ᠵᠤᠬᠢᠶᠠᠭᠴᠢ:
ᠴᠠᠭ:2025-05-30
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ
ᠬᠦᠵᠦᠭᠦᠨ ᠦᠶᠠ ᠶᠢᠨ ᠡᠪᠡᠷᠰᠢᠶᠡᠯ ᠢ ᠵᠠᠰᠠᠬᠤ 3 ᠵᠦᠢᠯ ᠤᠨ ᠪᠤᠷᠤᠭᠤ ᠠᠷᠭᠠ
ᠬᠦᠵᠦᠭᠦᠨ ᠦᠶᠠ ᠡᠪᠡᠷᠰᠢᠶᠡᠨ ᠡᠪᠡᠳᠬᠦ ᠨᠢ ᠤᠳᠤ ᠶᠢᠨ ᠬᠦᠮᠦᠰ ᠲᠤ ᠪᠠᠶᠢᠩᠭᠤ ᠳᠤᠬᠢᠶᠠᠯᠳᠤᠬᠤ ᠪᠠᠶᠢᠳᠠᠯ ᠪᠤᠯᠵᠠᠢ᠃ ᠬᠦᠵᠦᠭᠦᠨ ᠦᠶᠠ ᠡᠪᠡᠷᠰᠢᠶᠡᠨ ᠡᠪᠡᠳᠬᠦ ᠨᠢ ᠪᠤᠯᠴᠢᠩ ᠤᠨ ᠭᠡᠮᠳᠦᠯ᠂ ᠭᠠᠳᠠᠷ ᠰᠢᠷᠬᠠ᠂ ᠰᠦᠷᠢᠶᠠ᠂ ᠪᠡᠳᠡᠬᠢ ᠶᠢᠨ ᠨᠦᠯᠦᠭᠡ᠂ ᠬᠦᠵᠦᠭᠦᠨ ᠶᠠᠰᠤᠨ ᠤ ᠵᠠᠪᠰᠠᠷ ᠤᠨ ᠬᠠᠪᠳᠠᠰᠤ ᠭᠦᠳᠦ᠋ᠢᠬᠦ ᠵᠡᠷᠭᠡ ᠤᠯᠠᠨ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠳᠠᠭ ᠲᠤᠯᠠ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠶᠢᠨ ᠶᠠᠰᠤᠨ ᠤ ᠰᠠᠯᠠᠭᠠ᠂ ᠨᠢᠷᠤᠭᠤᠨ ᠤ ᠭᠠᠳᠠᠷ ᠰᠠᠯᠠᠭᠠ ᠪᠤᠶᠤ ᠡᠷᠡᠭᠦᠯᠵᠢᠯ ᠤᠨ ᠰᠠᠯᠠᠭᠠ ᠶᠢᠨ ᠡᠮᠴᠢ ᠪᠠᠷ ᠦᠵᠡᠭᠦᠯᠵᠦ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠵᠢᠯᠤᠭᠤᠳᠤᠯᠭᠠ ᠲᠠᠢ ᠪᠠᠷ ᠡᠷᠡᠭᠦᠯᠵᠢᠭᠦᠯᠦᠨ ᠵᠠᠰᠠᠬᠤ ᠬᠡᠷᠡᠭᠳᠠᠢ ᠭᠡᠵᠦ ᠡᠮᠴᠢ ᠨᠠᠷ ᠠᠴᠠ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ᠃
ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠢᠲᠠᠳ ᠡᠮᠨᠡᠯᠭᠡ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠭᠤᠸᠠᠩ ᠠᠨ ᠮᠧᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠶᠢᠨ ᠢᠯᠢᠵᠦ ᠨᠤᠬᠤᠯᠠᠬᠤ ᠰᠠᠯᠠᠭᠠ ᠶᠢᠨ ᠡᠷᠬᠢᠯᠡᠭᠴᠢ ᠡᠮᠴᠢ ᠸᠠᠩ ᠯᠢ ᠵᠢᠶᠦ᠋ᠨ ᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ ᠤᠳᠤᠬᠠᠨ ᠳᠤ ᠬᠦᠵᠦᠭᠦᠨ ᠦᠶᠠ ᠶᠢᠨ ᠡᠪᠡᠷᠰᠢᠶᠡᠯ ᠢ ᠵᠠᠰᠠᠬᠤ ᠲᠠᠯᠠ ᠪᠠᠷ 3 ᠵᠦᠢᠯ ᠤᠨ ᠪᠤᠷᠤᠭᠤ ᠠᠷᠭᠠ ᠳᠡᠯᠭᠡᠷᠡᠵᠦ ᠪᠤᠢ᠃
ᠨᠢᠭᠡ ᠨᠢ᠂ ᠦᠪᠡᠷ ᠢᠶᠠᠨ ᠦᠵᠡᠵᠦ ᠢᠷᠡᠭᠡᠳ ᠬᠦᠵᠦᠬᠦᠤ ᠪᠠᠨ ᠳᠠᠳᠠᠬᠤ᠃ ᠵᠢᠱᠢᠶᠡᠯᠡᠪᠡᠯ᠂ ᠰᠦᠯᠵᠢᠶᠠ ᠪᠠᠷ ᠳᠡᠯᠡᠭᠦ ᠵᠠᠰᠠᠯ ᠤᠨ ᠲᠦᠬᠦᠭᠡᠷᠦᠮᠵᠢ ᠬᠤᠳᠠᠯᠳᠤᠨ ᠠᠪᠴᠤ ᠬᠦᠵᠦᠭᠦᠦ ᠪᠠᠨ ᠳᠠᠳᠠᠨᠠ᠃ ᠢᠩᠬᠢᠬᠦ ᠨᠢ ᠵᠠᠷᠢᠮ ᠳᠠᠭᠠᠨ ᠡᠪᠡᠷᠰᠢᠶᠡᠯ ᠢ ᠨᠠᠮᠳᠠᠭᠠᠬᠤ ᠦᠢᠯᠡᠳᠦᠯ ᠲᠠᠢ ᠮᠡᠳᠦ ᠪᠤᠯᠪᠠᠴᠤ ᠴᠢᠨᠠᠭᠰᠢᠳᠠ ᠶᠢᠨ ᠭᠡᠮᠳᠦᠯ ᠪᠤᠯᠵᠤ ᠮᠡᠳᠡᠨᠠ᠃
ᠬᠤᠶᠠᠷ ᠨᠢ᠂ ᠭᠠᠷ ᠤᠳᠠᠰᠤ ᠪᠠᠨ ᠦᠯᠶᠢᠵᠤ ᠬᠠᠷᠠᠬᠤ᠃ ᠬᠡᠷᠡᠭ ᠳᠡᠭᠡᠷᠠ ᠪᠠᠨ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠭᠠᠷ ᠤᠳᠠᠰᠤ ᠪᠠᠨ ᠦᠯᠶᠢᠵᠤ ᠬᠠᠷᠠᠬᠤ ᠨᠢ ᠪᠦᠬᠦ᠋ᠢᠵᠦ ᠬᠠᠷᠠᠬᠤ ᠲᠠᠢ ᠠᠳᠠᠯᠢᠬᠠᠨ ᠢᠶᠠᠷ ᠬᠦᠵᠦᠭᠦᠨ ᠦᠶᠠ ᠳᠤ ᠮᠠᠭᠤ ᠶᠤᠮ᠃
ᠭᠤᠷᠪᠠ ᠨᠢ᠂ ᠬᠦᠵᠦᠭᠦᠦ ᠪᠠᠨ ᠺᠡᠷ ᠺᠡᠷ ᠭᠡᠳᠡᠯᠠ ᠮᠤᠰᠬᠢᠬᠤ᠃ ᠬᠦᠵᠦᠭᠦᠦ ᠪᠠᠨ ᠶᠡᠭᠡ ᠪᠠᠷ ᠮᠤᠰᠬᠢᠪᠡᠯ ᠬᠦᠵᠦᠭᠦᠨ ᠦᠶᠠ ᠪᠠᠷ ᠺᠠᠷ ᠺᠠᠷ ᠭᠡᠬᠦ ᠳᠠᠭᠤ ᠭᠠᠷᠤᠨᠠ᠃ ᠬᠡᠷᠡᠭ ᠳᠡᠭᠡᠷᠠ ᠪᠠᠨ ᠡᠨᠡ ᠨᠢ ᠬᠦᠵᠦᠭᠦᠨ ᠦᠶᠠ ᠶᠢᠨ ᠭᠤᠯᠭᠤᠮᠠᠳᠠᠭᠠᠢ ᠴᠢᠨᠠᠷ ᠠᠨᠠᠢ ᠪᠤᠯᠵᠤ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠮᠦᠨ᠃ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠳᠠᠬᠢᠨ ᠳᠠᠪᠳᠠᠨ ᠬᠦᠵᠦᠭᠦᠦ ᠪᠠᠨ ᠺᠡᠷ ᠺᠠᠷ ᠭᠡᠳᠡᠯᠠ ᠮᠤᠰᠬᠢᠪᠠᠯ ᠬᠦᠵᠦᠭᠦᠨ ᠦᠶᠠ ᠰᠢᠯᠵᠢᠵᠦ᠂ ᠬᠦᠵᠦᠭᠦᠨ ᠦᠶᠠ ᠶᠢᠨ ᠡᠪᠡᠳᠴᠢᠨ ᠪᠤᠯᠵᠤ ᠮᠡᠳᠡᠨᠠ᠃
