ᠵᠤᠬᠢᠶᠠᠭᠴᠢ:
ᠴᠠᠭ:2024-09-30
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠵᠠᠰᠠᠭ ᠤᠨ ᠶᠠᠪᠤᠳᠠᠯ ᠤᠨ ᠮᠤᠩᠭᠤᠯ ᠰᠦᠯᠵᠢᠶᠡ
ᠴᠠᠭᠠᠨ ᠳᠤᠰᠦ
ᠴᠠᠭᠠᠨ ᠳᠤᠰᠦ ᠪᠣᠯ ᠦᠵᠦᠮᠦᠴᠢᠨ ᠴᠠᠭᠠᠨ ᠢᠳᠡᠭᠡᠨ ᠤ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠵᠦᠢᠯ᠂ ᠪᠤᠯᠤᠭᠰᠠᠨ ᠰᠦᠨ ᠤ ᠪᠦᠳᠦᠭᠡᠭᠳᠡᠬᠦᠨ᠂ ᠦᠷᠦᠮᠡ ᠶᠢᠨ ᠬᠤᠪᠢᠯᠠᠪᠤᠷᠢ ᠃ ᠲᠡᠷᠡ ᠨᠢ ᠦᠷᠦᠮᠡ ᠶᠢ ᠬᠠᠪᠰᠤᠷᠴᠦ ᠬᠠᠲᠠᠭᠠᠬᠤ ᠪᠢᠰᠢ᠂ ᠬᠠᠷᠢᠨ ᠪᠠᠷᠢᠨ ᠳᠤᠭᠤᠭᠠᠨ ᠠᠴᠠ ᠬᠠᠮᠤᠵᠦ ᠠᠪᠴᠦ ᠮᠠᠵᠢᠭᠠᠳ᠂ ᠪᠤᠭ ᠮᠠᠯ ᠤᠨ ᠭᠦᠵᠡᠭᠡᠨ ᠳᠤ ᠬᠢᠵᠦ ᠤᠷᠲᠦ ᠬᠤᠭᠤᠴᠠᠭᠠ ᠪᠠᠷ ᠬᠠᠲᠠᠭᠠᠯᠠᠵᠦ ᠲᠠᠯᠪᠢᠳᠠᠭ᠃ ᠲᠠᠯᠪᠢᠬᠤ ᠲᠤᠳᠤᠮ ᠪᠦᠭᠡᠮᠨᠡᠷᠡᠵᠦ ᠴᠢᠩᠭᠠᠷᠠᠨ ᠢᠰᠴᠦ ᠬᠦᠴᠢᠯᠰᠢᠭᠡᠳ᠂ ᠬᠠᠲᠠᠬᠤ ᠳᠠᠭᠠᠨ ᠦᠶᠡ ᠥᠶᠡ ᠰᠢᠷᠠᠯᠠᠵᠦ ᠴᠠᠶᠢᠷᠠᠭᠠᠳ᠂ ᠡᠷᠢᠶᠡᠯᠡᠭᠰᠡᠨ ᠵᠦᠭᠡᠯᠡᠨ ᠬᠠᠷᠢᠮᠠᠬᠠᠢ ᠪᠦᠬᠦᠯᠢ ᠴᠤᠭᠴᠠ ᠪᠤᠯᠳᠠᠭ᠃
ᠴᠠᠭᠠᠨ ᠳᠤᠰᠦ ᠶᠢ ᠦᠵᠦᠮᠦᠴᠢᠨ ᠳᠤ ᠵᠣᠨ ᠨᠠᠮᠤᠷ ᠬᠤᠷᠢᠶᠠᠵᠦ᠂ ᠡᠪᠦᠯ ᠬᠠᠪᠤᠷ ᠤᠨ ᠨᠦᠭᠡᠴᠡ ᠴᠠᠭᠠᠨ ᠢᠳᠡᠭᠡᠨ ᠪᠦᠭᠡᠳ ᠰᠢᠮᠡ ᠳᠡᠵᠢᠭᠡᠯ ᠪᠦᠷᠢᠨ᠂ ᠦᠨᠦᠷ ᠠᠩᠭᠢᠯᠤᠮᠠᠯ᠂ ᠠᠮᠳᠠ ᠬᠦᠴᠢᠯᠯᠢᠭ ᠲᠤᠯᠠ ᠨᠠᠰᠤᠳᠠᠶᠢᠴᠤᠳ ᠢᠳᠡᠬᠦ ᠳᠤ ᠲᠤᠬᠢᠷᠠᠮᠵᠢᠳᠠᠢ᠃ ᠡᠶᠢᠮᠦ ᠠᠴᠠ ᠴᠠᠭᠠᠨ ᠳᠤᠰᠦ ᠨᠢ ᠡᠪᠦᠯ ᠬᠠᠪᠤᠷ ᠤᠨ ᠴᠠᠢ ᠶᠢᠨ ᠬᠢᠴᠡ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠥᠩᠭᠡ᠂ ᠨᠢᠭᠡ ᠵᠦᠢᠯ ᠤᠨ ᠲᠤᠰᠬᠠᠢ ᠴᠠᠭᠠᠨ ᠢᠳᠡᠭᠡᠨ ᠪᠠᠶᠢᠳᠠᠭ᠃
