ᠵᠤᠬᠢᠶᠠᠭᠴᠢ:
ᠴᠠᠭ:2019-08-23
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠪᠣᠷᠣ ᠲᠣᠯᠣᠭᠠᠶ ᠶᠢᠨ ᠰᠦᠮᠡ
ᠪᠣᠷᠣ ᠲᠣᠯᠣᠭᠠᠶ ᠶᠢᠨ ᠰᠦᠮᠡ ᠶᠢ ᠬᠢᠲᠠᠳ ᠢᠶᠡᠷ 《 ᠰᠢᠦ ᠳ᠋ᠧ ᠰᠧ ᠰᠦᠮᠡ 》 ᠭᠡᠳᠡᠭ ᠂ ᠮᠣᠩᠭᠣᠯ ᠢᠶᠠᠷ ᠶᠡᠬᠡᠨᠠᠭᠤᠷ ᠰᠦᠮᠡ ᠭᠡᠳᠡᠭ ᠃ ᠰᠢᠯᠢ ᠶᠢᠨ ᠭᠣᠸᠯ ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠬᠥᠪᠡᠭᠡᠲᠦ ᠴᠠᠭᠠᠨ ᠬᠣᠰᠢᠭᠤᠨ ᠤ ᠶᠡᠬᠡᠨᠠᠭᠤᠷ ᠰᠤᠮᠤᠨ ᠤ ᠬᠡᠪᠴᠢᠶᠡᠨ ᠳᠦ ᠪᠣᠢ ᠃ ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢ ᠶᠢᠰᠦᠳᠦᠭᠡᠷ ᠣᠨ ( 1720 ᠣᠨ ) ᠳᠤ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ ᠂ ᠰᠦᠮᠡ ᠬᠡᠶᠢᠳ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠲᠩᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ 《ᠰᠢᠦ ᠳ᠋ᠧ ᠰᠧ ᠰᠦᠮᠡ 》 ᠭᠡᠵᠦ ᠨᠡᠷᠡ ᠬᠠᠶᠢᠷᠠᠯᠠᠪᠠ ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠵᠠᠩᠭᠢᠶᠠ ᠬᠤᠲᠤᠭᠲᠤ ᠲᠤᠰ ᠰᠦᠮᠡ ᠳᠦ ᠬᠦᠷᠴᠦ ᠨᠣᠮ ᠲᠠᠯᠪᠢᠵᠤ ᠥᠩᠭᠡᠷᠡᠭᠰᠡᠨ ᠪᠠᠶᠢᠳᠠᠭ ᠃ ᠬᠦᠭᠵᠢᠵᠦ ᠪᠠᠳᠠᠷᠠᠵᠤ ᠪᠠᠶᠢᠭᠰᠠᠨ ᠦᠶᠡ ᠳᠤ ᠪᠠᠨ 380 ᠭᠠᠷᠤᠢ ᠯᠠᠮᠠ ᠬᠤᠸᠠᠷᠠᠭ ᠲᠠᠢ ᠪᠠᠶᠢᠵᠠᠢ ᠃ ᠣᠳᠣ ᠪᠣᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠭᠣᠸᠯᠳᠠᠯᠭᠠ ᠲᠠᠶ ᠲᠡᠸᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠶᠯᠡᠰ ᠦᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠭᠡᠴᠡ ᠪᠣᠯᠪᠠ ᠃
ᠪᠣᠷᠣ ᠲᠣᠯᠣᠭᠠᠶ ᠶᠢᠨ ᠰᠦᠮᠡ ᠨᠡᠯᠢᠶᠡᠳ ᠲᠣᠮᠣ ᠬᠠᠮ ᠮᠠᠶ᠋ᠢᠭ ᠤᠨ ᠡᠷᠲᠡᠨ ᠦ ᠪᠠᠷᠢᠯᠭᠠ ᠨᠤᠭᠤᠳ ᠪᠠᠶᠢᠵᠤ ᠂ ᠪᠠᠷᠤᠭ 1.4 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠭᠠᠵᠠᠷ ᠡᠵᠡᠯᠡᠵᠦ ᠪᠠᠶᠢᠳᠠᠭ ᠃ ᠭᠤᠷᠪᠠᠨ ᠬᠦᠷᠢᠶᠡ ᠬᠠᠰᠢᠶᠠ ᠂ 9 ᠶᠡᠬᠡ ᠲᠣᠭᠠᠩ ᠲᠠᠢ ᠂ ᠰᠦᠮᠡ ᠶᠢᠨ ᠳᠣᠲᠤᠷᠠ ᠵᠠᠩᠭᠢᠶᠠ ᠬᠤᠲᠤᠭᠲᠤ ᠶᠢᠨ ᠬᠡᠷᠡᠭᠯᠡᠵᠦ ᠥᠩᠭᠡᠷᠡᠭᠰᠡᠨ ᠰᠢᠷᠡᠭᠡ ᠶᠢ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠳᠠᠭ ᠃ ᠪᠣᠷᠣ ᠲᠣᠯᠣᠭᠠᠶ ᠶᠢᠨ ᠰᠦᠮᠡ ᠬᠦᠷᠢᠶᠡ ᠬᠡᠪᠴᠢᠶᠡ ᠨᠢ ᠵᠥᠪᠬᠡᠨ ᠰᠢᠯᠢ ᠶᠢᠨ ᠭᠣᠸᠯ ᠠᠶᠢᠮᠠᠭ ᠤᠨ ᠴᠢᠭᠤᠯᠭᠠᠨ ᠤ ᠪᠡᠶᠢᠰᠡ ᠶᠢᠨ ᠰᠦᠮᠡ ᠶᠢᠨ ᠳᠠᠷᠠᠭᠠ ᠣᠷᠣᠬᠤ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠰᠦᠮᠡ ᠪᠣᠯᠤᠨᠠ ᠃
