ᠵᠤᠬᠢᠶᠠᠭᠴᠢ:
ᠴᠠᠭ:2024-11-08
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠡ
ᠤᠯᠠᠭᠠᠨ ᠢᠳᠡᠭᠡᠨ
ᠮᠠᠯ ᠭᠠᠷᠭᠠᠬᠤ ᠶᠢ《ᠮᠢᠬᠠ ᠭᠠᠷᠭᠠᠬᠤ》ᠭᠡᠵᠤ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠤᠯᠠᠭᠠᠨ ᠢᠳᠡᠭᠡᠨ ᠢ ᠴᠢᠨᠠᠬᠤ ᠳᠤ᠂ ᠶᠠᠰᠤ ᠶᠢ ᠨᠢ ᠬᠤᠭᠤ ᠪᠠᠯᠪᠠ ᠴᠤᠬᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠦᠶᠡ ᠦᠶᠡ ᠪᠠᠷ ᠨᠢ ᠲᠤᠶᠠᠴᠢᠨ ᠨᠤᠭᠤᠴᠠᠬᠤ ᠭᠡᠷᠡᠭᠳᠠᠢ᠃ ᠲᠦᠬᠦᠬᠡᠢ ᠮᠢᠬᠠ ᠱᠤᠯᠤᠬᠤ ᠳᠠᠭᠠᠨ ᠵᠠᠪᠠᠯ ᠶᠠᠰᠤᠨ ᠲᠡᠭᠡᠷᠡ ᠨᠢ ᠮᠦᠯᠵᠢᠬᠦᠷ ᠮᠢᠬᠠ ᠦᠯᠡᠳᠡᠭᠡᠬᠦ ᠶᠤᠰᠤ ᠲᠠᠢ᠃ ᠬᠦᠯᠡᠶᠢᠳᠡᠯᠡ ᠱᠤᠯᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠡᠶᠢᠮᠤ ᠠᠴᠠ《ᠮᠦᠭᠡᠷ ᠲᠠᠢ ᠪᠤᠯ ᠲᠡᠷᠭᠡ ᠰᠠᠶᠢᠬᠠᠨ᠂ ᠮᠦᠯᠵᠢᠬᠦᠷ ᠲᠠᠢ ᠪᠤᠯ ᠶᠠᠰᠤ ᠰᠠᠶᠢᠬᠠᠨ》ᠭᠡᠵᠤ ᠮᠤᠩᠭᠤᠯᠴᠤᠳ ᠬᠡᠯᠡᠳᠡᠭ᠃ ᠴᠢᠨᠠᠭᠰᠠᠨ ᠶᠠᠰᠤ ᠶᠢ ᠮᠦᠯᠵᠢᠬᠦ ᠳᠤ ᠠᠳᠡ ᠲᠡᠨᠳᠡ ᠨᠢ ᠠᠷᠠᠮᠠᠭ ᠲᠠᠷᠠᠮᠠᠭ ᠮᠢᠬᠠ ᠦᠯᠡᠳᠡᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠬᠦᠯᠡᠶᠢᠳᠡᠯᠡ ᠰᠠᠶᠢᠬᠠᠨ ᠮᠦᠯᠵᠢᠬᠦ ᠶᠤᠰᠤ ᠲᠠᠢ᠃《ᠶᠠᠰᠤ ᠶᠢ ᠨᠢ ᠰᠠᠶᠢᠬᠠᠨ ᠮᠦᠯᠵᠢᠪᠡᠯ ᠮᠠᠯ ᠲᠦᠷᠭᠡᠨ ᠲᠦᠷᠦᠯ ᠤᠯᠳᠠᠭ ᠭᠡᠨᠡ》᠃ ᠰᠢᠬᠦᠰᠤ᠂ ᠡᠪᠴᠢᠬᠦᠦ ᠵᠡᠷᠭᠡ ᠶᠢ ᠴᠢᠨᠠᠬᠤ ᠳᠤ ᠭᠡᠳᠡᠰᠤ ᠲᠤᠳᠤᠷ ᠲᠠᠢ ᠨᠢ ᠨᠡᠶᠢᠯᠡᠬᠦᠯᠦᠨ ᠴᠢᠨᠠᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠰᠢᠬᠦᠰᠦ ᠲᠠᠪᠬᠠᠯᠠᠬᠤ ᠳᠤ ᠭᠡᠳᠡᠰᠤ ᠲᠤᠳᠤᠷ ᠢ ᠬᠠᠮᠳᠤ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠰᠢᠬᠦᠰᠤ ᠲᠡᠭᠡᠷᠡ ᠲᠤᠯᠤᠭᠠᠢ ᠲᠠᠯᠪᠢᠬᠤ ᠳᠠᠭᠠᠨ ᠪᠦᠳᠤᠨ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠩᠨᠠᠢ ᠳᠤᠨᠢ ᠬᠡᠷᠴᠢᠯᠡᠭᠡᠰᠤ ᠭᠠᠷᠭᠠᠭᠠᠳ ᠲᠠᠯᠪᠢᠬᠤ ᠶᠤᠰᠤᠲᠠᠢ᠃ ᠵᠤᠴᠢᠨ ᠬᠦᠮᠦᠨ ᠳᠤ᠂ ᠪᠦᠬᠦᠯᠢ ᠬᠤᠳᠤᠭᠤᠳᠤ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠬᠤᠳᠤᠭᠤᠳᠤ ᠶᠢ ᠠᠮᠠᠨ ᠭᠡᠰᠢᠭ ᠤᠨ ᠪᠡᠯᠭᠡᠳᠡᠯ ᠭᠡᠳᠡᠭ ᠲᠤᠯᠠ᠂ ᠠᠮᠠᠨ ᠬᠡᠰᠢᠭ ᠢᠶᠠᠨ ᠠᠯᠳᠠᠬᠤ ᠠᠴᠠ ᠬᠡᠴᠢᠶᠡᠭᠰᠠᠨ ᠤᠳᠬᠠ ᠲᠠᠢ᠂ ᠬᠡᠷᠪᠡ ᠪᠦᠳᠦᠨ ᠬᠤᠳᠤᠭᠤᠳᠤ ᠲᠠᠪᠠᠭ᠋ᠠᠯᠠᠬᠤ ᠳᠤ ᠬᠦᠷᠪᠡᠯ᠂ ᠵᠤᠴᠢᠨ ᠬᠦᠮᠦᠨ ᠪᠦᠬᠦᠯᠢ ᠪᠠᠷ ᠨᠢ ᠭᠠᠨᠵᠤᠭᠠᠯᠠᠨ ᠮᠤᠷᠳᠠᠳᠠᠭ ᠶᠤᠰᠤ ᠲᠠᠢ᠃ ᠪᠤᠭᠤᠨᠢ ᠬᠠᠪᠢᠷᠭᠠ᠂ ᠪᠤᠭᠳᠤᠰᠤ ᠴᠢᠮᠤᠭᠡ ᠪᠦᠳᠦᠷᠭᠡᠢ᠂ ᠭᠤᠳᠤᠩ ᠰᠡᠬᠦᠯ᠂ ᠪᠠᠶᠠᠨ ᠲᠦᠷᠦᠬᠦᠦ ᠶᠢ ᠵᠤᠴᠢᠨ ᠳᠤ ᠲᠠᠪᠠᠭ᠋ᠠᠯᠠᠨ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃《ᠪᠤᠯᠤᠮᠵᠢ ᠦᠭᠡᠢ ᠬᠦᠮᠦᠨ ᠳᠤ᠂ ᠪᠤᠭᠳᠤᠰᠤ ᠴᠢᠮᠦᠭᠡ》 ᠭᠡᠳᠡᠭ᠃ ᠱᠠᠭᠠ ᠶᠠᠰᠤ ᠶᠢ ᠬᠠᠮᠢᠶᠠ ᠦᠭᠡᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠦᠷᠡ ᠲᠦᠯ ᠤᠯᠠᠨ ᠡᠷᠬᠦᠭᠰᠠᠨ ᠡᠬᠡ ᠮᠠᠯ ᠢ ᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠰᠡᠳᠡᠷᠯᠡᠭᠰᠠᠨ ᠮᠠᠯ ᠢᠶᠠᠷ ᠱᠦᠯᠦ ᠭᠠᠷᠭᠠᠬᠤ ᠶᠢ ᠤᠨᠴᠠ ᠴᠡᠭᠡᠷᠯᠡᠨᠡ᠃
