ᠵᠤᠬᠢᠶᠠᠭᠴᠢ:
ᠴᠠᠭ:2022-06-17
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠬᠠᠷᠭᠠᠨᠠ
ᠪᠣᠭᠣᠮᠲᠠ ᠶᠢᠨ ᠭᠠᠳᠠᠨᠠᠬᠢ ᠲᠠᠯᠠ ᠨᠤᠲᠤᠭ ᠲᠤ ᠲᠠᠪᠤᠨ ᠰᠠᠷᠠ ᠶᠢᠨ ᠡᠬᠢᠨ ᠦ ᠦᠶᠡ ᠪᠡᠷ ᠂ ᠡᠬᠡ ᠭᠠᠵᠠᠷ ᠳᠤᠯᠠᠭᠠᠷᠠᠵᠤ ᠂ ᠴᠠᠰᠤ ᠂ ᠠᠩᠬᠠ ᠦᠶᠡ ᠳᠦ ᠂ ᠪᠣᠳᠠ ᠪᠣᠳᠠ ᠬᠠᠷᠭᠠᠨᠠ ᠬᠠᠷᠢᠨ ᠮᠠᠰᠢ ᠣᠯᠠᠨ ᠴᠡᠴᠡᠭ ᠂ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠨᠠᠶᠢᠭᠤᠵᠤ ᠂ ᠲᠠᠯᠠ ᠨᠤᠲᠤᠭ ᠲᠤ ᠲᠠᠭᠠᠯᠠᠮᠵᠢᠲᠠᠶ ᠰᠠᠶᠢᠬᠠᠨ ᠥᠩᠭᠡ ᠦᠵᠡᠮᠵᠢ ᠨᠡᠮᠡᠷᠢᠯᠡᠭᠰᠡᠨ ᠃ ᠬᠠᠷᠭᠠᠨᠠ ᠪᠣᠯ ᠨᠢᠭᠡ ᠵᠦᠢᠯ ᠦᠨ ᠪᠤᠷᠴᠠᠭ ᠤᠨ ᠢᠵᠠᠭᠤᠷ ᠤᠨ ᠤᠷᠭᠤᠮᠠᠯ ᠃ ᠲᠡᠭᠦᠨ ᠦ ᠨᠢ ᠬᠡᠯᠪᠡᠷᠢᠲᠡᠶ ᠂ ᠠᠯᠲᠠᠨ ᠰᠢᠷᠭᠠᠯ ᠴᠡᠴᠡᠭ ᠦᠨ ᠬᠡᠯᠲᠡᠰ ᠨᠢ ᠠᠯᠲᠠᠨ ᠪᠢᠯᠵᠤᠤᠬᠠᠢ ᠰᠢᠭ᠋ ᠰᠠᠶᠢᠬᠠᠨ ᠪᠠᠶᠢᠳᠠᠭ ᠪᠠᠰᠠ ᠠᠯᠲᠠᠨ ᠪᠢᠯᠵᠤᠤᠬᠠᠢ ᠴᠡᠴᠡᠭ ᠭᠡᠳᠡᠭ ᠃
ᠬᠠᠷᠭᠠᠨᠠ ᠶᠢᠨ ᠨᠠᠪᠴᠢ ᠨᠠᠮᠠᠭᠠ ᠨᠢ ᠦᠵᠡᠰᠬᠦᠯᠡᠩ ᠂ ᠥᠩᠭᠡ ᠨᠢ ᠰᠣᠷᠭᠣᠭ ᠰᠠᠶᠢᠬᠠᠨ ᠪᠠᠶᠢᠳᠠᠭ ᠂ ᠥᠩᠭᠡᠷᠡᠭᠰᠡᠨ ᠳᠦ ᠡᠨᠡ ᠬᠦ ᠴᠡᠴᠡᠭ ᠨᠢ ᠭᠣᠣᠯᠳᠠᠭᠤ ᠬᠡᠭᠡᠷᠡ ᠶᠢᠨ ᠬᠡᠯᠪᠡᠷᠢ ᠪᠡᠷ ᠣᠷᠣᠰᠢᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠠᠭᠤᠯᠠᠨ ᠬᠥᠲᠥᠯ ᠳᠡᠭᠡᠷᠡ ᠂ ᠵᠠᠮ ᠤᠨ ᠬᠣᠶᠠᠷ ᠲᠠᠯᠠ ᠳᠤ ᠮᠠᠰᠢ ᠣᠯᠠᠨ ᠬᠠᠷᠠᠭᠳᠠᠳᠠᠭ ᠪᠠᠶᠢᠵᠠᠶ ᠃ ᠣᠳᠣᠬᠠᠨ ᠳᠤ ᠦᠷᠭᠦᠯᠵᠢ ᠴᠡᠴᠡᠷᠯᠢᠭ ᠦᠨ ᠨᠣᠭᠣᠭᠠᠷᠠᠭᠤᠯᠤᠯᠲᠠ ᠳᠤ ᠬᠡᠷᠡᠭᠯᠡᠳᠡᠭ ᠪᠥᠭᠡᠳ ᠫᠧᠩᠰᠡᠨ ᠳᠦ ᠵᠠᠶᠢᠯᠠᠵᠤ ᠴᠤ ᠪᠣᠯᠤᠨᠠ ᠃ ᠪᠦᠬᠦ ᠳᠡᠯᠡᠬᠡᠶ ᠳᠦ ᠪᠠᠷᠤᠭ 60 ᠭᠠᠷᠤᠶ ᠵᠦᠢᠯ ᠪᠠᠶᠢᠵᠤ ᠂ ᠳᠤᠮᠳᠠᠳᠤ ᠤᠯᠤᠰ ᠲᠤ ᠪᠠᠷᠤᠭ 50 ᠭᠠᠷᠤᠶ ᠵᠦᠢᠯ ᠪᠠᠶᠢᠨᠠ ᠃ ᠡᠲᠡᠭᠡᠷ ᠨᠢ ᠮᠣᠩᠭᠣᠯ ᠤᠨ ᠥᠨᠳᠥᠷᠯᠢᠭ ᠦᠨ ᠭᠠᠩ ᠬᠠᠭᠤᠷᠠᠶ ᠨᠥᠬᠥᠴᠡᠯ ᠳᠣᠸᠷᠠ ᠤᠯᠠᠷᠢᠨ ᠬᠥᠭᠵᠢᠵᠦ ᠂ ᠥᠪᠥᠷ ᠮᠣᠩᠭᠣᠯ ᠤᠨ ᠲᠠᠯᠠ ᠨᠤᠲᠤᠭ ᠪᠠ ᠡᠯᠡᠰᠦᠨ ᠴᠥᠯ ᠨᠡᠶᠢᠳᠡᠮ ᠤᠷᠭᠤᠵᠤ ᠪᠣᠶ ᠃ ᠬᠠᠮᠤᠭ ᠣᠯᠠᠨ ᠲᠣᠬᠢᠶᠠᠯᠳᠤᠳᠠᠭ ᠨᠢ ᠵᠢᠵᠢᠭ ᠨᠠᠪᠴᠢᠲᠤ ᠬᠠᠷᠭᠠᠨᠠ ᠂ ᠨᠢᠮᠪᠡᠭᠡ ᠬᠠᠷᠭᠠᠨᠠ ᠂ ᠳᠤᠮᠳᠠᠬᠢ ᠬᠠᠷᠭᠠᠨᠠ ᠪᠠ ᠨᠠᠷᠢᠨ ᠨᠠᠪᠴᠢᠲᠤ ᠬᠠᠷᠭᠠᠨᠠ ᠵᠡᠷᠭᠡ ᠪᠣᠯᠤᠨᠠ ᠃ ᠡᠳᠡᠭᠡᠷ ᠪᠣᠳᠠ ᠮᠣᠳᠣ ᠨᠢ ᠪᠦᠷ ᠥᠷᠭᠡᠰᠦ ᠲᠡᠶ ᠪᠣᠳᠠ ᠮᠣᠳᠣ ᠪᠠᠶᠢᠵᠤ ᠂ ᠨᠠᠷᠢᠨ ᠵᠢᠵᠢᠭ ᠨᠠᠪᠴᠢ ᠨᠢ ᠦᠷᠭᠦᠯᠵᠢ ᠪᠠᠭᠯᠠᠷᠠᠨ ᠤᠷᠭᠤᠵᠤ ᠂ ᠰᠢᠷᠠ ᠴᠡᠴᠡᠭ ᠨᠢ ᠡᠷᠪᠡᠬᠡᠶ ᠬᠡᠯᠪᠡᠷᠢᠲᠡᠶ ᠂ ᠪᠣᠷᠲᠣᠭᠣᠨ ᠬᠡᠯᠪᠡᠷᠢᠲᠡᠶ ᠪᠤᠶᠤ ᠵᠢᠭᠠᠬᠠᠨ ᠬᠠᠪᠲᠠᠭᠠᠶ ᠬᠣᠩᠭᠣᠷᠴᠠᠭᠲᠤ ᠵᠢᠮᠢᠰ ᠃ ᠲᠡᠭᠦᠨ ᠦ ᠨᠠᠪᠴᠢ ᠨᠠᠮᠠᠭᠠ ᠪᠠ ᠴᠡᠴᠡᠭ ᠨᠢ ᠪᠦᠷ ᠰᠠᠶᠢᠨ ᠪᠣᠷᠳᠣᠭᠠ ᠪᠠᠶᠢᠵᠤ ᠂ ᠰᠢᠮᠡ ᠲᠡᠵᠢᠭᠡᠯ ᠂ ᠢᠳᠡᠬᠦ ᠳᠦ ᠲᠣᠬᠢᠷᠠᠮᠵᠢᠲᠠᠶ ᠂ ᠬᠣᠨᠢ ᠪᠠ ᠲᠡᠮᠡᠭᠡ ᠢᠳᠡᠰᠢᠯᠡᠬᠦ ᠳᠤᠷᠠᠲᠠᠶ ᠂ ᠡᠯᠡᠰᠦ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠰᠢᠯᠢᠳᠡᠭ ᠰᠠᠶᠢᠨ ᠤᠷᠭᠤᠮᠠᠯ ᠪᠣᠯᠤᠨᠠ ᠃ ᠦᠨᠳᠦᠰᠦᠨ ᠦ ᠬᠡᠢ ᠶᠢ ᠳᠠᠷᠤᠵᠤ ᠴᠢᠰᠤ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠰᠢᠷᠪᠥᠰᠥ ᠶᠢ ᠲᠠᠯᠪᠢᠷᠠᠭᠤᠯᠬᠤ᠂ ᠴᠢᠭᠢᠭ ᠢ ᠠᠷᠢᠯᠭᠠᠵᠤ ᠰᠢᠭᠡᠯᠭᠡᠬᠦ᠂ ᠬᠠᠨᠢᠶᠠᠬᠤ ᠶᠢ ᠵᠣᠭᠰᠣᠭᠠᠵᠤ ᠴᠡᠷ ᠢ ᠃