ᠪᠣᠶᠠᠨ ᠤᠳᠤᠷᠢᠳᠤᠭᠴᠢ ᠰᠦᠮ᠎ᠡ  ᠶᠢᠨ ᠮᠣᠩᠭᠣᠯ ᠨᠡᠷ᠎ᠡ ᠨᠢ 《 ᠰᠢᠷ᠎ᠠ ᠰᠦᠮ᠎ᠡ 》 ᠭᠡᠳᠡᠭ ᠃ ᠰᠢᠯᠢ ᠶᠢᠨ ᠭᠣᠣᠯ  ᠠᠶᠢᠮᠠᠭ ᠤᠨ ᠴᠢᠭᠤᠯᠭᠠᠨ ᠤ ᠳᠣᠯᠣᠨᠨᠠᠭᠤᠷ ᠰᠢᠶᠠᠨ ᠤ ᠬᠣᠲᠠ ᠠᠴᠠ ᠬᠣᠢᠰᠢ ᠂  ᠬᠥᠬᠡ ᠰᠦᠮ᠎ᠡ  ᠡᠴᠡ ᠪᠠᠷᠠᠭᠤᠨ  ᠡᠮᠦᠨᠡᠰᠢ ᠭᠠᠵᠠᠷ ᠤᠨ ᠵᠠᠢᠲᠠᠢ ᠪᠠᠢᠷᠢᠰᠢᠵᠤ ᠪᠣᠢ ᠃ ᠴᠢᠩ ᠤᠯᠤᠰ ᠨᠠᠶᠢᠷᠠᠯᠲᠤ ᠲᠥᠪ ᠦᠨ ᠲᠠᠪᠤᠳᠤᠭᠠᠷ ᠣᠨ ( 1727 )  ᠳᠤ ᠡᠬᠢᠯᠡᠨ ᠪᠠᠢᠭᠤᠯᠵᠤ ᠂  ᠴᠢᠩ ᠤᠯᠤᠰ ᠤᠨ ᠨᠠᠶᠢᠷᠠᠯᠲᠤ ᠲᠥᠪ ᠦᠨ ᠶᠢᠰᠦᠳᠦᠭᠡᠷ ᠣᠨ ( 1731 )  ᠳᠤ ᠪᠠᠷᠢᠯᠭ᠎ᠠ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠂ ᠴᠢᠩ ᠤᠯᠤᠰ 《 ᠪᠣᠶᠠᠨ ᠤᠳᠤᠷᠢᠳᠤᠭᠴᠢ ᠰᠦᠮ᠎ᠡ 》 ᠭᠡᠰᠡᠨ ᠨᠡᠷ᠎ᠡ ᠬᠠᠶᠢᠷᠠᠯᠠᠵᠠᠶ ᠃ ᠰᠦᠮ᠎ᠡ  ᠦᠨ ᠣᠷᠣᠢ  ᠶᠢ ᠰᠢᠷ᠎ᠠ ᠰᠢᠯ ᠸᠠᠭᠠᠷ ᠢᠶᠠᠷ  ᠲᠡᠭᠡᠪᠦᠷᠢᠯᠡᠭᠰᠡᠨ ᠲᠤᠯᠠ ᠰᠢᠷ᠎ᠠ ᠰᠦᠮ᠎ᠡ ᠭᠡᠵᠦ ᠨᠡᠷᠡᠶᠢᠳᠴᠡᠶ ᠃ ᠪᠠᠰᠠ ᠲᠤᠰ ᠰᠦᠮ᠎ᠡ ᠶᠢ   ᠬᠥᠬᠡ ᠰᠦᠮ᠎ᠡ ᠡᠴᠡ ᠣᠷᠣᠢ ᠪᠠᠢᠭᠤᠯᠤᠭᠰᠠᠨ ᠪᠥᠭᠡᠳ ᠬᠥᠬᠡ ᠰᠦᠮ᠎ᠡ  ᠶᠢᠨ ᠪᠠᠷᠠᠭᠤᠨ ᠲᠠᠯ᠎ᠠ ᠳᠤ  ᠨᠢ ᠪᠠᠶᠢᠷᠢᠯᠠᠵᠤ ᠪᠠᠶᠢᠭ᠎ᠠ ᠲᠤᠯᠠ 《 ᠪᠠᠷᠠᠭᠤᠨ ᠶᠡᠬᠡ ᠰᠠᠩ 》 ᠭᠡᠳᠡᠭ ᠃ ᠰᠦᠮ᠎ᠡ ᠪᠠᠳᠠᠷᠠᠨ ᠬᠦᠭᠵᠢᠵᠦ ᠪᠠᠶᠢᠭᠰᠠᠨ ᠦᠶ᠎ᠡ ᠳᠤ ᠬᠡᠳᠦᠨ ᠮᠢᠩᠭᠠᠨ ᠯᠠᠮᠠ  ᠲᠠᠢ ᠪᠠᠶᠢᠵᠠᠢ ᠃ ᠣᠳᠣ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠭᠣᠣᠯᠳᠠᠯᠭ᠎ᠠ ᠲᠠᠢ ᠲᠡᠤᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯ  ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠭᠡᠴᠡ ᠪᠣᠯᠤᠨ᠎ᠠ ᠃

ᠴᠢᠩ  ᠤᠯᠤᠰ ᠤᠨ ᠨᠠᠶᠢᠷᠠᠯᠲᠤ ᠲᠥᠪ ᠦᠨ ᠲᠠᠪᠤᠳᠤᠭᠠᠷ ᠣᠨ ( 1727 )  ᠳᠤ ᠤᠯᠤᠰ ᠤᠨ ᠬᠦᠮᠦᠷᠭᠡ ᠶᠢᠨ 10 ᠲᠦᠮᠡᠨ ᠯᠠᠩ ᠮᠥᠩᠭᠥ ᠶᠢ ᠬᠡᠷᠡᠭᠯᠡᠵᠦ  ᠬᠥᠬᠡ ᠰᠦᠮ᠎ᠡ ᠡᠴᠡ ᠪᠠᠷᠠᠭᠤᠨ ᠡᠮᠦᠨᠡᠰᠢ  ᠭᠠᠵᠠᠷ ᠤᠨ ᠵᠠᠢ ᠳᠤ᠂ ᠵᠠᠩᠭᠢᠶ᠎ᠠ ᠬᠤᠲᠤᠭᠲᠤ  ᠳᠦ ᠤᠷᠠᠨ ᠨᠠᠷᠢᠯᠢᠭ ᠂ ᠰᠦᠷ ᠵᠢᠪᠬᠤᠭ᠎ᠠ ᠲᠠᠢ ᠰᠦᠮ᠎ᠡ ᠪᠠᠢᠭᠤᠯᠵᠤ ᠂ ᠴᠢᠩ ᠤᠯᠤᠰ  ᠤᠨ ᠨᠠᠶᠢᠷᠠᠯᠲᠤ ᠲᠥᠪ ᠦᠨ ᠶᠢᠰᠦᠳᠦᠭᠡᠷ ᠣᠨ ( 1731 )  ᠳᠤ   ᠪᠠᠢᠭᠤᠯᠵᠤ  ᠳᠠᠭᠤᠰᠬᠠᠭᠠᠳ ᠂ ᠨᠠᠶᠢᠷᠠᠯᠲᠤ ᠲᠥᠪ ᠬᠠᠭᠠᠨ ᠥᠪᠡᠷ ᠦᠨ ᠪᠡᠶ᠎ᠡ ᠪᠡᠷ ᠢᠶᠡᠨ 《 ᠪᠣᠶᠠᠨ ᠤᠳᠤᠷᠢᠳᠤᠭᠴᠢ ᠰᠦᠮ᠎ᠡ 》 ᠬᠡᠮᠡᠨ ᠪᠢᠴᠢᠭᠰᠡᠨ ᠪᠥᠭᠡᠳ ᠲᠤᠰ  ᠰᠦᠮ᠎ᠡ ᠳᠦ ᠳᠤᠷᠠᠰᠬᠠᠯ  ᠤᠨ ᠬᠥᠰᠢᠶᠡᠨ ᠦ ᠪᠢᠴᠢᠭ ᠪᠢᠴᠢᠵᠦ ᠥᠭᠭᠦᠭᠰᠡᠨ ᠪᠠᠢᠨ᠎ᠠ ᠃

ᠰᠦᠮ᠎ᠡ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠳᠠᠷᠠᠭ᠎ᠠ ᠂ ᠴᠢᠩ ᠦᠨ ᠲᠥᠷᠥ ᠠᠴᠠ ᠬᠥᠬᠡ ᠰᠦᠮ᠎ᠡ᠂ ᠪᠣᠶᠠᠨ ᠤᠳᠤᠷᠢᠳᠤᠭᠴᠢ ᠰᠦᠮ᠎ᠡ ᠶᠢ ᠬᠠᠮᠲᠤ ᠳᠤᠨᠢ ᠬᠣᠶᠠᠳᠤᠭᠠᠷ ᠳᠦᠷᠢ ᠶᠢᠨ ᠵᠠᠩᠭᠢᠶ᠎ᠠ ᠬᠤᠲᠤᠭᠲᠤ ᠳᠤ ᠲᠤᠰᠢᠶᠠᠨ ᠥᠭᠴᠦ ᠬᠠᠮᠢᠶᠠᠷᠤᠭᠤᠯᠪᠠ ᠃ ᠡᠭᠦᠨ ᠡᠴᠡ ᠠᠪᠤᠭᠠᠳ ᠪᠣᠶᠠᠨ ᠤᠳᠤᠷᠢᠳᠤᠭᠴᠢ ᠰᠦᠮ᠎ᠡ ᠪᠣᠯᠤᠨ  ᠬᠥᠬᠡ ᠰᠦᠮ᠎ᠡ《 ᠰᠢᠨ᠎ᠡ ᠬᠠᠭᠤᠴᠢᠨ ᠬᠣᠶᠠᠷ ᠰᠦᠮ᠎ᠡ ᠡᠰᠡᠷᠭᠦᠯᠡᠨ ᠣᠷᠣᠰᠢᠵᠤ ᠂ ᠬᠢᠯᠢ ᠨᠤᠲᠤᠭ ᠤᠨ ᠠᠤᠭ᠎ᠠ ᠦᠵᠡᠮᠵᠢ 》 ᠪᠣᠯᠤᠭᠰᠠᠨ ᠪᠠᠢᠨ᠎ᠠ ᠃