ᠵᠤᠬᠢᠶᠠᠭᠴᠢ:
ᠴᠠᠭ:2018-09-25
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠲᠤᠭᠲᠠᠬᠤ ᠬᠤᠲᠠ ᠶᠢᠨ ᠪᠠᠭᠤᠷᠢ
ᠬᠦᠬᠡᠬᠤᠲᠠ ᠶᠢᠨ ᠲᠤᠭᠲᠠᠬᠤ ᠰᠢᠶᠠᠨ ᠳᠤ ᠪᠠᠶᠢᠷᠢᠯᠠᠲᠠᠭ ᠲᠤᠭᠲᠠᠬᠤ ᠬᠤᠲᠠ ᠪᠤᠯ ᠮᠠᠨ ᠤ ᠤᠷᠤᠨ ᠤ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠬᠠᠲᠠᠭᠠᠯᠠᠯᠲᠠ ᠪᠠᠷ ᠬᠠᠮᠤᠭ ᠤᠨ ᠪᠦᠷᠢᠨ᠂ ᠲᠠᠯᠠᠪᠠᠢ ᠪᠠᠷ ᠬᠠᠮᠤᠭ ᠤᠨ ᠶᠡᠭᠡ ᠡᠷᠳᠡᠨ ᠤ ᠬᠤᠲᠠ ᠶᠢᠨ ᠪᠠᠭᠤᠷᠢ ᠪᠤᠯᠬᠤ ᠶᠤᠮ᠃ ᠲᠤᠰ ᠬᠤᠲᠠ ᠶᠢᠨ ᠪᠠᠭᠤᠷᠢ ᠨᠢ ᠲᠠᠩ ᠤᠯᠤᠰ ᠤᠨ ᠳ᠋ᠦᠩ ᠱᠸᠦ ᠰᠢᠶᠠᠩ ᠴᠧᠩ ᠬᠤᠲᠠ᠂ ᠯᠢᠶᠤᠤ ᠤᠯᠤᠰ ᠠᠯᠲᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠳ᠋ᠦᠩ ᠱᠧᠩ ᠵᠸᠦ ᠴᠧᠩ ᠬᠤᠲᠠ᠂ ᠮᠢᠩ ᠤᠯᠤᠰ ᠤᠨ ᠳ᠋ᠦᠩ ᠱᠧᠩ ᠸᠧᠢ ᠴᠧᠩ ᠬᠤᠲᠠ ᠵᠡᠷᠭᠡ ᠲᠡᠦᠭᠡᠨ ᠲᠡᠭᠡᠷᠡᠬᠢ 3 ᠨᠡᠷᠡᠲᠦ ᠬᠤᠲᠠ ᠶᠢ ᠪᠠᠭᠲᠠᠭᠠᠭᠰᠠᠨ ᠪᠠᠶᠢᠲᠠᠭ᠃ 900 ᠭᠠᠷᠤᠢ ᠵᠢᠯ ᠤᠨ ᠲᠡᠦᠭᠡ ᠲᠠᠢ ᠡᠨᠡ ᠬᠦ ᠡᠷᠳᠡᠨ ᠤ ᠬᠤᠲᠠ ᠨᠢ ᠮᠢᠩ ᠤᠨ ᠰᠡᠬᠦᠯᠴᠢ ᠴᠢᠩ ᠤᠨ ᠠᠭᠠᠵᠢᠮ ᠢᠶᠠᠷ ᠡᠪᠳᠡᠷᠡᠨ ᠰᠦᠢᠷᠡᠵᠦ ᠬᠠᠶᠠᠭᠲᠠᠭᠰᠠᠨ ᠪᠠᠶᠢᠨᠠ᠃
ᠲᠡᠦᠭᠡᠨ ᠲᠡᠭᠡᠷᠡ ᠲᠤᠰ ᠬᠤᠲᠠ ᠨᠢ ᠵᠡᠬᠦᠨ ᠪᠠᠷᠠᠭᠤᠨ ᠢ ᠬᠤᠯᠪᠤᠵᠦ᠂ ᠡᠮᠦᠨᠡ ᠤᠮᠠᠷᠠ ᠶᠢ ᠵᠠᠯᠭᠠᠭᠰᠠᠨ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠬᠦᠢᠰᠦ ᠪᠠᠶᠢᠬᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ᠂ ᠬᠠᠲᠤᠨ ᠭᠤᠤᠯ ᠤᠨ ᠤᠯᠤᠮ ᠪᠠᠶᠢᠬᠰᠠᠨ ᠤᠴᠢᠷ ᠠᠴᠠ ᠴᠡᠷᠢᠭ ᠲᠠᠶᠢᠨ ᠤ ᠪᠠᠶᠢᠯᠲᠤᠬᠤ ᠪᠤᠲᠤᠯᠭᠠ ᠶᠢᠨ ᠴᠢᠬᠤᠯᠠ ᠭᠠᠵᠠᠷ ᠪᠠ ᠴᠡᠷᠢᠭ ᠲᠤᠮᠢᠯᠠᠵᠦ ᠴᠢᠩᠭᠠ ᠰᠠᠬᠢᠭᠤᠯᠵᠦ ᠪᠠᠶᠢᠬᠰᠠᠨ ᠵᠠᠩᠬᠢᠯᠠᠭᠠ ᠶᠢᠨ ᠬᠤᠲᠠ ᠪᠠᠶᠢᠬᠰᠠᠨ ᠶᠤᠮ᠃
900 ᠭᠠᠷᠤᠢ ᠵᠢᠯ ᠤᠨ ᠤᠷᠲᠤ ᠤᠲᠠᠭᠠᠨ ᠲᠡᠦᠭᠡ ᠶᠢᠨ ᠬᠤᠭᠤᠴᠠᠭᠠ ᠶᠢ ᠦᠡᠭᠭᠡᠷᠡᠭᠦᠯᠦᠭᠰᠡᠨ ᠪᠤᠯᠬᠤᠷ᠂ ᠲᠤᠭᠲᠠᠬᠤ ᠬᠤᠲᠠ ᠶᠢᠨ ᠲᠤᠤᠷᠠ ᠮᠠᠰᠢ ᠤᠯᠠᠨ ᠲᠡᠦᠭᠡ ᠶᠢᠨ ᠦᠯᠡᠳᠡᠭᠳᠡᠯ ᠪᠤᠲᠠᠰ ᠬᠠᠲᠠᠭᠠᠯᠠᠬᠲᠠᠵᠦ ᠪᠠᠶᠢᠲᠠᠭ᠃ ᠡᠬᠦᠨ ᠳᠤ ᠲᠤᠭᠠ ᠬᠡᠮᠵᠢᠶᠡ ᠪᠠᠷ ᠬᠠᠮᠤᠭ ᠠᠴᠠ ᠤᠯᠠᠨ ᠪᠠᠶᠢᠲᠠᠭ ᠨᠢ ᠡᠯᠡ ᠲᠦᠷᠦ ᠶᠢᠨ ᠡᠷᠳᠡᠨ ᠤ ᠵᠤᠭᠤᠰ ᠪᠤᠯᠬᠤ ᠶᠤᠮ᠃ ᠡᠳᠡᠭᠡᠷ ᠵᠤᠭᠤᠰ ᠪᠠᠭᠠ ᠳᠠᠭᠠᠨ ᠬᠡᠲᠦᠭᠡᠨ ᠬᠡᠯᠬᠢᠶᠡ᠂ ᠤᠯᠠᠨ ᠳᠠᠭᠠᠨ ᠬᠡᠲᠦᠨ ᠠᠷᠪᠠᠨ ᠵᠢᠩ ᠪᠤᠶᠤ ᠬᠡᠲᠦᠨ ᠵᠠᠭᠤᠨ ᠵᠢᠩ ᠢᠶᠠᠷ ᠬᠤᠲᠠ ᠶᠢᠨ ᠲᠤᠲᠤᠨᠠ ᠭᠠᠲᠠᠨᠠᠬᠢ ᠲᠠᠷᠢᠶᠠᠨ ᠭᠠᠵᠠᠷ ᠪᠤᠶᠤ ᠬᠦᠳᠡᠭᠡ ᠭᠡᠭᠡᠷᠡ ᠪᠤᠯᠠᠭᠲᠠᠵᠦ ᠪᠠᠶᠢᠵᠠᠢ᠃ ᠡᠷᠳᠡᠨ ᠤ ᠵᠤᠭᠤᠰ ᠢ ᠦᠯᠵᠡᠢ ᠪᠡᠯᠭᠡ ᠵᠤᠯ ᠵᠢᠷᠭᠠᠯ᠂ ᠡᠩᠭᠡ ᠲᠠᠶᠢᠪᠤᠩ ᠦᠯᠵᠡᠢ ᠬᠤᠲᠤᠭ ᠢ ᠪᠡᠯᠭᠡᠳᠡᠭᠰᠡᠨ ᠮᠠᠰᠢ ᠤᠯᠠᠨ ᠨᠠᠷᠢᠯᠢᠭ ᠭᠤᠶᠤ ᠰᠡᠶᠢᠯᠦᠮᠡᠯ ᠵᠢᠷᠤᠭ ᠢᠶᠠᠷ ᠤᠷᠠᠯᠠᠬᠰᠠᠨ ᠪᠤᠯᠬᠤᠷ ᠡᠳᠡᠭᠡᠷ ᠵᠤᠭᠤᠰ ᠠᠴᠠ ᠡᠷᠳᠡᠨ ᠤ ᠤᠷᠠ ᠲᠠᠷᠬᠠᠳ ᠤᠨ ᠤᠷᠠᠯᠢᠭ ᠤᠨ ᠬᠢᠷᠢ ᠲᠦᠪᠰᠢᠨ ᠪᠠ ᠭᠤᠸᠠ ᠬᠦᠷᠳᠡᠭᠡᠯ ᠢ ᠤᠯᠵᠦ ᠬᠠᠷᠠᠲᠠᠭ᠃ ᠶᠡᠭᠡ ᠬᠡᠮᠵᠢᠶᠡᠨ ᠤ ᠡᠷᠳᠡᠨ ᠤ ᠦᠯᠡᠳᠡᠭᠳᠡᠯ ᠪᠤᠲᠠᠰ ᠨᠢ ᠲᠤᠭᠲᠠᠬᠤ ᠬᠤᠲᠠ ᠶᠢᠨ ᠦᠨᠢ ᠤᠲᠠᠭᠠᠨ ᠲᠡᠦᠭᠡ ᠶᠢᠨ ᠤᠯᠠ ᠮᠦᠷ ᠢ ᠬᠠᠷᠠᠭᠤᠯᠤᠬᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ ᠤᠮᠠᠷᠠᠲᠦ ᠤᠷᠤᠨ ᠤ ᠡᠷᠳᠡᠨ ᠤ ᠪᠤᠯᠪᠠᠰᠦᠨ ᠢ ᠪᠤᠰᠤᠳᠴᠢ ᠪᠠᠷ ᠲᠤᠰᠬᠠᠬᠰᠠᠨ ᠪᠢᠯᠡ᠃
ᠲᠤᠬᠲᠠᠬᠤ ᠬᠤᠲᠠ ᠶᠢᠨ ᠲᠡᠦᠭᠡ ᠰᠤᠶᠤᠯ ᠤᠨ ᠬᠦᠨᠵᠡᠭᠡᠢ ᠠᠭᠤᠯᠬᠤᠨ ᠨᠢ ᠲᠤᠬᠲᠠᠬᠤ ᠰᠢᠶᠠᠨ ᠤ ᠡᠯᠡᠰᠦ ᠮᠠᠩᠬᠠ ᠪᠠ ᠬᠠᠲᠤᠨ ᠭᠤᠤᠯ ᠤᠨ ᠦᠵᠡᠮᠵᠢ ᠯᠦᠭᠡ ᠠᠭᠤᠰᠤᠯᠴᠠᠭᠠᠳ ᠦᠵᠡᠮᠵᠢ ᠰᠤᠨᠢᠷᠬᠠᠬᠤ᠂ ᠲᠡᠦᠭᠡ ᠰᠤᠶᠤᠯ ᠢ ᠤᠢᠢᠯᠠᠭᠠᠬᠤ ᠨᠢᠬᠡᠨ ᠤᠨ ᠰᠢᠯᠢᠳᠡᠭ ᠵᠠᠮ ᠱᠤᠭᠤᠮ ᠢ ᠪᠤᠢ ᠃
