ᠯᠢᠶᠣᠤ ᠤᠯᠤᠰ ᠤᠨ ᠴᠢᠩ ᠵᠧᠦ  ᠬᠣᠲᠠ ᠶᠢᠨ ᠪᠠᠭᠤᠷᠢ ᠨᠢ ᠤᠯᠠᠭᠠᠨᠬᠠᠳᠠ ᠬᠣᠲᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨ ᠤ ᠰᠤᠪᠤᠷᠭ᠎ᠠ ᠰᠤᠮᠤᠨ ᠳᠤ ᠪᠠᠶᠢᠵᠤ ᠂ ᠴᠠᠭᠠᠨ ᠮᠥᠷᠡᠨ ᠭᠣᠸᠯ ᠤᠨ ᠬᠣᠶᠢᠲᠤ ᠡᠷᠭᠢ ᠶᠢᠨ ᠲᠤᠨᠤᠮᠠᠯ ᠲᠠᠯ᠎ᠠ ᠭᠠᠵᠠᠷ ᠲᠤ ᠪᠠᠶᠢᠷᠢᠯᠠᠵᠤ ᠂ ᠯᠢᠶᠣᠤ ᠤᠯᠤᠰ ᠤᠨ ᠱᠧᠩᠽᠦᠩ ᠂ ᠰᠢᠩᠽᠦ᠋ᠩ ᠂ ᠳ᠋ᠣᠽᠦ᠋ᠩ ᠭᠤᠷᠪᠠᠨ ᠦᠶ᠎ᠡ ᠶᠢᠨ ᠬᠠᠭᠠᠨ ᠤ ᠣᠩᠭᠣᠨ  ᠢ ᠰᠠᠬᠢᠬᠤ ᠬᠣᠲᠠ ᠪᠠᠶᠢᠵᠤ ᠂ 《 ᠯᠢᠶᠣᠤ ᠤᠯᠤᠰ ᠤᠨ ᠲᠡᠸᠬᠡ• ᠶᠣᠰᠣᠯᠠᠯ ᠤᠨ ᠣᠶᠢᠯᠠᠯᠭ᠎ᠠ 》 ᠳᠤ ᠯᠢᠶᠣᠤ ᠤᠯᠤᠰ ᠤᠨ ᠲᠠᠶᠢᠫᠢᠩ  ᠦᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ( 1031 ) ᠳ᠋ᠥ ᠬᠣᠲᠠ ᠪᠠᠶᠢᠭᠤᠯᠤᠭᠰᠠᠨ ᠢ ᠲᠡᠮᠲᠡᠭᠯᠡᠵᠦ ᠪᠣᠢ ᠂  ᠴᠢᠩ ᠯᠢᠩ ᠦᠨ ᠣᠩᠭᠣᠨ ᠰᠠᠬᠢᠬᠤ ᠬᠣᠲᠠ ᠪᠣᠯᠤᠨ᠎ᠠ ᠃ ᠤᠮᠠᠷᠠᠰᠢ ᠪᠠᠨ ᠴᠢᠩ ᠶᠦᠨ ᠱᠠᠨ ᠠᠭᠤᠯᠠ ᠶᠢᠨ ᠯᠢᠶᠣᠤ ᠤᠯᠤᠰ ᠤᠨ ᠴᠢᠩ ᠯᠢᠩ ᠣᠩᠭᠣᠨ ᠠᠴᠠ 15 ᠺᠢᠯᠣᠮᠧᠲ᠋ᠷ ᠵᠠᠶᠢᠲᠠᠶ ᠪᠠᠶᠢᠵᠤ ᠂ ᠯᠢᠶᠣᠤ ᠤᠯᠤᠰ ᠲᠤᠶᠢᠯ ᠤᠨ ᠬᠦᠭᠵᠢᠵᠦ ᠪᠠᠶᠢᠭᠰᠠᠨ ᠦᠶ᠎ᠡ ᠶᠢᠨ ᠴᠢᠬᠤᠯᠠ ᠬᠣᠲᠠ ᠪᠣᠯᠤᠨ᠎ᠠ ᠃

ᠴᠢᠩ ᠵᠧᠸ ᠬᠣᠲᠠ ᠨᠢ ᠭᠠᠳᠠᠷ ᠬᠣᠲᠠ ᠪᠠ ᠳᠣᠲᠣᠷ᠎ᠠ ᠬᠣᠲᠠ ᠭᠡᠬᠦ ᠳᠠᠪᠬᠤᠷ ᠬᠣᠲᠠ ᠪᠠᠷ ᠪᠦᠷᠢᠯᠳᠦᠵᠦ ᠂ ᠬᠠᠪᠲᠠᠭᠠᠶ ᠨᠢ ᠬᠢᠲᠠᠳ 《回》 ᠦᠰᠦᠭ ᠦᠨ ᠬᠡᠯᠪᠡᠷᠢ ᠲᠡᠶ ᠃ ᠭᠠᠳᠠᠷ ᠬᠣᠲᠠ ᠶᠢᠨ ᠬᠠᠪᠲᠠᠭᠠᠶ ᠨᠢ ᠣᠷᠳᠣ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠶ ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ  ᠪᠠᠨ 1420 ᠮᠧᠲ᠋ᠷ ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ   ᠪᠠᠨ 1580 ᠮᠧᠲ᠋ᠷ ᠪᠠᠶᠢᠳᠠᠭ ᠃ ᠳᠣᠲᠤᠷ᠎ᠠ ᠬᠣᠲᠠ ᠨᠢ ᠭᠠᠳᠠᠷ ᠬᠣᠲᠠ ᠶᠢᠨ ᠭᠣᠣᠯ ᠳᠤ ᠪᠠᠶᠢᠵᠤ ᠂ ᠬᠠᠪᠲᠠᠭᠠᠶ ᠨᠢ ᠣᠷᠳᠣ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠶ ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ  ᠪᠠᠨ 1140 ᠮᠧᠲ᠋ᠷ ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ  ᠪᠠᠨ 960 ᠮᠧᠲ᠋ᠷ ᠪᠠᠶᠢᠳᠠᠭ ᠃ ᠬᠣᠲᠠ ᠶᠢᠨ ᠬᠡᠷᠡᠮ ᠦᠨ ᠰᠠᠭᠤᠷᠢ ᠶᠢᠨ ᠥᠷᠭᠡᠨ ᠨᠢ 15~30 ᠮᠧᠲ᠋ᠷ ᠂ ᠦᠯᠡᠳᠡᠭᠳᠡᠯ ᠦᠨ ᠥᠨᠳᠥᠷ ᠨᠢ 3~4.5 ᠮᠧᠲ᠋ᠷ ᠪᠣᠢ ᠃ ᠬᠣᠲᠠ ᠶᠢᠨ ᠬᠡᠷᠡᠮ ᠦᠨ ᠭᠠᠳᠠᠨ᠎ᠠ 100 ᠮᠧᠲ᠋ᠷ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠭᠡ ᠲᠣᠪᠵᠢᠶ᠎ᠠ ᠪᠠᠷᠢᠯᠭ᠎ᠠ ᠪᠠᠶᠢᠵᠤ ᠂ ᠳᠥᠷᠪᠡᠨ ᠲᠠᠯ᠎ᠠ  ᠳᠤ ᠪᠠᠨ ᠲᠤᠰ ᠪᠦᠷᠢ ᠨᠢᠭᠡ ᠡᠭᠦᠳᠡ ᠲᠠᠢ ᠂ ᠡᠭᠦᠳᠡᠨ ᠦ ᠥᠷᠭᠡᠨ ᠨᠢ 20 ᠮᠧᠲ᠋ᠷ ᠪᠠᠶᠢᠵᠤ ᠂  ᠬᠣᠶᠢᠲᠤ ᠡᠭᠦᠳᠡᠨ ᠦ ᠭᠠᠳᠠᠨ᠎ᠠ ᠨᠢ ᠴᠦᠮ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢ ᠶᠢᠨ ᠬᠠᠯᠬᠠᠭ᠎ᠠ ᠬᠣᠲᠠ ᠪᠠᠶᠢᠭᠤᠯᠵᠤ ᠂ ᠣᠷᠳᠣ ᠨᠢ 22 ᠮᠧᠲ᠋ᠷ ᠂ ᠥᠷᠭᠡᠨ ᠨᠢ 30 ᠮᠧᠲ᠋ᠷ ᠪᠠᠶᠢᠳᠠᠭ ᠃

 ᠴᠢᠩ ᠵᠧᠸ ᠪᠣᠯ ᠾᠧᠢ ᠱᠠᠨ ( ᠣᠳᠣ ᠶᠢᠨ ᠰᠠᠶᠢᠬᠠᠨ ᠬᠠᠨ ᠠᠭᠤᠯᠠ ) ᠣᠷᠣᠨ ᠳᠤ ᠪᠠᠶᠢᠷᠢᠯᠠᠵᠤ ᠂ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠨ ᠤ ᠦᠪᠡᠳᠡᠭᠰᠢ ᠶᠡᠬᠡ ᠠᠭᠤᠯᠠ ᠳᠠᠬᠢᠬᠤ ᠶᠣᠰᠣᠯᠠᠯ ᠶᠠᠪᠤᠭᠤᠯᠳᠠᠭ ᠪᠣᠯᠬᠤ ᠪᠥᠭᠡᠳ ᠯᠢᠶᠣᠤ ᠤᠯᠤᠰ ᠤᠨ ᠣᠯᠠᠨ ᠵᠧᠸ   ᠶᠢᠨ ᠳᠣᠲᠣᠷ᠎ᠠ ᠬᠠᠮᠤᠭ ᠤᠨ ᠪᠠᠶᠠᠨ ᠲᠠᠩᠰᠤᠭ ᠂ ᠪᠠᠰᠠ ᠴᠤ ᠠᠯᠳᠠᠷᠲᠤ ᠦᠵᠡᠮᠵᠢ ᠶᠢᠨ ᠣᠷᠣᠨ ᠪᠠᠶᠢᠵᠤ ᠂ ᠯᠢᠶᠣᠤ ᠤᠯᠤᠰ ᠤᠨ ᠲᠡᠦᠬᠡᠨ ᠳᠡᠭᠡᠷ᠎ᠡ ᠴᠢᠬᠤᠯᠠ ᠪᠠᠶᠢᠷᠢ ᠰᠠᠭᠤᠷᠢ  ᠲᠠᠶ  ᠪᠠᠶᠢᠳᠠᠭ ᠃