ᠵᠤᠬᠢᠶᠠᠭᠴᠢ:
ᠴᠠᠭ:2022-12-23
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ︽ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ︾ ᠰᠡᠳᠬᠦᠯ
ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠶᠢ ᠵᠦᠪ ᠬᠡᠷᠡᠭᠯᠡᠬᠦ ᠵᠦᠭᠯᠡᠬᠦᠷ
ᠰᠠᠪᠬᠠ ᠪᠤᠯ ᠤᠯᠠᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠤ《ᠵᠠᠮᠴᠢ》ᠪᠤᠯᠤᠨᠠ᠃ ᠰᠠᠪᠬᠠ ᠪᠠᠷ ᠨᠤᠭᠤᠭᠠ ᠰᠠᠪᠬᠠᠯᠠᠵᠤ ᠢᠳᠡᠬᠦ ᠦᠶᠠᠰ᠂ ᠰᠢᠯᠦᠰᠦ᠂ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠨᠢ ᠰᠠᠪᠬᠠ ᠶᠢ ᠲᠠᠭᠠᠵᠤ ᠨᠤᠭᠤᠭᠠ ᠳᠤ ᠤᠷᠤᠵᠤ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢᠨ《ᠵᠠᠮᠴᠢᠯᠠᠬᠴᠢ》ᠪᠤᠯᠳᠠᠭ᠃
ᠰᠢᠨᠠ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ ᠠᠴᠠ ᠭᠠᠳᠠᠨᠠ᠂ ᠲᠤᠤᠷᠡᠬᠢ ᠬᠡᠳᠦᠨ ᠵᠦᠢᠯ ᠤᠨ ᠰᠢᠩᠬᠡᠬᠡᠯᠳᠡ ᠶᠢᠨ ᠵᠠᠮ ᠢᠶᠠᠷ ᠲᠠᠮᠵᠢᠨ ᠲᠠᠷᠬᠠᠬᠤ ᠡᠪᠡᠳᠴᠢᠨ ᠴᠤ ᠨᠢᠬᠡ ᠴᠠᠭ ᠤᠨ ᠬᠤᠭᠤᠯᠠᠨ ᠳᠤ ᠰᠠᠪᠬᠠ ᠵᠡᠷᠭᠡ ᠬᠤᠭᠤᠯᠠᠨ ᠤ ᠬᠡᠷᠡᠭᠰᠡᠯ ᠢ ᠬᠤᠳᠬᠤᠯᠳᠤᠭᠤᠯᠤᠨ ᠬᠡᠷᠡᠭᠯᠡᠭᠰᠡᠨ ᠠᠴᠠ ᠪᠤᠯᠵᠤ ᠲᠠᠷᠬᠠᠵᠤ ᠮᠡᠳᠡᠨᠠ᠃
ᠡᠯᠢᠬᠡᠨ ᠤ A ᠦᠷᠪᠢᠰᠦᠯ ᠪᠠ ᠡᠯᠢᠬᠡᠨ ᠤ E ᠦᠷᠪᠢᠰᠦᠯ ᠨᠢ ᠭᠤᠤᠯᠳᠠᠭᠤ ᠰᠢᠩᠬᠡᠬᠡᠯᠳᠡ ᠶᠢᠨ ᠵᠠᠮ ᠢᠶᠠᠷ ᠲᠠᠮᠵᠢᠨ ᠲᠠᠷᠬᠠᠳᠠᠭ᠂ ᠲᠠᠷᠤᠢ ᠪᠠᠭᠠᠰᠤ ᠢᠯᠭᠠᠳᠠᠰᠤ ᠪᠠ ᠠᠮᠠ ᠪᠠᠷ ᠲᠠᠮᠵᠢᠨ ᠲᠠᠷᠬᠠᠳᠠᠭ ᠪᠦᠬᠡᠳ ᠸᠢᠷᠦ᠋ᠰ ᠨᠢ ᠠᠭᠠᠷ ᠢᠶᠠᠷ ᠠᠮᠠᠷᠬᠠᠨ ᠲᠠᠷᠬᠠᠳᠠᠭ᠂ ᠬᠡᠷᠪᠡ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠡᠨᠡ ᠬᠤᠶᠠᠷ ᠵᠦᠢᠯ ᠤᠨ ᠡᠯᠢᠬᠡᠨ ᠡᠪᠡᠳᠴᠢᠳᠠᠨ ᠲᠠᠢ ᠬᠠᠮᠳᠤ ᠴᠤᠮᠤ᠂ ᠠᠶᠠᠭᠠ ᠰᠠᠪᠬᠠ ᠬᠡᠷᠡᠭᠯᠡᠪᠡᠯ᠂ ᠸᠢᠷᠦ᠋ᠰ ᠨᠢ ᠰᠢᠯᠦᠰᠦ ᠵᠡᠷᠭᠡ ᠪᠠᠷ ᠲᠠᠮᠵᠢᠨ ᠲᠠᠷᠬᠠᠵᠤ ᠮᠠᠳᠠᠨᠠ᠃
ᠭᠠᠷ ᠬᠦᠯ ᠠᠮᠠᠨ ᠤ ᠡᠪᠡᠳᠴᠢᠨ ᠪᠤᠯ ᠬᠡᠳᠡᠰᠦᠨ ᠤ ᠸᠢᠷᠦ᠋ᠰ ᠠᠴᠠ ᠪᠤᠯᠤᠬᠰᠠᠨ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨ ᠪᠤᠯᠤᠨᠠ᠂ ᠬᠠᠯᠠᠭᠤᠷᠠᠬᠤ᠂ ᠠᠮᠠᠨ ᠬᠦᠨᠳᠠᠢ ᠶᠢᠨ ᠰᠢᠷᠬᠠᠯᠠᠭᠠ ᠪᠠ ᠴᠦᠪᠦ᠋ᠷᠢᠬᠦᠳᠦ ᠡᠰᠡᠷᠬᠡᠨᠠ ᠪᠠᠷ ᠤᠨᠴᠠᠯᠢᠭ ᠪᠤᠯᠭᠠᠳᠠᠭ᠂ ᠬᠠᠯᠳᠠᠪᠤᠷᠢᠯᠠᠬᠤ ᠵᠠᠮ ᠨᠢ ᠭᠤᠤᠯᠳᠠᠭᠤ ᠬᠠᠯᠳᠠᠪᠤᠷᠢᠯᠠᠬᠴᠢ ᠶᠢᠨ ᠬᠠᠮᠠᠷ᠂ ᠬᠤᠭᠤᠯᠠᠢ ᠶᠢᠨ ᠰᠢᠯᠦᠰᠦ ᠪᠤᠶᠤ ᠪᠠᠭᠠᠰᠤ ᠵᠡᠷᠭᠡ ᠪᠤᠯᠤᠨᠠ᠃
6 ᠨᠠᠰᠤᠨ ᠠᠴᠠ ᠲᠤᠷᠤᠬᠰᠢᠬᠢ ᠬᠡᠦᠬᠡᠳ 《ᠹᠢᠽᠢᠥᠯᠥᠬᠢ ᠶᠢᠨ ᠴᠢᠨᠠᠷᠳᠠᠢ ᠦᠯᠦ ᠬᠠᠯᠳᠠᠭᠠᠯᠳᠠ ᠶᠢᠨ ᠴᠢᠳᠠᠪᠤᠷᠢ ᠲᠤᠤᠷᠠ ᠪᠠᠶᠢᠳᠠᠯ》 ᠳᠤ ᠤᠷᠤᠰᠢᠵᠤ ᠪᠠᠶᠢᠬᠤ ᠪᠤᠯᠬᠤᠷ ᠠᠶᠠᠭᠠ ᠰᠠᠪᠬᠠ ᠶᠢ ᠬᠠᠮᠳᠤ ᠬᠡᠷᠡᠭᠯᠡᠪᠡᠯ ᠠᠮᠠᠷᠬᠠᠨ ᠸᠢᠷᠦ᠋ᠰ ᠤᠨ ᠰᠤᠯᠪᠢᠴᠠᠯ ᠬᠠᠯᠳᠠᠪᠤᠷᠢᠯᠠᠯ ᠡᠬᠦᠰᠦᠨᠠ᠃ ᠬᠡᠷ ᠲᠡᠭᠡᠨ ᠪᠠ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠢᠳᠡᠬᠡᠨ ᠤᠮᠳᠠᠭᠠᠨ ᠪᠠ ᠬᠤᠪᠢ ᠬᠦᠮᠦᠨ ᠤ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠢ ᠠᠩᠬᠠᠷᠴᠤ᠂ ᠲᠤᠰᠬᠠᠢ ᠠᠶᠠᠭᠠ ᠰᠠᠪᠬᠠ ᠬᠡᠷᠡᠭᠯᠡᠵᠤ᠂ ᠬᠡᠦᠬᠡᠳ ᠤᠨ ᠬᠤᠭᠤᠷᠤᠨᠳᠤ ᠬᠠᠷᠢᠯᠴᠠᠨ ᠬᠠᠯᠳᠠᠪᠤᠷᠢᠯᠠᠬᠤ ᠠᠴᠠ ᠰᠡᠷᠬᠡᠶᠢᠯᠡᠨᠠ᠃
ᠬᠤᠳᠤᠭᠤᠳᠤᠨ ᠮᠤᠬᠤᠷ ᠤᠨ ᠡᠷᠬᠢᠬᠦᠯᠬᠡᠨ ᠰᠠᠪᠬᠠᠨᠴᠢᠷ ᠪᠠᠺᠲ᠋ᠧᠷᠢ ᠪᠤᠯ ᠤᠯᠠᠨ ᠵᠦᠢᠯ ᠤᠨ ᠬᠤᠳᠤᠭᠤᠳᠤᠨ ᠡᠪᠡᠳᠴᠢᠨ ᠤ ᠬᠡᠷᠡᠭ ᠤᠨ ᠲᠦᠷᠦᠬᠦᠦ ᠪᠤᠯᠤᠨᠠ᠂ ᠲᠡᠯᠡᠬᠡᠢ ᠶᠢᠨ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠳᠤ ᠬᠠᠷᠢᠶᠠᠯᠠᠬᠳᠠᠬᠤ ᠤᠯᠠᠨ ᠤᠯᠤᠰ ᠤᠨ ᠦᠮᠠᠨ ᠡᠪᠡᠳᠴᠢᠨ ᠤ ᠰᠤᠳᠤᠯᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠨᠢ ᠲᠡᠬᠦᠨ ᠢ ᠨᠢᠬᠡᠨᠳᠡ ᠬᠤᠳᠤᠭᠤᠳᠤᠨ ᠦᠮᠠᠨ ᠢ ᠡᠬᠦᠰᠬᠡᠬᠦ ᠨᠢᠬᠡᠳᠦᠬᠡᠷ ᠲᠦᠷᠦᠯ ᠤᠨ ᠦᠮᠠᠨ ᠡᠬᠦᠰᠬᠡᠬᠦ ᠪᠠᠺᠲ᠋ᠧᠷᠢ ᠪᠤᠯᠭᠠᠨ ᠨᠠᠶᠢᠳᠠᠯᠡᠭᠰᠡᠨ ᠪᠠᠶᠢᠨᠠ᠃
ᠬᠤᠳᠤᠭᠤᠳᠤᠨ ᠮᠤᠬᠤᠷ ᠤᠨ ᠡᠷᠬᠢᠬᠦᠯᠬᠡᠨ ᠰᠠᠪᠬᠠᠨᠴᠢᠷ ᠪᠠᠺᠲ᠋ᠧᠷᠢ ᠶᠢᠨ ᠬᠠᠯᠳᠠᠪᠤᠷᠢᠯᠠᠯ ᠨᠢ ᠬᠡᠷ ᠪᠦᠯᠢ ᠶᠢᠨ ᠴᠤᠭᠯᠠᠷᠠᠯ ᠤᠨ ᠴᠢᠨᠠᠷᠳᠠᠢ ᠤᠨᠴᠠᠯᠢᠭ ᠲᠠᠢ᠃ ᠬᠠᠯᠳᠠᠪᠤᠷᠢᠯᠠᠬᠴᠢ ᠶᠢᠨ ᠰᠢᠳᠦᠨ ᠤ ᠪᠠᠺᠲ᠋ᠧᠷᠢ ᠶᠢᠨ ᠲᠤᠯᠪᠤᠷ ᠪᠠ ᠰᠢᠯᠦᠰᠦᠨ ᠳᠤ ᠬᠤᠳᠤᠭᠤᠳᠤᠨ ᠮᠤᠬᠤᠷ ᠤᠨ ᠡᠷᠬᠢᠬᠦᠯᠬᠡᠨ ᠰᠠᠪᠬᠠᠨᠴᠢᠷ ᠪᠠᠺᠲ᠋ᠧᠷᠢ ᠠᠭᠤᠯᠵᠤ ᠪᠠᠶᠢᠳᠠᠭ᠂ ᠠᠰ ᠠᠰ ᠢᠶᠠᠷ ᠢᠶᠠᠨ ᠬᠣᠭᠤᠯᠠᠯᠠᠬᠤ ᠦᠬᠡᠢ ᠪᠠᠶᠢᠳᠠᠯ ᠤᠨ ᠲᠤᠤᠷᠠ ᠰᠠᠪᠬᠠ ᠨᠢ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢᠨ ᠬᠠᠯᠳᠠᠪᠤᠷᠢᠯᠠᠯ ᠤᠨ ᠵᠠᠭᠤᠴᠢ ᠪᠤᠯᠵᠤ ᠮᠠᠳᠠᠨᠠ᠃
ᠬᠢᠵᠢᠭ ᠢ ᠡᠰᠡᠷᠬᠦᠴᠡᠬᠦ ᠳᠤ ᠠᠶᠢᠯ ᠪᠤᠯᠭᠠᠨ ᠤ ᠬᠡᠷ ᠤᠨ ᠬᠤᠭᠤᠯᠠᠨ ᠰᠢᠷᠡᠭᠡ ᠠᠴᠠ ᠡᠬᠢᠯᠡᠨ ᠸᠢᠷᠦ᠋ᠰ ᠢ ᠠᠮᠠᠨ ᠤ ᠭᠠᠳᠠᠨᠠ ᠪᠦᠳᠦᠮᠵᠢᠳᠡᠢ ᠬᠠᠰᠢᠶᠠ᠃
ᠬᠡᠷ ᠲᠡᠭᠡᠨ ᠬᠤᠭᠤᠯᠠ ᠢᠳᠡᠬᠦ ᠦᠶᠠᠰ
ᠨᠢᠬᠡ᠂ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠬᠦᠮᠦᠨ ᠪᠦᠷᠢ ᠦᠪᠡᠷ ᠤᠨ ᠠᠶᠠᠭᠠ᠂ ᠰᠠᠪᠬᠠ ᠪᠠ ᠬᠠᠯᠪᠠᠭᠠ ᠪᠠᠷ ᠬᠤᠭᠤᠯᠠ ᠢᠳᠡᠵᠤ᠂ ᠢᠳᠡᠬᠡᠨ ᠰᠠᠪᠠᠯᠠᠵᠤ ᠪᠠᠶᠢᠭᠠ ᠰᠠᠪᠠᠨ ᠳᠤ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠲᠠᠯᠪᠢᠵᠤ᠂ ᠬᠦᠮᠦᠨ ᠪᠦᠷᠢ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠪᠠᠷ ᠢᠳᠡᠬᠡᠨ ᠠᠪᠤᠨᠠ᠃
ᠬᠤᠶᠠᠷ᠂ ᠲᠤᠬᠳᠠᠬᠰᠠᠨ ᠬᠤᠭᠤᠯᠠᠨ ᠤ ᠬᠡᠷᠡᠭᠰᠡᠯ
ᠬᠡᠷ ᠪᠦᠯᠢ ᠶᠢᠨ ᠪᠦᠷᠢᠯᠳᠦᠬᠦᠨ ᠨᠢᠬᠡᠪᠦᠷᠢ ᠳᠤ ᠦᠪᠡᠷ ᠦᠪᠡᠷ ᠤᠨ ᠠᠶᠠᠭᠠ᠂ ᠰᠠᠪᠬᠠ᠂ ᠬᠠᠯᠪᠠᠭᠠ᠂ ᠴᠤᠮᠤ ᠲᠠᠢ ᠪᠠᠶᠢᠯᠭᠠᠵᠤ᠂ ᠭᠠᠳᠠᠷ ᠬᠡᠯᠪᠡᠷᠢ ᠪᠤᠶᠤ ᠦᠩᠬᠡ ᠪᠠᠷ ᠨᠢ ᠠᠮᠠᠷᠬᠠᠨ ᠢᠯᠭᠠᠵᠤ ᠴᠢᠳᠠᠬᠤ ᠶᠢ ᠬᠤᠳᠠᠯᠳᠤᠵᠤ ᠠᠪᠤᠨᠠ᠃
ᠭᠤᠷᠪᠠ᠂ ᠬᠤᠭᠤᠯᠠ ᠬᠤᠪᠢᠶᠠᠬᠤ
ᠬᠢᠭᠰᠡᠨ ᠬᠤᠭᠤᠯᠠ ᠪᠤᠳᠠᠭᠠ ᠪᠠᠨ ᠰᠢᠭᠤᠳ ᠬᠡᠷ ᠤᠨ ᠪᠦᠷᠢᠯᠳᠦᠬᠦᠨ ᠤ ᠫᠢᠯᠠ᠂ ᠠᠶᠠᠭᠠᠨ ᠳᠤ ᠬᠤᠪᠢᠶᠠᠵᠤ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠰᠢᠷᠡᠭᠡ ᠪᠠᠨ ᠲᠤᠭᠤᠷᠢᠨ ᠰᠠᠭᠤᠵᠤ ᠬᠠᠮᠳᠤ ᠳᠠᠭᠠᠨ ᠢᠳᠡᠪᠡᠯ ᠪᠤᠯᠴᠢᠬᠠᠨᠠ᠃
ᠲᠦᠷᠪᠡ᠂ ᠬᠡᠦᠬᠡᠳ ᠲᠤ ᠬᠣᠭᠤᠯᠠ ᠢᠳᠡᠬᠦᠯᠬᠦ
ᠬᠡᠦᠬᠡᠳ ᠢ ᠡᠷᠳᠡᠬᠡᠨ ᠪᠠᠶᠠ ᠪᠠᠨ ᠲᠠᠭᠠᠭᠠᠵᠤ ᠬᠤᠭᠤᠯᠠ ᠢᠳᠡᠬᠦ ᠶᠢ ᠵᠤᠷᠢᠬᠵᠢᠭᠤᠯᠤᠨᠠ᠃ ᠬᠤᠭᠤᠯᠠ ᠢᠳᠡᠵᠤ ᠲᠠᠶᠢᠯᠬᠦ ᠦᠬᠡᠢ ᠨᠢᠯᠬᠠ ᠬᠡᠦᠬᠡᠳ ᠲᠤ ᠪᠤᠯ ᠬᠡᠷ ᠤᠨ ᠠᠬᠠᠮᠠᠳ ᠪᠤᠶᠤ ᠠᠰᠠᠷᠠᠬᠴᠢ ᠨᠢ ᠵᠠᠪᠠᠯ ᠵᠤᠬᠢᠰᠳᠠᠢ ᠠᠷᠭᠠ ᠬᠡᠯᠪᠡᠷᠢ ᠪᠠᠷ ᠬᠡᠦᠬᠡᠳ ᠤᠨ ᠢᠳᠡᠬᠡᠨ ᠤ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠠ ᠶᠢ ᠡᠵᠡᠮᠰᠢᠨ᠂ ᠬᠡᠦᠬᠡᠳ ᠤᠨ ᠢᠳᠡᠬᠡᠨ ᠤᠮᠳᠠᠭᠠᠨ ᠢ ᠨᠢ ᠲᠤᠷᠰᠢᠵᠤ ᠦᠵᠡᠬᠦ᠂ ᠬᠡᠦᠬᠡᠳ ᠢ ᠬᠠᠪᠰᠤᠷᠤᠨ ᠢᠳᠡᠬᠡᠨ ᠵᠠᠵᠢᠯᠠᠬᠤ᠂ ᠠᠮᠠᠨ ᠠᠴᠠ ᠪᠠᠨ ᠰᠢᠭᠤᠳ ᠬᠡᠦᠬᠡᠳᠢᠳᠡᠬᠦᠯᠬᠦ᠂ ᠬᠡᠦᠬᠡᠳ ᠲᠠᠢ ᠬᠠᠮᠳᠤ ᠬᠤᠭᠤᠯᠠᠨ ᠤ ᠰᠡᠪᠡ ᠬᠡᠷᠡᠭᠰᠡᠯ ᠬᠡᠷᠡᠭᠯᠡᠬᠦ ᠵᠡᠷᠭᠡ ᠶᠢ ᠴᠢᠩᠭᠠ ᠴᠠᠭᠠᠵᠠᠯᠠᠨᠠ᠃
ᠭᠠᠳᠠᠨᠠ ᠭᠠᠷᠴᠤ ᠬᠤᠭᠤᠯᠠ ᠢᠳᠡᠬᠦ ᠦᠶᠠᠰ
ᠨᠢᠬᠡ᠂ ᠦᠪᠡᠷ ᠤᠨ ᠰᠠᠪᠬᠠ ᠪᠤᠯᠤᠨ ᠬᠠᠯᠪᠠᠭᠠ ᠪᠠᠨ ᠠᠪᠴᠤ ᠶᠠᠪᠤᠵᠤ᠂ ᠬᠤᠭᠤᠯᠠᠨ ᠬᠡᠷ ᠤᠨ ᠬᠤᠭᠤᠯᠠᠨ ᠤ ᠬᠡᠷᠡᠭᠰᠡᠯ ᠢ ᠨᠠᠶᠢᠳᠠ ᠪᠠᠷ ᠢᠶᠠᠨ ᠬᠡᠷᠡᠭᠯᠡᠬᠦ ᠰᠠᠪᠬᠠ ᠪᠤᠯᠤᠨ ᠬᠠᠯᠪᠠᠭᠠ ᠪᠤᠯᠭᠠᠨᠠ᠃
ᠬᠤᠶᠠᠷ᠂ ᠬᠤᠭᠤᠯᠠᠨ ᠬᠡᠷ ᠤᠨ ᠬᠤᠭᠤᠯᠠᠨ ᠤ ᠰᠡᠪᠡ ᠬᠡᠷᠡᠭᠰᠡᠯ ᠢ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠨᠤᠭᠤᠭᠠ ᠶᠢᠨ ᠫᠢᠯᠠ᠂ ᠫᠧᠩᠰᠠ᠂ ᠲᠤᠭᠤᠭᠠ ᠵᠡᠷᠭᠡ ᠢᠳᠡᠬᠡᠨ ᠰᠠᠪᠠᠯᠠᠬᠤ ᠰᠡᠪᠡ ᠲᠡᠬᠡᠷᠠ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠲᠠᠯᠪᠢᠬᠤ ᠶᠢ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠱᠠᠭᠠᠷᠳᠠᠨᠠ᠃
ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠶᠢ ᠵᠦᠪ ᠬᠡᠷᠡᠭᠯᠡᠬᠦ ᠳᠤ ᠲᠤᠤᠷᠡᠬᠢ 6 ᠲᠠᠯᠠ ᠶᠢ ᠠᠩᠬᠠᠷᠤᠨᠠ᠄
ᠨᠢᠬᠡ᠂ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠶᠢ ᠬᠡᠷᠡᠭᠯᠡᠭᠰᠡᠨ ᠤ ᠲᠠᠷᠠᠭᠠ ᠤᠭ ᠤᠷᠤᠨ ᠳᠤᠨᠢ ᠲᠠᠯᠪᠢᠨᠠ ᠃
ᠬᠤᠶᠠᠷ᠂ ᠨᠤᠭᠤᠭᠠ ᠰᠠᠪᠬᠠᠯᠠᠬᠤ ᠳᠠᠭᠠᠨ ᠵᠤᠬᠢᠬᠤ ᠬᠡᠮᠵᠢᠶᠠ ᠪᠠᠷ ᠠᠪᠴᠤ᠂ ᠢᠳᠡᠵᠦ ᠪᠠᠷᠠᠭᠠᠳᠤᠢ ᠨᠤᠭᠤᠭᠠ ᠪᠠᠨ ᠫᠢᠯᠠ ᠳᠤ ᠪᠤᠴᠠᠭᠠᠨ ᠬᠢᠵᠦ ᠪᠤᠯᠬᠤ ᠦᠬᠡᠢ᠃
ᠭᠤᠷᠪᠠ᠂ ᠪᠠᠶᠠ ᠶᠢᠨ ᠢᠶᠡᠨ ᠣᠢᠷᠠ ᠪᠠᠢᠭᠠ ᠫᠢᠯᠠ ᠲᠠᠢ ᠨᠤᠭᠤᠭᠠ ᠠᠴᠠ ᠶᠢ ᠰᠠᠪᠬᠠᠯᠠᠵᠤ᠂ ᠪᠤᠰᠤᠳ ᠨᠤᠭᠤᠭᠠ ᠶᠢ ᠲᠤᠷᠠ ᠪᠠᠷ ᠢᠶᠠᠨ ᠤᠷᠪᠠᠭᠤᠯᠬᠤ ᠦᠬᠡᠢ ᠪᠠᠢᠬᠤ᠃
ᠲᠦᠷᠪᠡ᠂ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠶᠢ ᠨᠤᠭᠤᠭᠠ ᠪᠤᠶᠤ ᠪᠤᠳᠠᠭᠠᠨ ᠳᠤ ᠳᠦᠷᠦᠵᠦ ᠤᠷᠤᠭᠤᠯᠬᠤ ᠦᠬᠡᠢ ᠪᠠᠢᠬᠤ᠃
ᠲᠠᠪᠤ᠂ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠪᠠᠷ ᠱᠦᠯᠦ ᠠᠶᠠᠭᠠᠯᠠᠬᠤ ᠳᠤ ᠪᠢᠯᠬᠠᠷᠠᠲᠠᠯᠠ ᠠᠶᠠᠭᠠᠯᠠᠵᠤ ᠠᠰᠬᠠᠬᠤ ᠠᠴᠠ ᠰᠡᠷᠬᠡᠶᠢᠯᠡᠨᠠ᠃
ᠵᠢᠷᠭᠤᠭᠠ᠂ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠦᠯᠡᠳᠡᠭᠰᠡᠨ ᠢᠳᠡᠬᠡᠨ ᠢ ᠴᠤᠬᠯᠠᠭᠤᠯᠬᠤ ᠳᠤ ᠨᠠᠶᠢᠳᠠ ᠶᠢᠨ ᠬᠠᠯᠪᠠᠭᠠ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠶᠢ ᠬᠡᠷᠡᠭᠯᠡᠨᠠ᠃
ᠬᠤᠭᠤᠯᠠᠨ ᠰᠢᠷᠡᠭᠡ ᠪᠤᠯᠭᠠᠨ ᠳᠤ ᠢᠯᠡᠬᠦᠦ ᠨᠢᠬᠡ ᠬᠤᠤᠰ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠲᠠᠯᠪᠢᠨᠠ︔ ᠤᠯᠠᠨ ᠨᠠᠶᠢᠳᠠ ᠶᠢᠨ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠲᠠᠯᠠᠪᠤᠷ ᠲᠤ ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠨᠠᠶᠢᠳᠠ ᠶᠢᠨ ᠰᠠᠪᠬᠠ ᠠᠪᠤᠨᠠ᠃ ᠪᠢᠳᠠ ᠤᠬᠠᠮᠰᠠᠷ ᠠᠴᠠ ᠪᠠᠨ ᠬᠦᠳᠡᠯᠦᠯᠴᠠᠵᠤ᠂ ᠢᠳᠡᠵᠦ ᠤᠤᠭᠤᠬᠤ ᠳᠠᠬᠢ ᠡᠷᠡᠬᠦᠯ ᠮᠠᠨᠳᠤ ᠪᠠᠨ ᠬᠠᠮᠳᠤ ᠪᠠᠷ ᠰᠠᠬᠢᠨ ᠬᠠᠮᠠᠭᠠᠯᠠᠶᠠ᠃
