ᠵᠤᠬᠢᠶᠠᠭᠴᠢ:
ᠴᠠᠭ:2019-09-12
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠵᠢᠦᠶ ᠶᠠᠨ ᠬᠠᠢ ᠪᠣᠯᠤᠨ ᠵᠢᠦᠶ ᠶᠠᠨ ᠰᠠᠢ
ᠵᠢᠤᠢ ᠶᠠᠨ ᠬᠠᠢ ᠨᠠᠭᠤᠷ ᠢ ᠪᠠᠰᠠ 《 ᠵᠢᠤᠢ ᠶᠠᠨ ᠽᠸ 》 ᠭᠡᠳᠡᠭ ᠂ ᠥᠨᠳᠥᠷᠯᠢᠭ ᠳᠡᠬᠢ ᠨᠢᠭᠡᠨ ᠳᠣᠲᠤᠭᠠᠲᠤ ᠨᠠᠭᠤᠷ ᠪᠣᠯᠤᠨᠠ ᠃ ᠡᠷᠲᠡ ᠠᠴᠠ ᠨᠠᠰᠢ ᠂ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠ ᠶᠢᠨ ᠬᠣᠶᠢᠲᠤ ᠪᠠᠯ ᠠᠴᠠ ᠡᠬᠢ ᠠᠪᠴᠤ ᠂ ᠭᠠᠨᠰᠦ ᠮᠤᠵᠢ ᠠᠴᠠ ᠥᠪᠥᠷ ᠮᠣᠩᠭᠣᠯ ᠤᠨ ᠬᠢᠵᠠᠭᠠᠷ ᠲᠤ ᠤᠷᠤᠰᠤᠨ ᠣᠷᠣᠵᠤ ᠣᠷᠤᠳᠠᠭ ᠨᠢᠭᠡᠨ ᠭᠣᠣᠯ ᠂ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ 《 ᠡᠵᠡᠨᠡ 》 ᠭᠡᠵᠦ ᠨᠡᠷᠡᠶᠢᠳᠴᠦ ᠪᠠᠶᠢᠪᠠ ᠃ ᠡᠨᠡ ᠬᠦ ᠨᠢ ᠵᠢᠯ ᠪᠦᠷᠢ ᠶᠢᠨ ᠦᠶᠡᠷ ᠦᠨ ᠤᠯᠠᠷᠢᠯ ᠳᠤ ᠭᠣᠸᠯ ᠤᠨ ᠤᠰᠤ ᠨᠢ ᠣᠳᠣ ᠶᠢᠨ ᠵᠢᠤᠢ ᠶᠠᠨ ᠬᠠᠢ ᠣᠷᠣᠨ ᠦ ᠲᠤᠨᠤᠮᠠᠯ ᠲᠠᠯᠠ ᠭᠠᠵᠠᠷ ᠲᠤ ᠬᠤᠷᠠᠮᠳᠤᠵᠤ ᠂ ᠡᠨᠡ ᠬᠦ ᠦᠵᠡᠮᠵᠢ ᠶᠢ ᠪᠣᠶ ᠪᠣᠯᠭᠠᠬᠰᠠᠨ ᠪᠠᠶᠢᠳᠠᠭ ᠃
ᠬᠠᠨ ᠤᠯᠤᠰ ᠤᠨ ᠂ ᠵᠢᠤᠢ ᠶᠠᠨ ᠬᠠᠢ ᠣᠷᠣᠨ ᠤ ᠴᠢᠬᠤᠯᠠ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠦᠨᠳᠦᠰᠦᠯᠡᠨ ᠂ 《 ᠵᠢᠤᠢ ᠶᠠᠨ ᠳ᠋ᠦᠸ᠋ᠸᠢ 》 ᠂ 《 ᠵᠢᠶᠠᠨ ᠱᠦᠢᠢ ᠳ᠋ᠦᠸ᠋ᠸᠢ 》 ᠮᠡᠲᠦ ᠶᠢᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠪᠠᠶᠢᠭᠤᠯᠤᠮᠵᠢ ᠶᠢ ᠪᠠᠶᠢᠭᠤᠯᠵᠠᠶ ᠃ ᠡᠭᠦᠨ ᠦ ᠬᠠᠮᠲᠤ ᠂ ᠣᠳᠣ ᠶᠢᠨ ᠥᠪᠥᠷ ᠮᠣᠩᠭᠣᠯ ᠂ ᠭᠠᠨᠰᠤ ᠮᠤᠵᠢ ᠬᠣᠶᠠᠷ ᠭᠠᠵᠠᠷ ᠢ ᠰᠤᠨᠳᠠᠯᠠᠭᠰᠠᠨ ᠴᠠᠶᠢᠵᠠ ᠬᠡᠷᠡᠮ ᠪᠣᠯᠤᠨ ᠴᠣᠨᠵᠢ ᠶᠢ ᠪᠠᠶᠢᠭᠤᠯᠪᠠ ᠃ ᠡᠷᠲᠡ ᠳᠦ ᠪᠡᠨ 《 ᠵᠢᠣᠢ ᠶᠠᠨ ᠰᠠᠢ 》 ᠭᠡᠳᠡᠭ ᠪᠠᠶᠢᠪᠠ ᠃
ᠡᠷᠲᠡᠨ ᠦ ᠦᠶᠡ ᠶᠢᠨ ᠵᠢᠣᠢ ᠶᠠᠨ ᠰᠠᠢ ᠶᠢ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠬᠢᠨ ᠠᠯᠢ ᠡᠷᠲᠡ ᠢᠷᠭᠡᠨ ᠤᠯᠤᠰ ᠤᠨ 19 ᠣᠨ ( 1930 ᠣᠨ ) ᠦ ᠤᠷᠢᠳ ᠬᠣᠵᠢᠳ ᠢᠶᠠᠷ ᠠᠩᠬᠠᠷᠴᠤ ᠡᠬᠢᠯᠡᠵᠡᠶ ᠃ ᠲᠤᠬᠠᠶ ᠶᠢᠨ ᠭᠠᠵᠠᠷ ᠲᠤ ᠪᠠᠶᠢᠴᠠᠭᠠᠯᠲᠠ ᠬᠢᠬᠦ ᠪᠠ ᠮᠠᠯᠲᠠᠬᠤ ᠶᠠᠪᠤᠴᠠ ᠳᠤ ᠬᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠲᠦᠮᠡ ᠭᠠᠷᠤᠢ ᠬᠤᠯᠤᠰᠤᠨ ᠴᠤᠭᠤᠳᠠᠰᠤ ᠶᠢ ᠢᠯᠡᠷᠡᠭᠦᠯᠵᠡᠶ ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠣᠯᠲᠠᠯᠠ ᠦᠷᠭᠦᠯᠵᠢ ᠬᠢᠲᠠᠳ ᠬᠢᠯᠪᠠᠷ ᠠᠴᠠ ᠣᠯᠳᠠᠳᠠᠭ ᠪᠠᠶᠢᠵᠠᠢ ᠃ ᠤᠳᠤ ᠨᠢᠭᠡᠨᠲᠡ ᠢᠯᠡᠷᠡᠭᠦᠯᠦᠭᠡᠳ ᠪᠠᠶᠢᠭᠠ ᠴᠣᠨᠵᠢ ᠶᠢᠨ ᠪᠠᠭᠤᠷᠢ ᠪᠠᠷᠤᠭ 100 ᠭᠠᠷᠤᠶ ᠪᠠᠶᠢᠨᠠ ᠃ ᠵᠢᠤᠢ ᠶᠠᠨ ᠬᠠᠢ ᠨᠠᠭᠤᠷ ᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠪᠠᠰᠠ ᠲᠠᠷᠢᠶᠠᠨ ᠤ ᠣᠷᠣᠮ ᠢ ᠢᠯᠡᠷᠡᠭᠦᠯᠵᠡᠢ ᠂ ᠡᠨᠡ ᠨᠢ ᠡᠨᠳᠡ ᠥᠩᠭᠡᠷᠡᠭᠡᠭᠰᠡᠨ ᠳᠦ ᠪᠡᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ ᠃ ᠲᠡᠷᠡ ᠬᠠᠪᠢ ᠠᠴᠠ ᠰᠣᠯᠢᠪᠴᠠᠭᠰᠠᠨ ᠭᠠᠵᠠᠷ ᠴᠠᠶᠢᠵᠠ ᠬᠡᠷᠡᠮ ᠂ ᠭᠡᠷ ᠰᠠᠭᠤᠴᠠ ᠶᠢᠨ ᠪᠠᠭᠤᠷᠢ ᠂ ᠬᠠᠨ ᠤᠯᠤᠰ ᠤᠨ ᠸᠠᠭᠠᠷ ᠤᠨ ᠬᠡᠯᠲᠡᠷᠬᠡᠢ ᠵᠡᠷᠭᠡ ᠶᠢ ᠢᠯᠡᠷᠡᠭᠦᠯᠵᠡᠢ ᠃ ᠮᠠᠯᠲᠠᠵᠤ ᠭᠠᠷᠭᠠᠭᠰᠠᠨ ᠶᠠᠭᠤᠮᠠᠰ ᠤᠨ ᠳᠣᠲᠣᠷᠠ ᠬᠢᠲᠤᠭᠠ ᠰᠡᠯᠡᠮᠡ ᠮᠡᠲᠦ ᠶᠢᠨ ᠴᠡᠷᠢᠭ ᠦᠨ ᠵᠡᠪᠰᠡᠭ ᠬᠠᠶᠢᠷ ᠴᠢᠯᠠᠭᠤ ᠵᠢᠴᠢ ᠲᠠᠷᠢᠶᠠᠯᠠᠩ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠠ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠪᠠᠶᠢᠳᠠᠭ ᠃ ᠨᠠᠩ ᠡᠷᠬᠢᠮ ᠨᠠᠨᠳᠢᠨ ᠵᠦᠶᠯ ᠭᠡᠪᠡᠯ ᠲᠤᠬᠠᠶ ᠶᠢᠨ ᠦᠶᠡ ᠶᠢᠨ ᠬᠢᠯᠢ ᠶᠢᠨ ᠴᠠᠶᠢᠵᠠ ᠬᠣᠲᠠ ᠬᠥᠳᠡᠭᠡ ᠶᠢᠨ ᠪᠠᠶᠢᠳᠠᠯ ᠢ ᠲᠡᠮᠳᠡᠭᠯᠡᠭᠰᠡᠨ ᠲᠡᠳᠡᠭᠡᠷ ᠲᠣᠪᠴᠢ ᠪᠢᠴᠢᠭ ᠪᠣᠯᠤᠨᠠ ᠃
