ᠵᠤᠬᠢᠶᠠᠭᠴᠢ:
ᠴᠠᠭ:2025-11-14
ᠥᠵᠡᠭᠰᠡᠨ : ℃
ᠢᠷᠡᠯᠲᠡ: ᠠᠯᠠᠱᠠ ᠠᠶᠢᠮᠠᠭ ᠤᠨ ᠵᠠᠬᠢᠷᠭᠠ
ᠬᠠᠷᠰᠢ ᠢᠳᠡᠭᠡᠨ ᠡᠴᠡ
ᠪᠢᠳᠡ ᠢᠳᠡᠵᠤ ᠤᠤᠭᠤᠬᠤ᠂ ᠡᠮᠦᠰᠴᠦ ᠵᠡᠬᠦᠬᠦ ᠡᠴᠡ ᠡᠬᠢᠯᠡᠨ ᠶᠠᠪᠤᠵᠤ ᠰᠠᠭᠤᠬᠤ᠂ ᠨᠠᠭᠠᠳᠴᠤ ᠲᠤᠬᠯᠠᠬᠤ᠂ ᠲᠠᠪᠳᠠᠵᠤ ᠰᠤᠷᠤᠯᠴᠠᠬᠤ ᠳᠤ ᠪᠠᠨ ᠬᠦᠷᠲᠡᠯᠡ 《ᠠᠮᠤᠷ ᠲᠦᠪᠰᠢᠨ》 ᠵᠢᠡᠨ ᠤᠨᠴᠠᠭᠠᠶᠢᠯᠠᠨ ᠠᠨᠭᠬᠠᠷᠬᠤ ᠬᠡᠷᠡᠭᠲᠡᠢ᠃
ᠪᠢᠳᠡᠨ ᠤ ᠦᠷᠬᠦᠯᠵᠢ ᠢᠳᠡᠳᠡᠭ ᠢᠳᠡᠰᠢᠨ ᠨᠤᠭᠤᠭᠠ ᠪᠤᠶᠤ ᠬᠤᠭᠤᠯᠠ ᠤᠮᠳᠠ ᠵᠢ ᠬᠡᠷᠪᠡ ᠵᠤᠬᠢᠰ ᠦᠭᠡᠢ ᠢᠳᠡᠪᠡᠯ ᠬᠤᠭᠤᠷᠤᠨᠳᠤ ᠪᠠᠨ ᠬᠠᠷᠰᠢᠯᠳᠤᠬᠤ ᠦᠵᠡᠭᠳᠡᠯ ᠭᠠᠷᠴᠤ ᠡᠷᠡᠬᠦᠯ ᠮᠡᠨᠲᠤ ᠵᠢ ᠨᠦᠯᠦᠭᠡᠯᠡᠵᠦ ᠮᠡᠳᠡᠨᠡ᠃ ᠡᠬᠦᠨ ᠳᠤ ᠰᠢᠩᠭᠡᠭᠡᠯᠲᠡ ᠮᠠᠭᠤᠳᠠᠬᠤ᠂ ᠰᠠᠭᠤᠯᠭᠠᠬᠤ ᠵᠡᠷᠭᠡ ᠦᠯᠦ ᠵᠣᠬᠢᠴᠠᠯᠳᠤᠬᠤ ᠪᠠᠶᠢᠳᠠᠯ ᠢᠯᠡᠷᠡᠵᠦ᠂ ᠪᠡᠶᠡ ᠮᠠᠬᠠᠪᠤᠳ ᠲᠤ ᠡᠪᠡᠷᠰᠢᠶᠡᠯ ᠠᠪᠴᠢᠷᠠᠵᠤ ᠮᠡᠳᠡᠨᠡ᠃ ᠳᠤᠤᠷᠠ ᠪᠢᠳᠡ ᠦᠷᠬᠦᠯᠵᠢ ᠢᠳᠡᠳᠡᠭ ᠢᠳᠡᠰᠢᠨ ᠨᠤᠭᠤᠭᠠ ᠪᠤᠶᠤ ᠬᠤᠭᠤᠯᠠᠨ ᠤ ᠲᠦᠷᠦᠯ ᠤᠨ ᠬᠠᠷᠰᠢᠯᠳᠤᠬᠤ ᠪᠠᠶᠢᠳᠠᠯ ᠡᠴᠡ ᠤᠶᠢᠯᠠᠭᠠᠶᠠ᠃
ᠬᠠᠰᠢ ᠪᠣᠯᠤᠨ ᠳᠠᠯᠠᠢ ᠶ᠋ᠢᠨ ᠢᠳᠡᠭᠡᠨ᠄ ᠬᠠᠰᠢ ᠪᠣᠯᠤᠨ ᠳᠠᠯᠠᠢ ᠶ᠋ᠢᠨ ᠢᠳᠡᠭᠡᠨ ᠢ ᠬᠠᠮᠲᠤ ᠢᠳᠡᠪᠡᠯ ᠪᠡᠶᠡ ᠡᠪ ᠦᠭᠡᠶᠢᠷᠡᠬᠦ ᠪᠣᠯᠤᠯᠴᠠᠭᠠ ᠲᠠᠢ᠂ ᠲᠤᠷᠰᠢᠯᠲᠠ ᠡᠴᠡ ᠮᠡᠳᠡᠭᠰᠡᠨ ᠨᠢ ᠪᠠᠷᠤᠭ 85% ᠵᠢᠨ ᠬᠦᠮᠦᠰ ᠬᠠᠰᠢ ᠪᠣᠯᠤᠨ ᠳᠠᠯᠠᠢ ᠶ᠋ᠢᠨ ᠢᠳᠡᠭᠡᠨ ᠢ ᠬᠠᠮᠳᠤ ᠢᠳᠡᠭᠰᠡᠨ ᠤ ᠳᠠᠷᠠᠭᠠ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡᠨ ᠦ᠌ ᠰᠢᠩᠭᠡᠭᠡᠯᠲᠡ ᠮᠠᠭᠤᠳᠠᠬᠤ ᠪᠠᠶᠢᠳᠠᠯ ᠪᠠᠶᠢᠨᠠ᠃
ᠬᠠᠰᠢ ᠪᠣᠯᠤᠨ ᠳ᠋ᠧᠦᠹᠦ᠋᠄ ᠬᠠᠰᠢ ᠪᠤᠯᠤᠨ ᠳ᠋ᠧᠦᠹᠦ᠋ ᠵᠢ ᠬᠠᠮᠲᠤ ᠢᠳᠡᠪᠡᠯ ᠪᠡᠶᠡ ᠵᠢᠨ ᠤᠭᠤᠷᠠᠭ ᠰᠢᠩᠭᠡᠭᠡᠬᠦ ᠵᠢ ᠬᠠᠷᠰᠢᠯᠠᠨᠠ᠃
ᠲᠦᠪᠡᠳ ᠬᠠᠰᠢ ᠪᠣᠯᠤᠨ ᠥᠷᠭᠡᠰᠦᠲᠦ ᠬᠡᠮᠬᠡ᠄ ᠲᠦᠪᠡᠳ ᠬᠠᠰᠢ ᠸᠢᠲ᠋ᠠᠮᠢᠨ C ᠡᠯᠪᠡᠭ ᠠᠭᠤᠯᠳᠠᠭ᠂ ᠬᠠᠷᠢᠨ ᠥᠷᠭᠡᠰᠦᠲᠦ ᠬᠡᠮᠬᠡ ᠳᠤ ᠠᠭᠤᠯᠤᠭᠳᠠᠳᠠᠭ ᠵᠠᠳᠠᠷᠠᠬᠤ ᠢᠰᠭᠡᠭᠦᠷ ᠨᠢ ᠸᠢᠲ᠋ᠠᠮᠢᠨ C ᠢ ᠡᠪᠳᠡᠬᠦ ᠦᠢᠯᠡᠳᠦᠯ ᠲᠠᠢ᠂ ᠡᠶᠢᠮᠦ ᠡᠴᠡ ᠲᠦᠪᠡᠳ ᠬᠠᠰᠢ ᠪᠣᠯᠤᠨ ᠥᠷᠭᠡᠰᠦᠲᠦ ᠬᠡᠮᠬᠡ ᠵᠢ ᠬᠠᠮᠲᠤ ᠢᠳᠡᠪᠡᠯ ᠸᠢᠲ᠋ᠠᠮᠢᠨ C ᠢ ᠰᠢᠩᠭᠡᠭᠡᠬᠦ ᠳᠦ ᠠᠰᠢᠭ ᠦᠭᠡᠢ᠃
ᠥᠷᠭᠡᠰᠦᠲᠦ ᠬᠡᠮᠬᠡ ᠪᠠ ᠯᠣᠬᠠᠱᠧᠩ᠄ ᠥᠷᠭᠡᠰᠦᠲᠦ ᠬᠡᠮᠬᠡ ᠨᠢ ᠬᠦᠢᠲᠡᠨ ᠴᠢᠨᠠᠷ ᠲᠠᠢ ᠢᠳᠡᠭᠡᠨ ᠳᠤ ᠬᠠᠷᠢᠶᠠᠯᠠᠭᠳᠠᠳᠠᠭ᠂ ᠬᠠᠷᠢᠨ ᠯᠣᠬᠠᠱᠧᠩ ᠳᠤ ᠦᠭᠡᠬᠦ ᠠᠷᠪᠢᠨ ᠠᠭᠤᠯᠤᠭᠳᠠᠳᠠᠭ᠂ ᠡᠶᠢᠨ ᠬᠦ ᠥᠷᠭᠡᠰᠦᠲᠦ ᠬᠡᠮᠬᠡ ᠪᠠ ᠯᠣᠬᠠᠱᠧᠩ ᠢ ᠬᠠᠮᠳᠤ ᠢᠳᠡᠪᠡᠯ ᠠᠮᠠᠷᠬᠠᠨ ᠰᠠᠭᠤᠯᠭᠠᠨᠠ᠃
ᠥᠷᠭᠡᠰᠦᠲᠦ ᠨᠣᠭᠣᠭᠠ ᠪᠣᠯᠤᠨ ᠳ᠋ᠧᠦᠹᠦ᠋᠄ ᠥᠷᠭᠡᠰᠦᠲᠦ ᠨᠣᠭᠣᠭᠠ ᠳ᠋ᠠᠬᠢ ᠡᠪᠡᠰᠦᠨ ᠬᠦᠴᠢᠯ ᠨᠢ ᠳ᠋ᠧᠦᠹᠦ᠋ ᠳ᠋ᠡᠬᠢ ᠺᠠᠯᠼ ᠲᠠᠢ ᠨᠡᠶᠢᠯᠡᠪᠡᠯ ᠠᠭᠤᠰᠬᠤ ᠳᠤ ᠪᠡᠷᠬᠡ ᠡᠪᠡᠰᠦᠨ ᠬᠦᠴᠢᠯ ᠦᠨ ᠺᠠᠯᠼ ᠪᠣᠯᠵᠤ᠂ ᠬᠦᠮᠦᠨ ᠦ ᠪᠡᠶᠡ ᠢᠢᠨ ᠺᠠᠯᠼ ᠰᠢᠩᠭᠡᠭᠡᠬᠦ ᠢᠢ ᠨᠥᠯᠦᠭᠡᠯᠡᠨᠡ᠂ ᠡᠶᠢᠮᠦ ᠡᠴᠡ ᠡᠨᠡ ᠬᠤᠶᠠᠷ ᠢᠳᠡᠭᠡᠨ ᠢ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠬᠠᠮᠳᠤ ᠢᠳᠡᠪᠡᠯ ᠴᠢᠯᠠᠭᠤᠵᠢᠯ ᠡᠭᠦᠰᠬᠦ ᠠᠶᠤᠯ ᠲᠠᠢ᠃
ᠭᠠᠬᠠᠢ ᠢᠢᠨ ᠡᠯᠢᠭᠡ ᠪᠣᠯᠤᠨ ᠲᠥᠪᠡᠳ ᠬᠠᠰᠢ᠂ ᠯᠠᠵᠤᠤ᠄ ᠭᠠᠬᠠᠢ ᠢᠢᠨ ᠡᠯᠢᠭᠡᠨ ᠳᠤ ᠠᠭᠤᠯᠤᠬᠳᠠᠬᠤ ᠵᠡᠰ᠂ ᠲᠡᠮᠦᠷ ᠡᠯᠸᠮᠸᠨ᠋ᠲ ᠨᠢ ᠲᠦᠪᠡᠳ ᠬᠠᠰᠢ ᠪᠤᠯᠤᠨ ᠯᠠᠵᠤᠤ ᠳᠤ ᠠᠭᠤᠯᠤᠬᠳᠠᠬᠤ ᠸᠢᠲ᠋ᠠᠮᠢᠨ C ᠢ ᠡᠪᠳᠡᠳᠡᠭ᠃
ᠲᠡᠭᠡᠷᠡᠬᠢ ᠬᠠᠷᠰᠢ ᠢᠳᠡᠭᠡᠨ ᠢ ᠬᠠᠮᠳᠤ ᠢᠳᠡᠪᠡᠯ ᠰᠢᠮᠡ ᠲᠡᠵᠢᠭᠡᠯ ᠰᠢᠩᠭᠡᠭᠡᠨ ᠠᠪᠬᠤ ᠳᠤ ᠠᠰᠢᠭ ᠦᠭᠡᠢ ᠪᠤᠶᠤ ᠡᠷᠡᠬᠦᠯ ᠮᠡᠨᠲᠤ ᠵᠢ ᠨᠦᠯᠦᠭᠡᠯᠡᠬᠦ ᠤᠴᠢᠷ ᠡᠴᠡ ᠬᠠᠮᠲᠤ ᠢᠳᠡᠬᠦ ᠡᠴᠡ ᠵᠠᠶᠢᠯᠠᠰᠭᠢᠶᠡ᠃
