ᠵᠤᠬᠢᠶᠠᠭᠴᠢ:
ᠴᠠᠭ:2025-02-28
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠳ᠋ᠧᠩᠺᠧᠦ ᠰᠢᠶᠠᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠰᠦᠯᠵᠢᠶᠡ
ᠵᠤᠯᠠ ᠶᠢᠨ ᠬᠤᠷᠢᠨ ᠳᠠᠪᠤᠨ
ᠮᠣᠩᠭᠤᠯᠴᠤᠳ ᠡᠪᠦᠯ ᠤᠨ ᠲᠡᠷᠢᠭᠦᠨ ᠰᠠᠷᠠ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠬᠤᠷᠢᠨ ᠲᠠᠪᠤᠨ ᠤ ᠡᠳᠥᠷ ᠢ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ᠂ ᠵᠤᠯᠠ ᠶᠢᠨ ᠪᠠᠶᠠᠷ ᠭᠡᠳᠡᠭ᠃ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ ᠮᠣᠩᠭᠤᠯᠴᠤᠳ ᠪᠤᠶᠠᠨ ᠦᠢᠯᠡᠳᠴᠦ᠂ ᠨᠣᠮ ᠬᠤᠷᠠᠵᠤ᠂ ᠵᠤᠯᠠ ᠡᠷᠭᠦᠳᠡᠭ᠃
ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠢ ᠽᠦᠩᠺᠠᠸᠠ ᠪᠤᠷᠬᠠᠨ ᠣᠷᠴᠢᠯᠠᠩ ᠳᠤ ᠮᠡᠨᠳᠥᠯᠡᠵᠦ ᠮᠡᠯᠮᠡᠢ ᠭᠡᠶᠢᠭᠰᠡᠨ ᠡᠳᠥᠷ ᠭᠡᠳᠡᠭ᠃ ᠽᠦᠩᠺᠠᠸᠠ ᠪᠤᠷᠬᠠᠨ 1357 ᠣᠨ ᠳᠤ ᠮᠡᠨᠳᠥᠯᠡᠵᠦ᠂ 63 ᠨᠠᠰᠤᠨ ᠳᠠᠭᠠᠨ ᠲᠠᠭᠠᠯᠠᠯ ᠲᠡᠭᠦᠰᠴᠡᠢ᠃ ᠲᠡᠷᠡ ᠴᠠᠭ ᠠᠴᠠ ᠬᠤᠶᠢᠰᠢ ᠵᠢᠯ ᠪᠦᠷᠢ ᠶᠢᠨ ᠡᠨᠡ ᠡᠳᠥᠷ ᠢ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ 《ᠳ᠋ᠦᠩᠴᠢᠳ》ᠪᠤᠶᠤ ᠮᠢᠩᠭᠠᠨ ᠲᠠᠬᠢᠯ ᠤᠨ ᠵᠤᠯᠠ ᠬᠦᠵᠢ ᠡᠷᠭᠦᠵᠦ ᠶᠡᠭᠡ ᠬᠤᠷᠠᠯ ᠬᠤᠷᠠᠳᠠᠭ ᠪᠠᠶᠢᠨᠠ᠃
ᠡᠨᠡ ᠡᠳᠥᠷ ᠰᠦᠰᠦᠭᠲᠡᠨ ᠨᠠᠷ ᠮᠠᠴᠠᠭ ᠪᠠᠷᠢᠵᠤ ᠵᠤᠯᠠ ᠡᠷᠭᠦᠵᠦ᠂ ᠠᠷᠪᠠᠨ ᠬᠠᠷᠠ ᠨᠢᠭᠦᠯ ᠢ ᠲᠡᠪᠴᠢᠨ᠂ ᠪᠡᠶᠡ᠂ ᠬᠡᠯᠡ᠂ ᠰᠡᠳᠬᠢᠯ ᠢᠶᠠᠨ ᠠᠷᠢᠭᠤᠰᠬᠠᠨ ᠪᠤᠶᠠᠨ ᠦᠢᠯᠡᠳᠪᠡᠰᠦ ᠡᠷᠭᠦᠭᠰᠡᠨ ᠨᠢᠭᠡ ᠵᠤᠯᠠ ᠨᠢ ᠮᠢᠩᠭᠠ ᠪᠣᠯᠵᠤ᠂ ᠤᠩᠰᠢᠭᠰᠠᠨ ᠨᠢᠭᠡ ᠮᠠᠨᠢ ᠨᠢ ᠲᠦᠮᠡ ᠪᠣᠯᠵᠤ ᠠᠷᠪᠢᠵᠢᠳᠠᠭ᠃ ᠡᠨᠡ ᠡᠳᠥᠷ ᠢ ᠶᠡᠭᠡ ᠪᠤᠶᠠᠨ ᠬᠤᠷᠢᠶᠠᠨᠠ ᠭᠡᠳᠡᠭ᠃ ᠪᠠᠰᠠ ᠨᠢᠭᠡᠨ ᠦᠢᠯᠡ ᠶᠠᠪᠤᠳᠠᠯ ᠨᠢ ᠮᠣᠩᠭᠤᠯᠴᠤᠳ ᠡᠪᠦᠯ ᠢᠳᠡᠬᠦ ᠢᠳᠡᠰᠢ ᠪᠠᠨ ᠬᠤᠷᠢᠨ ᠲᠠᠪᠤᠨ ᠤ ᠡᠳᠥᠷ ᠠᠴᠠ ᠡᠮᠦᠨᠡ ᠲᠥᠬᠦᠭᠡᠷᠴᠦ ᠳᠠᠭᠤᠰᠤᠭᠠᠳ ᠣᠯᠠᠨ ᠠᠮᠢᠲᠠᠨ ᠤ ᠠᠮᠢ ᠲᠠᠰᠤᠯᠤᠭᠰᠠᠨ ᠨᠢᠭᠦᠯ ᠢᠶᠠᠨ ᠨᠠᠮᠠᠨᠴᠢᠯᠠᠵᠤ ᠵᠤᠯᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠤ ᠬᠤᠷᠠᠯ ᠢ ᠲᠠᠭᠠᠨ ᠪᠠᠶᠠᠰᠴᠤ᠂ ᠡᠨᠡᠬᠦ ᠦᠢᠯᠡ ᠠᠴᠠ ᠬᠤᠶᠢᠰᠢ ᠪᠠᠶᠢᠭᠠᠯᠢ ᠶᠢᠨ ᠠᠩ ᠠᠮᠢᠲᠠᠨ ᠢ ᠬᠥᠨᠥᠭᠡᠵᠦ ᠰᠦᠢᠳᠬᠡᠵᠦ ᠪᠣᠯᠳᠠᠭ ᠦᠭᠡᠢ ᠵᠠᠩᠰᠢᠯ ᠲᠠᠢ ᠪᠣᠯᠵᠠᠢ᠃ ᠮᠣᠩᠭᠤᠯᠴᠤᠳ ᠵᠤᠯᠠ ᠡᠷᠭᠦᠬᠦ ᠳᠡᠭᠡᠨ ᠥᠨᠥ ᠪᠠ ᠬᠤᠶᠢᠲᠤ ᠶᠢᠨ ᠪᠤᠶᠠᠨ ᠥᠭᠡᠳᠡ ᠪᠣᠯᠣᠭᠰᠠᠳ ᠢ ᠰᠠᠶᠢᠨ ᠲᠥᠷᠥᠯ ᠣᠯᠬᠤ ᠶᠢ ᠢᠷᠥᠭᠡᠵᠦ ᠵᠤᠯᠠ ᠡᠷᠭᠦᠳᠡᠭ᠃ ᠵᠤᠯᠠ ᠶᠢᠨ ᠭᠤᠣᠯ ᠣᠷᠢᠶᠠᠵᠤ ᠪᠣᠢ ᠦᠶᠡ ᠳᠡᠭᠡᠨ ᠭᠤᠷᠪᠠᠨ ᠪᠤᠷᠬᠠᠨ ᠤ ᠵᠢᠷᠦᠬᠡᠨ ᠲᠠᠷᠨᠢ ᠪᠤᠶᠤ《ᠤᠮ ᠠᠷᠠ ᠪᠠ ᠵᠠ ᠨᠠ ᠳ᠋ᠢ》《ᠤᠮ ᠮᠠ ᠨᠢ ᠪᠠᠳ ᠮᠠᠢ ᠬᠤᠮ》《ᠤᠮ ᠪᠠᠽᠠᠷ ᠸᠠᠨᠢ ᠬᠤᠮ ᠫᠠᠳ》ᠭᠡᠬᠦ ᠵᠡᠷᠭᠡ ᠶᠢᠨ ᠲᠠᠷᠨᠢ ᠨᠤᠭᠤᠳ ᠢ ᠤᠩᠰᠢᠵᠤ ᠪᠠᠶᠢᠪᠠᠯ ᠰᠠᠶᠢᠨ ᠭᠡᠳᠡᠭ᠃ ᠵᠤᠯᠠ ᠡᠷᠭᠦᠬᠦ ᠳᠡᠭᠡᠨ ᠪᠠᠰᠠ ᠢᠳᠡᠰᠢᠨ ᠳᠤ ᠲᠥᠬᠦᠭᠡᠷᠦᠭᠰᠡᠨ ᠮᠠᠯ ᠤᠨ ᠢᠶᠠᠨ ᠪᠠᠷᠠᠭᠤᠨ ᠪᠥᠭᠡᠷᠡ ᠶᠢᠨ ᠥᠭᠡᠬᠦ ᠶᠢ ᠬᠠᠶᠢᠯᠤᠭᠤᠯᠤᠨ ᠵᠤᠯᠠ ᠡᠷᠭᠦᠳᠡᠭ ᠵᠠᠩᠰᠢᠯ ᠪᠤᠢ᠃
