ᠯᠣᠣᠬ᠎ᠠ  ᠶᠢᠨ ᠭᠣᠣᠯ ᠨᠢ ᠾᠸᠪᠸᠢ ᠮᠤᠵᠢ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯ ᠤᠨ ᠠᠭᠤᠯᠵᠠᠷ ᠲᠠᠬᠢ ᠴᠢᠯᠠᠭᠤᠲᠤ ᠠᠭᠤᠯᠠᠨ  ᠡᠴᠡ ᠡᠬᠢ ᠠᠪᠴᠤ ᠂ ᠤᠮᠠᠷᠠᠰᠢ ᠪᠠᠨ ᠤᠯᠠᠭᠠᠨᠬᠠᠳᠠ ᠬᠣᠲᠠ ᠶᠢᠨ ᠨᠢᠩᠴᠧᠩ ᠰᠢᠶᠠᠨ ᠂ ᠬᠠᠷᠠᠴᠢᠨ ᠬᠣᠰᠢᠭᠤ ᠪᠠᠷ ᠤᠷᠤᠰᠤᠨ ᠥᠩᠭᠡᠷᠡᠵᠦ ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠ ᠶᠢᠨ ᠬᠣᠩᠱᠠᠨ ᠲᠣᠭᠣᠷᠢᠭ ᠲᠤ ᠵᠡᠭᠦᠨ  ᠬᠣᠶᠢᠰᠢ  ᠪᠠᠨ ᠮᠣᠷᠣᠶᠢᠨ ᠂ ᠣᠩᠨᠢᠭᠤᠳ ᠬᠣᠰᠢᠭᠤᠨ ᠤ ᠬᠠᠯᠢᠭᠤᠲᠤ ᠳᠤ ᠪᠠᠷᠠᠭᠤᠨ ᠯᠢᠶᠣᠤ ᠾᠧ ᠭᠣᠣᠯ ᠳᠤ ᠨᠡᠶᠢᠯᠡᠨ ᠣᠷᠤᠳᠠᠭ ᠃ ᠭᠣᠣᠯ  ᠣᠷᠳᠣ ᠨᠢ 426 ᠺᠢᠯᠣᠮᠧᠲ᠋ᠷ ᠂ ᠤᠰᠤ ᠬᠤᠷᠠᠮᠳᠤᠭᠰᠠᠨ ᠲᠠᠯᠠᠪᠠᠶ ᠨᠢ 2.90 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲ᠋ᠷ ᠪᠠᠶᠢᠵᠤ ᠂ ᠵᠢᠯ ᠦᠨ ᠤᠷᠤᠰᠠᠴᠠ ᠨᠢ 8.72 ᠳ᠋ᠦᠩᠰᠢᠭᠤᠷ ᠪᠣᠰᠤᠭ᠎ᠠ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠪᠣᠯᠤᠨ᠎ᠠ ᠃ ᠯᠣᠣᠬ᠎ᠠ  ᠶᠢᠨ ᠭᠣᠣᠯ  ᠳ᠋ᠢᠶᠠᠨᠽᠢ ᠠᠴᠠ ᠳᠡᠭᠡᠭᠰᠢ  ᠨᠢ ᠳᠡᠭᠡᠳᠦ ᠤᠷᠤᠰᠬᠠᠯ ᠪᠠᠶᠢᠵᠤ ᠂ ᠭᠣᠣᠯ ᠤᠨ ᠬᠥᠨᠳᠡᠶ ᠨᠢ ᠢᠪᠴᠤᠤ ᠂ ᠬᠣᠶᠠᠷ ᠡᠷᠭᠢ ᠨᠢ ᠥᠨᠳᠥᠷ ᠠᠭᠤᠯᠠᠨ ᠳᠤ ᠬᠦᠷᠢᠶᠡᠯᠡᠭᠳᠡᠵᠦ ᠂ ᠭᠤᠯᠳᠤᠷᠢᠯ ᠨᠢ ᠬᠥᠨᠳᠡᠶ ᠶᠢᠨ ᠢᠷᠣᠭᠠᠷ ᠳᠠᠭᠠᠨ ᠭᠦᠨ ᠂ ᠤᠷᠤᠰᠬᠠᠯ ᠨᠢ ᠲᠦᠷᠭᠡᠨ ᠂ ᠭᠣᠣᠯ ᠤᠨ ᠵᠠᠮ  ᠤᠷᠤᠭᠤᠳᠠᠴᠠ ᠨᠢ 1/200 ᠪᠠᠶᠢᠵᠤ ᠂ ᠪᠤᠯᠠᠭ ᠤᠨ ᠤᠰᠤ ᠡᠯᠪᠡᠭ  ᠪᠣᠯᠬᠣᠷ ᠂ ᠵᠢᠯ ᠲᠤᠷᠰᠢ ᠭᠣᠣᠯ ᠤᠨ ᠤᠰᠤ  ᠶᠢ ᠨᠥᠬᠥᠪᠥᠷᠢᠯᠡᠵᠦ ᠪᠠᠶᠢᠳᠠᠭ ᠂ ᠭᠠᠵᠠᠷ ᠠᠴᠠ ᠳᠣᠷᠣᠭᠰᠢ ᠤᠳᠤᠨᠳᠤᠤᠬᠠᠢ ᠬᠦᠷᠲᠡᠯᠡᠬᠢ ᠨᠢ ᠳᠤᠮᠳᠠ ᠤᠷᠤᠰᠬᠠᠯ ᠤᠨ ᠬᠡᠰᠡᠭ ᠪᠠᠶᠢᠵᠤ᠂ ᠭᠣᠣᠯ ᠨᠢ ᠠᠭᠤᠯᠠᠷᠬᠠᠭ ᠣᠷᠣᠨ ᠠᠴᠠ ᠰᠢᠷ᠎ᠠ ᠬᠥᠷᠥᠰᠥᠲᠦ ᠳᠣᠪᠣᠷᠬᠠᠭ ᠣᠷᠣᠨ ᠳᠤ ᠣᠷᠣᠵᠤ᠂ ᠬᠡᠰᠡᠭ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠨᠢ ᠡᠨᠡ ᠬᠡᠰᠡᠭ ᠲᠦ  ᠨᠡᠶᠢᠯᠡᠵᠦ ᠪᠠᠶᠢᠭ᠎ᠠ ᠪᠣᠯᠬᠣᠷ ᠤᠰᠤᠨ ᠤ ᠬᠡᠮᠵᠢᠶ᠎ᠡ ᠨᠢ ᠭᠡᠨᠡᠳᠲᠡ ᠪᠡᠷ ᠨᠡᠮᠡᠭᠳᠡᠭᠡᠳ᠂ ᠬᠥᠷᠥᠰᠥ ᠰᠢᠷᠣᠶ ᠲᠦᠢᠯ ᠦᠨ ᠬᠦᠨᠳᠦ ᠨᠣᠴᠢᠲᠠᠢ ᠢᠳᠡᠭᠳᠡᠨ ᠭᠤᠯᠳᠤᠷᠢᠯ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠡᠯᠪᠡᠯᠵᠢᠵᠦ᠂ ᠬᠤᠪᠢᠷᠠᠯᠲᠠ ᠶᠢᠨ ᠬᠡᠮᠵᠢᠶ᠎ᠡ ᠨᠢ 200 ᠮᠧᠲ᠋ᠷ ᠣᠷᠴᠢᠮ ᠪᠠᠶᠢᠵᠤ᠂ ᠭᠣᠣᠯ ᠤᠨ ᠵᠠᠮ ᠤᠨ ᠤᠷᠤᠭᠤᠳᠠᠴᠠ ᠨᠢ 1/400 ~ 1/500 ᠳᠣᠷᠣᠭᠰᠢᠯᠠᠳᠠᠭ᠃ ᠤᠳᠤᠨᠳᠤᠤᠬᠠᠢ  ᠠᠴᠠ ᠰᠢᠷᠠᠮᠥ᠋ᠷᠡᠨ ᠭᠣᠣᠯ ᠤᠨ ᠠᠭᠤᠯᠵᠠᠷ ᠬᠦᠷᠲᠡᠯ᠎ᠡ ᠳᠣᠣᠷᠠᠳᠤ ᠤᠷᠤᠰᠬᠠᠯ ᠤᠨ ᠬᠡᠰᠡᠭ ᠪᠠᠶᠢᠵᠤ ᠂ ᠭᠣᠣᠯ ᠤᠨ ᠵᠠᠮ ᠨᠢ ᠳᠣᠪᠣᠷᠬᠠᠭ ᠣᠷᠣᠨ ᠠᠴᠠ ᠲᠤᠨᠤᠮᠠᠯ ᠲᠠᠯ᠎ᠠ ᠭᠠᠵᠠᠷ ᠲᠤ ᠣᠷᠣᠵᠤ ᠂ ᠭᠣᠣᠯ ᠤᠨ ᠵᠠᠮ  ᠤᠷᠤᠭᠤᠳᠠᠴᠠ ᠨᠢ 1/500 ~ 1/1000 ᠳᠣᠷᠣᠭᠰᠢᠯᠠᠵᠤ ᠪᠠᠶᠢᠳᠠᠭ᠃