 ᠵᠠᠮ ᠤᠨ ᠬᠠᠭᠤᠴᠢᠨ ᠬᠣᠲᠠ ᠨᠢ ᠤᠯᠠᠭᠠᠨᠴᠠᠪ ᠬᠣᠲᠠ ᠶᠢᠨ ᠳᠥᠷᠪᠡᠳ ᠬᠣᠰᠢᠭᠤᠨ ᠤ ᠵᠢᠶ ᠱᠧᠩ ᠲᠡᠶ ᠰᠢᠶᠠᠩ  ᠳᠣᠪᠣᠷᠬᠠᠭ ᠠᠭᠤᠯᠠᠨ ᠭᠠᠵᠠᠷ ᠲᠤ ᠪᠠᠶᠢᠷᠢᠯᠠᠵᠤ ᠂ ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠨᠠᠮᠬᠠᠨ ᠂ ᠵᠡᠭᠦᠨᠰᠢ ᠪᠡᠨ ᠰᠢᠷᠠᠮᠥ᠋ᠷᠡᠨ ᠭᠣᠣᠯ ᠤᠨ ᠲᠠᠪᠤᠨ  ᠤᠨ ᠬᠥᠪᠡᠭᠡ ᠲᠡᠶ ᠬᠥᠷᠰᠢᠯᠡᠵᠦ ᠂ ᠡᠮᠦᠨ᠎ᠡ ᠂ ᠪᠠᠷᠠᠭᠤᠨ ᠲᠠᠯ᠎ᠠ ᠪᠠᠷ ᠨᠢ ᠬᠤᠸᠠ ᠪᠠᠶᠢᠳᠠᠭ ᠃

ᠬᠣᠲᠠ ᠶᠢᠨ ᠳᠣᠲᠣᠷᠠᠬᠢ ᠶᠤᠸᠠᠨ ᠤᠯᠤᠰ ᠤᠨ ᠳ᠋ᠠ ᠳ᠋ᠧ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ( 1307 ᠣᠨ )  ᠳᠤ ᠪᠠᠶᠢᠭᠤᠯᠤᠭᠰᠠᠨ ᠰᠦᠮ᠎ᠡ ᠶᠢᠨ ᠬᠥᠰᠢᠶᠡᠨ  ᠨᠤᠲᠠᠯᠠᠯᠲᠠ ᠶᠢ ᠦᠨᠳᠦᠰᠦᠯᠡᠪᠡᠯ ᠂ ᠲᠣᠰ ᠬᠣᠲᠠ ᠨᠢ ᠠᠯᠲᠠᠨ ᠤᠯᠤᠰ ᠪᠠ ᠶᠤᠸᠠᠨ ᠤᠯᠤᠰ ᠤᠨ ᠵᠢᠡᠭᠵᠸᠤ ᠵᠠᠮ ᠪᠣᠯᠤᠨ᠎ᠠ ᠃ 《 ᠠᠯᠲᠠᠨ  ᠤᠯᠤᠰ ᠤᠨ ᠂  ᠭᠠᠵᠠᠷ ᠵᠦᠶ ᠶᠢᠨ ᠣᠶᠢᠯᠠᠯᠭ᠎ᠠ 》 ᠪᠠ 《 ᠶᠤᠸᠠᠨ ᠤᠯᠤᠰ ᠤᠨ ᠂ ᠭᠠᠵᠠᠷ ᠵᠦᠶ ᠶᠢᠨ ᠣᠶᠢᠯᠠᠯᠭ᠎ᠠ 》  ᠳᠤ ᠲᠡᠮᠲᠡᠭᠯᠡᠭᠰᠡᠨ ᠦᠨᠳᠦᠰᠦᠯᠡᠪᠡᠯ ᠂ ᠵᠢᠩᠵᠧᠦ ᠵᠠᠮ ᠨᠢ ᠵᠢᠨ ᠳ᠋ᠠ ᠳ᠋ᠢᠩ ᠠᠷᠪᠠᠨ ᠨᠠᠶᠮᠠᠳᠤᠭᠠᠷ ᠣᠨ ( 1178 ᠣᠨ )  ᠳᠤ ᠪᠠᠶᠢᠭᠤᠯᠤᠭᠳᠠᠵᠤ ᠂ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠦᠷᠭᠦᠯᠵᠢᠯᠡᠨ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠳᠠᠭ ᠃

ᠡᠷᠲᠡᠨ ᠬᠣᠲᠠ ᠨᠢ ᠤᠷᠲᠤ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠂ ᠵᠡᠭᠦᠨ ᠪᠠᠷᠠᠭᠤᠨᠰᠢ ᠪᠠᠨ ᠤᠷᠳᠤ ᠨᠢ ᠪᠠᠷᠤᠭ 920 ᠮᠧᠲ᠋ᠷ ᠂ ᠥᠷᠭᠡᠨ ᠨᠢ 670 ᠮᠧᠲ᠋ᠷ ᠪᠠᠶᠢᠵᠤ ᠂ ᠬᠣᠲᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠥᠨᠴᠥᠭ ᠲᠤ ᠨᠢᠭᠡᠨ ᠵᠢᠵᠢᠭ ᠬᠣᠲᠠ ᠪᠠᠶᠢᠪᠠ ᠂  ᠡᠮᠦᠨ᠎ᠡ ᠡᠴᠡ ᠤᠮᠠᠷᠠᠰᠢ ᠪᠡᠨ ᠤᠷᠲᠤ ᠨᠢ 200 ᠮᠧᠲ᠋ᠷ ᠂ ᠵᠡᠭᠦᠨ ᠡᠴᠡ ᠪᠠᠷᠠᠭᠤᠨᠰᠢ ᠪᠡᠨ ᠥᠷᠭᠡᠨ ᠨᠢ 150 ᠮᠧᠲ᠋ᠷ ᠪᠠᠶᠢᠵᠤ ᠂ ᠭᠠᠵᠠᠷ  ᠨᠢ ᠶᠤᠸᠠᠨ ᠳ᠋ᠠ ᠳ᠋ᠧ ᠶᠢᠨ ᠦᠶ᠎ᠡ ᠶᠢᠨ  ᠰᠦᠮ᠎ᠡ ᠶᠢᠨ ᠴᠢᠯᠠᠭᠤᠨ ᠬᠥᠰᠢᠶ᠎ᠡ ᠣᠯᠳᠠᠵᠠᠢ ᠃ ᠡᠨᠳᠡ ᠪᠣᠯ ᠺᠦᠩᠽᠢ ᠶᠢᠨ ᠰᠦᠮ᠎ᠡ ᠪᠠᠶᠢᠪᠠ ᠃ ᠬᠣᠲᠠ ᠶᠢᠨ ᠬᠡᠷᠡᠮ ᠢ ᠬᠠᠩᠳᠠᠵᠤ ᠪᠠᠷᠢᠵᠠᠢ ᠂ ᠵᠡᠭᠦᠨ ᠂ ᠡᠮᠦᠨ᠎ᠡ ᠲᠠᠯ᠎ᠠ ᠶᠢᠨ ᠬᠡᠷᠡᠮ ᠨᠢ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠮᠠᠭᠤ ᠪᠠᠶᠢᠵᠤ ᠂ ᠬᠣᠶᠢᠲᠤ ᠂ ᠪᠠᠷᠠᠭᠤᠨ ᠲᠠᠯ᠎ᠠ ᠶᠢᠨ ᠬᠡᠷᠡᠮ ᠢ ᠨᠡᠯᠢᠶᠡᠳ ᠰᠠᠶᠢᠨ ᠬᠠᠳᠠᠭᠠᠯᠠᠭᠳᠠᠵᠠᠢ ᠂ ᠰᠠᠭᠤᠷᠢ ᠶᠢᠨ ᠥᠷᠭᠡᠨ ᠨᠢ 8.5 ~ 9 ᠮᠧᠲ᠋ᠷ ᠂ ᠦᠯᠡᠳᠡᠭᠳᠡᠯ ᠥᠨᠳᠥᠷ ᠨᠢ 1 ~ 3 ᠮᠧᠲ᠋ᠷ ᠪᠠᠶᠢᠳᠠᠭ ᠃ ᠬᠣᠲᠠ ᠶᠢᠨ ᠪᠠᠷᠠᠭᠤᠨ ᠬᠣᠶᠢᠲᠤ ᠬᠡᠰᠡᠭ ᠲᠦ ᠬᠣᠶᠠᠷ ᠰᠠᠭᠤᠷᠢ ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠬᠠᠳᠠᠭᠠᠯᠠᠭᠳᠠᠵᠤ ᠪᠣᠢ ᠂ ᠲᠡᠨᠳᠡ ᠡᠴᠡ ᠶᠡᠬᠡ ᠬᠡᠮᠵᠢᠶᠡᠨ ᠲᠣᠭᠣᠰᠬ᠎ᠠ ᠂ ᠸᠠᠭᠠᠷ ᠵᠡᠷᠭᠡ ᠪᠠᠷᠢᠯᠭ᠎ᠠ ᠶᠢᠨ   ᠲᠠᠷᠬᠠᠭᠠᠭᠳᠠᠵᠤ ᠂ ᠪᠤᠷᠬᠠᠨ ᠤ ᠬᠥᠷᠥᠭ ᠪᠠ ᠥᠩᠭᠡᠲᠦ ᠱᠤᠭᠤᠮᠠᠯ ᠵᠡᠷᠭᠡ ᠣᠯᠳᠠᠭᠰᠠᠨ  ᠦᠵᠡᠪᠡᠯ ᠂ ᠰᠦᠮ᠎ᠡ ᠬᠡᠶᠢᠳ  ᠪᠠᠷᠢᠯᠭ᠎ᠠ ᠪᠠᠶᠢᠵᠤ ᠪᠠᠶᠢᠭᠰᠠᠨ ᠪᠣᠯᠣᠮᠵᠢ ᠲᠠᠢ ᠃

ᠬᠣᠲᠠ ᠶᠢᠨ ᠪᠠᠷᠠᠭᠤᠨ ᠂ ᠡᠮᠦᠨ᠎ᠡ ᠲᠠᠯ᠎ᠠ ᠶᠢᠨ ᠠᠭᠤᠯᠠᠨ ᠬᠥᠲᠥᠯ ᠳᠡᠭᠡᠷ᠎ᠡ ᠣᠯᠠᠨ ᠠᠷᠪᠢᠨ  ᠪᠣᠯᠠᠰᠢ ᠲᠠᠷᠬᠠᠵᠤ ᠪᠠᠶᠢᠳᠠᠭ ᠃ 1995 ᠣᠨ ᠳᠤ ᠮᠠᠯᠲᠠᠭᠠᠳ ᠂ 32   ᠪᠤᠯᠠᠰᠢ ᠶᠢ ᠴᠡᠪᠡᠷᠯᠡᠨ ᠭᠠᠷᠭᠠᠪᠠ ᠃ ᠣᠯᠠᠩᠬᠢ  ᠨᠢ ᠭᠠᠭᠴᠠ ᠬᠥᠮᠦᠨᠣᠷᠣᠰᠢᠭᠤᠯᠭ᠎ᠠ ᠪᠠᠶᠢᠵᠤ ᠨᠢᠭᠡ ᠮᠣᠳᠣᠨ ᠠᠪᠰᠠ ᠂ ᠴᠥᠭᠡᠨ ᠨᠢ ᠬᠣᠣᠰ ᠬᠥᠮᠦᠨ  ᠬᠠᠮᠲᠤ ᠶᠢᠨ ᠣᠷᠣᠰᠢᠭᠤᠯᠭ᠎ᠠ ᠪᠠᠶᠢᠵᠤ ᠬᠣᠶᠠᠷ ᠮᠣᠳᠣᠨ ᠠᠪᠰᠠ ᠂ ᠪᠠᠰᠠ ᠲᠣᠭᠣᠰᠬ᠎ᠠ ᠂ ᠴᠢᠯᠠᠭᠤ ᠪᠠᠷ ᠵᠡᠷᠭᠡᠯᠡᠭᠰᠡᠨ ᠠᠪᠰᠠ ᠪᠠᠶᠢᠳᠠᠭ ᠃ ᠬᠣᠶᠢᠯᠭ᠎ᠠ ᠶᠢᠨ ᠡᠳ᠋ ᠲᠦ ᠸᠠᠭᠠᠷ ᠤᠨ ᠵᠠᠰᠠᠯ ᠵᠢᠮᠰᠡᠭ ᠂ ᠱᠠᠭᠠᠵᠠᠩ ᠡᠳ᠋ᠯᠡᠯ ᠂ ᠵᠡᠰ ᠡᠳ᠋ᠯᠡᠯ ᠂ ᠲᠡᠮᠦᠷ ᠡᠳ᠋ᠯᠡᠯ ᠂ ᠬᠤᠰᠤᠨ ᠮᠣᠳᠣᠨ ᠬᠠᠯᠢᠰᠤᠨ ᠡᠳ᠋ᠯᠡᠯ ᠂ ᠠᠯᠲᠠᠨ ᠴᠢᠬᠢᠨ ᠵᠠᠰᠠᠯ ᠵᠢᠴᠢ ᠵᠣᠭᠣᠰ ᠵᠡᠷᠭᠡ ᠪᠠᠶᠢᠳᠠᠭ ᠃