᠳᠠᠨ ᠠ᠂ ᠲᠤᠰ ᠵᠠᠭᠤᠨ ᠠᠴᠠ ᠨᠠᠰᠢ ᠡᠬᠢᠯᠡᠵᠦ ᠪᠠᠢᠭᠤᠯᠤᠭᠰᠠᠨ ᠬᠠᠷᠢ ᠤᠯᠤᠰ ᠤᠨ ᠬᠡᠪ ᠨᠠᠮᠪᠠ ᠲᠠᠢ ᠣᠷᠣᠰ ᠮᠠᠶᠢᠭ ᠤᠨ ᠮᠣᠳᠣᠨ ᠭᠡᠷ ᠪᠣᠯᠣᠨ ᠴᠢᠯᠠᠭᠤᠨ ᠭᠡᠷ ᠤᠳ ᠪᠠᠢᠳᠠᠭ᠃
ᠬᠣᠲᠠ ᠶᠢᠨ ᠡᠮᠦ᠋ᠨᠡᠲᠦ ᠲᠣᠭᠣᠷᠢᠭ ᠪᠣᠯᠣᠨ ᠬᠣᠲᠠ ᠶᠢᠨ ᠬᠣᠢᠲᠤ ᠲᠣᠭᠣᠷᠢᠭ ᠨᠢ ᠮᠥᠰᠦ᠋ᠳ ᠥᠭᠡᠷ ᠡ ᠪᠠᠢᠳᠠᠭ᠃ ᠨᠢᠭᠡᠳᠦ᠋ᠭᠡᠷ ᠵᠡᠭᠡᠯᠢ ᠡᠴᠡ ᠭᠤᠷᠪᠠᠳᠤᠭᠠᠷ ᠵᠡᠭᠡᠯᠢ ᠬᠦᠷᠲᠡᠯᠡᠬᠢ ᠴᠢᠯᠠᠭᠤᠨ ᠭᠡᠷ ᠪᠣᠯᠣᠨ ᠮᠣᠳᠣᠨ ᠭᠡᠷ ᠤᠳ ᠨᠢ ᠠᠯᠭᠠᠰᠠᠨ ᠪᠠᠢᠷᠢᠰᠢᠵᠤ᠂ ᠶᠡᠷᠦ᠋ᠩᠬᠡᠢᠳᠡᠭᠡᠨ ᠴᠥᠮ ᠲᠡᠭᠰᠢ ᠭᠡᠮ ᠲᠠᠢ᠂ ᠭᠡᠷ ᠪᠣᠯᠣᠨ ᠭᠡᠷ ᠦ᠋ᠨ ᠬᠣᠭᠣᠷᠤᠨᠳᠣ ᠡᠮᠦ᠋ᠨ ᠡ ᠬᠣᠢᠨ ᠠ ᠪᠠᠨ ᠨᠡᠯᠢᠶᠡᠳ ᠶᠡᠬᠡ᠂ ᠭᠡᠷ ᠦ᠋ᠳ ᠨᠢ ᠴᠥᠮ ᠨᠡᠯᠢᠶᠡᠳ ᠠᠭᠤᠵᠢᠭᠤ ᠲᠣᠮᠣ ᠰᠡᠷᠢᠭᠦᠨ ᠲᠠᠭᠲᠤ ᠲᠠᠢ ᠪᠠᠢᠵᠤ᠂ ᠵᠤᠨ ᠳ᠋ᠠᠭᠠᠨ ᠬᠣᠭᠣᠯᠠ ᠴᠠᠢ ᠤᠤᠭᠤᠬᠤ ᠵᠠᠢ ᠲᠠᠢ᠂ ᠰᠡᠷᠢᠭᠦᠴᠡᠬᠦ ᠳ᠋ᠦ ᠬᠡᠷᠡᠭᠯᠡᠳᠡᠭ᠃ ᠭᠡᠷ ᠦ᠋ᠨ ᠡᠮᠦ᠋ᠨ ᠡ ᠠᠷᠤ ᠪᠠᠷ ᠨᠢ ᠡᠯ ᠡ ᠵᠦᠢᠯ ᠦ᠋ᠨ ᠨᠣᠭᠣᠭ ᠠ ᠵᠢᠮᠢᠰ ᠲᠠᠷᠢᠳᠠᠭ᠃ ᠮᠣᠳᠣ᠂ ᠵᠦᠯᠭᠡ ᠪᠣᠯᠣᠨ ᠴᠡᠴᠡᠷᠯᠢᠭ ᠦ᠋ᠳ ᠡᠮᠬᠢ ᠳᠢᠭᠯᠢᠮ ᠲᠠᠢ᠂ ᠡᠮᠦ᠋ᠨᠡᠲᠦ ᠲᠣᠭᠣᠷᠢᠭ ᠤᠨ ᠶᠡᠬᠡ ᠪᠠᠭ ᠠ ᠵᠡᠭᠡᠯᠢᠭᠤᠳᠤᠮᠵᠢ ᠨᠤᠭᠤᠳ ᠢᠶᠠᠷ ᠣᠷᠣᠵᠤ ᠣᠴᠢᠪᠠᠯ᠂ ᠤᠮᠠᠷᠠᠲᠤ ᠡᠸ᠋ᠦᠷᠦ᠋ᠫᠡ ᠶᠢᠨ ᠬᠥᠳᠡᠭᠡ ᠨᠤᠲᠤᠭ ᠤᠨ ᠥᠩᠭᠡ ᠦᠵᠡᠮᠵᠢ ᠲᠠᠢ ᠭᠠᠵᠠᠷ ᠢᠶᠠᠷ ᠠᠶᠠᠯᠠᠨ ᠵᠤᠭᠠᠴᠠᠵᠤ ᠪᠠᠢᠭ ᠠ ᠠᠳᠠᠯᠢ ᠪᠠᠢᠳᠠᠭ᠃
