ᠵᠤᠬᠢᠶᠠᠭᠴᠢ:
ᠴᠠᠭ:2024-08-16
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠥᠪᠥᠷ ᠮᠣᠩᠭᠤᠯ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠠᠶᠢᠷ
ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠠᠶᠢᠷ ᠢ ᠬᠡᠤᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠭᠤᠷᠪᠠᠳᠤᠭᠠᠷ ᠡᠳᠤᠷ ᠲᠤ ᠬᠢᠳᠡᠭ᠃
ᠪᠤᠷᠢᠶᠠᠳᠴᠤᠳ ᠮᠤᠩᠭᠤᠯ ᠥᠨᠳᠤᠰᠤᠳᠡᠨ ᠤ ᠨᠢᠬᠡ ᠤᠭᠰᠠᠭᠠ ᠪᠦᠭᠡᠳ ᠴᠥᠮ ᠲᠤᠭᠤᠨᠤ ᠲᠠᠢ ᠮᠤᠩᠭᠤᠯ ᠬᠡᠷ ᠲᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠲᠤᠯᠠ ᠬᠡᠤᠬᠡᠳ ᠢ ᠲᠡᠤᠬᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠮᠤᠩᠭᠤᠯ ᠬᠡᠷ ᠲᠤ ᠬᠦᠡᠭᠬᠡᠵᠢᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠡᠷᠳᠡ ᠥᠶᠠ ᠳᠡᠭᠡᠨ ᠪᠤᠷᠢᠶᠠᠳ ᠪᠦᠰᠡᠬᠦ᠋ᠢᠴᠤᠳ ᠭᠠᠯ ᠤᠨ ᠵᠡᠬᠦᠨ ᠲᠠᠯᠠ ᠳᠤ ᠤᠨᠳᠠᠳᠠᠭ ᠤᠷᠤᠨ ᠤ ᠪᠠᠨ ᠲᠤᠤᠷᠠ ᠭᠠᠵᠠᠷ ᠲᠤ ᠠᠷᠭᠠᠯ ᠤᠨ ᠬᠤᠬᠢᠷ ᠲᠡᠪᠢᠰᠴᠤ ᠬᠡᠤᠬᠡᠳ ᠢᠶᠠᠨ ᠬᠦᠡᠭᠭᠡᠵᠢᠳᠡᠭ ᠪᠠᠶᠢᠪᠠ᠃ ᠭᠤᠷᠪᠠᠳᠤᠭᠠᠷ ᠡᠳᠤᠷ ᠲᠡᠭᠡᠨ ᠬᠡᠤᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠠᠶᠢᠯ ᠴᠠᠭᠠᠨ ᠢᠳᠡᠭᠡ᠂ ᠲᠠᠪᠠᠭ ᠲᠠᠪᠰᠢ᠂ ᠴᠠᠢ ᠤᠰᠤ᠂ ᠮᠢᠬᠠ ᠱᠥᠯᠥ ᠪᠡᠯᠡᠳᠬᠡᠨ ᠬᠦᠷᠰᠢ ᠵᠡᠷᠬᠡᠯᠡᠳᠡᠭᠡ᠂ ᠲᠥᠷᠥᠯ ᠰᠠᠳᠤᠨ ᠪᠤᠶᠤ ᠥᠶᠡᠳᠡᠨ ᠨᠥᠬᠦᠳ ᠢᠶᠠᠨ ᠤᠷᠢᠵᠦ᠂ ᠲᠤᠭᠤᠨᠤᠳᠤ ᠲᠠᠶᠢᠳᠡᠭ᠃
ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠢ ᠲᠡᠤᠭᠡ ᠶᠢᠨ ᠤᠯᠠᠮᠵᠢᠯᠠᠯ ᠲᠠᠢ᠂ ᠰᠤᠶᠤᠯ᠂ ᠵᠠᠩ ᠲᠠᠳᠬᠠᠯ᠂ ᠰᠥᠰᠥᠭ ᠪᠢᠰᠢᠷᠡᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠭᠠᠯ ᠭᠤᠯᠤᠮᠳᠠ ᠲᠠᠬᠢᠬᠤ ᠲᠠᠬᠢᠯᠭᠠ ᠶᠢᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠠᠶᠢᠷ ᠨᠢ ᠲᠠᠷᠤᠢ ᠬᠡᠤᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠵᠦ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠬᠦᠨᠳᠤᠳᠬᠡᠨ ᠲᠠᠬᠢᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠲᠡᠯᠡᠬᠡᠢ ᠶᠢᠷᠳᠢᠨᠴᠤ ᠳᠤ ᠪᠤᠢ ᠪᠤᠯᠤᠭᠰᠠᠨ ᠥᠷᠠ ᠬᠡᠤᠬᠡᠳ ᠡᠪᠡᠳᠴᠢᠨ ᠥᠬᠡᠢ ᠡᠩᠬᠡ ᠰᠠᠷᠠᠭᠤᠯ ᠢᠳᠡᠷᠡᠬᠦᠨ ᠴᠢᠬᠢᠷᠠᠭ ᠥᠰᠥᠨ ᠪᠤᠶᠢᠵᠢᠬᠤ ᠶᠢᠨ ᠢᠷᠤᠭᠡᠯ ᠤᠨ ᠲᠠᠬᠢᠯᠭᠠ ᠶᠢᠨ ᠬᠡᠯᠪᠡᠷᠢ ᠶᠤᠮ᠃ ᠬᠤᠯᠠ ᠤᠢᠢᠷᠠ ᠠᠴᠠ ᠢᠷᠡᠭᠰᠡᠨ ᠬᠦᠮᠦᠰ ᠥᠨᠳᠤᠰᠤᠳᠡᠨ ᠤ ᠬᠤᠪᠴᠠᠰᠤ ᠪᠠᠨ ᠴᠡᠪᠡᠷ ᠰᠠᠶᠢᠬᠠᠨ ᠡᠮᠤᠰᠴᠤ ᠬᠡᠤᠬᠡᠳ ᠲᠤᠨᠢ ᠶᠡᠭᠡ ᠪᠠᠭᠠ ᠴᠤ ᠪᠡᠯᠡᠭ ᠲᠠᠢ ᠢᠷᠡᠵᠡᠬᠡᠵᠦ᠂ ᠪᠡᠯᠡᠭ ᠥᠭᠳᠡᠭ᠃ ᠪᠠᠰᠠ ᠤᠢᠢᠷᠠ ᠲᠥᠷᠥᠯ ᠰᠠᠳᠤᠨ ᠨᠢ ᠬᠡᠤᠬᠡᠳ ᠲᠤ ᠠᠳᠤᠭᠤ ᠮᠠᠯ ᠬᠤᠨᠢ ᠬᠤᠷᠠᠭᠠ ᠥᠭᠳᠡᠭ᠃ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠳᠤ ᠲᠤᠭᠤᠨᠤᠳᠤ ᠶᠢ ᠵᠤᠩᠭᠢᠯᠠᠭᠴᠢ ᠬᠡᠵᠦ ᠪᠠᠶᠢᠳᠠᠭ᠂ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠳᠤ ᠡᠮᠬᠢ ᠵᠠᠮᠪᠠᠷᠠᠭᠠ ᠲᠠᠢ ᠴᠠᠢ ᠠᠶᠠᠭᠠᠯᠠᠨ ᠴᠠᠭᠠᠨ ᠢᠳᠡᠭᠡᠨ ᠲᠠᠪᠠᠭ ᠲᠠᠯᠪᠢᠨ ᠲᠤᠭᠤᠨᠤᠳᠤ ᠲᠠᠶᠢᠵᠦ ᠡᠬᠢᠯᠡᠳᠡᠭ᠃ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠪᠤᠷᠬᠠᠨ ᠳᠠᠭᠠᠨ ᠬᠦᠵᠢ ᠵᠤᠯᠠ ᠪᠠᠷᠢᠵᠦ᠂ ᠴᠠᠢ ᠶᠢᠨ ᠲᠡᠬᠡᠵᠢ ᠢᠳᠡᠬᠦ ᠤᠤᠭᠤᠬᠤ ᠶᠠᠭᠤᠮᠠᠨ ᠤ ᠲᠡᠬᠡᠵᠢ ᠪᠠᠨ ᠪᠤᠷᠬᠠᠨ ᠳᠠᠭᠠᠨ ᠡᠷᠬᠦᠵᠦ᠂ ᠭᠠᠳᠠᠨᠠ ᠭᠠᠷᠴᠦ᠂ ᠬᠦᠬᠡ ᠲᠡᠭᠷᠢ ᠬᠦᠷᠦᠰᠦᠳᠤ ᠲᠡᠯᠡᠬᠡᠢ ᠤᠪᠤᠭᠠ ᠠᠭᠤᠯᠠ ᠤᠷᠤᠨ ᠲᠡᠯᠡᠬᠡᠢ ᠳᠡᠭᠡᠨ ᠡᠷᠬᠦᠯ ᠬᠢᠭᠰᠡᠨ ᠤ ᠲᠠᠷᠠᠭᠠ ᠵᠢᠩᠬᠢᠨᠢ ᠪᠠᠷ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠠᠶᠢᠷ ᠡᠬᠢᠯᠡᠳᠡᠭ᠃
ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠢ ᠬᠡᠤᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠰᠠᠮᠠᠭᠠᠨ ᠤ ᠣᠷᠣ︵ᠭᠠᠯ ᠤᠨ ᠵᠡᠬᠦᠨ ᠲᠠᠯᠠ︶ ᠶᠢᠨ ᠲᠤᠤᠷᠠᠳᠤ ᠲᠠᠯᠠ᠂ ᠠᠳᠠᠶᠢᠷ ᠲᠤᠬᠤᠨ︵ᠠᠶᠠᠭᠠ ᠰᠢᠨᠠᠭᠠ ᠶᠢᠨ ᠰᠢᠷᠡᠭᠡ︶ ᠤ ᠲᠡᠭᠡᠳᠤ ᠲᠠᠯᠠ ᠶᠢᠨ ᠵᠠᠪᠰᠠᠷ ᠲᠤ ᠬᠡᠷ ᠤᠨ ᠡᠵᠡᠨ ᠪᠡ ᠬᠦᠷᠥᠯᠴᠡᠨ ᠢᠷᠡᠭᠰᠡᠨ ᠬᠦᠮᠦᠰ ᠬᠠᠭᠤᠷᠠᠢ ᠬᠤᠰᠤ ᠮᠤᠳᠤ︵ᠲᠤᠬᠤᠢ ᠬᠦᠷᠬᠦ ᠥᠬᠡᠢ ᠤᠷᠳᠤ︶ ᠶᠢ ᠪᠡᠶᠠ ᠪᠡᠶᠠ ᠶᠢ ᠨᠢ ᠲᠥᠰᠢᠬᠦᠯᠦᠨ ᠤᠷᠴᠠ ᠪᠤᠰᠬᠠᠵᠦ᠂ ᠮᠤᠳᠤᠨ ᠲᠡᠭᠡᠷᠠ ᠪᠠᠨ ᠰᠢᠷᠠ ᠲᠤᠰᠤ ᠲᠥᠷᠬᠢᠨ ᠲᠤᠰᠤᠭᠠᠵᠦ᠂ ᠬᠤᠨᠢᠨ ᠤ ᠬᠠᠳᠠᠭᠰᠠᠨ ᠰᠡᠮᠡᠵᠡᠨ ᠥᠬᠡᠬᠦ ᠪᠠᠷ ᠮᠤᠳᠤ ᠪᠠᠨ ᠪᠦᠳᠡᠬᠡᠵᠦ᠂ ᠳᠡᠭᠡᠭᠦᠷ ᠨᠢ ᠬᠦᠬᠡ ᠬᠠᠳᠠᠭ ᠢᠶᠠᠷ ᠪᠦᠳᠡᠭᠡᠳᠡᠭ᠃ ᠲᠤᠭᠤᠨᠤᠳᠤ ᠲᠠᠬᠢᠯᠭᠠ ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠴᠠᠭᠠᠨ ᠢᠳᠡᠭᠡᠨ ᠲᠠᠪᠠᠭ ᠪᠠ ᠬᠤᠨᠢᠨ ᠤ ᠱᠠᠭᠠᠨᠲᠤ᠂ ᠲᠠᠯᠤ᠂ ᠬᠤᠰᠬᠢᠨᠠᠭ ᠵᠡᠷᠭᠡ ᠶᠢ ᠲᠠᠯᠪᠢᠵᠦ᠂ 2－3 ᠬᠤᠤᠰ ᠡᠷᠡᠭᠳᠡᠢ ᠡᠮᠡᠭᠳᠠᠶᠢᠴᠤᠳ ᠲᠤᠭᠤᠨᠤᠳᠤ ᠶᠢᠨ ᠭᠠᠯ ᠢ ᠲᠤᠭᠤᠷᠢᠨ ᠰᠠᠭᠤᠵᠦ᠂ ᠬᠤᠰᠤ ᠮᠤᠳᠤᠨ ᠤ ᠵᠤᠮᠤᠭᠤᠯ ᠢᠶᠠᠷ ᠲᠥᠰᠢᠬᠦᠯᠦᠭᠰᠠᠨ ᠮᠤᠳᠤᠨ ᠤ ᠲᠤᠤᠷᠠ ᠬᠦᠨᠳᠡᠢ ᠠᠴᠠ ᠭᠠᠯ ᠢᠶᠠᠨ ᠨᠤᠴᠤᠭᠠᠵᠦ ᠬᠦᠭᠵᠢᠭᠡᠭᠡᠳ᠂ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠳᠤ ᠭᠠᠯ ᠢ ᠲᠤᠭᠤᠷᠢᠨ ᠰᠠᠭᠤᠭᠰᠠᠨ ᠬᠦᠮᠦᠰ ᠵᠤᠬᠢᠬᠤ ᠭᠠᠵᠠᠷ ᠠᠴᠠ ᠬᠦᠭᠵᠢᠭᠰᠡᠨ ᠭᠠᠯ ᠢ ᠥᠯᠢᠶᠡᠵᠦ᠂ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠭᠠᠯ ᠢ ᠲᠥᠷᠬᠡᠨ ᠥᠯᠢᠶᠡᠵᠦ ᠬᠦᠭᠵᠢᠭᠡᠳᠡᠭ᠃ ᠠᠮᠠᠨ ᠳᠠᠭᠠᠨ ᠰᠢᠷᠠ ᠲᠤᠰᠤ ᠪᠠᠯᠭᠤᠵᠦ ᠬᠦᠭᠵᠢᠨ ᠨᠤᠴᠤᠵᠦ ᠪᠠᠶᠢᠭᠠ ᠭᠠᠯ ᠤᠷᠤᠭᠤ ᠲᠤᠷᠬᠢᠨ ᠥᠯᠢᠶᠡᠳᠡᠭ᠃ ᠢᠡᠭᠭᠢᠬᠦ ᠳᠤ ᠨᠤᠴᠤᠵᠦ ᠪᠠᠶᠢᠭᠠ ᠭᠠᠯ ᠤᠯᠠᠮ ᠪᠠᠳᠠᠷᠠᠨ ᠬᠦᠭᠵᠢᠵᠦ ᠲᠤᠭᠤᠨᠤᠳᠤ ᠶᠢᠨ ᠭᠠᠯ ᠨᠢ ᠥᠯᠢᠶᠡᠵᠦ ᠪᠠᠶᠢᠭᠠ ᠬᠦᠮᠦᠰ ᠦᠨ ᠠᠮᠠᠨ ᠤ ᠭᠠᠯ ᠯᠤᠭᠠ ᠵᠠᠯᠭᠠᠯᠳᠤᠳᠠᠭ᠃
ᠡᠷᠡᠭᠳᠠᠢ ᠡᠮᠡᠭᠳᠠᠢ ᠪᠦᠬᠦᠳᠡᠭᠡᠷ ᠢᠶᠠᠨ ᠠᠮᠠᠨ ᠳᠠᠭᠠᠨ ᠰᠢᠷᠠ ᠲᠤᠰᠤ ᠪᠠᠯᠭᠤᠵᠦ ᠥᠯᠢᠶᠡᠬᠦ ᠳᠤ ᠲᠤᠭᠤᠨᠤᠳᠤ ᠶᠢᠨ ᠭᠠᠯ ᠤᠯᠠᠮ ᠪᠠᠳᠠᠷᠠᠨ ᠬᠦᠭᠵᠢᠵᠦ ᠪᠦᠰᠠᠳᠠᠶᠢᠴᠤᠳ᠂ ᠪᠦᠰᠠᠬᠦ᠋ᠢᠴᠤᠳ ᠡᠮᠬᠢ ᠵᠢᠷᠤᠮ ᠲᠠᠢ ᠬᠠᠮᠳᠤᠪᠠᠷ ᠲᠤᠭᠤᠨᠤᠳᠤ ᠶᠢᠨ ᠭᠠᠯ ᠤᠷᠤᠭᠤ ᠴᠢᠳᠠᠮᠠᠭᠠᠢ ᠰᠠᠶᠢᠬᠠᠨ ᠥᠯᠢᠶᠡᠳᠡᠭ︵ᠬᠦᠮᠦᠨ ᠪᠦᠷᠢ ᠭᠤᠷᠪᠠ ᠤᠳᠠᠭᠠ ᠥᠯᠢᠶᠡᠳᠡᠭ︶᠃ ᠴᠢᠳᠠᠯ ᠲᠠᠢ ᠭᠠᠷᠮᠠᠭᠠᠢ ᠨᠢᠬᠡ ᠨᠢ ᠮᠸᠲᠷ ᠬᠤᠯᠠ ᠠᠴᠠ ᠰᠢᠷᠠ ᠲᠤᠰᠤ ᠲᠤᠷᠬᠢᠨ ᠥᠯᠢᠶᠡᠵᠦ᠂ ᠡᠷᠠ ᠴᠢᠳᠠᠯ ᠢᠶᠠᠨ ᠭᠠᠶᠢᠬᠠᠭᠤᠯᠳᠠᠭ᠃ ᠢᠡᠭᠭᠢᠵᠦ ᠬᠦᠭᠵᠢᠶᠡᠨ ᠲᠠᠢ ᠭᠠᠯ ᠢᠶᠠᠷ ᠲᠤᠭᠤᠨᠤᠳᠤ ᠲᠠᠬᠢᠬᠤ ᠲᠠᠬᠢᠯᠭᠠ ᠶᠠᠪᠤᠭᠳᠠᠭᠠᠳ ᠭᠠᠯ ᠨᠠᠮᠳᠠᠬᠤ ᠳᠤ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠬᠡᠤᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠰᠠᠮᠠᠭᠠᠨ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠶᠤᠰᠤᠭᠠᠷ ᠬᠡᠤᠬᠡᠳ ᠢᠶᠠᠨ ᠲᠡᠪᠡᠷᠢᠵᠦ ᠬᠡᠤᠬᠡᠳ ᠢᠶᠠᠨ ᠭᠠᠯ ᠲᠡᠭᠡᠷᠠ ᠭᠤᠷᠪᠠ ᠡᠷᠬᠢᠯᠳᠥᠬᠦᠯᠥᠨ ᠠᠷᠠᠮᠨᠠᠶᠢᠯᠠᠵᠦ᠂ ᠭᠠᠯ ᠢ ᠭᠤᠷᠪᠠ ᠲᠤᠭᠤᠷᠢᠬᠤ ᠳᠤ ᠪᠤᠰᠤᠳ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠳᠤ ᠢᠷᠡᠭᠰᠡᠳ ᠲᠠᠭᠠᠵᠦ ᠭᠠᠯ ᠢ ᠭᠤᠷᠪᠠ ᠤᠳᠠᠭᠠ ᠭᠤᠷᠤᠯᠠᠳᠠᠭ᠃ ᠢᠡᠭᠬᠢᠵᠦ ᠭᠤᠷᠤᠯᠠᠵᠦ ᠪᠠᠶᠢᠬᠤ ᠳᠠᠭᠠᠨ ᠲᠤᠮᠤᠭᠠ ᠥᠬᠡᠢ︵ᠲᠦᠢᠳᠬᠡᠷ︶ᠨᠢᠬᠡ ᠨᠢ ᠮᠤᠳᠤᠨ ᠤ ᠬᠥ᠋ ᠶᠢ ᠭᠠᠷ ᠲᠠᠭᠠᠨ ᠲᠥᠷᠬᠢᠵᠦ᠂ ᠪᠤᠰᠤᠳ ᠤᠨ ᠨᠢᠭᠤᠷ ᠲᠤ ᠬᠥ᠋ ᠲᠥᠷᠬᠢᠳᠡᠭ᠃ ᠪᠠᠰᠠ ᠬᠤᠨᠢᠨ ᠤ ᠴᠢᠨᠠᠭᠰᠠᠨ ᠬᠤᠰᠬᠢᠨᠠᠭ ᠢ ᠨᠢᠬᠡ ᠬᠦᠮᠦᠨ ᠪᠠᠷᠢᠵᠦ ᠨᠢᠬᠡ ᠨᠢᠭᠡᠨ ᠳᠦ ᠪᠡᠨ ᠬᠠᠵᠠᠭᠤᠯᠳᠠᠭ᠂ ᠬᠤᠰᠬᠢᠨᠠᠭ ᠬᠠᠵᠠᠬᠤ ᠬᠦᠮᠦᠨ ᠡᠷᠬᠡᠪᠰᠢ ᠬᠤᠰᠬᠢᠨᠠᠭ ᠢ ᠲᠥᠷᠬᠡᠨ ᠬᠤᠷᠳᠤᠴᠠ ᠪᠠᠷ ᠲᠡᠭᠰᠢ ᠪᠠᠷ ᠲᠠᠰᠤ ᠬᠠᠵᠠᠬᠤ ᠬᠡᠷᠡᠭᠳᠠᠢ ᠪᠠᠶᠢᠳᠠᠭ᠃ ᠬᠤᠨᠢᠨ ᠤ ᠬᠤᠰᠬᠢᠨᠠᠭ ᠢ ᠬᠠᠵᠠᠵᠦ ᠴᠢᠳᠠᠭᠰᠠᠨ ᠥᠬᠡᠢ ᠪᠤᠯ ᠬᠤᠨᠢᠨ ᠤ ᠬᠤᠰᠬᠢᠨᠠᠭ ᠢᠶᠠᠷ ᠢᠶᠠᠨ ᠲᠡᠷᠡ ᠬᠦᠮᠦᠨ ᠤ ᠲᠠᠷᠢᠬᠢ ᠤᠷᠤᠭᠤ ᠡᠷᠬᠢᠬᠦᠯᠦᠨ ᠰᠢᠪᠬᠠᠳᠠᠳᠠᠭ᠃ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠠᠶᠢᠷ ᠨᠢ ᠨᠤᠴᠤᠵᠦ ᠪᠠᠶᠢᠭᠰᠠᠨ ᠮᠤᠳᠤ ᠤᠷᠤᠭᠤ ᠰᠢᠷᠠ ᠲᠤᠰᠤ ᠪᠠᠷ ᠥᠯᠢᠶᠡᠬᠦ᠂ ᠮᠤᠳᠤᠨ ᠤ ᠬᠦ᠋ ᠪᠠᠷ ᠨᠢᠭᠤᠷ ᠨᠢᠭᠤᠷ ᠲᠠᠭᠠᠨ ᠲᠥᠷᠬᠢᠯᠴᠡᠬᠦ᠂ ᠬᠤᠰᠬᠢᠨᠠᠭ ᠬᠠᠵᠠᠭᠤᠯᠬᠤ᠂ ᠬᠤᠰᠬᠢᠨᠠᠭ ᠬᠠᠵᠠᠵᠦ ᠴᠢᠳᠠᠭᠰᠠᠨ ᠥᠬᠡᠢ ᠪᠤᠯ ᠬᠤᠰᠬᠢᠨᠠᠭ ᠢᠶᠠᠷ ᠨᠢᠭᠤᠷ ᠢ ᠨᠢ ᠰᠢᠪᠬᠠᠳᠠᠬᠤ ᠵᠡᠷᠬᠡ ᠨᠠᠭᠠᠳᠤᠮ ᠤᠳ ᠲᠤᠭᠤᠨᠤᠳᠤ ᠲᠠᠶᠢᠵᠦ ᠪᠠᠶᠢᠭᠰᠠᠨ ᠠᠶᠢᠯ ᠳᠤ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠳᠠᠭ᠃ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠳᠤ ᠢᠷᠡᠭᠰᠡᠨ ᠬᠦᠮᠦᠨ ᠤᠯᠠᠨ᠂ ᠨᠠᠶᠢᠷ ᠨᠢ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠪᠠᠯ ᠡᠨᠡ ᠠᠶᠢᠯ ᠤᠨ ᠭᠠᠯ ᠭᠤᠯᠤᠮᠳᠠ ᠪᠠᠳᠠᠷᠠᠨ ᠬᠦᠭᠵᠢᠵᠦ᠂ ᠥᠷᠠ ᠬᠡᠤᠬᠡᠳ ᠨᠢ ᠡᠪᠡᠳᠴᠢᠨ ᠲᠠᠬᠤᠯ ᠥᠬᠡᠢ ᠥᠰᠥᠨ ᠪᠤᠶᠢᠵᠢᠵᠦ᠂ ᠪᠦᠬᠦ ᠬᠡᠷ ᠢᠶᠠᠷ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠡᠯᠬᠡ ᠲᠡᠮᠪᠡᠷᠢᠯ ᠲᠠᠢ ᠥᠬᠡᠳᠡᠯᠡᠨ ᠮᠠᠨᠳᠤᠵᠦ᠂ ᠬᠡᠤᠬᠡᠳ ᠤᠨ ᠲᠤᠭᠤᠨᠤᠳᠤ ᠶᠢ ᠲᠠᠶᠢᠭᠰᠠᠨ ᠠᠴᠠ ᠭᠠᠯ ᠭᠤᠯᠤᠮᠳᠠ ᠨᠢ ᠮᠠᠨᠳᠤᠨ ᠬᠦᠭᠵᠢᠵᠦ ᠠᠳᠤᠭᠤ ᠮᠠᠯ ᠨᠢ ᠥᠨᠢᠷ ᠥᠰᠴᠤ᠂ ᠪᠦᠬᠦ ᠬᠡᠷ ᠢᠶᠠᠷ ᠢᠶᠠᠨ ᠵᠤᠯ ᠵᠢᠷᠭᠠᠯᠳᠠᠢ ᠠᠮᠢᠳᠤᠷᠠᠬᠤ ᠶᠢᠨ ᠪᠡᠯᠬᠡ ᠲᠠᠮᠳᠡᠭ ᠶᠤᠮ᠃
ᠲᠤᠭᠤᠨᠤᠳᠤ ᠲᠠᠶᠢᠵᠦ ᠪᠠᠷᠠᠭᠰᠠᠨ ᠤ ᠰᠡᠬᠦᠯ ᠳᠤ ᠬᠡᠤᠬᠡᠳ ᠤᠨ ᠬᠤᠶᠢᠳᠤᠬᠢ ᠶᠢ ᠪᠢᠴᠢᠬᠠᠨ ᠢᠰᠡᠭᠡᠢ ᠤᠭᠤᠳᠠᠨ ᠳᠤ ᠬᠢᠵᠦ᠂ ᠤᠭᠤᠲᠠᠨ ᠲᠤᠳᠤᠷᠠ ᠨᠢ ᠲᠠᠷᠢᠶᠠ᠂ ᠲᠠᠪᠤᠨ ᠥᠡᠭᠭᠡ ᠶᠢᠨ ᠲᠤᠷᠭᠠ ᠲᠤᠷᠳᠤᠩ᠂ ᠲᠠᠪᠤᠨ ᠥᠡᠭᠭᠡ ᠶᠢᠨ ᠴᠢᠯᠠᠭᠤ᠂ ᠵᠤᠭᠤᠰ ᠮᠥᠡᠭᠬᠦ᠂ ᠡᠷᠳᠡᠨᠢ ᠶᠢᠨ ᠵᠦᠢᠯ ᠵᠡᠷᠬᠡ ᠶᠢ ᠬᠢᠵᠦ᠂ ᠤᠯᠠᠭᠠᠨ ᠤᠳᠠᠰᠤ ᠪᠤᠶᠤ ᠡᠭᠡᠷᠡᠭᠰᠡᠨ ᠲᠡᠮᠡᠭᠡᠨ ᠨᠣᠣᠰᠣᠨ ᠤᠲᠠᠰᠤ ᠪᠠᠷ ᠤᠶᠠᠭᠠᠳ ᠨᠢᠬᠡ ᠳᠤ᠂ ᠲᠤᠭᠤᠨᠤᠳᠤ ᠲᠠᠶᠢᠭᠰᠠᠨ ᠭᠠᠵᠠᠷ ᠲᠠᠷᠤᠢ ᠡᠬᠡ ᠶᠢᠨ ᠬᠡᠪᠡᠯᠢ ᠠᠴᠠ ᠤᠨᠠᠭᠰᠠᠨ ᠤᠷᠤᠨ ᠤ ᠲᠤᠤᠷᠠ ᠲᠠᠯᠠ ᠳᠤ ᠪᠤᠯᠠᠳᠠᠭ᠃ ᠬᠤᠶᠠᠷ ᠲᠤ᠂ ᠬᠡᠷ ᠤᠨ ᠭᠠᠳᠠᠨᠠ ᠠᠷᠢᠭᠤᠨ ᠭᠠᠵᠠᠷ ᠲᠤ ᠪᠤᠯᠠᠳᠠᠭ᠃ ᠭᠤᠷᠪᠠ ᠳᠤ᠂ ᠭᠠᠳᠠᠨᠠ ᠲᠥᠯᠥᠭᠰᠡᠨ ᠭᠠᠯ ᠤᠨ ᠠᠷᠭᠠᠯ ᠤᠨ ᠥᠨᠡᠰᠥ ᠠᠷᠢᠭᠤᠨ ᠬᠡᠵᠦ ᠥᠨᠡᠰᠥᠨ ᠳᠤ ᠪᠤᠯᠠᠳᠠᠭ᠃ ᠤᠨᠴᠠᠭᠠᠢᠯᠠᠨ ᠴᠡᠬᠡᠷᠯᠡᠬᠦ ᠨᠢ ᠬᠡᠤᠬᠡᠳ ᠤᠨ ᠬᠤᠶᠢᠳ᠋ᠤᠬᠢ ᠶᠢ ᠭᠤᠤᠯ ᠤᠰᠤ᠂ ᠪᠤᠯᠠᠭ ᠤᠨ ᠡᠬᠢ ᠤᠢᠷᠠᠯᠴᠠᠭᠠ ᠪᠤᠯᠠᠵᠦ ᠪᠤᠯᠬᠤ ᠥᠬᠡᠢ ᠮᠥᠷᠳᠡᠭᠡᠨ ᠬᠦᠳᠡᠭᠡ ᠬᠠᠶᠠᠳᠠᠭ ᠥᠬᠡᠢ᠂ ᠬᠦᠮᠦᠨ ᠤ ᠮᠥᠷ ᠭᠠᠵᠠᠷ ᠬᠠᠶᠠᠬᠤ ᠪᠤᠶᠤ ᠪᠤᠯᠠᠵᠦ ᠪᠤᠯᠬᠤ ᠥᠬᠡᠢ᠂ ᠡᠷᠬᠡᠪᠰᠢ ᠨᠢᠬᠡ ᠲᠤᠬᠤᠢ ᠠᠴᠠ ᠲᠤᠤᠷᠠ ᠭᠠᠵᠠᠷ ᠲᠤ ᠪᠤᠯᠠᠳᠠᠭ᠃ ᠬᠡᠤᠬᠡᠳ ᠤᠨ ᠲᠥᠷᠥᠭᠰᠡᠨ ᠨᠤᠳᠤᠭ ᠲᠤᠭᠤᠨᠤᠳᠤ ᠶᠢ ᠲᠠᠬᠢᠭᠰᠠᠨ ᠭᠠᠵᠠᠷ ᠢ ᠬᠦᠮᠦᠨ ᠤ ᠲᠤᠭᠤᠨᠤᠳᠤ ᠨᠤᠳᠤᠭ ᠭᠡᠳᠡᠭ᠃ ᠲᠤᠭᠤᠨᠤᠳᠤ ᠲᠠᠶᠢᠭᠰᠠᠨ ᠭᠠᠵᠠᠷ ᠤᠨ ᠰᠢᠷᠤᠢ ᠠᠴᠠ ᠨᠢᠬᠡ ᠪᠠᠭᠠ ᠰᠢᠷᠤᠢ ᠠᠪᠴᠤ ᠪᠦᠰ ᠢᠶᠠᠷ ᠪᠠᠭᠯᠠᠨ ᠤᠶᠤᠵᠤ ᠬᠡᠤᠬᠡᠳ ᠤᠨ ᠲᠠᠷᠢᠬᠢ ᠪᠠᠭ︵ᠲᠤᠯᠤᠭᠠᠢ ᠶᠢᠨ ᠤᠢᠷᠠᠯᠴᠠᠭᠠ︶ ᠲᠤ ᠥᠯᠥᠬᠡᠢ ᠲᠤᠳᠤᠷᠠ ᠲᠠᠯᠪᠢᠵᠦ ᠬᠡᠤᠬᠡᠳ ᠤᠨ ᠠᠮᠤᠷ ᠮᠡᠨᠳᠤ ᠥᠰᠥᠨ ᠪᠤᠶᠢᠵᠢᠬᠤ ᠶᠢ ᠪᠡᠯᠡᠭᠯᠡᠵᠦ ᠪᠠᠶᠢᠳᠠᠭ᠃ ᠬᠡᠤᠬᠡᠳ ᠲᠤᠮᠤ ᠪᠤᠯᠵᠦ ᠤᠨᠳᠤᠤ ᠨᠤᠳᠤᠭ ᠲᠤ ᠶᠠᠪᠤᠪᠠᠯ ᠲᠠᠷᠡ ᠰᠢᠷᠤᠢ ᠪᠠᠨ ᠠᠪᠤᠭᠠᠳ ᠶᠠᠪᠤᠳᠠᠭ᠂ ᠪᠠᠰᠠ ᠪᠡᠶᠠ ᠳᠡᠭᠡᠨ ᠵᠡᠬᠦᠵᠦ ᠶᠠᠪᠤᠳᠠᠭ ᠴᠤ ᠪᠤᠢ᠃ ᠬᠡᠤᠬᠡᠳ ᠤᠨ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠨᠢ ᠬᠡᠤᠬᠡᠳ ᠲᠤ ᠭᠠᠢ ᠪᠠᠷᠴᠢᠳ ᠥᠬᠡᠢ ᠲᠠᠷᠤᠢ ᠡᠪᠡᠳᠴᠢᠨ ᠲᠠᠬᠤᠯ ᠥᠬᠡᠢ ᠲᠤᠷᠨᠢᠨ ᠥᠰᠴᠤ᠂ ᠤᠷᠳᠤ ᠨᠠᠰᠤᠯᠠᠵᠦ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠶᠤᠮ᠂ ᠪᠠᠰᠠ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠬᠡᠯᠪᠡᠷᠢ ᠪᠠᠷ ᠬᠡᠷ ᠤᠷᠤᠨ ᠢᠶᠠᠨ ᠭᠠᠯ ᠢᠶᠠᠷ ᠤᠳᠤᠵᠦ ᠴᠡᠪᠡᠷᠯᠡᠵᠦ᠂ ᠬᠦᠬᠡ ᠲᠡᠭᠷᠢ ᠬᠦᠷᠦᠰᠦᠳᠤ ᠠᠯᠳᠠᠨ ᠲᠡᠯᠡᠬᠡᠢ ᠶᠢ ᠠᠷᠢᠭᠤᠳᠬᠠᠨ ᠲᠠᠬᠢᠵᠦ ᠪᠠᠶᠢᠭᠠ ᠲᠠᠬᠢᠯᠭᠠ ᠪᠤᠯᠬᠤᠷ ᠠᠷᠢᠭᠤᠨ ᠴᠡᠪᠡᠷ ᠭᠠᠯ ᠤᠨ ᠠᠷᠢᠭᠤᠳᠬᠠᠯ ᠤᠬᠢᠶᠠᠯ ᠤᠨ ᠲᠠᠬᠢᠯᠭᠠ ᠶᠢᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠶᠢ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠲᠦᠢᠯ ᠢᠶᠠᠷ ᠬᠦᠨᠳᠤᠳᠭᠡᠨ ᠥᠵᠡᠵᠦ ᠪᠠᠶᠢᠭᠰᠠᠨ᠃
ᠲᠤᠮᠳᠠᠳᠤ ᠤᠯᠤᠰ ᠤᠨ ᠪᠤᠷᠢᠶᠠᠳᠴᠤᠳ《ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ》 ᠤᠨ ᠡᠮᠤᠨᠡᠬᠡᠨ ᠪᠣᠯᠲᠠᠯᠠ ᠲᠤᠭᠤᠨᠤᠳᠤ ᠲᠠᠶᠢᠵᠦ ᠪᠠᠶᠢᠭᠰᠠᠨ᠃ ᠤᠷᠤᠰ ᠲᠠᠬᠢ ᠪᠤᠷᠢᠶᠠᠳᠴᠤᠳ ᠮᠥᠨ 20 ᠵᠠᠭᠤᠨ ᠤ 30－40 ᠤᠨ ᠤ ᠥᠶᠠ ᠪᠤᠯᠳᠠᠯᠠ ᠲᠤᠭᠤᠨᠤᠳᠤ ᠲᠠᠶᠢᠵᠦ ᠪᠠᠶᠢᠭᠰᠠᠨ᠃ ᠡᠶᠢᠮᠤ ᠠᠴᠠ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠲᠤᠭᠤᠨᠤᠳᠤ ᠲᠠᠶᠢᠬᠤ ᠶᠢ ᠬᠦᠨᠳᠤᠳᠬᠡᠨ ᠥᠵᠡᠵᠦ 《ᠲᠤᠭᠤᠨᠤᠳᠤ ᠨᠤᠳᠤᠭ》ᠬᠡᠰᠡᠨ ᠠᠯᠳᠠᠷᠳᠤ ᠲᠠᠭᠤᠤ ᠲᠠᠢ ᠴᠤ ᠪᠠᠶᠢᠭᠰᠠᠨ ᠶᠤᠮ᠃
