ᠵᠤᠬᠢᠶᠠᠭᠴᠢ:
ᠴᠠᠭ:2024-02-29
ᠥᠵᠡᠭᠰᠡᠨ : ℃
ᠢᠷᠡᠯᠲᠡ:
ᠴᠢᠩᠭᠢᠰ ᠰᠦᠮᠡ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠣᠷᠣᠨ
ᠴᠢᠩᠭᠢᠰ ᠰᠦᠮᠡ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠣᠷᠣᠨ ᠤᠯᠤᠰ ᠤᠨ 3A ᠲᠠᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠣᠷᠣᠨ ᠪᠣᠯᠬᠤ ᠪᠥᠭᠡᠳ ᠪᠥᠬᠥ ᠤᠯᠤᠰ ᠤᠨ ᠭᠣᠸᠯᠳᠠᠯᠭᠠ ᠲᠠᠶ ᠲᠡᠸᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠶᠯᠡᠰ ᠦᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠃ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠤᠯᠠᠭᠠᠨᠬᠣᠲᠠ ᠶᠢᠨ ᠬᠤᠲᠠ ᠶᠢᠨ ᠬᠣᠶᠢᠲᠤ ᠲᠠᠯᠠ ᠶᠢᠨ ᠪᠠᠶᠢᠷᠢᠯᠠᠵᠤ ᠪᠣᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠰᠦᠮᠡ ᠶᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠤᠷᠠᠯᠢᠭᠴᠢᠨ ᠨᠠᠶᠢᠷ ᠵᠢᠷᠤᠵᠤ ᠲᠥᠯᠥᠪᠯᠡᠨ ᠂ ᠢᠷᠭᠡᠨ ᠤᠯᠤᠰ ᠤᠨ 29 ᠣᠨ︵1940 ᠣᠨ︶ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ ᠂ ᠢᠷᠭᠡᠨ ᠤᠯᠤᠰ ᠤᠨ 33 ᠣᠨ︵1944 ᠣᠨ︶ ᠳᠤ ᠪᠠᠶᠢᠭᠤᠯᠵᠤ ᠳᠠᠭᠤᠰᠬᠠᠵᠠᠢ ᠃ 2004 ᠣᠨ ᠳᠤ ᠴᠡᠴᠡᠷᠯᠢᠭ ᠂ ᠤ ᠣᠶ ᠰᠢᠭᠤᠶ ᠶᠢᠨ ᠴᠡᠴᠡᠷᠯᠢᠭ ᠲᠡᠶ ᠨᠡᠶᠢᠯᠡᠭᠦᠯᠦᠭᠡᠳ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠭᠠᠨ ᠤ ᠣᠷᠳᠣᠨ ᠤ ᠴᠡᠴᠡᠷᠯᠢᠭ ᠪᠣᠯᠭᠠᠵᠠᠢ ᠃ ᠰᠦᠮᠡ ᠨᠢ ᠤᠮᠠᠷᠠ ᠠᠴᠠ ᠡᠮᠦᠨᠡᠰᠢ ᠬᠠᠨᠳᠤᠭᠰᠠᠨ ᠪᠠᠶᠢᠳᠠᠭ ᠃ ᠰᠦᠮᠡ ᠶᠢᠨ ᠲᠠᠯᠠᠪᠠᠶ ᠨᠢ 5.63 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠂ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠶ ᠨᠢ 822 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠪᠣᠢ ᠃ ᠭᠣᠣᠯ ᠳᠤᠭᠠᠩ ᠤᠨ ᠳᠣᠲᠣᠷᠠᠬᠢ ᠳ᠋ᠢᠶᠠᠮᠧᠲ᠋ᠷ ᠨᠢ ᠴᠥᠮ 0.68 ᠮᠧᠲ᠋ᠷ ᠦᠨ 16 ᠤᠯᠠᠭᠠᠨ ᠰᠢᠷ ᠲᠠᠢ ᠭᠡᠷᠡᠯᠲᠦ ᠪᠠᠭᠠᠨᠠ ᠨᠢ ᠰᠦᠮᠡ ᠶᠢᠨ ᠣᠷᠣᠶ ᠶᠢ ᠲᠤᠯᠵᠤ ᠪᠠᠶᠢᠳᠠᠭ ᠃ ᠲᠡᠭ ᠳᠤᠮᠳᠠ ᠶᠢᠨ ᠭᠠᠨᠲᠢᠭ ᠴᠢᠯᠠᠭᠤᠨ ᠲᠠᠪᠴᠠᠩ ᠤᠨ ᠰᠠᠭᠤᠷᠢ ᠳᠡᠭᠡᠷᠡ 2.8 ᠮᠧᠲ᠋ᠷ ᠥᠨᠳᠥᠷ ᠂ 2.6 ᠲᠣᠨ ᠬᠦᠨᠳᠦ ᠴᠢᠩᠭᠢᠰ ᠬᠠᠭᠠᠨ ᠤ ᠪᠥᠬᠥ ᠪᠡᠶᠡ ᠶᠢᠨ ᠭᠠᠸᠯᠢ ᠪᠠᠷ ᠴᠢᠳᠬᠤᠵᠤ ᠠᠯᠲᠠᠳᠠᠭᠰᠠᠨ ᠰᠠᠭᠤᠳᠠᠯᠲᠤ ᠬᠥᠷᠥᠭ ᠨᠢ ᠲᠥᠪ ᠶᠡᠬᠡᠮᠰᠦᠭ ᠰᠦᠷ ᠵᠢᠪᠬᠤᠯᠠᠩᠲᠠᠶ ᠬᠠᠷᠠᠭᠳᠠᠨᠠ ᠃ ᠰᠦᠮᠡ ᠶᠢᠨ ᠳᠥᠷᠪᠡᠨ ᠲᠠᠯᠠ ᠪᠠᠷ 2.8 ᠮᠧᠲ᠋ᠷ ᠥᠨᠳᠥᠷ ᠂ 1000 ᠭᠠᠷᠤᠶ ᠮᠧᠲ᠋ᠷ ᠣᠷᠳᠣ ᠴᠠᠶᠢᠪᠤᠷ ᠣᠷᠣᠶ ᠲᠠᠶ ᠴᠠᠭᠠᠨ ᠬᠡᠷᠡᠮ ᠲᠡᠶ ᠃ ᠡᠮᠦᠨᠡ ᠬᠡᠷᠡᠮ ᠦᠨ ᠲᠡᠭ ᠳᠤᠮᠳᠠ ᠨᠢ 10.8 ᠮᠧᠲ᠋ᠷ ᠥᠨᠳᠥᠷ ᠬᠥᠬᠡ ᠰᠢᠯ ᠸᠠᠭᠠᠷ ᠤᠨ ᠣᠷᠣᠶ ᠲᠠᠶ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠲᠠᠶ ᠃ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠠᠴᠠ ᠰᠦᠮᠡ ᠬᠦᠷᠲᠡᠯᠡ 10 ᠮᠧᠲ᠋ᠷ ᠥᠷᠭᠡᠨ ᠂ 180 ᠮᠧᠲ᠋ᠷ ᠣᠷᠳᠣ᠂ 9 ᠬᠡᠰᠡᠭ᠂ ᠬᠡᠰᠡᠭ ᠪᠦᠷᠢ ᠳᠡᠬᠡᠨ 9 ᠳᠡᠭᠳᠡᠷ ᠲᠠᠢ ᠪᠣᠷᠵᠢᠨ ᠴᠢᠯᠠᠭᠤᠨ ᠱᠠᠲᠤ ᠲᠠᠢ ᠃ ᠰᠦᠮᠡ ᠶᠢᠨ ᠳᠤᠭᠠᠩ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠲᠠᠯᠠ ᠳᠤ ᠦᠵᠡᠭᠦᠯᠭᠡ ᠶᠢᠨ ᠲᠢᠩᠬᠢᠮ ᠪᠠᠶᠢᠭᠤᠯᠵᠤ ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠨᠢᠭᠡ ᠨᠠᠰᠤᠨ ᠤ ᠠᠸᠭᠠ ᠦᠶᠯᠡᠰ ᠦᠨ ᠮᠠᠲ᠋ᠧᠷᠢᠶᠠᠯ ᠂ ᠬᠡᠰᠡᠭ ᠲᠡᠸᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠶᠯᠡᠰ ᠵᠢᠴᠢ ᠰᠦᠮᠡ ᠶᠢᠨ 60 ᠵᠢᠯ ᠦᠨ ᠮᠠᠲ᠋ᠧᠷᠢᠶᠠᠯ ᠢ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠂ ᠨᠠᠮ ᠂ ᠤᠯᠤᠰ ᠪᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠤᠳᠤᠷᠢᠳᠤᠯᠭᠠ ᠵᠢᠴᠢ ᠡᠯᠡ ᠡᠲᠡᠭᠡᠳ ᠦᠨ ᠨᠠᠷᠠᠲᠤ ᠬᠥᠮᠦᠰ ᠰᠦᠮᠡ ᠳᠦ ᠬᠦᠷᠴᠦ ᠪᠠᠶᠢᠴᠠᠭᠠᠨ ᠦᠵᠡᠵᠦ ᠂ ᠲᠣᠭᠣᠷᠢᠨ ᠦᠵᠡᠭᠰᠡᠨ ᠬᠡᠷᠡᠯ ᠵᠢᠷᠤᠭ ᠂ ᠪᠢᠴᠢᠭᠡᠰᠦ ᠶᠢ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠳᠠᠭ ᠃
