ᠵᠤᠬᠢᠶᠠᠭᠴᠢ:
ᠴᠠᠭ:2022-03-18
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠬᠥᠬᠡ ᠮᠣᠷᠢᠨ ᠲᠠᠬᠢᠶᠠ
ᠥᠪᠥᠷ ᠮᠣᠩᠭᠣᠯ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠲᠦ ᠰᠦᠨᠳᠡᠷᠯᠡᠵᠦ ᠪᠠᠶᠢᠭᠠ ᠾᠧ ᠯᠠᠨ ᠱᠠᠨ ᠠᠭᠤᠯᠠᠨ ᠳᠤ ᠂ ᠠᠭᠤᠯᠠ ᠳᠦᠭᠦᠷᠡᠩ ᠴᠡᠯᠡᠭᠡᠷ ᠨᠣᠭᠣᠭᠠᠨ ᠣᠶ ᠰᠢᠭᠤᠶ ᠨᠢ ᠶᠠᠭ ᠯᠠ ᠰᠢᠷᠠ ᠡᠯᠡᠰᠦᠨ ᠴᠥᠯ ᠳᠦ ᠥᠩᠭᠡ ᠶᠢᠨ ᠨᠣᠭᠣᠭᠠᠨ ᠬᠠᠰ ᠰᠢᠭᠢᠳᠬᠡᠭᠰᠡᠨ ᠮᠡᠲᠦ ᠪᠠᠶᠢᠳᠠᠭ᠂ ᠬᠠᠷᠢᠨ ᠬᠥᠬᠡ ᠮᠣᠷᠢᠨ ᠲᠠᠬᠢᠶᠠ ᠪᠣᠯ ᠡᠨᠡ ᠬᠦ ᠠᠭᠤᠯᠠᠨ ᠣᠶ ᠶᠢᠨ ᠳᠣᠲᠣᠷᠠᠬᠢ ᠬᠠᠮᠤᠭ ᠠᠴᠠ ᠬᠥᠮᠦᠰ ᠦᠨ ᠠᠩᠬᠠᠷᠤᠯ ᠢ ᠲᠠᠲᠠᠳᠠᠭ᠂ ᠬᠠᠮᠤᠭ ᠤᠨ ᠬᠣᠪᠣᠷ ᠨᠠᠨᠳᠢᠨ ᠨᠠᠷᠠᠲᠤ ᠵᠢᠭᠦᠷᠲᠡᠨ ᠮᠥᠨ᠂ ᠤᠯᠤᠰ ᠤᠨ ᠬᠣᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠰᠢᠪᠠᠭᠤᠨ ᠤ ᠲᠥᠷᠥᠯ ᠪᠣᠯᠬᠤ ᠶᠤᠮ᠃ ᠮᠣᠷᠢᠨ ᠲᠠᠬᠢᠶᠠ ᠪᠣᠯ ᠥᠨᠳᠥᠷ ᠠᠭᠤᠯᠠ ᠶᠢᠨ ᠬᠠᠬᠢᠷ ᠬᠦᠢᠲᠡᠨ ᠣᠷᠣᠨ ᠤ ᠭᠤᠷᠭᠤᠤᠯ ᠪᠠᠶᠢᠵᠤ᠂ ᠳᠠᠯᠠᠶ ᠶᠢᠨ ᠲᠦᠪᠰᠢᠨ ᠡᠴᠡ 2000 ᠮᠧᠲ᠋ᠷ ᠡᠴᠡ ᠳᠡᠭᠡᠭᠰᠢ ᠡᠷᠭᠦᠭᠳᠡᠭᠰᠡᠨ ᠭᠠᠴᠤᠷᠠ ᠶᠢᠨ ᠣᠶ ᠪᠠ ᠴᠠᠷᠠᠰᠤᠨ ᠮᠣᠳᠣᠨ ᠤ ᠣᠶ ᠳᠤ ᠠᠮᠢᠳᠤᠷᠠᠳᠠᠭ ᠪᠤᠶᠤ ᠢᠭᠴᠤ ᠰᠠᠬᠤᠯᠢᠭ ᠠᠭᠤᠯᠠ ᠶᠢᠨ ᠤᠳᠠ᠂ ᠵᠡᠷᠭᠡ ᠰᠦᠷᠦᠭᠯᠡᠨ ᠠᠮᠢᠳᠤᠷᠠᠳᠠᠭ ᠃ ᠪᠡᠶᠡ ᠨᠢ ᠨᠡᠯᠢᠶᠡᠳ ᠲᠣᠮᠣ ᠂ 96 ᠰᠠᠨᠲ᠋ᠢᠮᠧᠲ᠋ᠷ ᠬᠦᠷᠴᠦ ᠂ ᠥᠳᠥ ᠨᠢ ᠬᠥᠬᠡ ᠰᠠᠭᠠᠷᠠᠯ ᠥᠩᠭᠡ ᠲᠡᠶ ᠂ ᠲᠣᠯᠣᠭᠠᠶ ᠳᠡᠭᠡᠷᠡ ᠨᠢ ᠨᠢᠭᠡ ᠪᠠᠭᠴᠠ ᠬᠠᠷᠠ ᠦᠰᠦ ᠲᠡᠶ ᠂ ᠨᠢᠭᠤᠷ ᠨᠢ ᠤᠯᠠᠭᠠᠨ ᠥᠩᠭᠡ ᠲᠡᠶ ᠂ ᠦᠰᠦ ᠦᠭᠡᠶ ᠃ ᠬᠥᠬᠡ ᠮᠣᠷᠢᠨ ᠲᠠᠬᠢᠶᠠ ᠶᠢᠨ ᠰᠣᠯᠣᠩᠭᠠᠨ ᠪᠦᠷᠬᠦᠪᠴᠢ ᠨᠢ ᠰᠢᠷᠠ ᠥᠩᠭᠡ ᠲᠡᠶ ᠂ ᠨᠢᠳᠦᠨ ᠳᠣᠸᠷᠠ ᠨᠢ ᠨᠢᠭᠡ ᠪᠠᠭᠴᠠ ᠴᠠᠭᠠᠨ ᠦᠰᠦ ᠲᠡᠶ ᠃ ᠬᠥᠯ ᠨᠢ ᠤᠯᠠᠭᠠᠨ ᠂ ᠰᠡᠭᠦᠯ ᠨᠢ 24 ᠮᠤᠷᠤᠶ ᠬᠥᠬᠡ ᠪᠣᠷᠣ ᠤᠷᠲᠤ ᠰᠡᠭᠦᠯᠲᠦ ᠥᠳᠥ ᠪᠡᠷ ᠪᠦᠲᠦᠵᠡᠶ ᠃ ᠰᠡᠭᠦᠯ ᠦᠨ ᠥᠳᠥ ᠶᠢᠨ ᠦᠵᠦᠭᠦᠷ ᠨᠢ ᠬᠠᠷᠠ ᠥᠩᠭᠡᠲᠡᠶ ᠂ ᠭᠣᠣᠯᠳᠠᠭᠤ ᠰᠢᠭᠦᠰᠦᠯᠢᠭ ᠵᠢᠮᠢᠰ ᠦᠨ ᠵᠦᠢᠯ ᠪᠠ ᠪᠤᠰᠤᠳ ᠤᠷᠭᠤᠮᠠᠯ ᠢ ᠢᠳᠡᠵᠦ ᠠᠮᠢᠳᠤᠷᠠᠳᠠᠭ ᠃
ᠬᠥᠬᠡ ᠮᠣᠷᠢᠨ ᠲᠠᠬᠢᠶᠠ ᠴᠠᠶᠢᠬᠤ ᠶᠢᠨ ᠦᠶᠡ ᠪᠡᠷ ᠪᠣᠰᠳᠠᠭ ᠲᠠᠢ᠂ ᠶᠡᠷᠦ ᠳᠡᠭᠡᠨ 10~30 ᠪᠠᠷ ᠠᠮᠢᠳᠤᠷᠠᠵᠤ ᠂ ᠴᠠᠶᠢᠬᠤ ᠶᠢᠨ ᠦᠶᠡ ᠪᠡᠷ ᠣᠶ ᠳᠤᠮᠳᠠᠭᠤᠷ ᠢᠳᠡᠰᠢ ᠡᠷᠢᠵᠦ ᠂ ᠢᠳᠡᠬᠦ ᠶᠢᠨ ᠳᠠᠭᠠᠤ ᠂ ᠬᠦᠩᠭᠢᠨᠡᠮᠡ ᠳᠠᠭᠤ ᠲᠠᠶ ᠪᠠᠶᠢᠳᠠᠭ ᠃ ᠦᠳᠡ ᠶᠢᠨ ᠦᠶᠡ ᠳᠦ ᠳᠡᠮᠡᠶ ᠬᠥᠳᠡᠯᠭᠡᠭᠡᠨ ᠬᠢᠬᠦ ᠦᠭᠡᠢ᠂ ᠣᠯᠠᠩᠬᠢ ᠨᠢ ᠡᠪᠡᠰᠦᠨ ᠦ ᠲᠠᠷᠬᠠᠵᠤ ᠠᠮᠠᠷᠠᠳᠠᠭ᠂ ᠦᠳᠡᠰᠢ ᠬᠦᠷ ᠬᠥᠭᠵᠢᠶᠡᠨ ᠲᠡᠶ ᠪᠤᠯᠵᠤ ᠡᠬᠢᠯᠡᠳᠡᠭ᠃ ᠰᠥᠨᠢ ᠳᠡᠭᠡᠨ ᠢᠭᠴᠤ ᠰᠠᠬᠤᠯᠢᠭ ᠮᠣᠳᠣᠨ ᠳᠤ ᠰᠦᠷᠦᠭᠯᠡᠵᠦ ᠂ ᠨᠢᠰᠳᠡᠭ ᠥᠬᠡᠶ ᠬᠠᠷᠢᠨ ᠦᠰᠦᠷᠴᠦ ᠂ ᠪᠣᠭᠣᠨᠢ ᠰᠠᠯᠠᠭᠠ ᠠᠴᠠ ᠨᠠᠩ ᠥᠨᠳᠥᠷ ᠮᠣᠳᠣᠨ ᠤ ᠮᠥᠴᠢᠷ ᠲᠦ ᠦᠰᠦᠷᠦᠨ ᠬᠦᠷᠴᠦ ᠂ ᠣᠷᠣᠶ ᠶᠢᠨ ᠦᠵᠦᠭᠦᠷ ᠦᠨ ᠮᠣᠳᠣᠨ ᠤ ᠮᠥᠴᠢᠷ ᠲᠦ ᠬᠦᠷᠲᠡᠯᠡ ᠦᠰᠦᠷᠳᠡᠭ ᠃ ᠲᠡᠳᠡᠨ ᠦ ᠪᠠ ᠰᠣᠨᠣᠷ ᠤᠨ ᠰᠡᠷᠡᠯ ᠨᠢ ᠬᠤᠷᠴᠠ ᠰᠡᠷᠭᠡᠭ ᠪᠠᠶᠢᠵᠤ ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠳᠦ ᠤᠴᠠᠷᠠᠪᠠᠯ ᠲᠦᠷᠭᠡᠨ ᠭᠦᠶᠦᠵᠦ ᠂ ᠳᠠᠶᠢᠰᠤᠨ ᠠᠴᠠ ᠵᠠᠶᠢᠯᠠᠨ ᠳᠤᠲᠠᠭᠠᠳᠠᠭ ᠃ ᠳᠠᠯᠠᠪᠴᠢ ᠨᠢ ᠪᠡᠶᠡ ᠬᠦᠨᠳᠦ ᠤᠴᠢᠷ ᠠᠴᠠ ᠡᠩ ᠦᠨ ᠴᠠᠭ ᠲᠤ ᠦᠭᠡᠶ ᠂ ᠤᠳᠠᠭᠠᠨ ᠨᠢᠰᠴᠦ ᠴᠢᠳᠠᠬᠤ ᠦᠭᠡᠶ ᠂ ᠶᠡᠷᠦ ᠳᠡᠭᠡᠨ ᠣᠶᠢᠷᠠ ᠵᠠᠶ ᠳᠤ ᠨᠢᠭᠡ ᠬᠡᠰᠡᠭ ᠳᠣᠸᠭᠤᠷ ᠨᠢᠰᠦᠭᠰᠡᠨ ᠦ ᠳᠠᠷᠠᠭᠠ ᠭᠠᠵᠠᠷ ᠰᠣᠩᠭᠣᠨ ᠪᠠᠭᠤᠵᠤ ᠂ ᠣᠶ ᠮᠣᠳᠣᠨ ᠤ ᠰᠢᠷᠭᠤᠨ ᠣᠷᠣᠳᠠᠭ ᠃