ᠵᠣᠣ ᠵᠢᠶᠦ᠋ᠨ ᠬᠣᠲᠠ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠂ ᠤᠯᠤᠰ ᠤᠨ 2A ᠲᠠᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠣᠷᠣᠨ ᠃ ᠣᠷᠳᠣᠰ ᠬᠣᠲᠠ ᠶᠢᠨ ᠳᠠᠯᠠᠳ ᠬᠣᠰᠢᠭᠤᠨ ᠤ ᠵᠣᠣ ᠵᠢᠶᠦ᠋ᠨ ᠪᠠᠯᠭᠠᠰᠤᠨ ᠤ  ᠬᠡᠪᠴᠢᠶᠡᠨ ᠳᠦ ᠪᠠᠶᠢᠷᠢᠯᠠᠨ ᠂ ᠬᠠᠲᠤᠨ ᠭᠣᠸᠯ  ᠲᠠᠶ ᠨᠠᠭᠠᠯᠳᠤᠵᠤ ᠂ ᠪᠤᠭᠤᠲᠤ ᠬᠣᠲᠠ ᠯᠤᠭ᠎ᠠ ᠭᠣᠸᠯ ᠠᠯᠤᠰᠯᠠᠵᠤ ᠂ ᠪᠤᠭᠤᠲᠤ ᠬᠣᠲᠠ  ᠠᠴᠠ 20 ᠺᠢᠯᠣᠮᠧᠲ᠋ᠷ ᠵᠠᠶᠢᠲᠠᠶ ᠂ ᠣᠷᠳᠣᠰ ᠬᠣᠲᠠ ᠶᠢᠨ ᠳ᠋ᠦᠩᠱᠧᠩ ᠲᠣᠭᠣᠷᠢᠭ  ᠠᠴᠠ 128 ᠺᠢᠯᠣᠮᠧᠲ᠋ᠷ ᠵᠠᠶᠢᠲᠠᠶ ᠪᠣᠢ ᠃ 2000 ᠣᠨ ᠳᠤ ᠵᠢᠭᠤᠯᠴᠢᠯᠠᠭᠴᠢᠳ   ᠲᠦ ᠵᠢᠩᠬᠢᠨᠢ ᠪᠡᠷ ᠨᠡᠭᠡᠭᠡᠪᠡ᠃ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠤ ᠭᠣᠣᠯ ᠪᠣᠯᠬᠤ ᠦᠵᠡᠮᠵᠢ ᠵᠣᠣ ᠵᠢᠶᠦ᠋ᠨ ᠦ ᠣᠩᠭᠣᠨ 70 ᠮᠧᠲ᠋ᠷ ᠥᠨᠳᠥᠷ ᠂ ᠳ᠋ᠢᠶᠠᠮᠧᠲ᠋ᠷ ᠨᠢ 210 ᠮᠧᠲ᠋ᠷ  ᠪᠦᠬᠦᠢ ᠪᠠᠶᠢᠭᠠᠯᠢ ᠶᠢᠨ ᠳᠣᠪᠣ ᠪᠣᠯᠤᠨ᠎ᠠ ᠂ ᠠᠭᠤᠯᠨ  ᠶᠢᠨ ᠣᠷᠣᠶ ᠳᠤ ᠨᠢᠭᠡ ᠬᠠᠨ ᠤᠯᠤᠰ ᠤᠨ ᠣᠩᠭᠣᠨ ᠪᠠᠶᠢᠳᠠᠭ ᠂ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠸᠠᠩ ᠵᠣᠣ ᠵᠢᠶᠦ᠋ᠨ ᠪᠣᠭᠣᠮᠲᠠ ᠡᠴᠡ ᠭᠠᠷᠴᠤ ᠂ 《 ᠵᠢᠨ ᠵᠢᠨ ᠡᠷᠲᠡᠨ ᠦ ᠣᠯᠣᠮ 》 ᠢᠶᠠᠷ ᠥᠩᠭᠡᠷᠡᠨ ᠂ ᠭᠣᠣᠯ ᠭᠠᠲᠤᠯᠬᠤ  ᠳᠦ ᠪᠠᠨ ᠬᠠᠳᠬᠤᠮᠠᠯ ᠱᠠᠬᠠᠶ ᠨᠢ ᠬᠠᠲᠤᠨ ᠭᠣᠣᠯ ᠳᠤ ᠭᠡᠭᠡᠵᠦ ᠂ ᠣᠩᠭᠣᠴᠠᠴᠢᠨ ᠣᠯᠵᠤ ᠠᠪᠤᠭᠠᠳ ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠵᠠᠢ ᠃ ᠵᠣᠣ ᠵᠢᠶᠦ᠋ᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠂ ᠬᠥᠮᠦᠰ ᠲᠡᠭᠦᠨ ᠦ ᠱᠠᠬᠠᠶ ᠶᠢ ᠠᠭᠤᠯᠠᠨ ᠳᠤ ᠪᠣᠯᠠᠰᠢᠯᠠᠭᠠᠳ ᠂ ᠡᠨᠡ ᠬᠦ ᠨᠡᠷ᠎ᠡ ᠠᠯᠳᠠᠷᠰᠢᠭᠰᠠᠨ ᠵᠣᠣ ᠵᠢᠶᠦ᠋ᠨ ᠦ ᠣᠩᠭᠣᠨ ᠢ  ᠪᠣᠢ ᠪᠣᠯᠵᠠᠢᠶ ᠃

ᠭᠣᠣᠯ ᠪᠣᠯᠬᠤ ᠦᠵᠡᠮᠵᠢ ᠭᠡᠪᠡᠯ ᠵᠣᠣ ᠵᠢᠶᠦ᠋ᠨ   ᠦ ᠰᠦᠮ᠎ᠡ — ᠸᠠᠩ ᠵᠣᠣ ᠵᠢᠶᠦ᠋ᠨ   ᠦ ᠲᠠᠬᠢᠯᠭ᠎ᠠ ᠶᠢᠨ ᠰᠦᠮ᠎ᠡ ᠂ ᠵᠢᠨ ᠵᠢᠨ ᠦ ᠡᠷᠲᠡᠨ ᠦ ᠰᠦᠮ᠎ᠡ — ᠬᠠᠲᠤᠨ ᠭᠣᠣᠯ ᠤᠨ ᠬᠥᠪᠡᠭᠡᠨ ᠳᠡᠬᠢ ᠪᠠᠶᠢᠷᠢᠯᠠᠵᠤ ᠪᠦᠬᠦᠢ ᠨᠢᠭᠡᠨ ᠣᠯᠣᠮ᠂ ᠡᠳᠡᠭᠡᠷ ᠨᠢ 2000 ᠭᠠᠷᠤᠢ ᠵᠢᠯ ᠦᠨ ᠡᠮᠦᠨ᠎ᠡ  ᠪᠣᠢ ᠪᠣᠯᠵᠤ᠂ ᠵᠤᠤ ᠵᠢᠶᠦ᠋ᠨ ᠦ ᠭᠣᠣᠯ ᠭᠠᠲᠤᠯᠬᠤ ᠭᠠᠵᠠᠷ ᠪᠣᠯᠵᠠᠢ ᠂ ᠴᠠᠭᠠᠨ ᠨᠤᠨᠳᠠᠭᠲᠤ ᠭᠦᠲᠦᠯ — ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠸᠠᠩ ᠵᠤᠤ ᠵᠢᠶᠦ᠋ᠨ ᠦ ᠵᠠᠰᠠᠯ ᠴᠢᠮᠡᠭᠯᠡᠯ ᠳᠦ ᠬᠡᠷᠡᠭᠯᠡᠬᠦ ᠨᠤᠨᠲᠠᠭ ᠤᠨ ᠬᠠᠶᠢᠷᠴᠠᠭ ᠠᠴᠠ ᠪᠣᠢ ᠪᠣᠯᠵᠠᠢ ᠭᠡᠳᠡᠭ ᠂ ᠬᠤᠨ ᠭᠠᠯᠠᠭᠤᠨ ᠤ ᠬᠠᠯᠢᠯ — ᠵᠢᠭᠠᠰᠤ ᠵᠢᠷᠠᠭᠠᠬᠠᠶ  ᠶᠢᠨ ᠥᠯᠢᠭᠡᠷ ᠦᠨ ᠳᠣᠲᠣᠷᠠᠬᠢ 《 ᠭᠠᠯᠠᠭᠤ 》 ᠭᠡᠳᠡᠭ ᠬᠡᠪᠰᠢᠮᠡᠯ ᠬᠡᠯᠡᠯᠭᠡ ᠶᠢᠨ ᠦᠭᠡ  ᠶᠢᠨ ᠡᠭᠦᠰᠦᠯ ᠦᠨ ᠭᠠᠵᠠᠷ ᠃ ᠴᠢᠨ ᠤᠯᠤᠰ ᠤᠨ ᠠᠰ ᠵᠠᠮ — ᠴᠢᠨ ᠱᠢ ᠬᠤᠸᠠᠩ ᠤᠨ ᠲᠤᠬᠠᠶ ᠶᠢᠨ ᠵᠢᠯ ᠳᠦ ᠵᠠᠰᠠᠭᠰᠠᠨ ᠤᠯᠤᠰ ᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠳᠡᠭᠡᠳᠦ ᠬᠤᠷᠳᠤᠴᠠᠲᠤ ᠵᠠᠰᠠᠮᠠᠯ ᠵᠠᠮ ᠂ ᠳ᠋ᠠ ᠮᠠᠩ ᠭᠧᠦ — ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠵᠤᠤ ᠵᠢᠶᠦ᠋ᠨ ᠦ ᠪᠤᠯᠠᠰᠢᠨ ᠳᠣᠲᠣᠷᠠᠬᠢ ᠲᠣᠮᠣ ᠮᠠᠩ ᠮᠣᠭᠠᠢ  ᠬᠠᠳᠤᠨ ᠭᠣᠣᠯ ᠤᠨ ᠤᠰᠤ ᠤᠤᠭᠤᠬᠤ ᠠᠴᠠ ᠪᠦᠷᠢᠯᠳᠦᠪᠡ ᠭᠡᠳᠡᠭ᠃