ᠤᠰᠤᠲᠤ ᠵᠤᠤ ᠳᠠᠯᠠᠨ ᠬᠠᠷ᠎ᠠ ᠠᠭᠤᠯᠠ  ᠡᠮᠦᠨ᠎ᠡ ᠬᠣᠷᠮᠣᠶ ᠂ ᠬᠥᠬᠡᠬᠣᠲᠠ ᠶᠢᠨ ᠶᠥᠮ  ᠪᠠᠢᠰᠢᠩ ᠰᠢᠶᠠᠩ  ᠤᠰᠤᠲᠤ ᠲᠣᠰᠬᠣᠨ ᠤ ᠪᠠᠷᠠᠭᠤᠨ ᠭᠤᠤ ᠶᠢᠨ ᠳᠡᠨᠵᠢ ᠳᠡᠭᠡᠷ᠎ᠡ ᠪᠠᠶᠢᠷᠢᠯᠠᠵᠤ᠂ ᠬᠣᠲᠠ 6 ᠺᠢᠯᠣᠮᠧᠲ᠋ᠷ ᠵᠠᠶᠢᠲᠠᠶ ᠃ ᠤᠰᠤᠲᠤ ᠵᠣᠣ ᠨᠢ   ᠪᠠᠶᠠᠰᠬᠤᠯᠠᠩ ᠪᠠᠷᠢᠯᠳᠤᠯᠭ᠎ᠠ ᠰᠦᠮ᠎ᠡ ᠂ ᠱᠠᠰᠢᠨ ᠪᠠᠶᠠᠰᠬᠤᠯᠠᠩᠲᠤ ᠰᠦᠮ᠎ᠡ ᠂ ᠦᠯᠵᠡᠢ ᠶᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮ᠎ᠡ ᠂ ᠠᠭᠤᠢ ᠶᠢᠨ ᠰᠢᠲᠦᠭᠡᠨ ᠰᠦᠮ᠎ᠡ ᠂ ᠡᠭᠦᠷᠢᠲᠡ ᠦᠯᠵᠡᠢᠲᠦ ᠰᠦᠮ᠎ᠡ ᠪᠡᠷ ᠪᠦᠷᠢᠯᠳᠦᠵᠦ ᠂ ᠤᠰᠤᠲᠤ ᠵᠤᠤ ᠭᠡᠳᠡᠭ ᠨᠢ ᠲᠡᠭᠦᠨ ᠶᠡᠷᠦᠩᠬᠡᠶ ᠨᠡᠷᠡᠶᠢᠳᠦᠯ ᠪᠣᠯᠤᠨ᠎ᠠ ᠃ ᠰᠦᠮ᠎ᠡ ᠶᠢᠨ ᠪᠠᠷᠢᠯᠭ᠎ᠠ ᠰᠦᠷᠯᠢᠭ ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠃

 ᠪᠠᠶᠠᠰᠬᠤᠯᠠᠩ ᠪᠠᠷᠢᠯᠳᠤᠯᠭ᠎ᠠ ᠰᠦᠮ᠎ᠡ ᠨᠢ ᠤᠰᠤᠲᠤ ᠵᠤᠤ ᠶᠢᠨ ᠲᠥᠪ ᠲᠤ᠂ ᠬᠡᠪᠴᠢᠶ᠎ᠡ ᠪᠡᠷ ᠬᠠᠮᠤᠭ ᠶᠡᠬᠡ   ᠰᠦᠮ᠎ᠡ ᠪᠣᠯᠬᠤ ᠪᠥᠭᠡᠳ ᠮᠢᠩ ᠤᠯᠤᠰ ᠸᠠᠨ ᠯᠢ ᠭᠤᠴᠢᠨ ᠳᠥᠷᠪᠡᠳᠦᠭᠡᠷ ᠣᠨ ( 1606 ᠣᠨ )  ᠳᠤ ᠪᠠᠶᠢᠭᠤᠯᠤᠭᠳᠠᠵᠠᠶ ᠃ ᠱᠠᠰᠢᠨ ᠪᠠᠶᠠᠰᠬᠤᠯᠠᠩᠲᠤ ᠰᠦᠮ᠎ᠡ ᠨᠢ ᠪᠠᠶᠠᠰᠬᠤᠯᠠᠩ ᠪᠠᠷᠢᠯᠳᠤᠯᠭ᠎ᠠ ᠰᠦᠮ᠎ᠡ ᠵᠡᠭᠦᠨ  ᠨᠢ ᠂ ᠪᠠᠷᠢᠯᠭ᠎ᠠ ᠨᠢ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠶ ᠂ ᠳᠣᠲᠣᠷ᠎ᠠ ᠭᠠᠳᠠᠨᠠᠬᠢ ᠨᠢ ᠬᠡᠭᠡᠨᠴᠢᠷ ᠴᠢᠮᠡᠭᠯᠡᠯ ᠲᠡᠶ ᠂ ᠣᠯᠠᠨ ᠰᠦᠮ᠎ᠡ  ᠳᠣᠲᠣᠷ᠎ᠠ ᠪᠠᠨ ᠬᠠᠮᠤᠭ  ᠶᠡᠬᠡ ᠣᠨᠴᠠᠯᠢᠭ ᠲᠠᠢ ᠰᠦᠮ᠎ᠡ ᠪᠣᠯᠤᠨ᠎ᠠ ᠃ ᠡᠨᠡ ᠨᠢ ᠴᠢᠩ ᠤᠯᠤᠰ  ᠨᠠᠶᠢᠷᠠᠯᠲᠤ ᠲᠥᠪ  ᠭᠤᠷᠪᠠᠳᠤᠭᠠᠷ ᠣᠨ (1725 ᠣᠨ) ᠳᠤ ᠪᠠᠶᠢᠭᠤᠯᠤᠭᠳᠠᠪᠠ ᠃ ᠡᠭᠦᠷᠢᠲᠡ ᠦᠯᠵᠡᠢᠲᠦ ᠰᠦᠮ᠎ᠡ ᠨᠢ ᠪᠠᠶᠠᠰᠬᠤᠯᠠᠩ ᠪᠠᠷᠢᠯᠳᠤᠯᠭ᠎ᠠ ᠰᠦᠮ᠎ᠡ  ᠵᠡᠭᠦᠨ ᠲᠠᠯ᠎ᠠ ᠳᠤ ᠪᠠᠶᠢᠵᠤ ᠂ ᠴᠢᠩ ᠤᠯᠤᠰ  ᠡᠩᠬᠡ ᠠᠮᠤᠭᠤᠯᠠᠩ  ᠭᠤᠴᠢᠨ ᠵᠢᠷᠭᠤᠳᠤᠭᠠᠷ ᠣᠨ ( 1697 ᠣᠨ )  ᠳᠤ ᠪᠠᠶᠢᠭᠤᠯᠤᠭᠳᠠᠵᠠᠶ ᠃ ᠠᠭᠤᠢ ᠶᠢᠨ ᠰᠢᠲᠦᠭᠡᠨ  ᠰᠦᠮ᠎ᠡ ᠨᠢ ᠴᠢᠩ ᠤᠯᠤᠰ  ᠤᠨ ᠨᠠᠶᠢᠷᠠᠯᠲᠤ ᠲᠥᠪ  ᠭᠤᠷᠪᠠᠳᠤᠭᠠᠷ ᠣᠨ ᠳᠤ ᠪᠠᠶᠢᠭᠤᠯᠤᠭᠳᠠᠵᠠᠶ ᠃ ᠦᠯᠵᠡᠢ ᠶᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮ᠎ᠡ ᠨᠢ ᠪᠠᠰᠠ ᠠᠭᠤᠢ ᠶᠢᠨ ᠰᠢᠲᠦᠭᠡᠨ ᠰᠦᠮ᠎ᠡ ᠶᠢᠨ ᠬᠣᠶᠢᠲᠤ ᠲᠠᠯ᠎ᠠ  ᠠᠭᠤᠯᠠᠨ ᠬᠥᠲᠥᠯ ᠳᠡᠭᠡᠷ᠎ᠡ ᠃ ᠤᠤᠯ ᠨᠡᠷ᠎ᠡ ᠨᠢ ᠴᠠᠬᠠᠷ  ᠰᠣᠮᠣ ᠰᠦᠮ᠎ᠡ ᠭᠡᠳᠡᠭ ᠂ ᠴᠠᠬᠠᠷ ᠤᠨ ᠳᠢᠶᠠᠨᠴᠢ ᠬᠣᠲᠣᠭᠲᠣ ᠡᠬᠢᠨ ᠳᠤ ᠮᠢᠩ ᠤᠯᠤᠰ ᠤᠨ ᠯᠦᠩ ᠴᠢᠩ  ᠦᠶ᠎ᠡ ᠳᠦ ᠠᠩᠬ᠎ᠠ ᠃ ᠤᠰᠤᠲᠤ ᠵᠤᠤ ᠶᠢᠨ ᠳᠣᠲᠤᠷᠠᠬᠢ ᠬᠠᠮᠤᠭ ᠡᠷᠲᠡᠨ  ᠨᠢᠭᠡᠨ ᠰᠦᠮ᠎ᠡ  ᠪᠣᠯᠣᠨ᠎ᠠ᠃ ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠣᠷᠢᠨ ᠵᠢᠷᠭᠤᠳᠤᠭᠠᠷ ᠣᠨ ( 1687 ᠣᠨ )  ᠳᠤ ᠥᠷᠭᠡᠳᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠤ ᠳᠠᠷᠠᠭ᠎ᠠ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠡᠴᠡ 《 ᠹᠡ ᠴᠧᠩ ᠦᠯᠵᠡᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮ᠎ᠡ 》 ᠭᠡᠬᠦ ᠨᠡᠷ᠎ᠡ ᠰᠣᠶᠣᠷᠬᠠᠪᠠ ᠂ ᠬᠣᠵᠢᠮ ᠨᠢ ᠦᠯᠵᠡᠢ ᠶᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮ᠎ᠡ ᠭᠡᠵᠦ ᠲᠣᠪᠴᠢᠯᠠᠨ ᠨᠡᠷᠡᠯᠡᠪᠡ ᠃ ᠤᠳᠠᠭᠠᠨ ᠵᠢᠯ ᠵᠠᠰᠠᠭᠰᠠᠨ ᠦᠭᠡᠢ ᠡᠴᠡ ᠪᠣᠯᠵᠤ ᠂ 1949 ᠣᠨ ᠤ ᠳᠠᠷᠠᠭ᠎ᠠ ᠨᠤᠷᠠᠭᠠᠭᠳᠠᠪᠠ ᠃