ᠯᠠᠮᠠ ᠶᠢᠨ ᠠᠭᠤᠶ ᠶᠢᠨ ᠵᠣᠣ   ᠎ᠨᠢ《ᠪᠦᠬᠦᠨ᠎ ᠨᠣᠮᠣᠬᠠᠳᠬᠠᠭᠴᠢ 》ᠭᠡᠳᠡᠭ    ᠬᠥᠬᠡᠬᠣᠲᠠ ᠶᠢᠨ ᠲᠦᠮᠡᠳ ᠵᠡᠭᠦᠨ ᠬᠣᠰᠢᠭᠤᠨ ᠤ ᠪᠢᠴᠢᠭᠡᠴᠢ ᠡᠴᠡ ᠬᠣᠶᠢᠰᠢ 8 ᠺᠢᠯᠣᠮᠧᠲ᠋ᠷ ᠦᠨ ᠵᠠᠢ ᠳ᠋ᠡᠬᠢ ᠳᠠᠯᠠᠨ ᠬᠠᠷ᠎ᠠ ᠠᠭᠤᠯᠠᠨ  ᠳᠤ ᠪᠠᠶᠢᠷᠢᠯᠠᠵᠤ ᠪᠣᠢ᠃ ᠯᠠᠮᠠ ᠶᠢᠨ ᠠᠭᠤᠶ ᠶᠢ ᠪᠠᠰᠠ 《ᠮᠥᠩᠭᠥᠨ ᠠᠭᠤᠶ》ᠭᠡᠳᠡᠭ ᠂ ᠤᠤᠯ ᠨᠢ ᠨᠢᠭᠡᠨ ᠡᠩ ᠦᠨ ᠪᠠᠶᠢᠭᠠᠯᠢ ᠶᠢᠨ ᠠᠭᠤᠶ ᠪᠠᠶᠢᠵᠠᠶ ᠂ ᠬᠣᠵᠢᠮ ᠨᠢ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠯᠠᠮᠠ ᠬᠤᠸᠠᠷᠠᠭ ᠦᠷᠭᠦᠯᠵᠢ ᠠᠭᠤᠶ ᠳᠣᠲᠣᠷ᠎ᠠ ᠪᠢᠰᠢᠯᠭᠠᠯ ᠬᠢᠵᠦ ᠰᠠᠭᠤᠭᠰᠠᠨ ᠠᠴᠠ ᠪᠣᠯᠵᠤ ᠬᠥᠮᠦᠰ ᠲᠡᠭᠦᠨ ᠢ《ᠯᠠᠮᠠ ᠶᠢᠨ ᠠᠭᠤᠶ》ᠭᠡᠵᠡᠭᠡᠳᠡᠭ᠃ ᠰᠡᠭᠦᠯᠡᠷ ᠨᠢ ᠠᠭᠤᠶ ᠶᠢᠨ ᠡᠮᠦᠨ᠎ᠡ ᠪᠠᠷᠢᠭᠰᠠᠨ ᠰᠦᠮ᠎ᠡ ᠶᠢ《ᠯᠠᠮᠠ ᠶᠢᠨ ᠠᠭᠤᠶ ᠶᠢᠨ ᠵᠣᠣ》ᠭᠡᠳᠡᠭ᠃ ᠡᠨᠳᠡ ᠥᠩᠭᠡᠷᠡᠭᠰᠡᠨ ᠳᠦ ᠮᠣᠩᠭᠣᠯ ᠣᠷᠣᠨ ᠤ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠡᠭᠦᠰᠦᠭᠰᠡᠨ ᠭᠠᠵᠠᠷ ᠪᠠᠶᠢᠵᠤ ᠂ ᠣᠳᠣ ᠪᠣᠯᠲᠠᠯ᠎ᠠ ᠨᠢᠭᠡᠨᠲᠡ 400 ᠭᠠᠷᠤᠶ ᠵᠢᠯ ᠦᠨ ᠲᠡᠦᠬᠡ ᠲᠡᠶ ᠪᠣᠯᠵᠠᠶ᠃

ᠮᠢᠩ ᠤᠯᠤᠰ ᠤᠨ ᠯᠦᠩ ᠴᠢᠩ ᠦᠨ ᠦᠶ᠎ᠡ ᠳᠦ᠂ ᠬᠠᠮᠤᠭ ᠡᠷᠲᠡ ᠮᠣᠩᠭᠣᠯ ᠣᠷᠣᠨ ᠳᠤ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠢ ᠪᠢᠰᠢᠯᠭᠠᠵᠤ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠣᠭᠳᠠ ᠴᠠᠭᠠᠨ︵ᠪᠣᠭᠳᠠ᠂ ᠬᠠᠮᠤᠭ  ᠤᠨ ᠥᠨᠳᠥᠷ ᠲᠡᠰ ᠦᠨ ᠭᠡᠭᠡᠨ ᠦ ᠨᠢᠭᠡ ᠨᠢ︶ᠯᠠᠮᠠ᠂ ᠯᠠᠮᠠ ᠶᠢᠨ ᠠᠭᠤᠢ ᠳᠤ ᠪᠢᠰᠢᠯᠭᠠᠵᠤ᠂ ᠮᠢᠩ ᠤᠯᠤᠰ ᠤᠨ ᠸᠠᠨ ᠯᠢ ᠶᠢᠨ ᠡᠬᠢᠨ ᠦ ᠵᠢᠯ ᠲᠡᠷᠡ ᠮᠥᠩᠭᠥᠨ ᠠᠭᠤᠢ ᠶᠢᠨ ᠡᠮᠦᠨ᠎ᠡ ᠨᠢᠭᠡᠨ ᠵᠢᠵᠢᠭ ᠰᠦᠮ᠎ᠡ ᠪᠠᠶᠢᠭᠤᠯᠵᠤ ᠂ ᠯᠠᠮᠠ ᠶᠢᠨ ᠱᠠᠰᠢᠨ ᠢ ᠭᠠᠳᠠᠭᠰᠢ ᠤᠯᠠᠮᠵᠢᠯᠠᠵᠠᠢ᠃ ᠡᠨᠡ ᠵᠢᠵᠢᠭ ᠰᠦᠮ᠎ᠡ ᠪᠣᠯ ᠳᠠᠷᠤᠶ ᠬᠠᠮᠤᠭ ᠠᠩᠬᠠᠨ ᠤ ᠯᠠᠮᠠ ᠶᠢᠨ ᠠᠭᠤᠶ ᠶᠢᠨ ᠵᠤᠤ ᠪᠣᠯᠤᠨ᠎ᠠ᠃  ᠤᠯᠤᠰ ᠤᠨ    ᠶᠢᠨ ᠦᠶ᠎ᠡ  ᠳᠦ ᠂ ᠪᠣᠭᠳᠠ ᠴᠠᠭᠠᠨ ᠯᠠᠮᠠ ᠶᠢᠨ ᠠᠭᠤᠶ ᠳᠤ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠦᠭᠰᠡᠨ ᠳᠦ ᠂ ᠲᠡᠭᠦᠨ ᠦ ᠭᠤᠷᠪᠠᠨ ᠱᠠᠪᠢ ᠨᠢ ᠪᠠᠰᠠ ᠡᠨᠳᠡ ᠪᠠᠭ᠎ᠠ ᠰᠦᠮ᠎ᠡ ᠶᠢ ᠳᠠᠬᠢᠨ ᠪᠠᠶᠢᠭᠤᠯᠵᠤ ᠂ ᠡᠮᠦᠨᠡᠰᠢ ᠰᠢᠨ᠎ᠡ ᠰᠦᠮ᠎ᠡ ᠪᠡᠨ ᠥᠷᠭᠡᠳᠬᠡᠨ ᠪᠠᠶᠢᠭᠤᠯᠵᠠᠶ᠃ ᠰᠡᠭᠦᠯᠡᠷ ᠨᠢ ᠦᠶ᠎ᠡ ᠤᠯᠠᠷᠢᠨ ᠳᠠᠬᠢᠨ ᠵᠠᠰᠠᠵᠤ ᠥᠷᠭᠡᠳᠬᠡᠨ ᠪᠠᠶᠢᠭᠤᠯᠤᠭᠠᠳ ᠠᠭᠠᠵᠢᠮ ᠢᠶᠠᠷ ᠣᠯᠠᠨ ᠠᠷᠪᠢᠨ ᠳᠤᠭᠠᠩ ᠲᠠᠶ ᠂ ᠬᠡᠪᠴᠢᠶ᠎ᠡ ᠪᠡᠷ ᠨᠡᠯᠢᠶᠡᠳ ᠶᠡᠬᠡ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠰᠦᠮ᠎ᠡ ᠬᠡᠶᠢᠳ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠴᠢᠩ ᠤᠯᠤᠰ ᠤᠨ ᠭᠣᠣᠽᠦ᠋ᠩ ᠬᠠᠭᠠᠨ ᠲᠩᠷᠢ ᠲᠡᠳᠬᠦᠭᠴᠢ ᠶᠢᠨ ᠳᠥᠴᠢᠨ ᠨᠠᠢᠮᠠᠳᠤᠭᠠᠷ ᠣᠨ︵1783 ᠣᠨ︶ ᠳᠤ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠵᠢᠩᠬᠢᠨᠢ ᠪᠡᠷ《ᠪᠦᠬᠦᠨ  ᠨᠣᠮᠣᠬᠠᠳᠬᠠᠭᠴᠢ 》ᠭᠡᠵᠦ ᠨᠡᠷᠡᠯᠡᠵᠡᠶ᠃

ᠯᠠᠮᠠ ᠶᠢᠨ ᠠᠭᠤᠶ ᠶᠢᠨ ᠵᠣᠣ ᠶᠢᠨ ᠨᠢᠭᠡᠳᠦᠭᠡᠷ ᠳᠦᠷᠢ ᠶᠢᠨ ᠭᠡᠭᠡᠨ ᠪᠣᠭᠳᠠ ᠴᠠᠭᠠᠨ ᠪᠣᠯ ᠲᠥᠪᠡᠳ ᠡᠴᠡ ᠢᠷᠡᠭᠰᠡᠨ ᠬᠤᠲᠤᠭᠲᠤ ᠶᠤᠮ᠃ ᠲᠡᠷᠡᠪᠡᠷ ᠬᠥᠬᠡᠬᠣᠲᠠ ᠶᠢᠨ ᠣᠯᠠᠨ ᠭᠠᠵᠠᠷ ᠢᠶᠠᠷ ᠠᠶᠠᠯᠠᠵᠤ ᠂ ᠬᠠᠮᠤᠭ ᠡᠴᠦᠰ ᠲᠦ ᠯᠠᠮᠠ ᠶᠢᠨ ᠠᠭᠤᠢ ᠶᠢ ᠰᠣᠩᠭᠣ‍ᠵᠠᠢ᠃ ᠯᠠᠮᠠ ᠶᠢᠨ ᠠᠭᠤᠢ ᠶᠢᠨ ᠵᠤᠤ ᠶᠢᠨ ᠣᠷᠴᠢᠨ ᠲᠣᠭᠣᠷᠢᠨ ᠠᠴᠠ ᠦᠵᠡᠬᠦ ᠳᠦ ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠦ ᠪᠣᠭᠳᠠ ᠬᠢᠭᠡᠳ ᠱᠠᠪᠢ ᠨᠠᠷ ᠨᠢ ᠡᠨᠳᠡ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠵᠦ ᠂ ᠰᠦᠮ᠎ᠡ ᠬᠡᠶᠢᠳ ᠪᠠᠶᠢᠭᠤᠯᠤᠭᠰᠠᠨ ᠨᠢ ᠦᠨᠡᠬᠡᠷ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠶ᠃ ᠡᠨᠳᠡᠬᠢ ᠠᠭᠤᠯᠠ ᠤᠰᠤ ᠦᠵᠡᠰᠬᠦᠯᠡᠩ ᠰᠠᠶᠢᠬᠠᠨ ᠂ ᠠᠭᠤᠷ ᠠᠮᠢᠰᠬᠤᠯ ᠲᠠᠭᠠᠯᠠᠮᠵᠢᠲᠠᠶ ᠂ ᠵᠢᠭᠤᠯᠴᠢᠳ ᠵᠢᠷᠤᠭ ᠰᠢᠭ᠋ ᠦᠵᠡᠮᠵᠢ ᠳᠦ ᠰᠣᠭᠲᠣᠭᠤᠷᠠᠭᠠᠳ ᠪᠤᠴᠠᠬᠤ ᠪᠠᠨ ᠮᠠᠷᠲᠠᠳᠠᠭ᠃